Khan Zaman Amarkhail Page

20/05/2026

د ایران او امریکا ترمنځ کړکېچ، غوښتنې او غبرګونونه

د ایران او امریکا اړیکې له سخت سیاسي او امنیتي کړکېچ سره مخ دي. دواړه لوري سخت شرطونه وړاندې کوي او لا هم د نرمښت نښې کمې دي.

د ایران غوښتنې:

* د هر ډول برید پر ضد نړیوال ضمانت چې بیا پوځي اقدام ونه شي
* په سیمه کې، په ځانګړي ډول لبنان سره اوربند
* د هرمز تنګي د تګ راتګ پر مهال د اقتصادي ګټې او د تنظیم ځانګړی میکانیزم
* د ټولو نړیوالو بندیزونو لرې کول
* د شاوخوا ۶۰ تر ۱۰۰ میلیارده ډالرو پورې کنګل شوې شتمني چې د امریکا او متحدینو له خوا (په ځانګړي ډول په سویلي کوریا، جاپان او اروپا کې) بنده شوې، آزادول

د امریکا غوښتنې:

* د ایران د اټمي پروګرام د لوړ کچې غني کولو بندول
* له هغو ډلو سره د اړیکو پرې کول چې امریکا یې ترهګرې ګڼي
* د هرمز تنګي بې قید او شرطه د نړیوالو کښتیو لپاره خلاص ساتل
* په سیمه کې د ایران د پوځي او سیاسي نفوذ محدودول

پوښتنه دا ده چې څوک به لومړی نرمښت وښيي؟

په اوسني حالت کې دواړه لوري سخت دریځ لري. بشپړ توافق په لنډ مهال کې ستونزمن ښکاري، خو محدود او لنډمهاله تفاهمونه ممکن دي. دا یو اوږدمهاله او ډېر پېچلی کړکېچ دی.

12/05/2026

د امریکا ولسمشر د ایران وړاندیزونه "کثافات" وبلل. پدې سره ددوی ترمنځ د سولې هیلې پیکه شوي دي.

25/04/2026

16/04/2026

ایران ګواښ کوي چې که د امریکا سمندري محاصره دوام ومومي، نو په سره سمندر، خلیج او د عمان په سمندر کې به سوداګري بنده کړي.😇

12/04/2026

دا خو ټولو ته معلومه ده چې پاکستان او نور ګاونډیان په افغانستان کې د امریکایانو له حضور څخه ناخوښه ووځکه چې ددوی په تاوان وو. دوی تل په دې تمه وو چې افغانان به امریکایان له خپلې خاورې وباسي، او هر چا په خپل ډول له افغانانو سره مرسته هم کوله، په شمول د پاکستان.
خو د پاکستان سیاست تل دوه مخې و. له یوې خوا یې له روسیې، چین او ایران سره همغږي کوله ترڅو امریکایان له افغانستانه وباسي، او له بلې خوا یې هڅه کوله چې له امریکا سره خپلې اړیکې وساتي، حتی تر دې چې د طالبانو پر ضد همکاري ورسره وکړي.
امریکا له دې دوه مخي سیاست ښه خبره وه، خو په سیمه کې یې بل داسې ستراتیژیک بدیل نه درلود، نو اړ وه چې اړیکې بیخي خرابې نه کړي.
په سیاست کې وخت ناوخت فرصتونه رامنځته کېږي، خو ګټه ترې هغه څوک اخلي چې فرصتونو ته په تمه او هوښیار وي. امریکا له خپل پخواني ملګري پاکستان څخه د افغانستان په موضوع کې ناراضه وه، خو پاکستان وکولی شول یو مهم رول ولوبوي او حتی د امریکا او ایران ترمنځ د تماس زمینه برابره کړي.
ایران هم په پاکستان بشپړ باور نه درلود، خو بیا هم پاکستان وتوانېد چې د راتلونکو احتمالي اړیکو لپاره ځان ته دروازه پرانیزي.
(افغانان خپل هېواد جوړولو لپاره څه کولی شي، هر نظام او ګوند چې په افغانستان د واکمنۍ خیال لري او دا هېواد خپل ګڼي باید ولس سره دوستي وکړي)

05/04/2026

د امریکا د متحده ایالتونو د پرېکړې پر بنیاد نور خلک نشي کولی د سټلایټ له لارې ایران سره د جګړې حقیقي تصویرونو ته لاسرسی پیدا کړي.
یواځې مشخص خلک چې متحده ایالتونو ورته اجازه ورکوي دغې تصویرونو ته لاسرسی پیدا کولی شي.

03/04/2026

د ګاونډي لپاره افغانستان سره د جګړې پایلې:
- لومړی خو پاکستان د امنیت په برخه کې د دوو سترو ننګونو سره لاس او ګرېوان دی. په کور دننه له جګړه مارو سره جګړه او په بهر کې له افغانستان سره جګړه ورته د بودیجې په برابرولو کې له کمښت او د پرسونل د ستړیا لامل کیږي.
- دوهمه بده پایله ورته د اقتصاد په برخه کې ده. د پاکستان د صادراتو لپاره منځنی آسیا بهترین بازار دی چې افغانستان سره د ستونزو له کبله دا امکان اوس په ټپه ولاړ دی او د میاشتې شاوخوا ۱۷۷ میلیونه امریکایي ډالر زیان کوي.
- دریم لوی زیان د CPEC په برخه کې دی، د چین- پاکستان اقتصادي دهلیز چې د پاکستان لپاره تر ټولو لویه پانګونه ده، چینایانو د دهلیز د زیربناوو د امنیت په اړه ژوره اندېښنه ښوولې چې دا کار په یاد هېواد کې د بهرنی پانګونی د کمښت لامل کیږي.
افغانستان لپاره هم زیانونه لري او .... کمېنټ کې به پرې وغږیږو