Career adviser & Personal Development with hadeer azzazy
—-
29/04/2024
تواصل تصل💪🤩
لو عايزين يكون لنا مكانة فى قلوب الناس و حاضرين دايمًا بالخير فى بالهم نعمل التالى:
✅ - كل يوم الصبح نفكر مين فى دايرة العيلة ، الجيران، الأصحاب و المعارف ممكن نتواصل معاه للأسباب التالية
🔹- سؤال على مريض
🔹- نعرض مساعدة على حد فى أزمة
- نبارك و نهنى
🔹- نقول لحد جيت على البال و كان من نصيبك دعوة حلوة
🔹- وصل الود نبعت معلومة أو Sticker أو دعاء يفرح و يهدى البال
كل ما هنتواصل بالخير ..
هتفضل سيرتنا بكل جميل و طيب عند الغير
ممكن نعمل نوتة صغيرة
نسميها " صاحب النصيب"
و كل يوم نكتب ٢-٣ أسماء من ناس نعرفهم فى الدوائر اللى ذكرتها نبعت لهم أطيب كلام للأسباب اللى بردو ذكرتها.
✅ دمتم أصحاب لسان جميل و قلب كبير
تواصلوا .. تصلوا لقلوب و عقول كل اللى تعرفوهم
28/04/2024
بقول لمديري أنا حاسس اني انطفيت و محتاج أجرب حاجه جديدة
مديري :
28/04/2024
امبارح حضرتك ايفنت كبير فى AUC
عن برنامج Shark Tank Egypt
استضافوا ال Sharks أعضاء لجنة التحكيم من رجال الأعمال المعروفين فى مصر.
الايفنت كان فى قاعة باسيلي فى الجامعة الامريكية
أكبر قاعة 👌
القاعة كانت ما شاء الله كلها مليانة بحضور من الطلاب و الشباب و المهتمين بمجال ريادة الأعمال.
ايفنت كان ما شاء الله رائع💪 .. بكل تفاصيل تنظيمه و تقديمه و كلام الحضور اللى كان بحب و احترام للحضور
كلام مهم اتقال فى مجال البيزنس … بس خلينى أخد جملة واحدة قالها " أحمد طارق " عن الموديل الناجح فى البيزنس ..
و اربطها لكم بتربية أولادنا اللى هم أهم مشروع فى حياتنا…
و كمان على علاقاتنا أساس استقرار و استمرار حياتنا
✅قال وايه يا ترى يا هل ترى ؟
😉🤔🤔🤔
البيزنس الناجح مش اللى قائم على فكرة ما حدش عملها قبل كده أو فريدة من نوعها أو مُبهرة .
البيزنس الناجح جدًا هو اللى ممكن تكون فكرته تقليدية وعادية و موجودة بس كل تفاصيله بتتعمل بإتقان و فهم ووعى و طريقة مدروسة.👌👌
قال دى خلاصة خبرته" لا انبهر بالفكرة ال Wow لكن أحترم و أقدر البيزنس المكتمل العناصر.
لما سرحت بتفكيرى شوية لاقيت أن دا حقيقى جدًا فى حياتنا.
نركز كده مع بعض اوى عشان نفهم بعمق🤓🤓
✅ التربية :
نماذج الأطفال اللى لما كبروا بقوا نماذج مميزة
و حكوا عن حياتهم، مكنوش هم الأطفال اللى اكلوا أغلى أكل و لا راحوا المدارس اللى مفيش زيها،
و لا اللى كانوا بيلبسوا ملابس بتتفصل لهم مخصوص
كل الموضوع ببساطة كان عندهم أهل
اهتموا و طبقوا بوعى كل خطوات التربية السوية صح وبوعى و ضمير.
🔹مثال: أكل بسيط بس متكامل و صحى
🔹ملابس مش براند بس بسيطة و نظيفة و مهندمة
🔹تعليم ممكن ما يكنش انترناشونال بس اهتموا
انه يشجعوا طفلهم يفكر ويعتمد على نفسه، يحاول و يفشل و يجرب لغاية ما يوصل مش بس يلم درجات و يتباهى بشهادات
🔹اهتموا بالنفسية أكتر من توفير الحاجات المادية
يسمعوا و يقدروا و يشجعوا
✅العلاقات
الزوجة اللى بتعمر بيتها و تفضل ملكة فى عيون زوجها و أولادها … مش صاحبة جمال الترند و لا الشخصية السترونج اللى قادرة تكون no. 1
انما هى الزوجة اللى بتقدر تطبق مانيوال الزوجة الصالحة زى ما ربنا وجهنا و قال
🔹- تكون سكن و رحمة لزوجها
🔹- تسر و لا تنفر بأخلاقها و بشاشتها
🔹- أنيقة و بسيطة بجمالها من الداخل للخارج مش بفلاتر و لا عمليات.
🔹- بتجتهد تربى صح مش عشان تسبق حد إنما عشان تكون لها بصمتها الخاصة مش زى اى حد .
✅ الخلاصة:
النجاح و التميز ليس فى الإبهار
إنما فى الاجتهاد باستمرار
و السعى لتطبيق ما يجب و الصح بإصرار
دا كان رزق امبارح من المعرفة
قلت اشارك معاكم ما يمكن أن يفيدكم و يهمكم🥰
Be the first to know and let us send you an email when Career adviser & Personal Development with hadeer azzazy posts news and promotions. Your email address will not be used for any other purpose, and you can unsubscribe at any time.
Contact The Business
Send a message to Career adviser & Personal Development with hadeer azzazy:
