03/02/2021
Uğurlu treyderlər arasında ən sirli və məşhur şəxslərdən biri sayılan Bill Williams!
Ən yeni başlayan treyderlərdən tutmuş ən professional treyderlərə qədər hər kəs onu tanıyır və əsl dahi adlandırır.
Bill Williams 1928-ci ildə Amerikalı bir ailədə doğulmuşdur.
Kiçik yaşlarından riyaziyyata böyük həvəsi olan Bill Williams-ın ilk riyaziyyat müəlliməsi elə öz xalası olmuşdur. Məktəbə başlayanda artıq Bill bir sıra riyazi əməliyyatları icra edə bilirdi. Onun məktəb yoldaşlarının da dediyi kimi Williams adi və sakit bir oğlan idi, amma davamlı yeni şeylər icad edir, bəzi nəzəriyyələr irəli sürür və onları sübut etməyə çalışırdı.
Lakin ailəsi Bill-in məktəbi qurtardıqdan sonra Kilsə məktəbinə getməsini və keşiş olmasını istəyirdi. Bütün bunlara baxmayaraq, Bill Williams üniversitetə daxil oldu. Universitetdə bir çox yaxşı dostlar qazanan Bill Williams birjadakı ilk təcrübəsini də məhz dostu Sam Rocer sayəsində əldə edir. Sam Rocers, Nyu-York birjasında işləyir, yaxşı gəlir əldə edir və Bill Williams – da bu işə cəlb etməyə çalışırdı.
Gənclər hər gün dünya maliyyə bazarını müzakirə edir və Bill Williams getdikcə daha çox treyder olmaq barəsində düşünürdü. O artıq 5 ildən sonra fərdi şəkildə işləyəcək qədər təcrübə əldə etmişdi. Onun işləri getdikcə böyük uğur gətirməyə başlayır. O qarşısına “hər nə olursa olsun uğur əldə etmək” məqsədini qoyur. Bill yaşadığı şəhərdə peyk antenası quraşdıran ilk insanlardan biri olur və özünə birja kanalı quraşdırır. O müxtəlif kitablar, jurnallar, bazar hesabatları alırdı.
Qeyd etmək lazımdır ki, Bill Williams –ın uğur qazanmasında onun həyat yoldaşı Ellenin də rolu böyük olmuşdur . O öz ilk “Ticarət xaosu” kitabını ona əvəzedilməz kömək və dəstək verən həyat yoldaşı Ellenə həsr edir. Kitab 1955-ci ildə çapdan çıxır və demək olar ki, bütün birja iştirakçılarının çaşqınlığına səbəb olur. Bu çaşqınlığın əsas səbəbi isə o idi ki, bu nəzəriyyə texniki və fundamental analizi rədd edirdi.
İlk olaraq bu nəzəriyyəni hər kəs rədd etsə də, sonradan bir çox tənqidçilər ona baxış bucaqlarını dəyişirlər. Bir müddət keçdikdən sonra Bill-in strategiyası ilk olaraq texniki analizdə, daha sonradan isə bazar proqnozlarında peyda olur. Alliqator indikatoru, Birjanın asanlaşdırılması indeksi, Fraktal, Elliot dalğası və s. kimi ixtiralar məhz ona məxsusdur.
O bir neçə ildən sonra “Birja ticarətində yeni ölçülər” və “Ticarət xaosu 2” kitablarını da nəşr etdirir. Bu hər iki kitab da böyük uğura səbəb olur. Bundan sonra o bir neçə bankın və nəhəng hedgerlərin maliyyə sualları ilə bağlı məsləhətçisi olur.
Hazırda Bill Williams Profitunity Trading Group – treyderlər məktəbinin yaradıcısı və prezidentidir. O öz səxavətliliyi və köməyə ehtiyacı olanlara kömək etməsi ilə məşhurdur. Məşhur treyder öz qazancının yarısını xeyriyyəyə sərf edir və həmçinin uğurlu ticarət sirlərini də digər treyderlərlə bölüşür. Onun iddialarına görə, normal intellekt səviyyəsinə sahib istənilən hər bir şəxs fond bazarında uğur qazana bilər. Bill-in fikrincə bu işdə ən əsası intuisiya və bazardakı vəziyyəti görə bilmək bacarığıdır.
📱+994 55 999 18 63
🕘 Həftə içi: 09:00-20:00
📍Puşkin küç, Dəmir Yol Plaza
