28/02/2025
بلاش مسلسلات في رمضان .. بلاش!
انك تقرر وتمنع نفسك من المسلسلات دا ثواب كبير ليك في رمضان لأن ف ايدك انت تشوف كل المسلسلات والموضوع بقي سهل لو مش علي التلفزيون يبقي علي الموبايل ، لكن انت مانع نفسك علشان رضا ربنا ، ف دي طاعه عظيمه ليك في الشهر المبارك دا.
رمضان دا شهر الطاعات بيجي في السنه مره وشهر كله مغفره ورحمه ف متشيلش نفسك ذنوب فيه وتضيعه من ايدك علشان مسلسل ولا علشان ذنب معين.
وزي ما طاعاتك- ولو قليلة- بتكون عظيمة في شهر الخير والنفحات ده؛ معاصيك- بنفس القياس- هتكون عظيمة برضه!
فإنك تحافظ على نفسك وما ترتكبش معاصي؛ دا المفروض يكون تارجت مهم ومحترم تبقى عامل حسابك عليه في الشهر ده زيه زي الطاعات اللي انت ناوي عليها.
وكل سنة وأنتم طيبين .. وتقبل الله منا ومنكم ❤️
