https://www.facebook.com/332203636651865/

Njoki Murira, Bujumbura, Bujumbura (2026)

06/09/2026

https://chat.whatsapp.com/DxBOuzCHaI5AsgXFJPUMuH?s=cl&p=a&ilr=4

06/09/2026

📷 [AMAFOTO] | Paruwase yitiriwe Yozefu mweranda yo mu Ngagara yinjiwe icese, inyuma y’imyaka 17 iriko irasubirwamwo

⛪ Ibirori vyo kwinjira icese Paruwase yitiriwe Yozefu mweranda iri muri Diyoseze nkuru ya Bujumbura, vyabaye kuri uyu wa 5 Nyakanga 2026.

✍️ Inkuka y’imisa yasomwe n’Umwepisikopi mukuru wa Diyoseze ya Bujumbura Gerevasi Banshimiyubusa, ari kumwe na Musenyeri Ngoyagoye Evariste, umwungere yahoze arongoye Diyoseze nkuru ya Bujumbura, abasaseredoti batandukanye bo mu yandi ma Paruwase, abihebeye Imana batandukanye harimwo n’ababikira, abakristu bo muri iyo Paruwase, n’abandi baje bava ahandi bitabiriye inkuka ya misa yo gukengurukira Imana.

📝 Ku ruhande rwa Reta y’Uburundi, ivyo birori vyatewe iteka n’icegera c’Umukuru w’igihugu Prosper Bazombanza.

05/09/2026

*_Ijambo ry’Umukama, ku musi w’Umukama wa 23 wo mu mwaka A_*

*IGISOMWA CA MBERE*

_Ivyo dusoma mu gitabu c’umuhanuzi Ezekiyeli 33, 7-9_

*_(Nutavuga ngo ugabishe umubisha, nzokubaza amaraso yiwe)_*

Muri irya misi, Umukama yanshikirije ijambo avuga ati: 7 «Wewe rero, mwana w’umuntu, ndakugize umureretsi w’umuryango w’Israyeli. Uzokwumviriza ijambo rivuye mu kanwa kanje, uheze ubagabishe mu kibanza canje. 8 Igihe nabwiye umubisha nti: “Wa mubisha we, ni ukuri uzopfa”, nawe ntuheze ngo uvuge kugira ngo ugabishe uwo mubisha ngo ahebe amayira yiwe, uwo mubisha azopfa kubera icaha ciwe, ariko ni wewe nzobaza amaraso yiwe. 9 Ariko wewe, niwagabisha umubisha ku vyerekeye inzira yiwe, na we ntave muri iyo nzira yiwe, azopfa kubera icaha ciwe, ariko wewe, uzokiza ubuzima bwawe.»

```Iryo ni Ijambo ry’Umukama.```

*IZABURI 95 1-2, 6-7, 8-9*

_Icit. Ese uyu musi tutokomantaza umutima, tukumvira riho ijwi ry’Umukama._

1 Nimuze dutere impundu Umukama, duhayagize urutare rw’urukiza rwacu. 2 Ingo tugende imbere yiwe tumukengurukira, tumuhayagiza mu mazaburi. *_Icit._*

6 Ingo, dukubite inkoro hasi, twuname; dupfukame imbere y’Umukama yaturemye. 7 Nkako ni we Mana yacu, natwe turi igihugu aragiye. Turi ubusho buri mu minwe yiwe. Ese uyu musi mwokwumviriza ijwi ryiwe. *_Icit._*

8 Ntimukomantaze umutima wanyu nk’uko vyabaye i Meriba, nka wa musi w’i Masa mu bugaragwa! 9 Aho ba sokuru banyu bangeza bakancaca, kandi bari babonye ivyo nari nakoze. *_Icit._*

*IGISOMWA CA KABIRI*

_Ivyo dusoma mw’ikete umutumwa Pawulo yandikiye Abanyaroma 13, 8-10_

*_(Urukundo rurangura Itegeko)_*

Benewacu, 8 ntihagire n’umwe mugirira umwenda kiretse uw’ugukundana, kuko uwukunda abandi aba aranguye Itegeko. 9 Nkako, ibi ngo: «Ntuzosambane, ntuzokwice, ntuzokwibe, ntuzokwipfuze nabi», mbere n’ayandi mabwirizwa, bikoraniye muri iri jambo ngo: «Urakunda mugenzawe nk’uko wikunda wewe nyene.» 10 Uwukundana ntagirira nabi mugenziwe, ni co gituma urukundo rurangura Itegeko.

