Njoki Murira

Njoki Murira Contact information, map and directions, contact form, opening hours, services, ratings, photos, videos and announcements from Njoki Murira, Business Center, Bujumbura, Bujumbura.

Sœur Marie Chantal Igiraneza ✅

Paroisse Cathédrale Regina Mundi
de Bujumbura ✅

Tubasabe Mubandanye mudushigikira mukugira Suivre na J'aime kugira ngo Ijambo ry-Imana rimenyekane hose , Gushika Aho Isi igarukira Murakoze.
________________________

10/10/2026

Ingene Abana batatu babonekewe na Bikira Mariya , hari muri 1917

08/10/2026

bose bo Mw'Ijuru

"" Bavukanyi mwese Tugire Kristu, Ndabipfurije mwese iyinga nziza, Muroranigwe, mugire akazi keza, Abanyeshure namwe ivy...
28/09/2026

"" Bavukanyi mwese Tugire Kristu, Ndabipfurije mwese iyinga nziza, Muroranigwe, mugire akazi keza, Abanyeshure namwe ivyigwa vyiza...."

_____________

"" Bavukanyi Tugire Kristu : Ndabipfurije Umusi w'Imana mwiza mwese"" Mubandanye munezegwa n'Ivyiza vy'Umukama , Amen___...
27/09/2026

"" Bavukanyi Tugire Kristu : Ndabipfurije Umusi w'Imana mwiza mwese""

Mubandanye munezegwa n'Ivyiza vy'Umukama , Amen
______________

*_Ijambo ry’Umukama, ku musi w’Umukama wa 24 wo mu mwaka A_**IGISOMWA CA MBERE*_Ivyo dusoma mu gitabu ca mwene Siraki ...
13/09/2026

*_Ijambo ry’Umukama, ku musi w’Umukama wa 24 wo mu mwaka A_*

*IGISOMWA CA MBERE*

_Ivyo dusoma mu gitabu ca mwene Siraki 27, 30 – 28, 7_

*_(Urarekurira mugenzawe ahuvye, niho niwasenga uzorekurirwa ibicumuro)_*

30 Uburake n’ishavu na vyo nyene ni amashano, umuntu w’umucumuzi ni rurangiranwa muri vyo. 1 Uwihora, Umukama azobimuhora, uwubika mu nda aba yibikiye ibicumuro. 2 Urarekurira mugenzawe ahuvye, niho niwasenga uzorekurirwa ibicumuro. 3 Umuntu aragumiriza ishavu uwundi muntu, hanyuma akirondeza urukiza ku Mukama; 4 ntagirira impuhwe umuntu nka we, hanyuma agasaba ngo arekurirwe ibicumuro vyiwe! 5 Ko abika ishavu kandi ari umuntu asanzwe, wêwé ni nde azomurekurira ibicumuro? 6 Ibuka amaherezo yawe, ureke kwankana, ibuka ko uzopfa ukabora, wubahe amabwirizwa. 7 Ibuka amabwirizwa, ntukarakarire mugenzawe, ibuka isezerano rya Rudasumbwa, uheze urekurire uwuhuvye.

```Iryo ni Ijambo ry’Umukama.```

*IZABURI 103 1-2, 3-4, 9-10, 11-12*

_Icit. Umukama ni nyene imbabazi n’ikigongwe._

1 Hezagira Umukama, se mutima wanje, maze uko ndi kwose mpezagire izina ryiwe ryeranda. 2 Hezagira Umukama, se mutima wanje; ntiwibagire ivyiza vyose yakugiriye. *_Icit._*

3 Ni we akurekurira ivyaha vyawe vyose, ni we agukiza indwara zawe zose. 4 Ni we agarurira ku cobo ubuzima bwawe, ni we akwambika urugori rw’ubuntu n’impuhwe. *_Icit._*

9 Ntiyama mu mpari igihe cose, ntagumana ishari umwanya wose. 10 Uko ducumura si ko aduhana, ntagera ingere ku vyaha vyacu. *_Icit._*

11 Nkako, kurya ijuru rirengeye isi, ni ko ubuntu bwiwe ari bwinshi ku bamwubaha. 12 Kurya ubuseruko buri kure y’uburengero, ni ko ata kure yacu ubugome bwacu. *_Icit._*

*IGISOMWA CA KABIRI*

_Ivyo dusoma mw’ikete umutumwa Pawulo yandikiye Abanyaroma 14, 7-9_

*_(Tubaho canke dupfa, tuguma turi ab’Umukama)_*

Benewacu, 7 nta n’umwe muri twebwe ariho ku bwiwe kandi nta n’umwe apfa ku bwiwe. 8 Turiho, tubaho ku bw’Umukama. N’iyo dupfuye, dupfa ku bw’Umukama. Tubaho rero canke dupfa, tuguma turi ab’Umukama. 9 Igituma noneho Kristu yapfuye akisubiza muzima, ni ukugira ngo abe Umukama w’abapfuye n’uw’abariho.

