15/01/2023
Bu paylaşım elmə dəyər verənlər üçündür!
Elçibəy elm, bilgi, demokratiya yolu idi. Bütün bu illər ərzində Elçibəy səhifəsini məhz Elçibəy yoluna, Elçibəy ruhuna uyğun işlətmişəm. Bundan sonra da belə olacaq.
Elçibəy mənim üçün həm də Əli bəy Hüseynzadə, M.Ə.Rəsulzadə idealları demək idi. Əli bəy Hüseynzadə isə Yusif Akçura, Əli Məhəmməd Əsəd Çələbizadə, Mukiməddin Beycanla birlikdə bir bəyanat hazırlamışdı: "Rusiyadakı müsəlman türk-tatarların bugünkü durumu və fəaliyyətləri", 2. "Rusiyadakı müsəlman türk-tatar xalqlarının haqlarını qoruma komitəsinin memorandumu" sərlövhəsi ilə iki mətn 1916-cı ildə "Die Melt des İslams" almanca və fransızca olaraq İsveçrədə yayınlanmışdı.
Bundan başqa Əli bəy Hüseynzadə 1918-ci il oktyabrında Fuad Köprülü, Nurəddin bəy Xudayarxanov, türküstanlı Sədrəddin Xan, sibirli Abdurrəşid İbrahim, Osman Tokumbet, kazanlı Bahəddin və Həlim Sabitlə bir yerdə Rusiyadakı əsir türklərin problemlərini müzakirə etmək üçün İsveçrəyə getmişdi.. Yəni Turan ideyasının birinci toxumları Rusiya ərazisində yaşayan türklərin problemləri mövzusu ilə İsveçrədə atılmağa başlamışdı. M.Ə.Rəsulzadə isə İsveçrəni bütöv Qafqaza nümunə göstərirdi. Azərbaycan ikinci dəfə müstəqil olduqda isə müstəqilliyimizi tanıyan 4-cü ölkə İsveçrə idi. (23 dekabr 1991)
İsveçrə dünya üçün bir nümunədir. Onun demokratiyası sadəcə çoxluğun hakimiyyəti deyil. Həm də bu çoxluğun içində olan azlığında söz haqqına sahib olmasıdır. Buna görə İsveçrə dünyanın ən inkişaf etmiş ölkələrindən birinə çevrilib. Təhsili sayəsində! Təhsil, elm, bilgi sayəsində yəni Elçibəyin bizə dediyi kimi!
İndi özünəməxsus demokratiya modelinə sahib bu ölkənin dünyanın ən nüfuzlu sayılan iki universitetindən Bern və Lozan universitetlərinin iki professoru Vulf Linder və Şon Müller yanvar ayının 28-də Kitabıstanın dəvəti ilə Azərbaycana gələcək. Onların müəllifi olduğu "İsveçrə demokratiyası" kitabınının amazonda qiyməti 49 dollardır! Həmin kitab Azərbaycan dilinə tərcümə edilib və çap edilib. Yanvar ayının 28-də professorların iştirakı ilə keçiriləcək elmi konfransda həmin kitabda təqdim ediləcək. Konfransın mövzusuda möhtəşəmdi: "İsveçrə təhsili və İsveçrə neytrallığı". Konfransa giriş biletlə olacaq və qiymətləri heç yüksək deyil. Bu gün Kitabıstana zəng edib 10 bilet istədim ki, səhifəmizin izləyiciləridə bu konfransda iştirak etsin. Həm milli maarifçiliyə töhfə kimi həm də səhifəmizin izləyicilərini düşündürmək üçün.
Qiymətləri yerə görə dəyişir. Birinci sıra 60, ikinci sıra 40, üçünü sıra isə 20 manatdır. (Biletlərin üstündə onsuz qiymət yazılıb). Əlimdə hər sıradan iki bilet var. Kim almaq istəyirsə rəydə + yazsın. Özüm yazacam. Görək professorları dinləmək şansını, elmi mühit, dünya nümunələrini kim öyrənmək istəyir?
P.S.Konfrans yanvar ayının 28-də saat 17:30-da ölkənin ən yaxşı yerlərindən biri olan Landmark Hotelin rotunda zalında olacaq.
Biletləri özünüzdə əldə bilərsiniz 070 537 21 84
