12/07/2025
GNINTO KA DIKENA MALAIKAT I INUMBAL NO ALLAHO TAALA A MANGA NABI ?
Unan a ditano gambityala i sawal na idsa anan na aden duwa timan a dait a kasabutan muna, a manaso duwa a sipat a kano mga Nabi siya kano kina pamaloy kanilan [ الخَلقية ] a manaso البشرية 1 endo so الرجولة 2:
PAGANAYAN
NA ALBASHARIYAH [ البشرية ] KAMAMANUSIYA NIN ( DIKENA JIN, NA DIKENA BON MALAIKAT)
Niyaba a sipat o mga Nabi na kaped sa dili kabaginugot o mga kuffar sa sinugo silan.
Aden duwa a palas a kabagungkir nilan sa kano mga Nabi sa da'wah nilan sabap kano kamamanusiay nilan:
PAGANAYAN > na gadsinganin nilan i aden tagapeda no mga Nabi a Malaikat siya kano kapenda'wah nilan ka endo mabagel i kapalityala sa silan na nabi a sinugo no Allaho taala.
niyanin upaman kinadtalo no Allaho taalah sa Surat Al-jukhrof A-yah 52-53
{ أم أنا خير من هذا الذي هو مهين ولا يكاد يبين* فلو لا ألقي عليه أسورة من ذهب أو جاء معه الملاٸكة مقترنين }
So ( أم ) na " منقطعة بمعنی " بل aden bon pedtalo sa متصلة .
Mana no niya a Ayah:
"UGED NA SAKI TIGI FIR-AWN I PINAKA MAPIYA KUMIN SA NAMBA SI [ Musa alaihissaalam ] SEKANIN ANAN NA MALUBAY A TAW DALABON GAGAGANIN ENDO DININ BON GAGAGA BEDTALO SA MAPAYAG I BITYALA NIN.
NGINAN KA DALA PAMBULUSUA SA BULAWAN, ATAW KA NGINAN KA DALA PADTAGAPEDA SA MALAIKAT KA ENDO KADSAKSIYAN, MILAY I SEKAANIN NA SINUGO SIYASA LEKAMI."
Su Nabi Musa alaissalam na miskinan, na inipamaba nin abenal.
Kinadtalo nin sa dilinin gagaga pedtalo sa mapayag i bityala nin na sabap sa kagina dikena ged matumpis si Musa Alaihissalam saba kano tudtulan anto salkanin timpo a manot pan a nadtutuganol no fir-awn.
Binetadan sa APOY ENDO MAKAN ka bagilayananan ni Fir-awn upama ka so gakan i pundotenin na imatayanin bon ka yanin mana tubay mkabinasa sa kadato nin, na yanin pinundot naso Apoy na nalupang so dila nin tubay sabapin sa diged matumpis sekanin.
uged kaped kano manga Ulama na niaba a tudtulan kano Musa Alaihissalam na dala kabenalin.
Niya bo anto dili kapegkatumpis ni Musa Alaihissalm na sabap sa daged makadtangen sa dalpa nin sa Mas'r naso basa nin na kulang i katumpis nin lon, tubay sabapin i pinangeni nin kano Allah i madtagapeda nin su suld nin asi Haron.
Kagina so sakit a sabapan a ikaungen no da'wah no mga Nabi na dili gapakay into madsakit nilan kagina dili makasampay so kano mga taw so inisugo kanilan a mana so kanda
'wah.
Makipantag sa kapembuloso sa bulawan na niya kadtalo ni MUJAHID na ped a adat kano timpo nilan, i basta masla a taw kanilan na papembuloson sa bulawan uged si Musa na dala.
Gadsinganin ni Fir-awn i aden madtagapeda no Musa a Malaikat ka endo kapalityalan i sinugo bon sekanin para kni Fir-an.
Yanin mana na dili gasukulan si Fir-awn kani Musa kagina manusya bo sekanin.
ADEN PAN AYATAN A MAMBAY GATUTULO NIN NA NASISITA NA MAKADTAGAPEDA SO MGA NABI SA MALAIKAT SIYA KANO DA'WA NILAN TIGO PENDA'WAN NILAN A DILI BAMALITYA.
UGED NA SIYATANOBO LABITEN SA MAKATUNDOG A POST TANO KA PEGKALENDO GED.
