Marketing Service's & Solutions consultant

18/11/2022

This is a high level of marketing

16/11/2022

SOSTAC Analysis is not less important than SWAT Analysis

16/11/2022

16/11/2022

‏ lead 🥸 prospect

الاثنين بنقول عليهم ( عميل ) بس في اختلاف بينهم واللي لازم copywriter و اللي هيشتغل sales funnel اللي هو already عارف ده يكون واخد باله من الفرق ومجهز copy لكل واحد بعد عمل الفلتر لل users

Lead - العميل المحتمل
هو شخص تفاعل مع محتواك/إعلانك بطريقة ما، أو قام بإدخال بياناته في landing page الخاصة بيك أو سابلك email
بالبلدي كدة بقي ليه مسكة تجيبه أو تتواصل معاه من خلالها

‏Prospect - العميل المؤهل:

هو نفس الشخص السابق ولكن بعد إعادة استهدافه والتواصل معه ، واستجابته للتواصل بحيث يصبح مؤهل وقريب من عملية الشراء.
لو هنضرب مثال علي real estate
بمجرد أن العميل يملي form بقي lead ، طب حضرتك اتحركت وسيبتك من النوم في العسل وكلمته قبل ما competitor ياخده منك ، وجه الشركة وبقي مؤهل انك تعمل معاه close بقي prospect ، بقي مؤهل اكيد واخد بالك ، لسه عليه تكه 🤌

10/11/2022

الغرض هنا تقديم النصيحة دورى اوضحلك موقفك يا سيدتى وذلك لبدء عمل ناجح يجب توافر
👇👇👇👇
اولا استرخاصك هو السبب
ثانيا هل عندك اصلا بيزنس بلان أو ماركتنج بلان أو حتي تخيل للبيزنس بتاعك ولا عاملاه مصلحة ؟
عملتي swot
عارفة مين جمهورك
مين منافسينك
هل عندك كونتنت بلان
هل البادجت مناسبة لسوقك
هل في سيلز هيقفل الديل ورايا ومدي كفائتهم
هل جودة المنتج كويسة
هل منتجك بيحل مشكلة عن عميلك المستهدف
لو معندكيش إجابة عن الاسئلة دي متفكريش تكلمي حد
مش شرط كلها لكن لازم تكوني عارفة ٩٠٪ منها عالاقل

10/11/2022

Do you have a new product that you need to reach as many customers as possible?
Do you want to start making a successful marketing plan?
Do you want to make a distinction for your project among your competitors?
Sara’s Advertising is one of the most creative & leading

10/11/2022

Marketing Solutions is a marketing communications company supporting its customers with reaching out to their target audiences across global industrial and technology markets