```Iryo ni Ijambo ry’Umukama```

*INKURU NZIZA*

*_Aleluya. Aleluya._*

_Imana yatumye Kristu kutwuzuriza na yo; ni co gituma Kristu yatubivyemwo ijambo ry’ubwo bwuzure (2 Abanyakorenti 5, 19)._

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Matayo 18, 15-20_

*_(Mwenewanyu niyakwumvira, uzoba umurokoye)_*

*Muri irya misi, Yezu yabwiye abigishwa biwe ati: 15 «Mwenewanyu agucumuyeko, genda umuhanure muri umwe n’umwe. Aramutse akwumviye, uzoba umurokoye. 16 Atakwumviye, jana n’uwundi umwe canke babiri, kugira ngo ikivuzwe cose cemezwe n’ivyabona bibiri canke bitatu. 17 Akaramuka yanse kubumvira naho, ubibwire Ekleziya. Niyanka kwumvira Ekleziya, uramufata nk’umupagani canke nk’umutozakori. 18 Ni ukuri ndabibabwiye, ico muzoboha kw’isi cose kizoba kiboshwe no mw’ijuru, ico muzobohora kw’isi cose kizoba kibohowe no mw’ijuru. 19 Ni ukuri ndababwiye kandi ko hano kw’isi, abantu babiri bashize hamwe bagasaba, ico basavye cose Dawe wo mw’ijuru azokibaha. 20 Nkako ahari babiri canke batatu bakoraniye kw’izina ryanje, nanje mba ndi aho hagati yabo.»*

```Iryo ni Ijambo ry’Umukama.```

03/09/2026

*_IJAMBO RY'UMUKAMA_*

🗓️ *_indwi ya 22 yo mu gihe gisanzwe co mu mwaka, ku wa kane, années paires_*

📖 *IGISOMWA CA MBERE*

📖 _Ivyo dusoma mw’Ikete rya mbere Umutumwa Pawulo yandikiye Abanyakorenti (3, 18-23)_

Ncuti zanje, ntihagire n’umwe yihenda; muri mwebwe, nihagira mwe yiyumvira ko ari umunyabwenge ku vy’iyi si, niyigire ikijuju ngo abone guhinduka umunyabwenge w’ukuri; kuko ubwenge bw’iyi si ari ubusazi mu maso y’Imana. Na none handitswe ngo: «Umukama ategera abanyabwenge mu bubangutsi bwabo», kandi ngo: «Umukama arazi ivyiyumviro vy’abanyabwenge, arazi ko ata co bimaze.» Ni uko rero, ntihagire n’umwe yihayagiza mu bantu; kuko vyose ari ivyanyu, ari Pawulo canke Apolo canke Kefasi, ari isi canke ubuzima canke urupfu, ari ivy’ubu canke ibizoza, vyose ni ivyanyu; namwe muri aba Kristu, Kristu na we ni uw’Imana.

```Iryo ni Ijambo ry’Umukama.```

📃 *IZABURI 23 (24) 1-2, 3-4b, 5-6*

🎷 _Icit. Isi ni iy’Imana, kumwe n’ibiri kuri yo vyose._

Isi ni iy’Umukama, kumwe n’ibiri kuri yo vyose, intara n’ibihaba vyose; kuko ari We yayiteretse ku mayaga, akayikomeza kuri yo.

Mbe bane, ni nde azokwurira ku murambi w’Umukama, akaguma mu kibanza ciwe ceranda? Ni urya muntu w’iminwe idahumanye, w’umushaha udatyoye, w’umutima udacambirwa ibintazi w’abapagani.

Ben’uyo muntu n’ahezagirwe n’Umukama, asagirwe n’ubutungane bw’lmana yamukijije: ng’uwo umuryango w’abamurondera, barondera inyonga zawe, Mukama.

