Bunu nəzərə alaraq bütün iştirakçılardan, hərraclarımızda iştirak etməmişdən öncə ÜMUMİ ŞƏRTLƏR VƏ QAYDALAR hissəsini oxumağı xahiş edirik. Hərraclar hər gün saat 23:00 dək davam edir. 23:00-da və sonrası edilən təkliflər məbləğdən asılı olmayaraq qəbul edilmir. Təklif olunan əşya qarşılıqlı olaraq razılaşdırılmış ilkin məbləğlə səhifəmizə yerləşdirilir. 1 AZN-dən başlayan hərraclara öncəlik tanıyırıq. Hərrac bitdikdə, vaxt daxilində ən çox məbləği yazan şəxs qalib elan edilir. Qalib, təklif etdiyi məbləği əşya sahibinə tam olaraq ödəyir və əşyanı alır. Əşya sahibi, əgər hərrac “rezevli hərrac” deyilsə məbləğdən asılı olmayaraq iştirakçılar tərəfindən təklif olunan son qiymətlə razılaşmalıdır və əşyasını satmalıdır. Bu məbləğ, əşya sahibinin nəzərdə tutduğundan az da ola bilər çox da. Rezervli hərraclarda adi hərraclardan fərqli olaraq əgər hərrac bitdikdə son yüksək təklif əşya sahibini qane etmərsə əşyanı satmaya bilər. Rezervli hərraclar yalnız dəyəri yüksək olan əşyalara keçirilir. Hərracın Rezervli olmasına yalnız səhifə adminləri qərar verir. Hərraclar zamanı (qeyd olunan vaxt daxilində) hər yeni iştirakçıdan təklifinin təsdiqlənməsi soruşulur. Əgər iştirakçı təklifini qısa bir zamanda təsdiqləmərsə təəssüf ki təklifi qəbul edilməyəcək. Hərraclarda iştirakçılar tərərfindən rəy bölümündə yalnız rəqəm yazılmalıdır, yəni təklif etdiyi məbləğ. Əşya barədə şəxsi fikirlər, suallar və iradlar yalnız mesaj vasitəsi ilə səhifənin şəxsi mesaj bölməsinə yazıla bilər. Təklif edilən rəqəmdən başqa yazılan bütün rəylər silinəcək. Qeyri etik şərhlər, siyasi, dini və milli mübahisələr, əşyalar haqqında mənfi rəylər
xoş qarşılanmır. Dəyərli səhifə üzvlərimizdən bu nüanslara diqqət göstərməyini xahiş edirik. Bu kimi şərhlər silinir, yazanlar isə səhifədən uzaqlaşdırılır.
Şikayət və təkliflərinizi mesajla bizə bildirə bilərsiz.
Əşyalarını satmaq istəyənlər daha ətraflı məlumat əldə etmək üçün şəxsi mesaj vasitəsi ilə bizimlə əlaqə yarada bilər! Bütün iştirakçılara hərraclarımızda uğurlar arzulayırıq!!!