10/11/2022

دروس عملية نارية من أرض الواقع

١- لا تتعجل في فتح المشروع قبل اكتمال العناصر الثلاثة :- الخبرة + التمويل + دراسة الجدوى.
٢- متفتحش مشروعك بدون ما يكون معاك تمويل خاص بيك مش فلوس سلف ولا قروض.
٣- التمويل اللي هتفتح بيه لازم يكون هيغطي مصروفات مشروعك من ٦ شهور لسنة لحد ما توصل لنقطة التعادل.
٤- اوعى تجرح راس مال وأصول المشروع .
٥- احذر التعاملات الربوية بكل أشكالها.
٦- متفرحش بالمكسب في الموجة العالية وتستعجل الحفلة وتروح تشتري عربية وفيلا وكذا وكذا ... الحفلة دي في الآخر بعد ما توصل لمرحلة الفائض من الأرباح ومشروعك خلاص مش محتاج تمويل.
٧- اختار المكان الصح متفرحش بالإيجار الرخيص.
٨- لازم يكون ليك نشاط اونلاين وياريت تبدأ مشروعك اونلاين قبل ما تقرر تاخد محل وتدفع له إيجار وعمالة وكهربا وخلافه.
٩- احذر سداد دين بدين أو قرض بقرض.
١٠- بلاش تلبس طواقي الموردين لبعضها وتشتري من التاجر ده آجل ولما تتزنق في السداد تروح تجيب من غيره آجل عشان تسد الأول ودايرة نهايتها وحشة ... لازم طول الوقت تكون حجم الأصول بتغطي حجم الديون لو بتشتري آجل.
١١- احذر عدم السيطرة على المصروفات سواء شخصية أو للمشروع ... كل مليم هتصرفه لازم يكون في مكانه الصحيح.
١٢- سمعتك هي أغلى ما تملك في السوق فكن صادقاً أميناً واتقِ الله في كافة تعاملاتك.
١٣- ِ_الكلب_ظهرك .. لما تلاقي المشروع بقى كلب وهيخسرك اوعى تديله ضهرك .. بلاش تستمر ووقف بسرعة طالما ملهاش حل تاني ... الخسارة القريبة أفضل مليون مرة من الخسارة البعيدة.
١٤- التسويق هو بيت القصيد ،،، تعلمه بإحتراف ولا تخلط بينه وبين البيع.
١٥- اختر فريق العمل بعناية ولا تتردد في التخلص من السيئين.
١٦- متأجرش محل من شخص ابنه عاطل.
١٧- خد آجل على قدك متفتحش برجلك أكتر من حجمك.
١٨- بيع كاش لو تقدر ولو مش هتقدر بيع آجل لناس سمعتها مضمونة وبمواعيد سداد ثابتة محددة ومتفرحش بفاتورة آجل كبيرة.
١٩- أي شخص صاحب مصلحة هتتعامل معاه خاف على مصلحته واوعى يشوفك أناني بتدور على مصلحتك وبس سواء كان ممول أو شريك أو مؤجر أو عميل أو مورد أو أي حد في دايرة تأثير مشروعك.
٢٠- بعد ما تنجح هتلاقي رسالة جاتلك من شخص زمان كنت قطعت علاقتك بيه هيقولك (......) متفتحش الرسالة واحذفها بسرعة وكمل طريقك.
٢١- العلم في الكراس والراس هي اللي بتفهم وتترجم ... الزم طريق العلم والتطوير المستمر.
٢٢- ابعد عن طريقك أي شخص معندوش احساس بالمسئولية ومعندوش احترام للوقت ولا عنده التزام صدقني مهما كان عبقري هتخسر بسببه كتير.
٢٣- متستعجلش تعمل نمو لمشروعك بدون دراسة ،، احذر من أضرار النجاح التي قد تعطيك ثقة بنفسك زائفة ،،، أي خطوة مهما كانت ادرسها كويس جداً .
٢٤- اتعلم امتى تقول لأ في الوقت المناسب ،،، اوعى تكون الشخص اللي بيتحرج ويتكسف ،،، لو خسرت محدش هيسمي عليك.
٢٥- الحاجة الاوفلاين اللي ليها بديل اونلاين امسك فيها ومتضيعش وقتك ... مثلاً لو تقدر توصل للعملاء اونلاين ومش محتاج تأجر مكتب اعمل كده طالما المكتب مش مهم ،،، وفر واشتغل من بيتك.
٢٦- في طريقك هتقابل ناس ناجحين اتعلم منهم وخدهم قدوة واوعى تعاديهم وخاصة ولاد كارك.
٢٧- أي شخص فاشل هيحسسك إن الدنيا كلها سواد ومفيش أمل ،،، اوعى تصدقه ،، كمل في طريقك ،،، ربنا عمره ما بيضيع مجهود شخص عنده يقين وثقة في الله لا تهتز.
٢٨- متقلدش حد متقلدش حد متقلدش حد خلي فكرك دايماً مميز ولو معرفتش تتميز بمنتح اتميز بالخدمة.
٢٩- درب فريق العمل ليصبح حسن كحسين ومحمد كمحمدين ومحدش من العملاء يشعر بفرق بين شخص وشخص ،،، لازم كل فريق العمل يكون نسخة واحدة في التعامل أمام العملاء حتى لا يرتبط العميل بشخص بل يرتبط بالكيان.
٣٠- حافظ على الجودة وحافظ على الأداء المتميز باستمرار.
