Joe_Tech

06/06/2026

بسم الله الرحمن الرحيم
وما بكم من نعمة فمن الله
اخوانى الصنايعيه لو جالك جهاز واتفقت مع صاحبه على الأجرة وبعدين لقيت المشكلة سهلة وممكن تتحل بدون تكلفه عاليه اعملها وخفف من على العميل وانسى اللى اتفقت عليه ...الفلوس مش كل حاجه

21/05/2026

الصيف بدأ ومشاكل المراوح بتكتر
مراوح السقف لها مشاكل ومراوح الاستاند والمكتب والحائط لها مشاكلها
مراوح السقف اهم حاجه لازم بداية كل صيف تفك المروحه وتتاكد من سلامه مسامير التثبيت
لو فيه صوت بلاش تحط زيت الافضل تغير بلى
ولو المروحة بطيئه غير المكثف بنفس القيمه اللى على المكثف المراوح الصينى مكثف ٢ ميكرو
والتوشيبا فيه ٢.٥ وفيه ٣ وفيه 3.5 ولو المروحه تقيله فى لفها يبقى تغير بلى
ولكل المراوح ما ينفعش تسيبها
شغاله 24 ساعه لأنها بتسخن وتحمص ورق العزل وينشف الشحم ويخلى البلى يقفش
اما مراوح الاستاند والمكتب والحائط 90٪ من مشاكلها كلها واحد المروحه بتقف مره واحده توديها لصنايعى يحط لك اسبراى زيت او يغيرلك جلب وما تكملش يومين وتقف تروح له تانى يقولك موتور والمشكلة بتبقى فى الاكس
لازم يتغير ومش كل المراوح متوفرلها اكس فلازم تغير موتور
وبالنسبه للمواتير كلها مضروبه باستثناء الفريش والتوشيبا الحجم الكبير وفيه صينى بس على الاقل الاستيتور لايقل عن 20م
نصيحه بلاش موضوع تغيير الجلب لأن العيب فى الاكس
احيانا يتعالج وكل صنايعى له طريقه لكن حل مؤقت ولا يستمر .

09/04/2022

بمشيئة الله يوجد لف كل أنواع مراوح السقف بضمان سنة

19/03/2022

أن شاء الله محاربة للغلاء علشان ماتشتريش أجهزة جديدة وترمى القديم خردة سوف يتم توفير كل قطع غيار الأجهزة المنزليه الغسالات والمراوح والشفاط والمكانس والخلاط والكبة البوتوجاز والثلاجةوالميكروويف وكاتيل الشاى وكل مستلزمات الدش ... المنتجات من اصغر قطعة غيار إلى أكبر قطعة غيار للأجهزة بأقل سعر وأعلى جودة بإذن الله...للتواصل ارسال صورة بالمنتج أو القطعه المطلوبة بالاسم بالموديل على الواتس 01022261051 وسيتم الرد بالسعر ويتم توفيرها خلال يومين بأقل سعر موجود فى السوق وحضرتك تقارن فى السعر عندنا وسعر السوق... ومعذرة على عدم الرد على التعليقات لعدم التواجد والانشغال.... نصيحه لو انت من بعيد وصعب التواصل كفايه أن حضرتك تسال وتعرف سعر الحاجه اللى محتاجها علشان محدش يستغل الظروف ويستغلك والسعر اللى بنعرض بيه موجود ومتوفر مش كلام ...لأن التاجر هيقولك روح هات من عنده ؛ حتى لو فنى صيانه اساله محتاج ايه وبكام وأجرة تركيبه كام ساعتها مش هايقدر يزود عليك من الاخر (خليك واعى)

03/12/2021

وما توفيقى إلا بالله
دى مروحة كانت راكبة فى مزرعة وكما فى الصورة كانت خردة ،بفضل الله تم لفها وتنظيفها والنتيجه واضحه ،يعنى مهما كانت المروحة ماترمهاش خسارة لأن المروحة الصينى جديدة ب300 جنيه والتوشيبا بتوصل إلى 600 جنيه، لوخردة أن شاء الله هترجع افضل واقوى من الجديدة لأننا بنلفها بسلك سويدى أصلى وبنعدل فى ملفات المراوح الصينى وده بيرجعها اقوى بكتير من الجديدة وبضمان سنة..للتواصل
واتس 01022261051

27/11/2021

أن شاء الله يوجد لف لكل انواع مراوح السقف مهما كانت بإذن الله لو خردة هترجع افضل من الجديدة وبضمان سنة كاملة ، سلك سويدى أصلى ويوجد صيانة كاملة تشحيم تغيير بلى تغيير مكثف مناسب لملف المروحه ...المراوح اسعارها ارتفعت ومفيش حد ماعندوش مرواح قديمة وللاسف بيبيعها خردة أن شاء الله معانا هترجع افضل من الجديدة ..الصورة لمروحة صينى محروقة قبل اللف وبعد اللف..معذرة لعدم الرد للأنشغال وللتواصل واتس 01022261051

02/01/2021

https://youtu.be/0ybRzp4swFM

مفتاح الايرث ليكج أو القاطع التفاضلى أو التسريب الارضى كلها اسماء لمعنى واحد إلا وهو مانع الصعقه الكهربائيه فيه منه انواع كتير وكلا له استخداماته لكن اللى مع...

28/12/2020

نعاهد الله ونعاهدكم بالصدق والأمانة والرضا بالربح القليل إن شاء الله

28/12/2020

مفتاح ايرث ليكج أو القاطع التفاضلى ناس كتير ماتعرفوش لكن فائدته كبيره جدا ...ببساطه جدا المفتاح ده يعتبر مفتاح الحياة لأن لا قدر الله لو اى طفل وضع مسمار فى فيشة الكهرباء هيصعق فى الحال ؛ ولو شخص بيستخدم السخان الكهربائي وحصل ماس نفس النتيجه بل اشد والغسالة والثلاجه واى جهاز فى البيت لكن لو مفتاح الايرث ليكج راكب عندك مفيش خوف على الاطلاق لأن المفتاح بيفصل الكهرباء فى جزء من الثانيه عند حدوث تسريب بحد أقصي 30 ملي امبير .المفتاح المناسب للمنازل هو اللى بيفصل عند 30 ملى امبير متوفر منه 40 امبير و 63 امبير الاثنين بحساسية 30 ملى امبير سعر ال 40 امبير 250 وال 63 امبير 300 جنيه بالاضافه لمصاريف الشحن وده ارخص سعر فى السوق وفيه انواع كتير لشركات بس باسعار كبيرة لكنى اخترت النوع ده لانه رخيص جدا ومناسب للجميع لانه بيؤدى نفس الغرض ولأنه بيعيش سنين لأنه مالوش شغل غير عند حدوث ماس وده باذن الله نادر جدا الحدوث ...لو ماتعرفش حاجه عنه ادخل على اليوتيوب واكتب القاطع التفاضلى أو earth leakage..وانت هتعرف قيمة هذا المفتاح