Ahmed Hakim - أحمد حكيم

Ahmed Hakim - أحمد حكيم Real Estat Talks

31/01/2026

محتاجين معانا الفتره دي سيلز عقارات بشركة معمار مصر
مقر الشركه في مدينة بدر شارع الجامعه الروسية
السن يكون فوق ٢٢ سنه
يكون متفرغ
العمل بمقر الشركه
لا يشترط الخبره الأهم انه يكون عاوز يتعلم ويشتغل
مواعيد العمل من ٩ ل ٥
لو محتاج تفاصيل تانيه كلمني على الواتس دا
011 02938088

توضيح قرار امبارح بخصوص موضوع التنازل وزي ما قولتلكم امبارح ان الموضوع يخص الاراضي المخصه من إدارة الهيئه مباشرة ( التخص...
29/01/2026

توضيح قرار امبارح بخصوص موضوع التنازل وزي ما قولتلكم امبارح ان الموضوع يخص الاراضي المخصه من إدارة الهيئه مباشرة ( التخصيص المباشر ) للنقابات او الجمعيات او الافراد فقط

28/01/2026

إلغاء قرار التنازل وعمل التوكيلات على قطع الاراضي والوحدات السكنيه وايه اللي هيتم الفتره الجايه
اسمع للآخر وشوف القرار وشرحه ف التعليقات 👇

25/01/2026

لو ليك فرق منسوب لازم تقدم عليه في الجهاز وتستفاد بيه وتثبته على الرخصه

ملحوظه
فرق المنسوب ده بنقدم عليه لو الشارع او الجار اللي في ضهر قطعتك أعلى منك في الحاله دي ليك فرق منسوب
ودا لازم تتأكد منه قبل ما تعمل عمدان البدروم
بالتوفيق للجميع ان شاءالله

18/01/2026

زيادة غرف السطح من 25% ل 75%
الكلام دا تم تطبيقه وبالفعل واستلمنا رخصه الزياده في بعض القطع في المتميز وتم تنفيذ الزياده في الواقع ولله الحمد وبدل ما كانو غرفتين بقو شقتين وكل شقه بعداد

طب ايه المطلوب ونبدأ ازاي

1_ في حالة لو الأرض فاضيه : بنقدم على الزياده الاول وندفع الرسوم بتاعة الزياده علشان نقدم المشروع بالكامل للمجمعه وبقا كده عندنا بدروم وارضي وأربعه متكرر وف بعض القطع هيكون بدروم وارضي وخمسه متكرر

2_ في حالة القطعه فيها شغل :
لو القطعه فيها بدروم لازم يكمل الرخصه القديمه ويكون مسلم جهاز لو المهله خلصت
اما لو لو لسه في مهله لا يشترط التسليم اهم حاجه ننفذ الرخصه القديمه لحد سقف التالت وبعد كده نقدم على الزياده ونستخرج الترخيص بعد كده

3_ في حالة المبنى قائم بالكامل لحد غرف السطح:
يشترط يكون مسلم جهاز ف القطعه اللي مفيهاش مهله
وفي الحاله دي بنقدم وبعد كده بنعمل رفع مساحه من على الواقع ودي بتاخد وقت كبير شويه ف الإجراءات

علشان كده الأفضل لو لسه معملتش ترخيص تعملها من الاول وتخلص نفسك خالص وبتكون أسهل وأسرع

⬅️ وأخير لو محتاج استفسار او مساعده في
التراخيص
التسليم
أعمال البناء
التقديم والانتهاء من رخصة التعليه
التنازل
تقدر تكلمني ف اي وقت او تبعتلي على الواتس📲
011 02938088

17/01/2026

حبيت افكركم ان التنازل دلوقتي صالح لأي قطعه اي ان كان وضعها
يعني القطعه فاضيه ومفيهاش حتى التراخيص
القطعه فيها قواعد او بدروم او مبنيه ومتسلمتش
القطعه إسكان اجتماعي
القطعه متميز
كل الحالات اللي فاتت دي ينفع نقدم على تنازل عادي
والمياه كمان في فترة خصم ٥٠% على رسوم التنازل يعني هتدفع نصف الرسوم فقط ف اللي يخليك تعمل توكيل اعمل تنازل اضمن وافضل
واخيرا لو محتاج تعمل او تستفسر عن أي إجراء يخص
التنازل
التراخيص
التسليم
البناء
او زيادة غرف السطح كلمني ف اي وقت
ولو غي حد يخصك محتاج يعمل إجراء من الإجراءات دي ابعتلي البوست ده

لمدة ثلاثة أشهر..منح تيسيرات في سداد المستحقات المالية المتأخرة على الوحدات والمحال وقطع الأراضي والفيلات زعلى أن يتم من...
27/10/2025

لمدة ثلاثة أشهر..