٣١- حدد نسبة ثابتة من مبيعاتك أو من أرباحك وليكن مثلاً ١٪؜ صدقة كل شهر (ربنا هيكون شريك في مشروعك) هتشوف العجب العجاب ،،، السوق كله هيكون بيشتكي من الركود انت لأ بفضل الله ،،، الصدقة هتفتح لك أبواب متخطرش على بالك ،،، بس خلي نيتك لله واحذر الرياء.
٣٢- متفرحش بالمكسب القريب وخلي عينك دايماً إنك تكبر قاعدة زباينك اللي هيكرروا التعامل معاك باستمرار ويكلموا غيرهم ويرشحوك وتاكل زباين متقشرة جاهزة.
٣٣- اوعى تبخل وتوفر في بند الحسابات والمحاسب.
٣٤- اختر شريكك بعناية اختاره مناسب لطريقة تفكيرك وخلي كل اتفاق بينكم مكتوب.
٣٥- اوعى تمضي إيصال أمانة أو شيك لممول ،،، الممول شريك ع المكسب والخسارة واوعى تثبت ربح عشان ده هيكون ربا.
٣٦- أي حاجة فيها شبهة حرام لو هتخليك ملك ملوك الأرض اتركها لله وصدقني ربنا هيعوضك بأفضل مما تتخيل.
٣٧- في صديق قريب منك محتاج يقرأ الكلام ده متبخلش عليه.
٣٨- افصلوا بين الشراكة والدور الوظيفي ،، الشريك اللي هيقوم بدور وظيفي ياخد مرتب زي أي موظف أو مرتب وعمولة حسب ما تقتضيه الوظيفة .
٣٩- السوق عمره ما هيتوقف عن البيع والشراء والمميزين المختلفين مكانهم محجوز في السوق دايماً أما التقليديين والنُسخ المُتشابهة من بعض فدول أكتر ناس بتعاني في السوق ودايماً بيشتكوا من حرق الأسعار والركود.
٤٠- مضى زمن الفهلوة ومحتاج تفهم كويس إن الطرق بتاعت زمان في التجارة لم تعد مُجدية ،،، متنتظرش العميل يخبط بابك .
٤١- المركب اللي ليها ريسين بتغرق ولو تلاتة مبتتحركش من مكانها ،، اتفق مع الشركاء على شخص واحد هو اللي هيدير ونحدد مهام كل شخص وصلاحياته ومسئولياته وحافظوا وكونوا قدوة في النظام لكل فريق العمل.
٤٢- اتفقوا لما تختلفوا وحد يحب ينفصل هينفصل بأي شروط بدون ظلم لأي طرف وتكون شروط مكتوبة.
٤٣- اللي متكتبش متقالش متسبوش حاجة للذاكرة وتقعدوا تكذبوا بعض وتسمعوا الناس بيكم.
٤٤- ولا تنسوا الفضل بينكم ،، لو قررتم تنفصلوا ،،، متنسوش الخير اللي كان بينكم والمحبة وتقلبوها عداوة للأبد ،، عشان كده بقول اختاروا صح من البداية.
٤٥- وانت بتبدأ مشروعك خليك واقعي وبلاش الأحلام الوردية وخيالات الثراء السريع اللي غرقت ناس كتير ،،، التجارة بالهداوة والعقل ،،، على مهلك وخلي تركيزك الأكبر على نجاح الفكرة وتوطيد الأسس والنظام وسيستم العمل اللي يدور نفسه بنفسه بدون تدخل منك في كل كبيرة وصغيرة.
٤٦- دائماً وأبداً كن أميناً مخلصاً صادقاً.
٤٧- احسب زكاة مالك وخرجها في موعدها ،، الزكاة فريضة وفي فرق بينها وبين الصدقة.
٤٨- بيزنس صغير محندق جميل لذيذ بنعرف نديره بسهولة بدون ديون بدون شعور بالضغط النفسي أفضل مليون مرة من توسع غير مدروس يوقعنا في مشاكل احنا مش قدها تخلينا مهموين مغمومين نجري ع القروض نضطر ناخد قرارت خطأ في لحظة معينة وغلط يجر غلط وتكبر حجم المشكلة ونخسر القديم والجديد ونرجع تحت الصفر !!
٤٩- لما تنجح اوعى تتغر وتكون متكبر متنساش أبداً بداياتك الصغيرة ومتنساش إن الفضل كله من عند ربنا وإن قلة الفلوس أو كترتها اختبار (ليبلوكم أيكم أحسنُ عملاً)
٥٠- ادي العيش لخبازه وقدر أهل الصنعة ،،، مهما كنت شاطر مستحيل شطارتك هتكون زي أهل الصنعة المتخصصين ،، التسويق صنعة والبيع صنعة والإدارة صنعة وخدمة العملاء صنعة والحسابات صنعة ،، اعرف نبذة عن كل حاجة لكن مش كل حاجة مشروعك محتاجها تروح تتعلمها عشان تعملها بايدك ،،، قدر كل شئٍ بقدره الصحيح.
٥١- لو أجرت محل ولقيت إنك هتصرف عليه مبلغ تجهيز كبير يبقى لازم تكون فترة العقد أطول فترة ممكنة تتناسب مع حجم الفلوس اللي هتصرفها وتشرط في العقد لو صاحب المحل يخرجك قبل انتهاء العقد يكون في شرط جزائي تضمن بيه حقك ويكون العقد موثق.
٥٢- متوظفش حد هتتحرج تقوله لِمَ فعلت ولِمَ لَمْ تفعل ؟!