📖 *INKURU NZIZA*

🎷 *_Aleluya, aleluya._*

📑 _Umukama yavuze ati: «Kuva ubu, nzobita abakunzi banje; ivyo nahawe na Data vyose narabibamenyesheje.»_

🎷 *_Aleluya._*

📖 _Ivyo dusoma mu Nkuru nziza ya Yezu Kristu nk’uko yashikirijwe na Luka (5, 1-11)_

*Umusi umwe, Yezu yari akikijwe n’ishengero ribandana ngo ryumvirize Ijambo ry’Imana. Na we rero akaba ahagaze ku nkombe y’ikiyaga ca Genezareti. Abona rero ubwato bubiri buri ku nkombe y’ikiyaga, abarovyi na bo bari babuvuyemwo ngo boze insenga zabo. Yurira rero muri bumwe, bukaba na bwo ni ubwa Simoni. Yezu aramwinginga ngo asoze gatoyi bave ku nkombe. Yezu yicara muri nya bwato, atangura kwigisha rya shengero. Ngo aheze abwira Simoni ati: «Igiza rero ahari amazi menshi, uheze urekurireyo urusenga urobe.» Simoni amusubiza ati: «Muhanyi, twaraye turaroba ijoro ryose, turaheza nta co twafata; mugabo ko ubivuze, ndaterera urusenga.» Ngo abigire, bafata ifi isinzi, n’urusenga rwabo rutangura gusambuka. Bākura rero bagenzi babo bari mu bundi bwato ngo baze kubafasha. Na bo baraza, buzuza ya mato yompi, mbere ashaka n’ukwibira. Simoni ngo abibone, akubita ibipfukamiro hasi imbere ya Yezu, ati: «Mukama, n’unje kure kuko ndi umunyakabi!» Erega ubwoba bwari bwamutekeye, n’abo bari kumwe nyene, kubera izo fi bari barovye. Eka na bene Zebede, bagenzi ba Simoni, Yakobo na Yohani, bari babufise. Ariko Yezu yabwiye Simoni ati: «Gumya umutima; kuva ubu uzohora uroba abantu.» Ngo bagarukane ubwato ku nkombe, baca basigaho vyose, baramukurikira.*

```Iryo ni Ijambo ry’Umukama.```

02/09/2026

*_Ijambo ry’Imana, indwi ya 22 yo mu gihe gisanzwe co mu mwaka, ku wa gatatu, années paires_*

*IGISOMWA CA MBERE*

_Ivyo dusoma mw’Ikete rya mbere Umutumwa Pawulo yandikive Abanyakorenti (3, 1-9)_

Benewacu, nanje sinashoboye kuganira namwe nk’uko baganira n’abantu bagenzwa na Mutima, ariko nk’uko baganira n’abakiganzwa na kamere yabo y’abantu kandi nk’uko baganira n’abakiri abana b’inzoya muri Kristu. Ivyo nabáhāye ni amata y’ukunywa, si ivyokurya bigumye, kuko mutari bwabishobore ; kandi n’ubu ntimurabishobora, kuko mukiganzwa na kamere yanyu y’abantu. Mbega, igihe ishari n’imitongano bikiri muri mwebwe, ntimuganzwa se n’iyo kamere nyene, canke ntimwigenza nk’abantu? Harya umwe avuga ngo: «Jewe ndi uwa Pawulo», uwundi ngo: «Jewe ndi uwa Apolo», ntimwigenza nk’abantu se? None se, Apolo ni umuki? Pawulo na we ni umuki? Abo ni abakozi batumwe kubashikiriza ukwemera nk’uko umwe wese muri bo yabihawe n’Umukama. Jewe nabivye imbuto, Apolo arazivomera; ariko Imana ni yo yazimejeje. Niho rero uwuzibiba n’uwuzivomera ata co bamaze, atari Imana izimeza. Uwuzibiba n’uwuzivomera bagira umwe,ariko umwe wese azoronka impembo ikwiranye n’igikorwa ciwe. Nka ko nyene, turi abakozi bakorana n’Imana; namwe muri umurima w’Imana, kandi mukaba inyubakwa y’Imana.