منح تيسيرات في سداد المستحقات المالية المتأخرة على الوحدات والمحال وقطع الأراضي والفيلات
زعلى أن يتم منح إعفاء بنسبة 10% إضافية في حالة السداد خلال 30 يوم من تاريخ الاعلان

18/10/2025

مطلوب للعمل سيلز عقارات بشركة معمار بمدينة بدر
براتب اساسي + نسبة
مواعيد العمل من ٩.٣٠ ل ٥.٣٠
الاشتراطات
مؤهل عالي
يكون متفرغ
العمل بمقر الشركه
السن لا يقل عن ٢٢ ولا يزيد عن ٣٠ سنه
يكون من مدينة بدر او المدن المجاورة
لا يشترط الخبره
للتفاصيل اكتر وعمل مقابلة كلمني على الماسنجر او الرقم ده واتس 011 02938088

17/09/2025

من باب العلم بشيء
الوزارة نزلت قرار بمنح الملاك مده اضافية لاتمام اجراءات التنازل بعد ما كان القرار هينتهي يوم ٢٤ / ٩ / ٢٠٢٥ تم مده ٦ شهور كمان
والمعرفه برضو نسبة الخصم على رسوم التنازل ٥٠% دا بالنسبه لقطع الأراضي السكنيه
ونسبة خصم ٧٠% على إجراءات التنازل للوحدات السكنيه
وبالتوفيق للجميع ان شاءالله

تعديل القرار لا يشمل بدر

30/07/2025

الاستثمار في التجاري او الإداري خطوه كويسه جدا سواء كنت بتشتري المحل ده علشان نشاطك او علشان تأجره ويدخل عائد
الفتره الاخيره لاقينا التوجه اكتر بقا ناحية التجاري اكتر من السكني وارتفاع أسعاره الفتره الاخيره كانت ملحوظه جدا
وبسبب ندرة التجاري بالتحديد ف بدر من سنتين بدأت شركات كتير كانوا شغالين ف السكني اتجهوا للتجاري ودا في ميزه وعيب

الميزه ان هيكون في منافسه قويه جدا وكل واحد عاوز يطلع افضل ما عنده علشان يفضل ف المنافسه دي
وف نفس الوقت الشركات اللي داخله بجد ف الموضوع بتضغط جامد علشان تسبق ف التسليم ودا هيفرق معاك جدا

العيب بقا ان بعد التوجه الكبير من الشركات دا خلى عدد المولات المطروحه كتير والمعروض من المحلات اكتر ف دا يخليك وانت بتشتري محل تبص لكام نقطه مهمين جدا

اولا / الشركه ثم الشركه ثم الشركه
سابقة أعمال الشركه حتى لو كان أول مشروع تجاري بس ممكن يكون له سكني وأثبت نفسه فيه فعلا وعامل شغل وسمعه كويسه ف دا داخل ومعاه قاعدة عملا وقدره ماليه انه يشتغل ويكمل وف نفس الوقت الشركه فعلا مسلمه مشاريعها السكنيه ومعندهمش مشاكل
متروحش لشركه عندها مشاكل ف عماره وتشتري منهم محل ف مول بيكلف أضعاف أضعاف أضعاف العماره وتقولي اصل اسعارهم كويسه يبقا تستاهل ان حفيدك هو اللي يستلم المحل مكانك

ثانيا / موقع المول مهم جدا تركز ف دي المول لازم يكون على محاور رئيسيه علشان يكون في حركه مروريه كويسه يكون بجوار خدمات عامه زي جامعات مستشفيات مدارس
علشان لو هتاخد محل او مكتب اداري
والأهم تتابع الجدول الزمني بتاع المشروع والفتره دي في شوية شركات ما شاء الله عاملين شغل كويس جدا وماشين على بلان معينه ف خلينا مع دول ملناش دعوه بالشركات التانيه
عموما لو احتاجت معلومه او استفسار او نصيحه معينه كلمني ف اي وقت رقمي مع الكل
ولو مش معاك رقمي ف سجله عندك اهو 011 02938088
شغال واتس ومكالمات كمان

