Ruler Academy

Ruler Academy شغف التعلم، بفكر جديد، بمعرفة حقيقية قائمة على التجربة العملية لا النظريات.

شغف التعلم، بفكر جديد، بمعرفة حقيقية قائمة على التجربة العملية لا النظريات، بمهارات وأساليب وأدوات هتساعد كل طالب حابب يطور من نفسه في رحلته التعليمية، عن طريق تقديم دورات متخصصة في علم التعلم من أفضل المحاضرين والمتخصصين في الوطن العربي، ونصائح دورية على صفحات التواصل الإجتماعي.

عرض خاص جدًا للطلبة بمناسبة العام الجديد 🥳بتعاني من عدم تركيزك وانك بتنسى اي شيء ذاكرته بعد فترة قصيرةالمشكلة ليست في ذا...
24/12/2020

عرض خاص جدًا للطلبة بمناسبة العام الجديد 🥳
بتعاني من عدم تركيزك وانك بتنسى اي شيء ذاكرته بعد فترة قصيرة
المشكلة ليست في ذاكرتك، المشكلة في الطريقة اللي بتتعامل بيها مع ذاكرتك.
هتعرف في الدورة

إزاي تطور وتحسن ذاكرتك وان مخك دايما يكون في حالة تركيز، هتطور مهارتك علشان تثبت و تفتكر أكبر كمية ممكنة من المعلومات اللي هتفيدك في حيات العلمية والشخصية.

إزاي تعدل نمط حياتك بحيث أن ذاكرتك تبقى أفضل وتركيزك يبقى أحسن، فهتعرف إزاي تنام أحسن وتمارس رياضة بشكل أفضل، وإزاي تأكل بشكل صحي وغيرها من العادات اليومية اللي بنمارسها.
الدورة يومي 2/3 يناير من الساعة 10/7 مساء عبر تطبيق زووم.
التكلفة 100 جنية فقط والعدد محدود.
الدفع عن طريق فودافون كاش على رقم: 01065251785

الإمتحانات و معركة المذاكرة ⁦🗓️⁩مش عارف تدخل في مود الإمتحانات والمذاكرة، اكاديمية التخطيط بتوفرلك معلومات و مهارات و أس...
22/12/2020

الإمتحانات و معركة المذاكرة ⁦🗓️⁩
مش عارف تدخل في مود الإمتحانات والمذاكرة، اكاديمية التخطيط بتوفرلك معلومات و مهارات و أساليب فعالة هتساعد كل طالب حابب يطور من نفسه في رحلته التعليمية ويستفيد منها ويديرها بشكل يخليه مرتاح نفسيًا وجسديًا 👌🏻
تابع صفحتنا واستعد للمذاكرة والتفوق 💪

أنا بنسى بسرعة ومش مركز*****************مش بتعرف تحفظ وتحل في الامتحان رغم إنك بتعمل ال عليك وبتذاكر؟كتير مننا ممكن يكون...
21/12/2020

أنا بنسى بسرعة ومش مركز
*****************
مش بتعرف تحفظ وتحل في الامتحان رغم إنك بتعمل ال عليك وبتذاكر؟
كتير مننا ممكن يكون بيتعرض للمشكلة دي وبيعاني أن مش مركز وأنه بينسى بسرعة، وقتها بيحس بإحباط أو توتر وبيعتقد أن دي طبيعة ذاكرته وأن الموضوع وراثي وبسبب الجينات، في الحقيقة الكلام ده مش مضبوط وأي حد ممكن يطور ويحسن ذاكرته. طيب ايه الحل؟
خلينا نعرف الأول بعض المعلومات والحقائق عننا.

