On TRACK

06/08/2026

Every great journey begins with a single step.

Today, we celebrate one year of ambition, dedication, and unforgettable milestones.

This first anniversary isn’t just about looking back—it’s about looking forward to everything we’re yet to achieve.

Happy 1st Anniversary, OnTrack Consultant. 🤍✨
One Team. One Family.

04/08/2026

At On TRACK ,
we’re proud to be part of the Keral Developments success story.

02/08/2026

Made by On TRACK

01/08/2026

في عالم البيزنس… المنافسة مش بتخوف الشركات القوية، بالعكس بتخليها تتطور.

الشركات الناجحة مش بتقضي وقتها تراقب المنافسين…
هي بتركز على بناء استراتيجية أقوى، وفهم السوق، وتقديم قيمة حقيقية لعملائها.

لأن النجاح الحقيقي مش إنك تكون الأرخص…
النجاح إن العميل يختارك حتى لو عنده بدائل.

في OnTrack Consultant، بنؤمن إن كل شركة تقدر تتصدر سوقها لما يكون عندها رؤية واضحة، واستراتيجية صحيحة، وتنفيذ احترافي.

الشركات اللي بتراهن على الجودة… مش بتخاف من المنافسة، لأنها عارفة إن القيمة الحقيقية هي اللي بتكسب في النهاية.

📌 شاركنا رأيك:
في رأيك… إيه أكتر عامل بيخلي شركة تتفوق على منافسيها؟
الاستراتيجية؟ الجودة؟ التسويق؟ ولا فريق العمل؟

01/08/2026

Made by On TRACK

“العميل قالي: هفكر وأرجعلك.”

فسألته:
“هو بيفكر فعلًا… ولا بيهرب من إنه يقول لا؟”

سكت شوية…

قال:
“معرفش.”

“دي من أكتر الجمل اللي السيلز بيفهمها غلط.”

مش كل عميل بيقول “هفكر” بيكون محتاج وقت…
أوقات كتير بيكون لسه مش مقتنع، أو عنده اعتراض مقالش عليه، أو مش شايف القيمة الكافية إنه ياخد القرار دلوقتي.

ولو رديت بـ:
“تمام، هستنى حضرتك.”

فأنت غالبًا خسرت الصفقة.

لكن السيلز المحترف يقول:

“أكيد، خد وقتك… بس قبل ما تقفل، ممكن أعرف إيه أكتر نقطة محتاج تفكر فيها؟ يمكن أقدر أوضحها لحضرتك.”

السؤال ده بيفتح باب للحقيقة.

يمكن السعر…
يمكن الثقة…
يمكن مقارنة بمشروع تاني…
ويمكن أصلًا القرار مش بإيده.

افتكر…

“هفكر” مش اعتراض…
دي بداية اكتشاف الاعتراض الحقيقي.

ولو عرفت السبب الحقيقي…
فرصتك في قفل الصفقة بتزيد جدًا.

👇 قولّي في الكومنتات…
إيه أكتر اعتراض بيقابلك من العملاء وبيخليك محتار ترد إزاي؟

23/07/2026

في ذكرى ثورة 23 يوليو، نستلهم من تاريخ وطننا معاني الإرادة والعزيمة التي صنعت حاضرًا نفتخر به، وترسم مستقبلًا أكثر إشراقًا. 🇪🇬

نؤمن أن البناء الحقيقي لا يقتصر على المشروعات، بل يبدأ برؤية، ويستمر بالعمل، ويثمر مستقبلًا أفضل.

كل عام ومصر في تقدم وازدهار.

22/07/2026

Made by On TRACK

دخل عليا سيلز متضايق وقال:

– الصفقة باظت… العميل قاللي السعر غالي.

بصيتله وسألته:

– هو قالك السعر غالي… وإنت عملت إيه؟

قال:

– حاولت أنزل في السعر… وبرضه مشتراش.

– يبقى الصفقة مباظتش بسبب السعر… باظت لأنك جاوبت على اعتراض قبل ما تفهمه.

استغرب :

– يعني إيه؟

:

– كلمة “السعر غالي” مش اعتراض… دي بداية نقاش.