10/11/2022

ممكن حد يقولي على مثال واحد فقط
قابله في حياته تجتمع فيه المواصفات التاليه

كان موظف وكان دائم الشكوى من ظلم اصحاب العمل اللي كانوا ممرمطينه على ملاليم

وبعد كده فتح بيزنس لوحده ونغنغ الموظفين اللي معاه بالمرتبات السخيه والمرونه في مواعيد العمل والاجازات والراحه ؟

اتحدى تلاقي حد كده ولو واحد في الالف
عارف ليه ؟

اولاً لان الشخص السليم نفسياً مش شكاي ولا بكاي ولو صاحب العمل مش مقدره بيشوف غيره ولو اكتشف ان الوظيفه بتاعته اخرها كده بيطور نفسه لوظيفه اعلى وبدخل افضل

ثانياً فيه مرض منتشر وهو مرض "التعميم" عند الموظف البروطه وكمان عند صاحب العمل البروطه

الموظف البروطه شايف ان كل اصحاب العمل عباره عن اكلي لحوم البشر ومصاصي دماء ومش بيقدروا ومش بيراعوا الموظف المجتهد

وصاحب العمل البروطه شايف ان كل الموظفين مش بتوع شغل ومش ملتزمين ومش عايزين ياكلوا عيش

والاتنين للاسف غلط وده ميمنعش ان فيه ناس كده في الموظفين واصحاب الاعمال لكن التعميم مرض

المهم نرجع للموظف
ليه بقولك صعب نلاقي ولو واحد في الاف

لان الموظف الشكاي البكاي اللي شايف انه مجتهد وموهوب وبتاع شغل ومعندوش ولا غلطه وكل اصحاب العمل ضده ومحدش مقدره ده غالبا موظف بروطه وده بقى اجارك الله لما يقرر يبقى صاحب عمل

لانه بيكتشف ان واقع السوق العملي صعب والمنافسه شديده ولا يتحمل الرفاهيه اللي كان يحلم بيها كموظف

