Dalal bouazza

06/05/2023

مقادير
200زبدة
4ملاعق زيت
4ملاعق ك سكر ڨلاصي
1بيض
كأس نوات كوكو جوز الهند
3ملاعق ك نشاء
م.ص.فانيليا
مبشور ليمونة
1كيس خميرة الحلويات

طريقة التحضير
في اناء نضع الزبدة معى الزيت وسكر نخلط جيدا بالخلاط الكهربائي حتا تتجانس المكونات نضيف المكونات المتبقية ونستمر بالخلط بواسطة الخلاط الكربائي وفي الاخير نجمع العجينة بستعمال الاصابع نفرغ الفرينة تدريجيا معا الخميرة حتا نتعصل على عجينة طرية نشكل كريات ونعمل ثقب صغير بواسصة الأصبع ☝️ لي مشهدو بيه راح تلاحضي القاطو نتاعك يتشقق مام كي يطيب يتشقق مي كي نديكوريوه ميبانش تشقق كامل متنساوش لبنات جربو الوصفة وخالولى رأيكم في كمونتاع ديرو أبوني يوصلكم جديد

15/04/2023

#مقروط #بريستيج
مقروط الكوشة مقروط بريستيج ..يذوب في الفم 😋 وشكله راقي جداا ..
3كيلات سميد متوسط يعني سميد خاص بالمقروط
كيلة طحين ابيض
كيلة غير ربع من السمن الذايب ونملاءها بالزيت
كيلة مختلطة بين ماء وماء الزهر
عطر الزبدة وعطر زهرة البرتقال رشة ملح
التحضير
في جفنة اضع السميد والطحين الابيض ورشة ملح وفانيليا بودرة نخلطهم جيداا يتجانسو والان اضيف كيلة مختلطة بين المواد الداسمة. وعطر الزبدة وابدا بخلط المواد وحكها بين يديا حتى يتبسس وتصبح حبة السميد رطبة ونغطيها بنايلون غذاىي وفوطة واتركه ليلة كاملة أو على الأقل 4ساعات
اصبحنا واصبح الملك لله الواحد الاحد والفرد الصمد الذي لم يلد ولم يولد ولم يكن له كفوا احد
الحين المرحلة الثانية
المقادير
حبة بيض .. كيلة ماء مختلطة بماء زهر وعطر زهرة البرتقال نخلطهم وابدا بإضافة البيضة المختلطة مع ماء وماء الزهر .. ونبدأ نجمع العجين حتى نتحصل على عجين متماسك اغطيه واتركه لمدة 20دقيقة . واعود إليه واذا وجدته ناشف اضيف عليه قطرات ماء لي بقات لي .. واذا لقيتو مشرب مليح إخلاص .. ملاحظة
نشد قليلا من العجينة ونفردها على يدي ونشوف اذا لم تتشقق اخلاص مانضيفش الماء .. واتركه 20دقيقة أخرى ويصبح جاهز
تحضير الحشو
3كيلات كاوكاو مقلي مطحون خشن
كيلة غير مملوءة سكر خشن
ملعقة زبدة .وماء زهر نخلط كل شي ونضيف ملعقة زبدة نبسس مليح ونضيف الماء الزهر بالتدريج نتحصل على خليط معسل 😋 ونخليه يرتاح ونكورهم كريات صغار ونغطيهم بنيلون وندخلهم إلى الثلاجة يرتاحو على الأقل 20دقيقة
والحين اصبح عندي كل شي جاهز والان اكور العجين الى كريات حسب الطابع لي عندي نفتح تلك الكرية على راحة يدي ونفردها من الاطراف خاصة ونخلي الوسط خشين واحشيهم بكريات صغار 10غ من الحشو ونكورهم وادخل الكرية داخل الطابع الخاص بالمقروط ونضغط مليح عليها باش يترشم بهذاك الرسم ونحط كامل الحبات في الصينية كي نكمل من العجين وادخلهم فرن ساخن جداا مسبقا وبعدها ننقص الدرجة إلى 180درجة .. وكي يطيب نصف طياب نزيد الدرجة إلى 200درجة وكي يطيب من الاسفل . واشعل الفرن من الفوق حتى يأخذ اللون الاحمر ماتخلوهش بلون ابيض اتركوه يكسب لون ذهبي . ومباشرة من الفرن الى العسل يكون وسط ماشي ثقيل وماشي ماييه .. واتركه ليلة كاملة في العسل في الاناء مغطي .. وفي اليوم التالي اعيد له التعسال ..

12/04/2023