```Iryo ni Ijambo ry’Umukama.```

*INKURU NZIZA*

*_Aleluya. Aleluya._*

_Umukama yavuze ati: «Ndabahaye itegeko rishasha: nimukundane. Nk’uko nabakunze, nimukundane namwe.» (Yohani 13, 34)_

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Matayo 18, 21-35_

*_(Sindakubwiye ngo umurekurire gushika ku ndwi, ariko ndakubwiye kugeza ku ndwi incuro mirongo indwi)_*

*Muri irya misi, 21 Petero ni ko kwegera Yezu akamubaza ati: «Mukama, mwenewacu ancumuyeko, nzomurekurira kangahe? Gushika ku ndwi?» 22 Yezu na we ati: «Sindakubwiye gushika ku ndwi, ariko ndakubwiye kugeza ku ndwi incuro mirongo indwi. 23 Ni co gituma Ubwami bw’ijuru bumeze nk’umwami yagomba kwishuza abasuku biwe. 24 Yabaye agitangura kwishuza, bamuzanira uwari amuheraniye amatarenta ibihumbi icumi. 25 Nya musuku ngo abure ico yishura, shebuja ategeka ko bamugurisha, we n’umugore n’abana, be n’ivyo yari atunze vyose, abe yishuye rero ivyo aheranye. 26 Nya musuku akubita ibipfukamiro imbere yiwe, aramutakambira ati: “Ntenyennyera, nzokwishura ivyawe vyose”. 27 Shebuja wa nya musuku rero bimutera ikigongwe, aramureka, amuhebera na nya mwenda yari amufitiye. 28 Nya musuku avuye aho, ahura n’umwe muri bagenzibe yari amufitiye amadenariyo ijana. Aca amugwa mu kanigo, aramukamvya ati: “Ishura ivyo uheranye vyose”. 29 Na we aca akubita ibipfukamiro hasi, aramutakambira ati: “Nyenyenyera nzokwishura”. 30 Uwundi na we aranka, mbere aca aja kumuta mw’ibohero, umwanya atarishura umwenda wiwe. 31 Bagenzibe babonye ibibaye, birabababaza cane, baca baja kwiganira shebuja ivyabaye vyose. 32 Na we aca aramwakura, amubwira ati: “Wa musuku w’umubisha we, umwenda wose wari umfitiye nawuguhebeye kuko wantakambiye, 33 none ntivyari kuba vyo ugiriye ubuntu mugenzawe nk’uko nanje nabukugiriye?” 34 N’ishavu n’akantu, shebuja amurekurirako abamukamvya umwanya atarishura umwenda wose. 35 Uko ni ko na Data ahangamye mw’ijuru azobagirira, umwe wese natarekurira mwenewabo bivuye ku mutima.»*

```Iryo ni Ijambo ry’Umukama.```
_______________________

IJAMBO RY'UMUKAMA🗓️ indwi ya 23 yo mu gihe gisanzwe co mu mwaka, ku wa kane, années paires📖IGISOMWA CA MBERE📜 Ivyo dusom...
10/09/2026

IJAMBO RY'UMUKAMA

🗓️ indwi ya 23 yo mu gihe gisanzwe co mu mwaka, ku wa kane, années paires

📖IGISOMWA CA MBERE

📜 Ivyo dusoma mw’Ikete rya mbere Umutumwa Pawulo yandikiye Abanyakorenti (8, 1b-7. 11-13)

Ncuti zanje, Ubwenge butuma kwishima, ariko urukundo ni rwo rwubaka. Uwiyumvira ko hari ico azi, urya ntaramenya ingene yomenya nyene. Uwukunda Imana we, uwo arazwi n’Imana. Ku vyerekeye ivy’ugufungura inyama zabagiwe ibigereranyo rero, turazi yuko ibigereranyo ari ubusa kw’isi kandi yuko ata Mana yindi iriho atari Imana imwe. N’aho havugwa ivyitwa ibigirwamana ari mw’ijuru canke kw’isi, nk’uko hari ibigirwamana vyinshi n’abakama benshi, kuri twebwe hari Imana imwe rudende riho, Yo Data ari Yo vyose vyamukako kandi ari Yo twaremewe; bisubiye, hari Umukama umwe, Yezu Kristu, We abeshaho vyose kandi ari We tugendako. Ariko, bose ntibafise ubwo bwenge; kubera akamenyero k’ibigereranyo bafise gushika ubu, bamwe barya za nyama nk’inyama zabagiwe ibigereranyo nyene, na ko ka gatima-mpanuro kabo gasānzwé kagoyagoya kakononekara. Uko ni ko, ubwenge bwawe buzokwica uwudakomeye, ari we mwenewanyu Kristu yapfiriye! Mu gucumura gutyo kuri benewanyu no mu gukomeretsa ka gatima-mpanuro k’abadakomeye, muba muriko muracumura kuri Kristu. Ni co gituma rero, ivyokurya nivyatirimutsa mwenewacu, nzoheba inyama ubutacisubirako ngo sintirimutse mwenewacu.

