20/05/2026
Աճուրդը վաճառքի մեխանիզմ է, որտեղ ապրանքի կամ գույքի վերջնական գինը որոշվում է ոչ թե նախապես ֆիքսված արժեքով, այլ մարդկանց առաջարկների միջոցով։
Պարզ ասած՝ եթե սովորական վաճառքի դեպքում վաճառողը գրում է կոնկրետ գին և գնորդը կամ գնում է, կամ ոչ, ապա աճուրդի դեպքում միևնույն ապրանքի համար մի քանի մարդ կարող են կատարել առաջարկներ, և վերջում հաղթում է ամենաբարձր առաջարկը ներկայացրած մասնակիցը։
Աճուրդները գոյություն ունեն արդեն հարյուրավոր տարիներ և ամբողջ աշխարհում օգտագործվում են տարբեր ոլորտներում՝ մեքենաների վաճառք, տեխնիկա, պետական գույք, բիզնես ակտիվներ, գրասենյակային կահույք, անշարժ գույք և շատ այլ ուղղություններ։ Այսօր աճուրդների մեծ մասն արդեն իրականացվում է առցանց, ինչը գործընթացը դարձնում է ավելի արագ, թափանցիկ և հասանելի բոլորի համար։
Snappy-ում աճուրդային գործընթացը իրականացվում է ամբողջությամբ առցանց։ Մասնակիցները գրանցվում են հարթակում, անցնում են նույնականացում և կարողանում են մասնակցել աճուրդներին՝ կատարելով իրենց առաջարկները համակարգի միջոցով։
Յուրաքանչյուր լոտ ունի իր էջը, որտեղ ներկայացված են՝
• լուսանկարները
• նկարագրությունը
• տեխնիկական տվյալները
• աճուրդի ժամկետը
• ընթացիկ գինը
• առաջարկների պատմությունը
Այսպիսով, բոլոր մասնակիցները տեսնում են նույն տեղեկատվությունը և գտնվում են հավասար պայմաններում։
Աճուրդը պարզապես «գին բարձրացնել» չէ։ Դա վաճառքի ավելի մրցակցային և թափանցիկ ձևաչափ է, որտեղ գինը որոշվում է շուկայի կողմից։ Հենց դրա համար ամբողջ աշխարհում հազարավոր ընկերություններ և կազմակերպություններ իրենց գույքի վաճառքն իրականացնում են աճուրդային համակարգերով։
Snappy-ի նպատակը Հայաստանում այս մեխանիզմը դարձնել ավելի հասանելի, պարզ և ժամանակակից՝ ստեղծելով միջավայր, որտեղ կազմակերպությունները կարող են վաճառել իրենց գույքը, իսկ մարդիկ՝ մասնակցել աճուրդների բաց և թափանցիկ պայմաններով։
Մանրամասներին կարող եք ծանոթանալ այստեղ՝
https://snappy.am/hy/terms-and-conditions