```Iryo ni Ijambo ry’Umukama.```

*IZABURI 32 (33) 12-13, 14-15, 20-21*

_Icit. Hahiriwe intara y’Imana!_

Hahiriwe intara yamwironkeyeko Imana, hahiriwe intara We nyene yitoreyeko iragi! Umukama ahangamye mw’ijuru, akaraba abana b’abantu bose.

Ijisho ry’Umukama rihora ku bamwubaha, ku bizeye urukundo abafitiye, kugira ngo abasimbishe icobo, abakize amapfa.

Umutima wacu witeze Umukama, ni we mahungiro yacu, ni we nkinzo yacu: umushaha wacu uhimbarwa n’Umukama, izina ryiwe ni ryo twizeye.

*INKURU NZIZA*

*_Aleluya, aleluya._*

_Mbeshaho, Mukama, kubera urukundo rwawe; niho nzozigama iryo unyagiye wewe nyene._

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Luka (4, 38-44)_

*Muri irya misi, avuye mw’isinagoga, Yezu yinjira mu nzu ya Simoni. Inabukwe wa Simoni yari aremerewe n’inyonko; baramusabira kuri Yezu. Yezu aramwegera, arakankamira inyonko, na yo iramuvamwo. Buno nyene avyutse, aja mu vyo kubazimana. Izuba rimaze kurenga, abari bafise iwabo abarwaye bababazwa n’indwara z’ubwoko bwose, barabamuzanira, na we agaranzuriye iminwe kuri umwumwe muri bo, akabakiza. N’ibishetani vyarava muri benshi, biboroga kandi bivuga biti: «Uri Umwana w’Imana!» Ariko we, abikankamiye, ntiyabireka ngo bivuge , kuko vyari bizi ko yari Kristu. Bukeye, Yezu arasohoka, aja ahantu hiherereve. Abantu isinzi baramurondera, baruhira kumusanga iyo yari ari. Bashaka kumugumya ngo ntagende ahandi. Na we arababwira ati: «Ntegerezwa kumenyesha mu bindi bisagara Inkuru nziza y’Ubwami bw’Imana, kuko ari co canzanye.» Aragenda rero yigisha mu masinagoga yo mu Buyuda.*

```Iryo ni Ijambo ry’Umukama.```

01/09/2026

*_Ijambo ry’Umukama, indwi ya 22 yo mu gihe gisanzwe co mu mwaka, ku wa kabiri, années paires_*

*IGISOMWA CA MBERE*

_Ivyo dusoma mw’Ikete rya mbere Umutumwa Pawulo yandikiye Abanyakorenti (2, 10b-16)_

Ncuti zanje, Mutima Mweranda ategera vyose n’ibinyegezwa vy’Imana nyene. Mu bantu ni nde yomenya ibiri mu muntu, atari umutima w’umuntu uri muri we? Ni ko k’uko, n’ibiri mu Mana nta wubimenya atari Mutima w’Imana. Tweho, ntitwaronse umutima w’iyi si, twaronse Mutima ava ku Mana, kugira ngo tumenye ivyo Imana yatugabiye. Na vyo nyene mu kubibiganira, ntitubibiganira n’amajambo twigishijwe n’ubwenge bw’abantu, ariko tubibiganira n’amajambo twigishijwe na Mutima, tugasigura ivya Mutima n’amajambo ya Mutima nyene. Umuntu agarukira ku kamere yiwe y’umuntu ntiyakira ivya Mutima w’Imana; kuri we, ni ubujuju, kandi ntashobora kubimenya, kuko bisobanuka kubera Mutima. Umuntu abonesherezwa na Mutima we asobanura vyose, kandi na we nyene nta wumusobanurira. None, handitswe ngo: «Ni nde yigeze kumenya ivyiyumviro vy’Umukama ngo amwigishe?» Tweho, dufise ivyiyumviro vy’Umukama!

