حجاز Hgaz للدراسات الجيولوجية والهيدروجيولوجية والجيوفيزيقية

09/05/2025

من آخر أعمالنا بتوفيق الله، تسليم بئر جديد بعمق 85 متر انتاجية 113 متر مكعب فى الساعة وهبوط 1.7 متر وملوحة 900 جزء فى المليون

28/01/2025

بفضل الله تعالى وتوفيقه حجم أعمال العام الماضى 2024 م مقارنة بالأعوام السابقة واللى وصل إلى 12 دراسة متنوعة (بمعدل دراسة لكل شهر) بين الدراسات الجيوفيزيقية الاستكشافية وأعمال الاشراف على حفر وتنفيذ الآبار واجراء تجارب الضخ واعداد التقارير الفنية المتخصصة. كل عمل منها كان قصة تبدأ بالإعداد الجيد وبذل المجهود ومشاركة فريق عمل مخلص ومجتهد وتنتهى بالنجاح ومساعدة العميل لتحقيق النتيجة المرجوة.
أرجو إننا نكون من خلال كل النجاحات اللى فاتت نكون بنينا مع كل عملائنا وكل الناس اللى ساعدناهم ياخدوا قرارات مهمة فى استثماراتهم نكون بنينا جسور من الثقة ونتمنى إن الفترة القادمة تكون كلها .. تنمية ... ورخاء.

28/12/2024

من أهم ما يميز الخزان الجوفي فى مناطق حواف الدلتا:
١- قلة سمك الطبقة المشبعة بالمياه.
٢- قلة التغذية نتيجة البعد عن مصدر التغذية السطحى - مياه نهر النيل بفرعيه -
٣- الارتفاع النسبى لملوحة المياه به وتدهورها مع السحب بكميات عالية.
ولذلك ينبغى الحرص عند التعامل مع هذا الخزان واستخدام طرق علمية لاستكشاف الظروف المحلية للمنطقة المراد دراستها local study والإشراف الفنى على حفر وتصميم وتنفيذ البئر وإجراء الاختبارات اللازمة عليه لتحديد معدلات السحب الآمن من البئر وتوقع الظروف المستقبلية للخزان الجوفى مع سيناريوهات التشغيل المختلفة طبقا لظروف التنمية بالمكان.

07/12/2024

صباح ملئ بالنشاط والعمل ..

30/06/2024

القياسات الجيوفيزيقية فى دراسة المياه الجوفية مش بيكون الهدف الوحيد منها هو استكشاف تواجد الخزان الجوفى فى المناطق الجديدة (البكر) ولكن بيكون ليها استخدامات مهمة جدا فى المناطق المستكشفة ومش كده وبس حتى المناطق اللى محفور فيها آبار بالفعل 🤔🤔
طبعا حضرتك هتقولى ازاى الكلام ده !!!
هقول لحضرتك الصور دى من دراسة فى أرض محفور فيها آبار بالفعل ، ومن الأهداف لاستخدام القياسات الجيوفيزيقية فى حالة زى كده وحالات تانية مختلفة كمان:
- حدوث ارتفاع فى ملوحة المياه بالبئر القائم فبنحتاج نحفر بئر بديل وهنا بيجى دور الدراسة واللى بتجاوب على السؤال التالى: هل لو زودنا عمق الحفر هنلاقى طبقة خزان ذات ملوحة أفضل أم لا؟
وخلينا نصيغ الكلام ده بشكل تانى ونقول: التعرف على الملوحة النسبية للطبقات المختلفة الحاملة للمياه.
- كمان فى المناطق اللى فيها تداخل مياه البحر زى المناطق الساحلية بنستخدم القياسات الجيوفيزيقية علشان نحدد الفاصل بين خزان المياه السطحى واللى بتكون فيه ملوحة المياه مقبولة علشان بتتغذى بمياه الأمطار وبين المياه المالحة اللى تحتها وبالتالي بنحدد عمق حفر البئر قبل الدخول فى نطاق المياه المالحة.
وللحديث بقية عن استخدامات الجيوفيزياء المختلفة فى مجال المياه الجوفية ...
حجاز - جسور من الثقة -

25/06/2024

الاشراف على أعمال الحفر والتنفيذ وإجراء التجارب لبئر مياه لصالح شركة تعبئة مياه معدنية بمدينة السادات وبفضل الله نتائج ممتازة من حيث الإنتاجية (تصرف ١٠٠ متر مكعب/ساعة مع هبوط ٧٠ سم بعد تشغيل ٨ ساعات مستمرة) والنوعية (٢٩٢ جزء فى المليون).
والقادم أفضل بمشيئة الله
حجاز - جسور من الثقة -

17/06/2024