وكمان حد بالعقليه دي وواخد الامور شخصيه بالشكل ده صعب جدا يكون صاحب بيزنس ناجح لانه مش بس كان الاضعف فنيا لما كان موظف لا وكمان يفتقر للتقييم الصحيح للامور

الخلاصه ...
كصاحب عمل او موظف اياك ومرض التعميم
مستحيل كل الناس تتفق عليك وكل الناس ظالمه

موظف تاعبك شوف غيره
صاحب عمل مش مقدرك شوف غيره

مفيش حاجه سهله سواء وظيفه او بيزنس
المشاكل والتحديات موجوده ومن زمان
وبتزيد يوم بعد يوم المهم الاراده وقوة التحمل

شمر دراعك واسعى وعافر واجتهد
واوعى تخلي حاجه توقفك او تحبطك

10/11/2022

نصيحة لل hard workers البوست طويل شوية بس تقدر تطلع منة كم هائل من حسن الفكير و عدم التسرع

عقلية التوفير
بقلم عمرو أبو مازن

على مدار الفتره الماضيه حصلت معي بعض المواقف نبهتني لشيء خاطئ خطير إعتدنا فعله شبه يوميا فأصبح نمط وإسلوب حياه ومستمر في جلب الألم والعسر

الموقف الأول
بالأمس قال لي قريبي
لماذا تجلس في كافيه عالبحر الأسعار فيه غاليه
قلت له لأن فيه مميزات مختلفه
هواء نقي طبيعي مستمر، لا يوجد بعوض او ذباب، وخدمه أفضل
قال ولكنك تقدر توفر لو جلست في كافيه عادي
قلت له كل شيء له ثمن
الهواء الطلق وعدم وجود حشرات والهدوء
نحن نتحمل الحر ونتحمل لسعات الحشرات والازعاج ونقايض صحتنا وراحتنا بالمال

الموقف الثاني
قررت شراء أكل جاهز لان عندنا ضيوف
فقالت أمي
ولماذا لا تطبخو في البيت وتوفر ما تدفعه
قلت لها وكم سيكون الفارق
مقابل راحه زوجتي وتعب شراء الطلبات ووقت التجهيز وعدم الاستمتاع بوقتي مع اقاربي الذين يزورونني من السنه للسنه
كل ذلك له ثمن وانا اشتري الراحه والوقت والمتعه بالمال وليس العكس

الموقف الثالث
أخبرت قريبي بأني اشتركت في باقه ديزني للأفلام لأولادي
فقال ولماذا لم تقوم بتنزيلهم من عالانترنت
قلت له تخيل ان تكلفه الاشتراك الشهري لا تتعدى 3 دولارات
وقتي له ثمن وتنزيل المحتوى له ثمن كما أنه يعد سرقه

قيسو على ذلك العديد من المواقف التي تقوم بها بداعي التوفير
تمشي مسافه وتقايض وقتك وجهدك لتوفير المال
تأكل أكل بائت او لا ترغب به وقد يتعبك لتوفير المال
تتحمل الحر والضيق في سيارتك ولا تشغل التكييف للتوفير
تشتري الملابس الرخيصه التي قد تضر جلدك للتوفير
تضيع طاقتك لتفاصل البائع في السعر رغم معرفتك ان أسعاره ثابته لتوفر بعض المال
تأخذ معلومه من هنا ومن هنا وتبحث عن المجاني لتوفر المال بدل شراء الكورسات رغم ان معلوماتها مركزه وقيمه ومرتبه

الخلاصه انك أصبحت تقايض أي شيء مقابل المال
صحتك راحتك سلامك الداخلي جهدك وقتك
إعتقادا ان كل ذلك تملكه مجانا فتضحي به نظير المال

ولكن المفاجأه ان ما تعتقد انك توفره
أنت تبخل به
أنت تعطي لعقلك الباطن صوره ذهنيه أنك فقير
لا تملك ثمن الراحه والرفاهيه
وهذا يقود للبخل
نعم يا اخي
كل ما ظننت انك توفره انت تبخل به

