01/05/2026
Mendia Resources LLC ընկերության տնօրեն Տիգրան Ավետիսյանի շնորհավորական ուղերձը Աշխատավորի օրվա առիթով
Սիրելի՛ հանքարդյունաբերության ոլորտում գործունեություն իրականացնող գործընկերներ, հարգելի՛ աշխատավորներ,
Ջերմորեն շնորհավորում եմ Աշխատավորի օրվա առթիվ: Մայիսի 1-ը մեզանից յուրաքանչյուրի համար խորհրդանշում է հայ մարդու աշխատանքի հանդեպ ունեցած նվիրումը։ Հայ ժողովրդի մասին «քարից հաց քամող» խոսքը կարելի է տեղայնացնել հենց հանքարդյունաբերության բնագավառում աշխատող մասնագետների վրա: Հանքարդյունաբերողներն ու հանքագործները, բառի բուն իմաստով, քարի ու ժայռի հատման արդյունքով կարողանում են ապահովել իրենց ընտանքիների բարեկեցությունը:
Հարգելի՛ աշխատավորներ,
ձեր աշխատանքը առնչվում է ոչ միայն ֆիզիկական ուժի, այլ նաև մտավոր ու հոգեբանական բարձր պատրաստվածության հետ: Այդ աշխատանքի արդյունքն է, որ նպաստում է Հայաստանի Հանրապետության տնտեսական զարգացմանը: Դուք անգնահատելի աշխատանք եք իրակացնում, և աշխատավորի օրը չէ միայն, որ գնահատում ենք ձեր կատարած աշխատանքը:
Mendia Resources ընկերությունը ամենօրյա ռեժիմով փորձում է նոր գործիքակազմեր կիրառել, որպեսզի ձեր բարեկեցությունը լինի անվտանգ ու գնահատված:
Թո՛ղ բոլոր աշխատավորները լինեն առողջ ու ամուր, իսկ նրանց ընտանիքներում թևածի խաղաղությունն ու ջերմությունը:
Բարին ընդ ձեզ