```Iryo ni Ijambo ry’Umukama.```

📖 IZABURI 138 (139) 1-2.3b, 13-14b, 23-24

📜 Icit. N’unjane mu nzira y’ubukiriro bwamaho.

Mukama, uranyitegereza kandi uranzi, ndicara ukabimenya, nahaguruka ukabimenya; akari mu mutima wanje ukamenya ukiri kure, inzira ncamwo zose ni Wewe uzizi.

Ni Wewe wampaye amagara, ni Wewe wandemye mu nda ya mama; warangize agatangaza, ndabigukengurukiye, ibikorwa vyawe ni agahore nk’akandi.

N’unyitegereze, Mukama, uheze umenye umutima wanje, n’usuzume ivyanje, uheze umenye ivyiyumviro vyanje. Raba ko noba mu nzira mbi uheze unjane mu nziza y’ubukiriro bwamaho.

📖 INKURU NZIZA

🎼 Aleluya, aleluya.

📑 Uwuzigama ijambo rya Kristu, muri we ni ho urukundo rw’Imana ruba rusasagaye.

🎼 Aleluya.

📖Ivyo dusoma mu Nkuru nziza ya Yezu Kristu nk’uko yashikirijwe na Luka (6, 27-38)

Muri irya misi, Yezu yabariye abigishwa biwe ati: «Mwebwe munyumviriza ndababwiye: Kunde abansi banyu, girire neza ababanka, hezagire ababavuma, sabire abababeshera. Hagize uwugukubita kw’itama rimwe, tega kandi irindi; n’uwuzogutwara umutamana, ntumubuze kugutwara ikanzu. Uwugusavye n’umuhe, kandi n’uwuzogutwara utwawe ntutuburanire. Ico mushaka ko abandi babagirira, kibagirire namwe. Nimwakunda ababakunda gusa, bibamariye iki? N’abanyakabi nyene barakunda ababakunda. Nimwagirira neza ababagirira neza, bibamariye iki? N’abanyakabi ni ko bagira. Nimwagurana abo mwishimiye ko bazobasubiza, bibamariye iki? N’abanyakabi baragurana abanyakabi ngo baronke ibingana na bino. Mweho, kunde abansi banyu, gire neza, mugurane ata co mwishimiye; impera yanyu izoba nini, kandi mube abana b’Uwo mw’ijuru, kuko agirira neza intashima n’ababi. Nimube abanyakigongwe, nk’uko So wanyu ari umunyakigongwe. Ntimucire abandi rubi, niho mutazorucirwa; ntimucire igihano abandi, niho mutazogicirwa; rekurire abandi, niho muzorekurirwa. Tange, niho bazobaha; bazobasubiza ingero nyayo, yuzuye, itsindagiye kandi isesekaye; ingero mugeresha ni yo namwe muzogererwako.»