وهذا الكون قائم على السريان والدوران
كل ما تنفقه يرتد إليك بشكل أكبر
ولكنك وقفت السريان فإستحقيت القله والندره والعسر

المال يحتاج للدوران ليرتد إليك
لو فرضنا انك تاجر أحذيه

انت تركب التاكسي وتنفق للسائق بدل من المشي
والسائق يشتري الحلويات من محل الحلويات بدل من عملها في بيته
وصاحب محل الحلويات ذهب للنجار لتصليح الباب بدل من عمله بنفسه
والنجار قرر يشتري حذاء جديد بدلا من أنه يمشي أموره بالحذاء القديم
فيشتري من محلك وبذلك يعود المال إليك
لكن عندما تبخل بداعي التوفير
انت أوقفت عجله السريان

طبعا هذا الكلام ينطبق على من يملك القدره على الإنفاق والزياده
اما من وضعه المادي لا يفي بالمتطلبات الاساسيه فلا ينطبق عليه

في النهايه أحب أوجه سؤال لمن تبني عقليه التوفير ومقايضه الصحه والوقت والجهد مقابل المال

ماذا صنعت بأفكارك هذه
هل بنيت العمارات وأصبح رصيدك بالملايين
أم مازال وضعك كما هو بل أسوأ
وضيعت صحتك ووقتك الثمين وجهدك

إعتبرها فكره غريبه وجرب لفتره
اشتري راحتك وجهدك ووقتك بالمال
وليس العكس
قم بذلك بنيه التيسير على نفسك وعلى غيرك
وستلمس الفرق في حياتك
بقدر عطائك لنفسك وغيرك
سيرتد لك الأفضل

10/11/2022

الاكيل لخص حاجات كتير فى عبقرية الادارة و الفكر خارج الصندوق مع العلم ان دة محل بقالة عادى بس عرفت اعمل ميزة تنافسية و لصعوبة منافسة الهايبر و الماركت الكبير تم تطبيق هذه الفكرة هى مش جديدة و فى ناس عملوها قبل كدة يجب علينا التميز و التنويع فى نظام الإدارة و الادارة مش شركات و مؤسسات كبيرة الادارة تتعمل لو كشك صغير
👇👇👇👇👇
رابط الفيديو على فكرة هو دقيقة بس لخص كلام كتير فى الكتب تم تطبيقها بشكل عملى بسيط تكلفة لا تذكر ولكن النتائج ممتازة
فكر برا الصندوق و ما تقولش مش هينفع و صعب بدل ما افكر فى مبررات افكر فى خطوات و حلول التميز..
الابداع فى الادارة
https://fb.watch/gImqlG8heu/

10/11/2022

قاموس السوق

متحرقش بنزين = اتكلم في الكلام المفيد

لخص = كلامك كتير

عامل ايه طمني عليك = فين الفلوس اللي عليك

موجود أعدي عليك = جهز دفعة

جاي ولا الدور الجاي = بيسخنك عشان تاخد اوردر

خلصانة بس ممكن أدور لك على كرتونة تايهة في المخزن = عنده استوك وبيعزز بضاعته

انت حبيبي = ظبط لي السعر

رنة تليفون صغيرة = بفكرك بالاتفاق بتاعنا

لما يقولك الدولار رفع = بيمهد لرفع الأسعار بتاعته

البضاعة شاحة = هيشلوحك في السعر

هاخد اوردر صغير أجرب ولو عجبني هشيل كمية كبيرة = بيشتغلك وعايز ياخد أقل سعر

اديله سكة = غير مرحب بيك عشان بتهري في الفاضي

زبون أشفور = جعان ممعهوش فلوس

باشا سعرك غالي ظبط لنا السعر = عينه في الحاجة وهيشتري

معلش اعذرني السوق نايم هدفع دفعة صغيرة الأسبوع ده ونزل لي اوردر جديد = ملبس طواقي للركب