09/06/2025

للمقبلين على شراء قطعة أرض مهم جدا نكمل البوست ده وان شاءالله هيفيدك

*اكيد لما بتيجي تفكر ف الشراء لقطعة ارض سواء للأستثمار او للسكن وتاخد قرار انك هتشتري خلاص بتبقا محتار او بمعنى أصح الدنيا مش واضحه بالنسبه لك من حيث المناطق والمهله بتاعة كل منطقه ومساحات القطع اللي موجوده ف المنطقه وفي نفس الوقت المبلغ اللي معايا هيجيب اي مساحه فيهم وفي أي منطقه 🤔

*ف البوست دا هقولك المساحات والمناطق بتاعتها ومهلة كل منطقه والاسعار علشان لو بتفكر ف الشراء يكون عندك المعلومه كامله ومهم جدا علشان توفر على نفسك وقت كبير

ف الاول لو محدد انت محتاج اي بالظبط هترتاح جدا وتريح السيلز اللي بيتابع معاك اما لو مش مستقر على حاجه ف هناخد شوية وقت كده علشان نلاقي الحاجه المناسبه ودايما اقول مفيش مانع نتعب علشان اللي هندفعه مش شويه

&نبدأ ف موضوعنا

حضرتك محتاج مساحات كبيره، ولا مساحات متوسطه، ولا المساحات الصغيره، اكيد الدنيا متبقاش واضحه بالصورة الكامله ليك والمبلغ اللي معايا هيجيب اي بالظبط علشان كده بقولك كمل معايا لان البوست هيفيدك جدا

&طيب خلينا نبدأ بالمساحات الصغيره

# مساحات ٢٠٩ متر ودي موجوده ف ثلاث مجاورا وهم المجاورة ( ٣ و ٤ و ٥ و ٦ ) الحي السادس والأسعار ف المناطق دي بتبدأ من ١.٣٠٠.٠٠٠ إلى ١.٦٠٠.٠٠٠ وتختلف من قطعه لقطعه ومن منطقه لمنطقة
والمهله هنا بتختلف ف قطع عن قطع تانيه لان فيه قطع منها كانت ف التبه والجهاز لسه مخلصش التبه ف المهله بتاعتهم لسه بدأ ف شهر ١٢ / ٢٠٢٤ يعني مهله خمس سنوات اما النسبه الأكبر مهله لحد شهر ٩ / ٢٠٢٥

# مساحات ٢٧٦ متر ودي موجوده ف اكتر من مكان لكن ف النقطه دي هنتكلم على المجاوره ١ و ٢ الحي السادس ويعتبر المجاورتين مميزين بسبب مواقعهم والمهله فيهم آخرها شهر ٩ / ٢٠٢٥ لحد ما يظهر كلام جديد والأسعار تبدأ من ٢.١٠٠.٠٠٠ إلى ٢.٤٠٠.٠٠٠ وممكن اكثر تختلف كل قطعه على حسب تميزها

# اما مساحات ٢٧٦ متر الأخرى واللي موجود في منطقة الامتداد الشرقي التكميلي والمنطقه عباره عن اربع مسلسلات وهم
مسلسل ( أ _ ب _ ج _ د ) دا فيه مهله سنتين اساسي وسنتين إضافي والأسعار هناك مختلفه عن بعضها وخصوصا الفتره اللي فاتت ذادت جدا بعد كده نزلت تاني وبقت الاسعار دلوقتي بتبدا من ١.٥٠٠.٠٠٠ يعني تقدر تاخد قطعه ٢٧٦ متر ف الامتداد الشرقي وتكمل الأقساط مع البنك

&المساحات المتوسطه
# مساحات ال400 لحد 450 متر والمساحات دي موجوده ف اكثر من منطقه من اول الحي المتميز اللي على السويس وامام العاصمه لحد المنطقه الشماليه الجديدة اللي هي ( شمال الحي السابع ) الأسعار طبعا مختلفه جدا عن بعضها دا بسبب حاجات كتير اولهم الموقع والمهله ونسبة الإنشاء اللي ف المنطقه وبرضو علشان الحي المتميز كل القطع خالصه الأقساط اما شمال الحي السابع مدفوع قسطين وباقي قسطين وبعض الملاك دافع 3 أقساط ف دا سبب رئيسي ف اختلاف السعر
ف خلينا نتكلم هنا عن شمال الحي السابع هي منطقه عباره عن ٧٢٠ قطعه هناك تبدأ من ٣.٠٠٠.٠٠٠ لحد ٥.٠٠٠.٠٠٠ على حسب مكان كل قطعه برضو
# مساحات ال ٥٠٠ متر او اكتر ودي موجوده في اكتر من منطقه زي
منطقه الشماليه القديمه ودي مهلتها سنه ونص طبعا خالصه الأقساط وموقع المنطقه دي ممتاز لا خلاف عليها لأنها على مدخل المدينه من على مصر اسماعيلية وقريبه جدا من المركز الطبي العالمي دا غير محطات القطارLRT اللي جايه من عدلي منصور ( السلام ) مرورا بأفضل المدن زي مدينة العبور والمستقبل والشروق ثم مدينة بدر من أمام المنطقه الشماليه ثم حدائق العاصمه ثم العاصمه الإدارية الجديدة
الأسعار ف المنطقه دي بتبدأ من ٤.٥٠٠.٠٠٠ لحد ٦.٥٠٠.٠٠٠ على حسب الموقع