```Iryo ni Ijambo ry’Umukama.```

📷 [AMAFOTO] | Paruwase yitiriwe Yozefu mweranda yo mu Ngagara yinjiwe icese, inyuma y’imyaka 17 iriko irasubirwamwo⛪ Ibi...
06/09/2026

📷 [AMAFOTO] | Paruwase yitiriwe Yozefu mweranda yo mu Ngagara yinjiwe icese, inyuma y’imyaka 17 iriko irasubirwamwo

⛪ Ibirori vyo kwinjira icese Paruwase yitiriwe Yozefu mweranda iri muri Diyoseze nkuru ya Bujumbura, vyabaye kuri uyu wa 5 Nyakanga 2026.

✍️ Inkuka y’imisa yasomwe n’Umwepisikopi mukuru wa Diyoseze ya Bujumbura Gerevasi Banshimiyubusa, ari kumwe na Musenyeri Ngoyagoye Evariste, umwungere yahoze arongoye Diyoseze nkuru ya Bujumbura, abasaseredoti batandukanye bo mu yandi ma Paruwase, abihebeye Imana batandukanye harimwo n’ababikira, abakristu bo muri iyo Paruwase, n’abandi baje bava ahandi bitabiriye inkuka ya misa yo gukengurukira Imana.

📝 Ku ruhande rwa Reta y’Uburundi, ivyo birori vyatewe iteka n’icegera c’Umukuru w’igihugu Prosper Bazombanza.

*_Ijambo ry’Umukama, ku musi w’Umukama wa 23 wo mu mwaka A_**IGISOMWA CA MBERE*_Ivyo dusoma mu gitabu c’umuhanuzi Ezekiy...
05/09/2026

*_Ijambo ry’Umukama, ku musi w’Umukama wa 23 wo mu mwaka A_*

*IGISOMWA CA MBERE*

_Ivyo dusoma mu gitabu c’umuhanuzi Ezekiyeli 33, 7-9_

*_(Nutavuga ngo ugabishe umubisha, nzokubaza amaraso yiwe)_*

Muri irya misi, Umukama yanshikirije ijambo avuga ati: 7 «Wewe rero, mwana w’umuntu, ndakugize umureretsi w’umuryango w’Israyeli. Uzokwumviriza ijambo rivuye mu kanwa kanje, uheze ubagabishe mu kibanza canje. 8 Igihe nabwiye umubisha nti: “Wa mubisha we, ni ukuri uzopfa”, nawe ntuheze ngo uvuge kugira ngo ugabishe uwo mubisha ngo ahebe amayira yiwe, uwo mubisha azopfa kubera icaha ciwe, ariko ni wewe nzobaza amaraso yiwe. 9 Ariko wewe, niwagabisha umubisha ku vyerekeye inzira yiwe, na we ntave muri iyo nzira yiwe, azopfa kubera icaha ciwe, ariko wewe, uzokiza ubuzima bwawe.»

