Earling Early Speech Intervention Center

02/10/2026

✨ ԼՈԳՈՊԵԴԱԿԱՆ ՎԱՂ ՄԻՋԱՄՏՈՒԹՅԱՆ ԱՐԴՅՈՒՆՔՆԵՐԸ շարքից

🌻 Earling ծնողները դիմեցին երբ երեխան 2,9 տարեկան էր և 3 ամիս իրականացված լոգոպեդական վաղ միջամտությունը տվեց սպասված արդյունքները 🌱

Երբեմն առաջընթացը մեկ բառը չէ։
Առաջընթացը կարող է լինել մի հայացք, մի ժեստ, ձայնային արձագանք, խոսք հասկանալ կամ շփվելու առաջին փորձը։

Նախախոսքային նախադրյալները երեխայի հաղորդակցման զարգացման կարևոր հիմքն են։ Եվ երբ այդ փոքրիկ հմտությունները սկսում են ձևավորվել, մենք արդեն տեսնում ենք մեծ փոփոխությունների սկիզբը ✨

Յուրաքանչյուր փոքր ու մեծ ձեռքբերում կարևոր է։ Յուրաքանչյուր քայլ մեզ մոտեցնում է շատ սպասված վերբալ խոսքին 🗣️
Քեզ նորանոր հաջողություններ, սիրելի՜ փոքրիկ 💛
Մ.գ.թ. լոգոպեդ՝ Քրիստինա Խառատյան Kristina Kharatyan 🤍

29/09/2026

🎥 «Ըրլինգ» լոգոպեդական վաղ միջամտության կենտրոնի(Earling Early Speech Intervention Center) հետ համագործակցության շրջանակներում Երևանի թիվ 3 տարածքային մանկավարժահոգեբանական աջակցության կենտրոնի լոգոպեդները մասնակցեցին «Ժեստային հաղորդակցման զարգացումը որպես նախախոսքային նախադրյալ» խորագիրը կրող վերապատրաստման դասընթացին։

26/09/2026

25/09/2026

Մինչև 2 տարեկան դառնալը երեխայի խոսքն ու հաղորդակցման հմտությունները զարգանում են հսկայական արագությամբ 🚀
Այս շրջանը վճռորոշ է հետագա ճիշտ խոսքի և մտածողության ձևավորման համար։ Թերթե’ք նկարները ➡️ և ստուգե’ք, թե արդյոք Ձեր փոքրիկի զարգացումը համապատասխանո՞ւմ է տարիքային նորմերին։

📌 Հիշե’ք, որ ամեն երեխա անհատական է զարգանում, սակայն հիմնական փուլերից զգալի ուշացումները պահանջում են մասնագիտական ուշադրություն։

✨ Earling լոգոպեդական վաղ միջամտության կենտրոնում մենք իրականացնում ենք խոսքի զարգացման վաղ գնահատում և անհատական միջամտություն:

❓ Քանի՞ բառ է ասում Ձեր փոքրիկը։ Գրե’ք մեկնաբանություններում և մենք կպատասխանենք ի՞նչ անել, իսկ հարցերի դեպքում՝ գրեք մեզ անձնական նամակով 📥

18/09/2026

🗣️ Հնչարտաբերության դժվարությունների (Դիսլալիա) դեպքում՝ մեզ կարող եք դիմել, եթե երեխան ունի՝

• առանձին հնչյունների սխալ արտասանություն
• հնչյունների բացակայություն, փոխարինում կամ բացթողում
• խոսքում հնչյունների աղավաղում
• դժվարություն՝ հնչյունները ճիշտ տարբերակելու և արտասանելու հարցում
• խոսքի ոչ հստակ կամ դժվար հասկանալի արտասանություն
• հնչյունների արտասանության դժվարություններ՝ նույնիսկ տարիքին համապատասխան փուլում

Ժամանակին գնահատումն ու ճիշտ կազմակերպված լոգոպեդական աշխատանքը կարող են օգնել երեխային զարգացնել ավելի հստակ և հասկանալի խոսք։

📩 Եթե նկատում եք նման դժվարություններ, դիմեք Earling կենտրոնին՝ մասնագիտական գնահատման և խորհրդատվության համար։

14/09/2026

🤍 Մեր սեմինարի ամենակարևոր մասը՝ մարդիկ, ովքեր ընտրում են շարունակել սովորել, զարգանալ և իրենց գիտելիքը կիրառել մասնագիտական պրակտիկայում։

Սեպտեմբերի 12-ի «Ժեստային հաղորդակցման զարգացումը որպես նախախոսքային նախադրյալ» սեմինարի մասնակիցները ստացան իրենց վկայականները՝ որպես նոր գիտելիքի, ակտիվ ներգրավվածության և մասնագիտական զարգացման ևս մեկ կարևոր քայլ :

📚 Թող այս սեմինարը դառնա նոր գաղափարների, վստահության և փոքրիկների խոսքային զարգացմանն ուղղված մեծ փոփոխությունների նոր սկիզբ։

🌱 Մինչ նոր հանդիպումներ՝ շարունակելու սովորել և աճել միասին։

📩 Մեր հաջորդ սեմինարների մասին տեղեկանալու համար՝ հետևեք էջին։

12/09/2026

📆 Սեպտեմբերի 12-ին կայացավ մեր հերթական սեմինարը՝ «Ժեստային հաղորդակցման զարգացումը որպես նախախոսքային նախադրյալ» թեմայով։

Սեմինարին մասնակցում էին տարբեր հաստատությունների լոգոպեդներ, հոգեբաններ, մանկավարժներ, ինչպես նաև «Երևանի թիվ 3 ՏՄԱԿ»-ի լոգոպեդները՝ մեր համագործակցության շրջանակներում: Բոլորի միասնական նպատակն էր հասկանալը, թե ինչպես ժեստային հաղորդակցումը կարող է դառնալ խոսքի զարգացման հզոր նախադրյալ։

📌 Քննարկվեց.