```Iryo ni Ijambo ry’Umukama.```

*IZABURI 144 (145) 8-9, 10-11, 12-13b, 13-14*

_Icit. Umukama ni urukundo mu bikorwa vyiwe vyose._

Umukama ni Nyenimpuhwe n’ikigongwe, ntakaza ishavu, akomeza urukundo; Umukama agirira ineza bose, Agirira imbabazi ivyo yaremye vyose.

Ivyo waremye, Mukama, nibigushemeze abakunzi bawe nibaguhezagire! Nibayage ubuninahazwa bw’ubwami bwawe, nibigane hose ubutwari bwawe!

Kugira ngo bamenyeshe abantu ibitangaza wakoze, n’ubuninahazwa buhimbaye bw’ubwami bwawe: ubwami bwawe ni ubwami bw’intahava, ingoma yawe izohangama imyaka n’imyaka.

Umukama ni imvugakuri mu majambo yiwe, ni urukundo mu bikorwa vyiwe vyose; araramira abashaka kugwa bose, akagorora abagoramye bose.

*INKURU NZIZA*

*_Aleluya, aleluya._*

_Uwunkunda azozigama ijambo ryanje; na Data azomukunda, duheze tuze iwe, tumugire ingoro yacu._

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Luka (4, 31-37)_

*Muri irya misi, Yezu aramanuka i Kafaranawumi, igisagara c’i Bugalile, agirako arahigishiriza ku musi w’isabato. Abantu rero batangazwa butangare n’ivyo yigisha, kuko yagibisba nk’umuntu ari n’ubukuru. Hagasangwa mw’isinagoga hari umuntu yiziziwe n’umutima w’ishetani ihumanye. Nya shetani irahogora cane iti: «Mbega dupfa iki, ga Yezu w’i Nazareti? Ubwo wazanywe n’ukutumara? Erega ndakuzi: uri Umweranda w’Imana. Yezu arayikankamira ati: «Numa kandi va muri uyo muntu!» Nya shetani ica imutura hasi hagati mu bantu, imuvamwo ata co imugize. Bose rero bahinda agash*tsi, bituma mbere bavugana bati: «Ha! Ijambo riri aho! Arabwiriza n’ubukuru n’ububasha imitima ihumanye, igaca isohoka!» Kandi inkuru yiwe ica ikwira muri nya ntara yose.*

```Iryo ni Ijambo ry’Umukama.```

31/08/2026

*_Ijambo ry’Umukama, indwi ya 22 yo mu gihe gisanzwe co mu mwaka, ku wa mbere, années paires_*

*IGISOMWA CA MBERE*

_Ivyo dusoma mw’Ikete rya mbere Umutumwa Pawulo yandildye Abanyakorenti (2, 1-5)_

Nanje mu kuza iwanyu, benewacu, sinaje kubamenyesha ingingo y’Imana mu mvugo zihinguye no mu bwenge buhejeje. Oya, nta kindi nashatse kumenya muri mwebwe, atari Yezu Kristu, kandi Yezu Kristu yabambwe ku musaraba. Jewe nyene nash*tse iwanyu mfise intege nke, ndi n’ubwoba n’agash*tsi kenshi, kandi imvugo yanje n’inyigisho yanje ntivyari bihagaze ku majambo atomoye y’ubwenge, ariko ico vyerekana ni Mutima n’ubukomezi bwiwe, kugira ngo ukwemera kwanyu ntiguhagarare ku bwenge bw’abantu, ariko gushimikire ku bukomezi bw’Imana.

```Iryo ni Ijambo ry’Umukama.```

*IZABURI 118 (119) 97-98, 99-100, 101-102*

_Icit. Ukuntu nkunda amabwirizwa yawe, Mukama!_

Ukuntu nkunda amabwirizwa yawe, ni yo ndimbura rikarinda rirenga. Amategeko yawe angira inkerebutsi kurusha abansi banje, kuko na ntaryo yamana nanje.

Ndusha ubukerebutsi abigisha banje bose, kuko ivyo ushaka ari vyo mpoza ku mushaha. Ndusha abakera ubwenge, kuko mpora nzigama amategeko yawe.

Mu nzira yose singeza ikirenge mu kabi, kugira ngo nkurikire ijambo ryawe; ingingo yawe sindayirengagiza, kuko ari Wewe unyigisha.

