07/05/2026
๐ก๐จ๐ก๐๐ ๐ฑ๐๐ป๐ฎ ๐๐ป ๐ผ๐๐ฟ๐ผ ๐ฝ๐ฒ๐ฟ๐๐ผ๐ป๐ฎ ๐ฏ๐ผ ๐ป๐ผ๐บ๐ฏ๐ฒ๐ฟ ๐ฑ๐ถ ๐๐๐๐ฎ๐ฟ๐ถ๐ผ (๐๐๐ฒ๐ฟ๐ป๐ฎ๐บ๐ฒ) ๐ป๐ถ ๐ฝ๐ฎ๐๐๐๐ผ๐ฟ๐ฑ!
E portal ๐๐ข ๐ถ๐บ๐ฝ๐๐ฒ๐๐๐ผ, en corto ๐๐ข๐ถ, ta e portal oficial di Departamento di Impuesto, cu nos contribuyentenan ta uzando pa tur nan tramitenan di impuesto. E ta brinda informacion confidencial di un persona of compania y p'esey e tin un nivel di siguridad halto.
๐ฆ๐ฒ๐ด๐๐ฟ๐ถ๐ฑ๐ฎ๐ฑ ๐ป๐ฎ ๐ฝ๐ฟ๐ผ๐บ๐ฒ ๐น๐๐ด๐ฎ
Bo mester registra pa un account di BOi, pa haya bo nomber di usuario (username) y password. Tanto e username y password mester cumpli cu e condicionnan di siguridad (uza letter, number y signo special). Alabes, Bo mester instala e authenticator-app (di Microsoft, Google of otro proveedor) riba bo celular. Cu e authenticator, Bo ta yena un codigo y asina confirma bo identidad ora di log in den bo portal.
Pues, ora Bo log in den bo portal di BOi:
1. yena username y password;
2. yena e codigo di authenticator.
Esaki ta dos diferente control di seguridad (Two-step verification), pa por drenta e portal.
๐๐ฟ๐ถ๐บ๐ฒ๐ป ๐ฐ๐ถ๐ฏ๐ฒ๐ฟ๐ป๐ฒ๐๐ถ๐ฐ๐ผ
Nos a tuma medidanan di seguridad importante, pa preveni cu persona no-autorisa ta uza bo username y password y purba drenta den bo portal pa wak loke no ta di nan. Crimen cibernetico ta sosode tur dia y bo datonan di impuesto mester ta proteha mas hopi posibel contra esaki.
๐๐ผ ๐ธ๐ถ๐ฒ๐ฟ ๐ฎ๐๐๐ผ๐ฟ๐ถ๐๐ฎ ๐๐ป ๐ผ๐๐ฟ๐ผ ๐ฝ๐ฒ๐ฟ๐๐ผ๐ป๐ฎ?
Si acaso Bo tin un accountant, famia of amigo cu ta yuda Bo cu bo asuntonan di impuesto, e ora Bo por dun'e autorisacion na bo datonan. Bo mes ta haci esaki den bo portal (no tin mester di traha carta di "machtiging" mas).
Despues cu Bo duna autorisacion, e persona ta haya acceso na bo datonan di impuesto. Pero e persona aki ta log in cu su mesun username y password. Pues, e NO ta log in cu bo username y password. Den BOi, Bo por indica tambe cua servicio Bo kier pa e persona haci pa BO y cua no. Kisas Bo no ta dun'e acceso na tur servicio. Esey tambe por. Si un dia, Bo kier kita su autorisacion, Bo ta bay den bo portal di BOi y kita su autorisacion.
๐ก๐จ๐ก๐๐
Nos ta haci un apelacion fuerte na tur persona y compania pa ๐ก๐จ๐ก๐๐ duna un otro persona bo nomber di usuario (username) y password. Ni sikiera na bo famia, amigo, consehero of accountant. Ta sumamente importante pa Bo cuida bo nomber di usuario y password hopi bon. Cuidanan mescos cu Bo ta cuida bo cuenta di banco.
Corda esaki semper: ๐๐๐ข ๐๐ฎ ๐ฑ๐ฒ๐ป ๐ฐ๐ผ๐ป๐๐ฟ๐ผ๐น.
Registra pa un account di BOi awe mes y haya informacion valioso den comodidad di bo cas of oficina, pero semper teniendo cuenta pa ๐ก๐จ๐ก๐๐ ๐ฑ๐๐ป๐ฎ ๐๐ป ๐ผ๐๐ฟ๐ผ ๐ต๐ฒ๐ป๐ฑ๐ฒ ๐ฏ๐ผ ๐ป๐ผ๐บ๐ฏ๐ฒ๐ฟ ๐ฑ๐ถ ๐๐๐๐ฎ๐ฟ๐ถ๐ผ ๐ป๐ถ ๐ฝ๐ฎ๐๐๐๐ผ๐ฟ๐ฑ.
Loke ta di Bo, ta keda di Bo so!
Sigui comparti e mensahe importante aki cu bo famia y amistadnan.