🔹 Ժեստը որպես հաղորդակցման առաջին լեզու
🔹 Ժեստերի տարիքային սանդղակ և զարգացման նորմեր
🔹 Կարմիր դրոշներ. երբ ժեստերի հապաղումը մտահոգիչ է
🔹 Ժեստերի հապաղումը որպես ախտորոշիչ ցուցիչ (ԱՍԽ, խոսքի խանգարումներ)
🔹 Ժեստից դեպի վերբալ խոսք անցման մեթոդներ
🔹 Ծնողների ներգրավման ռազմավարություններ

💡 Գլխավոր միտքը. Ժեստերը չեն փոխարինում խոսքին՝ դրանք նախապատրաստում են այն։

🤍 Շնորհակալություն բոլոր մասնակիցներին ակտիվ ներգրավվածության և մասնագիտական քննարկման համար։ Միասին ավելի ուժեղ ենք։

📩 Հարցերի և համագործակցության համար՝ գրեք մեզ։

04/09/2026

ՄԱՍՆԱԳԻՏԱԿԱՆ ՍԵՄԻՆԱՐ

«Ժեստային հաղորդակցման զարգացումը որպես նախախոսքային նախադրյալ»
Սեմինարի ընթացքում՝ Ժեստային հաղորդակցման դերը երեխայի վաղ զարգացման և հաղորդակցման գործընթացում Ժեստերի զարգացման փուլերը՝ որպես նախախոսքային հմտությունների ձևավորման կարևոր բաղադրիչ Ժեստային հաղորդակցման և խոսքի զարգացման փոխկապակցվածությունը՝ գործնական և մեթոդական մոտեցումներով

Սեմինարի բանախոսն է՝ Քրիստինա Արսենի Խառատյանը՝ մանկավարժական գիտությունների թեկնածու (մ.գ.թ./Ph.D), լոգոպեդ։ Ավելի քան 20 տարվա մասնագիտական փորձ, տարիներ շարունակ վերապատրաստումներ է իրականացնում Հայաստանի մարզերում և Երևանում։ Հեղինակ է եռալեզու մասնագիտական գրքի, որը հայերեն լեզվով առաջին ուղեցույցն է՝ նվիրված աուտիզմի սպեկտրի խանգարում ունեցող երեխաների լոգոպեդական աշխատանքին։ Հեղինակ է 20-ից ավելի գիտական հոդվածների՝ տեղական և միջազգային հեղինակավոր պարբերականներում։ Լոնդոնի LEAP’25 միջազգային մրցանակակիր՝ մանկավարժության մեջ նշանակալի ներդրման համար։ Հիմնադրել է «Ըրլինգ» լոգոպեդական վաղ միջամտության կենտրոնը։

📆 12.09.2026թ.
⏰ 10:00-13:00
♻️ Լոգոպեդների, հարակից ոլորտների մասնագետների և ուսանողների համար
📃 Կտրամադրվեն հավաստագրեր
📞 Հարցերի դեպքում՝
093 65 76 33
098 65 76 33

📍 Zover Eco Residence
🌻 EARLING Լոգոպեդական Վաղ Միջամտության Կենտրոն

02/09/2026

Գիտելիքի, համագործակցության և երեխաների համար ավելի լավ հնարավորությունների ստեղծման ևս մեկ կարևոր քայլ՝ միասին։ 🤍
Earling | Early Speech Intervention Center 🤝🏻 ԵՐԵՎԱՆԻ N3 ՏՄԱԿ

01/09/2026

📖 Սեպտեմբերի 1-ը՝ Գիտելիքի և կրթության օրը, խորհրդանշական օր է նոր նախաձեռնությունների, գիտելիքի փոխանակման և համագործակցության համար։

🖋️ Այս կարևոր օրվա շրջանակում «Ըրլինգ» լոգոպեդական վաղ միջամտության կենտրոնի և «Երևանի թիվ 3 տարածքային մանկավարժահոգեբանական աջակցության կենտրոնի» միջև ստորագրվեց համագործակցության հուշագիր՝ նպատակ ունենալով համատեղել մասնագիտական ներուժը, փորձն ու գիտելիքը՝ երեխաների զարգացմանն ու կրթական գործընթացի բարելավմանը նպաստելու համար։

Համագործակցության շրջանակում նախատեսվում է իրականացնել մասնագիտական փորձի փոխանակում, համատեղ նախաձեռնություններ և կրթական ու իրազեկման ծրագրեր՝ աջակցելով երեխաների և նրանց ընտանիքների համար առավել արդյունավետ ու ներառական միջավայրի ձևավորմանը։

Հուշագրի ստորագրման առիթով «Ըրլինգ» լոգոպեդական վաղ միջամտության կենտրոնի հիմնադիր տնօրեն Քրիստինա Խառատյանը «Երևանի թիվ 3 ՏՄԱԿ»-ին նվիրեց նաև իր հեղինակած գրքի ռուսերեն տարբերակը՝ որպես մասնագիտական գիտելիքի և փորձի տարածման ևս մեկ քայլ։

💡 Թող սեպտեմբերի 1-ը դառնա նոր համագործակցությունների, գիտելիքի փոխանակման և երեխաների համար ավելի լավ հնարավորություններ ստեղծելու մեկնարկային կետ։