*INKURU NZIZA*

*_Aleluya, aleluya._*

_Ijambo ryawe, Mukama, ni ryo kuri; muri uko kuri, n’utugire beranda._

*_Aleluya._*

_Ivyo dusoma mu Nkuru Nziza ya Yezu Kristu nk’uko yashikirijwe na Luka (4, 16-30)_

*Muri irya misi, Yezu aja i Nazareti, aho yari yararerewe. Araheza arinjira mw’isinagoga, nk’uko yahora abigenza ku misi y’isabato. Arahaguruka ngo asome. Bamuhereza igitabu c’umuhanuzi Izaya; azingurura ahanditswe ngo: «Umutima w’Umukama uri kuri jewe, kuko yansîze ngo mburire Inkuru nziza aboro, andungika gukwiza mu baboshwe ubukiriro, mu bahumye ngo bahumuke, kurókora abababaye n’ukumenyesha umwaka mwiza w’Umukama.» Ahejeje arazinga igitabu, agihereza uwahakora, aca aricara. Abari mw’isinagoga bose bari bamuhanze amaso. Aca atangura kubabarira ati: «Uyu musi, ivyanditswe vyarangutse imbere yanyu.» Bose baramwemera bagatangazwa rwose n’amajambo meranda yavuga. Hanyuma baribaza bati: «None, uwo si wa muhungu wa Yozefu?» Arababarira ati: «Ndabizi ko muhava muncira uyu mugani ngo: Muvuzi, banza wivure wewe nyene! Ivyo twumvise vyose wagize i Kafaranawumi, bigire ngaha mu mavukiro yawe.» Atako avuga ati: «Ni ukuri ndabibabwiye: nta muhanuzi n’ umwe yumvirwa aho yavukiye.» Kandi ndababwiye ukuri: muri Israyeli hari abapfakazi benshi mu gihe ca Eliya, hamwe imvura yatara mu myaka itatu n’amezi atandatu, hagatera inzara kw’isi yose, ariko Eliya ntiyarungitswe ku mugore n’umwe atari ku mupfakazi w’i Sarepta muri Sidoni. Hari kandi abanyamibembe benshi mu gihe c’umuhanuzi Elize, ariko nta n’umwe muri bo yatyorowe, atari Nahamani Umunyasiriya.» Mu kwumva ivyo, baciye bose banigwa n’ishavu mw’isinagoga; bavuye hasi, bamuhindira inyuma y’igisagara, baramujana gushika hejuru ku musozi igisagara cari cubatsweko, ngo bamucuranguze. Ariko we, abaciye hagati, arigira.*

```Iryo ni Ijambo ry’Umukama.```

30/08/2026

Abbé Jean Marie Irankunda

30/08/2026

Bavukanyi mwese Tugire Kristu :

Ndabipfurije Umusi w'Imana mwiza mwese

Nongera ndabasaba mubandanye mukora canke kuriyi Page yacu murakoze
_________________

29/08/2026

*_Ijambo ry’Umukama, ku musi w’Umukama wa 22 wo mu mwaka A_*

*IGISOMWA CA MBERE*

_Ivyo dusoma mu gitabu c’umuhanuzi Yeremiya 20, 7-9_

*_(Ijambo ry’Umukama rituma bantuka bakantyekeza)_*

7 Ewe Mukama, warampendahenze nanje ndemera ndahendahendwa. Warandushije ubukomezi, utako urantsinda. Igihe cose baguma bantyekeza, bose barantwenga. 8 Nkako, aho novuze, mvuza induru. Ico menyesha, ni ububisha n’ukuyogera. Nanone, Ijambo ry’Umukama rituma bantuka bakantyekeza igihe cose. 9 Iyo mvuze nti: «Singisubira kumukubitizako agatima canke kuvuga kw’izina ryiwe», iryo jambo ryose rica riba nk’urubeya rwaka mu mutima wanje, rwugaraniye mu magufa yanje. Naragerageje kwiyumanganya, ariko sinabishobora.

