15/07/2025
🔴 ثمن الرسالة فالإعلان ماشي هو اللي يهم 🔥
كاين بزاف يسقسو ويقولو:
"السوما تاع الرسالة طالع، واش ندير؟"
وجوابي دايمًا ثابت:
✅ انسى ثمن الرسالة كرقم.
علاش؟
لأن فالآخر:
ما راح تخلّصلك الكراء بثمن الرسالة
ولا يخلّصولك أجور الخدمة
ولا يغطيلك مصاريف المشروع بثمن الرسالة.
🎯 واش لازم يهمك ؟
العائد على المصروف الإعلاني – ROAS
يعني مثلاً:
لو صرفت 4300 دج إعلانات
الإعلانات هاذي جابتلك واش من مبيعات؟
ومن بعد تحسب:
✅ ثمن السلعة
✅ كامل مصاريف الحملة الإعلانية
✅ مصاريف التشغيل (شحن، تغليف، خدمة العملاء، الأجور...)
✅ كراء
✅ أجر الميديا باير إذا كاين
ومن بعد تشوف الربح الصافي الحقيقي،
وساعتها فقط تقدر تحكم:
هل الحملة خدامة ولا لا؟