اما المنطقه الاخرى الذي تحتوي على مساحات ال ٥٠٠ متر
منطقة التوسعات الشرقيه ودي عباره عن اربع مسلسلات
مسلسل (١ _ ٢ _ ٣_ ٤ )منطقه جديده وموقعها كويس جدا كموقع ومساحات المنطقه دي لسه الجهاز مسلم المحاضر للملاك سنة ٢٠٢٢ ف لسه فيها مهله كبيره جدا ودي ميزه كويسه جدا جدا ، الناس هناك معظمهم دافع قسطين ف الأسعار هناك متفاوته ف هتلاقي الأسعار بتبدا من ٢.٦٠٠.٠٠٠ ل ٤.٥٠٠.٠٠٠ برضو على حسب موقع القطعه والمنطقه اللي موجود بها القطعه وعدد الأقساط المدفوعه

وبكده اكون لخصت ليك معظم المناطق اللي تقدر تستثمر فيها او تسكن فيها واللي تقدر تقرر انت هتشتري فين بالظبط

دي كل المساحات الموجوده وكل منطقه تختلف عن التانيه وفيها ميزه عن التانيه اللي هيفرق معانا هنا المعاينه على أرض الواقع وربنا يوفق الجميع ف الحاجه المناسبه ان شاءالله

شوف كل المناطق والمساحات اللي اتكلمنا فيها دي واي منطقه هتكون مناسبه مع حضرتك وحابب تنزل معاينه لأي منطقه وتشوف على أرض الواقع تقدر تكلمني أو تبعتلي على الخاص وان شاءالله هنزلك على اكتر من حاجه لان الموضوع هيفرق معاك جدا

ومعلش طولت عليكم

حاجه اخيره وكالعاده لو عندك سؤال او حاجه حابب اوضحها ممكن تكتب ف التعليقات
او تبعتلي على الواتس ده
https://wa.me/message/64Y2SE23J4NED1

07/05/2025

لو محتاج قطعه تكون مساحتها كبيره وسعرها كويس وف منطقه كويسه ومستقبلها جاي يبقا التوسعات الشرقيه بمدينة بدر

التوسعات الشرقيه فيها اربع مناطق والمنطقه الخامسه نازله ف الطرح الجديد المرحله العاشره بيت وطن ودي على الطريق الإقليمي وأمام محطة المترو ودي هيكون متاح فيها تبني بدروم وارضي وخمسه متكرر

منطقه التوسعات الشرقيه الدوله بنفسها مركز مع المنطقه دي لأنها هتكون الأقرب للعاصمه واكبر دليل ان سكن العاملين بالعاصمه موجود هناك اللي هو اسمه زهرة العاصمه

وكمان الدوله نازله بطرح جديد عباره عن وحدات سكنيه بمشروع جديد اسمه ( ديارنا ) نازل بسعر متر ١٨٣٠٠ ف المنطقه الفتره الجايه هيكون عليها تركيز

ف لو محتاج قطعه هناك تكون كويسه وتستغل الأسعار الفتره دي يكون أفضل
ولحد دلوقتي موجود قطعه ٥٠٠ متر وب ٢ مليون ٧٥٠ وباقي عليها قسطين بس للبنك
لو محتاج تعمل زيارة للمنطقه وتشوف وبعد كده نبدأ نختار قطعه كلمني 011 02938088

Address

Cairo
Badr
[email protected]

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 9pm
Friday 9am - 9pm
Saturday 9am - 9pm
Sunday 9am - 9pm

Website

Alerts

Be the first to know and let us send you an email when Ahmed Hakim - أحمد حكيم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category