```Iryo ni Ijambo ry’Umukama.```

*IZABURI 95 1-2, 6-7, 8-9*

_Icit. Ese uyu musi tutokomantaza umutima, tukumvira riho ijwi ry’Umukama._

1 Nimuze dutere impundu Umukama, duhayagize urutare rw’urukiza rwacu. 2 Ingo tugende imbere yiwe tumukengurukira, tumuhayagiza mu mazaburi. *_Icit._*

6 Ingo, dukubite inkoro hasi, twuname; dupfukame imbere y’Umukama yaturemye. 7 Nkako ni we Mana yacu, natwe turi igihugu aragiye. Turi ubusho buri mu minwe yiwe. Ese uyu musi mwokwumviriza ijwi ryiwe. *_Icit._*

8 Ntimukomantaze umutima wanyu nk’uko vyabaye i Meriba, nka wa musi w’i Masa mu bugaragwa! 9 Aho ba sokuru banyu bangeza bakancaca, kandi bari babonye ivyo nari nakoze. *_Icit._*

*IGISOMWA CA KABIRI*

_Ivyo dusoma mw’ikete umutumwa Pawulo yandikiye Abanyaroma 13, 8-10_

*_(Urukundo rurangura Itegeko)_*

Benewacu, 8 ntihagire n’umwe mugirira umwenda kiretse uw’ugukundana, kuko uwukunda abandi aba aranguye Itegeko. 9 Nkako, ibi ngo: «Ntuzosambane, ntuzokwice, ntuzokwibe, ntuzokwipfuze nabi», mbere n’ayandi mabwirizwa, bikoraniye muri iri jambo ngo: «Urakunda mugenzawe nk’uko wikunda wewe nyene.» 10 Uwukundana ntagirira nabi mugenziwe, ni co gituma urukundo rurangura Itegeko.

```Iryo ni Ijambo ry’Umukama```

*INKURU NZIZA*

*_Aleluya. Aleluya._*

_Imana yatumye Kristu kutwuzuriza na yo; ni co gituma Kristu yatubivyemwo ijambo ry’ubwo bwuzure (2 Abanyakorenti 5, 19)._

*_Aleluya._*

_Ivyo dusoma mu Nkuru nziza ya Yezu Kristu nk’uko yashikirijwe na Matayo 18, 15-20_

*_(Mwenewanyu niyakwumvira, uzoba umurokoye)_*

*Muri irya misi, Yezu yabwiye abigishwa biwe ati: 15 «Mwenewanyu agucumuyeko, genda umuhanure muri umwe n’umwe. Aramutse akwumviye, uzoba umurokoye. 16 Atakwumviye, jana n’uwundi umwe canke babiri, kugira ngo ikivuzwe cose cemezwe n’ivyabona bibiri canke bitatu. 17 Akaramuka yanse kubumvira naho, ubibwire Ekleziya. Niyanka kwumvira Ekleziya, uramufata nk’umupagani canke nk’umutozakori. 18 Ni ukuri ndabibabwiye, ico muzoboha kw’isi cose kizoba kiboshwe no mw’ijuru, ico muzobohora kw’isi cose kizoba kibohowe no mw’ijuru. 19 Ni ukuri ndababwiye kandi ko hano kw’isi, abantu babiri bashize hamwe bagasaba, ico basavye cose Dawe wo mw’ijuru azokibaha. 20 Nkako ahari babiri canke batatu bakoraniye kw’izina ryanje, nanje mba ndi aho hagati yabo.»*

```Iryo ni Ijambo ry’Umukama.```

*_IJAMBO RY'UMUKAMA_*🗓️ *_indwi ya 22 yo mu gihe gisanzwe co mu mwaka, ku wa kane, années paires_*📖 *IGISOMWA CA MBERE*📖...
03/09/2026

*_IJAMBO RY'UMUKAMA_*

🗓️ *_indwi ya 22 yo mu gihe gisanzwe co mu mwaka, ku wa kane, années paires_*

📖 *IGISOMWA CA MBERE*

📖 _Ivyo dusoma mw’Ikete rya mbere Umutumwa Pawulo yandikiye Abanyakorenti (3, 18-23)_