```Iryo ni Ijambo ry’Umukama.```

*IZABURI 63 2, 3-4, 5-6, 8-9*

_Icit. Umutima wanje urakwipfuza cane, Mukama, Mana mfise._

2 Ewe Mana, uri Imana yanje, ndakurondera bugica, umutima wanje urakunyotewe, umubiri wanje uraguhurumbira nk’isi yumvye, yagadutse, y’imburamazi. *_Icit._*

3 None narakubonye mu ngoro nyeranda, niho nihweza ubukomezi bwawe n’ubuninahazwa bwawe. 4 Nkako, ubuntu bwawe ni bwiza, bundutira ubuzima, umunwa wanje uzogushimagiza. *_Icit._*

5 Ni co gituma nzoguhezagira umwanya nkiriho, nzokiriza ibiganza nambaza izina ryawe. 6 Umutima wanje uzohozagara nk’umuntu yariye ibinure n’imisokoro, umunwa wanje uzoguhayagiza wuzuye akanyamuneza. *_Icit._*

8 Nkako, ni wewe untabara, nkishongora nikinze mu mababa yawe. 9 Umutima wanje ukwihambiriyeko, ukuryo kwawe ni kwo kunzigama. *_Icit._*

*IGISOMWA CA KABIRI*

_Ivyo dusoma mw’ikete umutumwa Pawulo yandikiye Abanyaroma 12, 1-2_

*_(Nimuhereze imibiri yanyu nk’imbagwa nzima)_*

1 Benewacu, ndabahanuye ku bw’ikigongwe c’Imana ngo mwihereze mwebwe nyene bwa mbagwa nzima, nyeranda kandi ishika Imana ku nyota. Uko ni ko mwoba muyikoreye ku bw’umutima. 2 Kandi nimureke gufata imigenzo y’iyi si, ariko nimuhinduke mu kwama munagura ubwenge bwanyu, kugira ngo musobanure neza ishaka ry’Imana, iciza, igishimishije n’ikirangutse neza.

```Iryo ni Ijambo ry’Umukama.```

*INKURU NZIZA*

*_Aleluya. Aleluya._*

_Umukama Imana nimurikire imishaha yacu, kugira ngo dutahure ukwizigira yaduhamagariye uko kungana._

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Matayo 16, 21-27_

*_(Uwushaka kunkurikira niyihebe)_*

*21 Kuva aho Petero amariye kuvuga ko Yezu ari Mesiya, Umwana w’Imana nzima, Yezu yaciye atangura guhishuka abigishwa biwe ko abwirizwa kuja i Yeruzalemu, akahababarira cane, abigiriwe n’abakurambere, abaherezankuka bakuru n’abanditsi, akicwa, hanyuma ku musi ugira gatatu akazuka. 22 Petero rero aramwihereranya, aja mu vyo kumwamira avuga ati: «Ntirikabe, Mukama, ivyo ntibizokwigera bigushikira.» 23 Yezu arahindukira, abwira Petero ati: «Mva inyuma wa shetani we, uriko urantsitaza, kuko ivyiyumviro vyawe si ivy’Imana, ahubwo ni ivy’abantu.» 24 Hanyuma Yezu abwira abigishwa biwe ati: «Uwushaka kunkurikira, niyihebe, yikorere umusaraba wiwe, ankurikire. 25 Nkako, uwushaka kurokora ubuzima bwiwe azobutakaza, ariko uwuzoheba ubuzima bwiwe kubera jewe azoburonka. 26 Mbega umuntu vyomumarira iki kwigarurira isi yose, aroshe ubuzima bwiwe? Canke umuntu yotanga iki ngo acungure ubuzima bwiwe? 27 Nkako, Umwana w’umuntu agiye kuza mu buninahazwa bwa Se akikijwe n’abamarayika biwe, aheze ahembere umuntu wese ibikorwa vyiwe.»*

```Iryo ni Ijambo ry’Umukama.```

Njoki Murira

06/09/2026

06/09/2026

05/09/2026

03/09/2026

02/09/2026

01/09/2026

31/08/2026

30/08/2026

30/08/2026

29/08/2026

Address

Website

Alerts

Shortcuts

Share

Category

Listing takedown request