كان المفروض تسأله:

“غالي مقارنة بإيه؟”

أو:

“لو حسيت إن القيمة تستحق، هل هيكون ده اختيارك؟”

لأن ساعات العميل مش شايف القيمة…
وساعات بيقارن بمنافس…
وساعات أصلًا مش جاهز يشتري.

لكن أول ما تنزل في السعر…
إنت بتقوله إن السعر فعلًا كان محتاج خصم.

افتكر:
السيلز الشاطر مش أول واحد يقلل السعر…
هو أول واحد يوضح قيمة اللي بيبيعه.

قولّي…
إيه أكتر اعتراض سعر قابلته قبل كده؟ 👇

20/07/2026

Made by On TRACK

“السيلز دخل متضايق وقال:

- العميل قفل معايا أول ما عرف السعر!

سألته:
- هو اعترض على السعر… ولا اعترض على اللي هيشتريه؟

استغرب وقال:

- مش فاهم.

- إنت قلت السعر قبل ما تخلي العميل يحس بقيمة اللي بياخده.
بالنسبة له… الرقم كان كبير، لأنه لسه مش شايف المقابل.

في المكالمة اللي بعدها…
بدأ يسأل، يفهم، يحدد احتياج العميل، ويشرح إزاي المنتج هيحل مشكلته.

ولما قال السعر…

العميل ما قالش “غالي”
:
“طب إيه خطوات التعاقد؟”

الخلاصة:
السيلز الشاطر مش اللي بيعرف يقول السعر…
السيلز الشاطر بيعرف يخلي العميل يفهم ليه السعر ده مستحق قبل ما يسمع الرقم.

🎗️ لو العميل قالك: “السعر غالي”…
إيه أول جملة هترد بيها؟؟

19/07/2026

Made by On TRACK

“في مرة دخلت على سيلز جديد، وقبل ما يمسك أول مكالمة قلتله: استنى.”

استغرب وقال:

“ليه؟ أنا حافظ السكريبت.”

قولتله:

“أنا مش بسألك حافظ هتقول إيه…
أنا بسألك عارف هتكلم مين؟”

سكت.

سألته:

- عارف العميل مين؟
- عارف هدف المكالمة؟
- عارف لو قالك “مش فاضي” هترد بإيه؟

الإجابة كانت “لأ”.

قولتله:

“يبقى أنت رايح تمتحن… مش رايح تعمل مكالمة.”

المكالمة الناجحة مش بتبدأ أول ما العميل يرد.

بتبدأ قبل ما تكلم العميل.

دقيقتين تحضير…
ممكن يوفروا عليك عشرات المكالمات اللي ملهاش نتيجة.

إنت قبل أي مكالمة… بتحضر فعلاً؟ ولا أول ما تشوف الرقم بتكلم العميل علي طول ؟؟!!

#سيلز

18/07/2026

Made by On TRACK

- مرة سيلز خرج من ميتنج وسألني :
هو إزاي أعرف العميل هيشتري ولا لأ؟

- سألته :
إنت ركزت على إيه في الميتنج؟

السيلز:
على كلامه طبعًا.

- وده أول غلط.

- إزاي؟

- لأن العميل ممكن يقولك: “ممتاز… كمّل”… وهو أصلًا قرر إنه مش هيكمل معاك.

- طب أعرف منين؟
- اقرأ الـ Body Language.
لو لقيته مائل بجسمه ناحيتك، محافظ على التواصل البصري، وبيسألك تفاصيل…
اعرف إنه مهتم.

لكن لو بدأ يبعد بجسمه، يبص في موبايله، أو عينه بقت في أي حتة غيرك…
اعرف إنك محتاج تغيّر أسلوبك.

السيلز:
يعني أصدق ال Body Language أكتر من كلامه؟

-مش تصدق واحد وتسيب التاني…
لكن افتكر دايمًا إن الـ Body Language بتكشف إحساس العميل قبل ما كلامه يكشف قراره.

السيلز الشاطر مش بيسمع العميل بس...
السيلز الشاطر بيقرأه.

اكتب في التعليقات:
"إيه أكتر موقف اكتشفت فيه إن لغة جسد العميل كانت بتقول الحقيقة... وكلامه كان بيقول حاجة تانية؟"