06/03/2026
أنا صوفيا 👋
بشتغل في التسويق الرقمي وتطوير البيزنس،
لكن بصراحة… أنا مش من الناس اللي بتشوف التسويق على إنه بوستات وإعلانات وبس.
بالنسبة لي، التسويق جزء من منظومة كاملة:
المنتج نفسه
طريقة البيع
خدمة العملاء
وتجربة العميل من أول ما يسمع عنك لحد ما يشتري.
خبرتي بدأت من العمل داخل البيزنس نفسه، مش من خارجه.
اشتغلت على تأسيس وتطوير أكتر من مشروع من البداية، وشاركت في بناء منظومات التسويق والبيع والتشغيل، ووصلت في بعض التجارب لإدارة البيزنس بشكل كامل.
علشان كده، لما ببص لأي مشروع، ما ببصش بس على الإعلان أو المحتوى…
ببص على الصورة كلها:
المنتج أو الخدمة
الجمهور الحقيقي
طريقة البيع
طريقة الرد على العملاء
وإزاي كل ده يشتغل مع بعض.
دوري غالبًا بيكون إننا نفهم المشكلة الحقيقية في البيزنس،
ونبني سيستم يخلي التسويق يخدم البيع فعلًا، مش يبقى مجرد نشاط شكله حلو.
اشتغلت مع أنواع مختلفة من البيزنسات:
خدمات، منتجات، ستارتابس، ومشاريع قائمة محتاجة تطوير أو إعادة تنظيم.
ومن خلال الصفحة دي، هشارك:
• خبرتي وتجربتي العملية في التسويق
• أخطاء شائعة بشوفها في البيزنسات
• أفكار تساعد المشاريع تكبر بشكل عملي وواقعي
لو عندك بيزنس،
أو مهتم تفهم التسويق بشكل أعمق شوية…
أهلاً بيك هنا.