Ncuti zanje, ntihagire n’umwe yihenda; muri mwebwe, nihagira mwe yiyumvira ko ari umunyabwenge ku vy’iyi si, niyigire ikijuju ngo abone guhinduka umunyabwenge w’ukuri; kuko ubwenge bw’iyi si ari ubusazi mu maso y’Imana. Na none handitswe ngo: «Umukama ategera abanyabwenge mu bubangutsi bwabo», kandi ngo: «Umukama arazi ivyiyumviro vy’abanyabwenge, arazi ko ata co bimaze.» Ni uko rero, ntihagire n’umwe yihayagiza mu bantu; kuko vyose ari ivyanyu, ari Pawulo canke Apolo canke Kefasi, ari isi canke ubuzima canke urupfu, ari ivy’ubu canke ibizoza, vyose ni ivyanyu; namwe muri aba Kristu, Kristu na we ni uw’Imana.

```Iryo ni Ijambo ry’Umukama.```

📃 *IZABURI 23 (24) 1-2, 3-4b, 5-6*

🎷 _Icit. Isi ni iy’Imana, kumwe n’ibiri kuri yo vyose._

Isi ni iy’Umukama, kumwe n’ibiri kuri yo vyose, intara n’ibihaba vyose; kuko ari We yayiteretse ku mayaga, akayikomeza kuri yo.

Mbe bane, ni nde azokwurira ku murambi w’Umukama, akaguma mu kibanza ciwe ceranda? Ni urya muntu w’iminwe idahumanye, w’umushaha udatyoye, w’umutima udacambirwa ibintazi w’abapagani.

Ben’uyo muntu n’ahezagirwe n’Umukama, asagirwe n’ubutungane bw’lmana yamukijije: ng’uwo umuryango w’abamurondera, barondera inyonga zawe, Mukama.

📖 *INKURU NZIZA*

🎷 *_Aleluya, aleluya._*

📑 _Umukama yavuze ati: «Kuva ubu, nzobita abakunzi banje; ivyo nahawe na Data vyose narabibamenyesheje.»_

🎷 *_Aleluya._*

📖 _Ivyo dusoma mu Nkuru nziza ya Yezu Kristu nk’uko yashikirijwe na Luka (5, 1-11)_

*Umusi umwe, Yezu yari akikijwe n’ishengero ribandana ngo ryumvirize Ijambo ry’Imana. Na we rero akaba ahagaze ku nkombe y’ikiyaga ca Genezareti. Abona rero ubwato bubiri buri ku nkombe y’ikiyaga, abarovyi na bo bari babuvuyemwo ngo boze insenga zabo. Yurira rero muri bumwe, bukaba na bwo ni ubwa Simoni. Yezu aramwinginga ngo asoze gatoyi bave ku nkombe. Yezu yicara muri nya bwato, atangura kwigisha rya shengero. Ngo aheze abwira Simoni ati: «Igiza rero ahari amazi menshi, uheze urekurireyo urusenga urobe.» Simoni amusubiza ati: «Muhanyi, twaraye turaroba ijoro ryose, turaheza nta co twafata; mugabo ko ubivuze, ndaterera urusenga.» Ngo abigire, bafata ifi isinzi, n’urusenga rwabo rutangura gusambuka. Bākura rero bagenzi babo bari mu bundi bwato ngo baze kubafasha. Na bo baraza, buzuza ya mato yompi, mbere ashaka n’ukwibira. Simoni ngo abibone, akubita ibipfukamiro hasi imbere ya Yezu, ati: «Mukama, n’unje kure kuko ndi umunyakabi!» Erega ubwoba bwari bwamutekeye, n’abo bari kumwe nyene, kubera izo fi bari barovye. Eka na bene Zebede, bagenzi ba Simoni, Yakobo na Yohani, bari babufise. Ariko Yezu yabwiye Simoni ati: «Gumya umutima; kuva ubu uzohora uroba abantu.» Ngo bagarukane ubwato ku nkombe, baca basigaho vyose, baramukurikira.*

```Iryo ni Ijambo ry’Umukama.```

Address

Bujumbura
Bujumbura

Website

Alerts

Be the first to know and let us send you an email when Njoki Murira posts news and promotions. Your email address will not be used for any other purpose, and you can unsubscribe at any time.

Shortcuts

Share

Category