تلبيس طواقي = خد بضاعة وباعها وخد فلوسها وصرفها ولما اتزنق في موعد الدفع راح خد اوردر من تاجر تاني وسيل الفلوس عشان يسد التاجر الأولاني

اداني على عيني = بعد ما اشترى لقى فرق سعر كبير

متجيش على سكتي = منافس بيهدد منافس عشان بيحرق عليه السعر

حرق السعر = بيع المنتج بأقل من المتعارف عليه

احنا زباينك وملناش بركه الا انت = هجاص وعايز خصم

ظبط لي الأسعار ومش هاخد بضاعتي إلا منك = كداب بيفاصل

متبعش المايه في حارة السقايين = مستجد بيعيش الدور

لاقيني ولا تغديني = متكشرش في وشنا ياعم الرخم

الموضوع ده فيه إن = بضاعة متهربة أو مسروقة

متحبكهاش يا أبو عمو = بياع بيدقق في المليم ومعندوش مرونة

اتفرج متشتريش = بيجيبك سكة

مولد وصاحبه غايب = الرجالة بتقلب صاحب الشغل

بضاعة لبوس = مرتجعاتها كتير

ناديلي حد كبير أكلمه = ياع مبتدئ استفز الزبون

الحاج فين مبيردش عليا = الحاج بتاع حوارات وبيتهرب من الديانة

البضاعة متخرتقة = الأعداد مش مظبوطة

عايز منك طلب = عايز فلوس سلف

مفيش حاجه علينا = عايز دفعة من الآجل

نواقص السوق = البضاعة اللي شاحه والزباين بتدور عليها

الدنيا واقعة = مفيش فلوس

انت بتشتغلني = بيدي مواعيد كتير فالصو

عنينا ليك يا باشتنا = بيثبت الزبون

هلف لفة وأرجعلك = زبون بيخلع بشياكة

فين أقرب ماكينة فيزا هنا = هروب الزباين ولاد الناس

متلفش وتدور = انت بتاع حوارات

بتقفل امتى = عميل مش راجع تاني

اضرب واجري = بياع نصاب مش سالك

اسلك لوجه الله = غشيم وعامل مفتح

طاب وكفة العشرة دول = كداب وبتاع حوارات

بيع ولا مناهدة = زبون بيفاصل كتير ومش بينفذ

اقطم بقى = صدعتني بكلامك

توتو على كبوتو = الدفع كاش

عامل من بنها = بتكلمه وعامل مش واخد باله

خزوقني = اداني بضاعة بايظة أو سعرها مبالغ فيه

الراجل ده معدي = لما اتنين يتكلموا عن واحد غني

تعالى سكة ودوغري = متلفش وتدور

ملوش كاتلوج = شخص مُتعب مش سهل

حبيبك وصل = لما يكون واحد مش طايق حد

عندي حالة وفاة = مزنوق ومفيش فلوس

أمي في المستشفى = بيخلع من الالتزام اللي عليه

يفتح الله = الزبون بيفاصل بغشومية

يافتة= بضاعة مختلفة وبياعة

وش القفص = البضاعة اللي بتتباع قبل أي حاجة

كريمة السوق = البضاعة اللي بيعها سهل ورايجة

متمرجحنيش = كلمتك مش واحدة ومش واثق فيك

حاضر = بيريحك

وشك سمح = تثبيتة بعدها سعر عالي

تعالى بس انت وهنعمل معاك الصح = هيديك بالسعر العادي

بارك بقى = محاولة لإنهاء البيعة

هات اللي عندك = هيسمعك بدون اهتمام

قطمه أحسن من نحته = هتسمع كلام طوب بعدها

بضاعة لُقطة = بيعة بسعر جامد أو بضاعة جديدة بياعة

متغنيش = بطل حوارات

بيع غناوة = بياع شبعان أو بياع واثق في بضاعته وماسك في سعره

الدفش = زبون

الدفشة = زبونة

الدفش اللي في شلك = الزبون اللي تبعك