إيه أنواع الذاكرة؟
===========
معظمنا عارفين أن عندنا ذاكرة دائمة وذاكرة مؤقته، بس فيه نوع تالت من الذاكرة وهو المسئول عن المشاكل دي واسمه الذاكرة العاملة، الذاكرة المؤقتة بيبقى متخزن فيها معلومات قليلة لكن مش بيحصل أي نوع من المعالجة أو التحليل للمعلومات دي، تحليل المعلومات بيحصل في الذاكرة العاملة.
لو أنا عايز مثلاً اكتب مقال معين فاللي بعمله أني بقرأ واعمل بحث في الموضوع من أكتر من مصدر، بعد كده بجمع المعلومات دي مع بعض واخلطها بحيث أني اكتب المقال، عملية خلط وتجميع المعلومات دي بتحصل في الذاكرة العاملة، برضه لو عايز تحفظ رقم تليفون معين قبل ما تخزنه على الموبيل فاللي بتعمله أنك بتسمع الرقم ده في سرك وتكرره لحد ما تخزنه، العملية دي برضه بتحصل في الذاكرة العاملة.
إيه مكونات الذاكرة العاملة؟
======================
الذاكرة العاملة بتتكون من أكتر من جزء:
-جزء مسئول عن الذاكرة البصرية، يعني لو سألتك عندك كم كرسي في مكتب شغلك، وقتها هتتخيل شكل المكتب وتفتكر العدد، فالجزء ده هو المسئول عن كده.
-جزء تاني مسئول عن أنك تفتكر المعلومات الصوتية اللي بتسمعها عن طريق الكلام زي مثال رقم التليفون.
-جزء ثالث هو المسئول عن إدارة كل أجزاء الذاكرة العاملة وأنه يستدعى معلومة ما من الذاكرة الدائمة لو انت محتاجها في موقف معين.
إزاي نطور الذاكرة العاملة؟
=====================
معظم الدراسات بتقول أنك تقدر بالكتير تخزن من 4-7 معلومات في الذاكرة العاملة، يعني لو هتحفظ رقم تليفون أكتر من 7 أرقام هتواجه صعوبة، علشان كده لو نجحت تزود السعة الخاصة بالذاكرة هتبقى قدرتك على التذكر والتركيز أكتر، ده ممكن يحصل عن طريق الخطوات دي:
- قسم المعلومات لوحدات، لو عايز تحفظ 11 رقم، قسمه لوحدات ..كل وحدة مكوّنة من 3 أرقام مثلاً.
-الـتأمل باستمرار هيساعدك على التركيز على حاجة واحدة فبالتالي هتقلل المشتتات اللي بتدخل الذاكرة فبالتالي هتحسن تركيزك.
-ممارسة الرياضة بانتظام بتفرز هرمونات معينة في المخ بتساعد على زيادة سعة الذاكرة والتركيز.
-النوم المنتظم برضه بيحسن من قدرتك على التذكر والتركيز لأن فيه عمليات معينة بتحصل أثناء النوم واللي لها دور كبير في تحسين تركيزك.
-قلل التعرض للتوتر، لأن التوتر بيفرز هرمونات معينة لها تأثير سلبي على الذاكرة.
========================
لما تطبق الأفكار دي هتلاحظ تغير كبير في زيادة تركيزك وتحسين ذاكرتك.
مهندس: عمرو العزب

معظما مش بيحب المذاكرة والدراسة وبيبقى الهدف عندنا من المذاكرة هو الحصول على شهادة معينة وبمجرد ما بناخد الشهادة بننسى ك...
21/12/2020

معظما مش بيحب المذاكرة والدراسة وبيبقى الهدف عندنا من المذاكرة هو الحصول على شهادة معينة وبمجرد ما بناخد الشهادة بننسى كل ال اتعلمناه، لدرجة أن فيه طلبة ممكن تحتفل بعدالأمتحانات بأنها تحرق او ترمي الكتب ال درستها.
إيه السبب اللي بيخلينا نكره المذاكرة بالشكل دا وليه في ناس نسبة التحصيل الدراسي عندها أكبر من ناس تانية، هل التحصيل الدراسي بيبقى حاجة فطرية مش بينفع ننميها، يعني ممكن نلاقي طالب دايما متفوق في الدراسة وطالب تاني دايما مش مستوعب اللي بيذاكره ومستحيل أنه يتحسن او يبقى طالب متفوق.
اكاديمية التخطيط هتساعدك تتغلب على المشاكل اللي بتواجهك في التحصيل الدراسي وازاي تتعلم وتذاكر بفاعلية اكتر.

Address

شارع المكتبات
Asyut

Opening Hours

Monday 9am - 7pm
Tuesday 9am - 7pm
Wednesday 9am - 7pm
Thursday 9am - 7pm
Saturday 9am - 7pm
Sunday 9am - 7pm

Website

Alerts

Be the first to know and let us send you an email when Ruler Academy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category