Tamer Fawzy - تامر فــوزي

Tamer Fawzy - تامر فــوزي الصفحة الرسمية للمدرب و المحاضر / تامر فوزي المحاضر في

24/11/2025

لا تبدأ يومك بجزء مكسور من الأمس كل يوم هو إنطلاقة مختلفة وبداية جديدة
Don't start your day with broken pieces of yesterday. Every day is a different start and a new beginning


13/06/2025

كل مبذول فى غير محله غير مُقدر
وكل غير مُقدر مُهدر

30/03/2025

كل عام وانتم بخير وعيدكم مبارك

الترقية الجافة (Dry Promotion) الترقية الجافة هي مصطلح يستخدم في عالم الأعمال للإشارة إلى منح الشركة للموظف لقباً وظيفيا...
23/03/2025

الترقية الجافة (Dry Promotion)
الترقية الجافة هي مصطلح يستخدم في عالم الأعمال للإشارة إلى منح الشركة للموظف لقباً وظيفياً أفضل دون أي تغييرات أخرى سواء في التعويضات أو غيرها وهي ما نستطيع التعبير عنه بجملة ( هي مزيد من المسؤوليات دون زيادة في الأجر حتى لا تتحمل الشركة أي تكاليف مالية جديدة أو حتى تظهر الشركة أنها حريصة على مكافأة موظفيها المتميزين ) وهي طريقة غالباً ما تتجه إليها الشركات من منح الموظفين هذا النوع من الترقيات باعتبارها طريقة للاحتفاظ بالموظف عندما يبدا شعوره بالإنهاك في الازدياد




ما هي الإدارة بالتفاصيل أو الإدارة التفصيلية)(MICRO-MANAGEMENT) هي أحد أنماط الادارة و تظهر بكثرة في بيئات الأعمال الع...
22/03/2025

ما هي الإدارة بالتفاصيل أو الإدارة التفصيلية)(MICRO-MANAGEMENT)

هي أحد أنماط الادارة و تظهر بكثرة في بيئات الأعمال العائلية (family business) أو الشركات الصغيرة
و تعني اهتمام المدير المفرط بأدق التفاصيل والأمور الجزئية.
في هذا النوع من الادارة يكون المدير فقط هو من له سلطة اتخاذ القرارات ايا كان حجمها صغيرة او كبيرة في ادارة المنظمة .

وهذا النمط أحد أشهر أنواع الادارة السيئة التي تتسبب في قتل بيئة العمل تدريجيا علي مستوي الافراد و النمو المؤسسي علي حد سواء.

من أكثر المظاهر السلبية لهذا النوع من الإدارة تركيز المدير على الأمور الدقيقة والتفصيلية في الشركة وإهمال بعض المواضيع الجوهرية وكذلك تجنب التفويض و اعطاء الصلاحيات ويقوم المدير بنفسه بمراقبة وتقييم كل خطوة من خطوات الأعمال.
كذلك من الملاحظ أن المدير التفصيلي يركز على أخطاء الموظفين ويقتل الابداع داخل الشركة ويتعمد اهمال خبرات الموظفين وبالتالي ينعكس ذلك بالسلب من عدم وجود ولاء للمنظمة بين العاملين وانعدام روح الفريق والعمل الجماعي وذلك بسبب قلة الثقة والتي تؤدي بدورها لخلق بيئة عمل عدائية وبالتالي الحد من قدرة الموظفين على التعلم وزيادة المهارات الشخصية وتنميتها الذي يؤدي بالتبعية الى البحث عن مكان افضل وبيئة افضل للعمل والتعلم بعيدا عن الاحتراق الداخلي و الشعور بالضغط و الاجهاد سواء المديرين او موظفين .

ولعلنا نلقي الضوء على مسألة بسيطة وهي
الفرق بين الـ Micromanager والـ Leader الحقيقي

في طريقة الإدارة والتأثير على الفريق

١. التحكم vs. الثقة
• الـ Micromanager: عاوز يتحكم في كل تفصيلة، يراجع كل خطوة بنفسه، ومش بيقدر يسيب حاجة من غير تدخُّل.
• الـ Leader: بيثق في الفريق، بيوزع المهام بوضوح، وبيسيب مساحة للاستقلالية في التنفيذ.

٢. التركيز على التفاصيل vs. التركيز على النتائج
• الـ Micromanager: مركز على “إزاي” الشغل بيتعمل، ويتدخل حتى في التفاصيل الصغيرة.
• الـ Leader: مهتم بالنتيجة النهائية، وبيسيب الفريق يختار الطريقة اللي تناسبه للوصول إليها.

٣. اتخاذ القرارات
• الـ Micromanager: عاوز يكون صاحب القرار في كل حاجة، لأنه مقتنع إن محدش هيعملها صح زيه.
• الـ Leader: بياخد رأي الفريق، بيشجعهم على التفكير، وبيخلق بيئة للتعاون.

٤. التعامل مع الأخطاء
• الـ Micromanager: بيعتبر أي غلطة كارثة وبيحاسب الناس عليها بشدة.
• الـ Leader: بيشوف الأخطاء فرص للتعلم والتطوير، وبيساعد الفريق على التحسن.

٥. أسلوب التحفيز
• الـ Micromanager: بيضغط على الناس بالخوف والرقابة المستمرة.
• الـ Leader: بيحفز الناس بالإلهام والثقة والقدوة.

٦. أسلوب التواصل
• الـ Micromanager: دايمًا بيدي أوامر تفصيلية ويحب يسمع نفسه أكتر من إنه يسمع الفريق.
• الـ Leader: بيشجع التواصل المفتوح، بيسمع كويس، وبيخلق بيئة آمنة للحوار.

٧. تأثيره على الفريق
• الـ Micromanager: بيخلّي الناس محبطة، متوترة، ومش حاسة بأي إبداع أو حرية.
• الـ Leader: بيبني فريق قوي، متحفز، ومبدع، وبيخليهم متحمسين للشغل.

في رأي حاول تسيب مساحة للموظفين للابداع وثق فيهم وقولهم انك واثق فيهم و اديهم فرصة لانجاز الاعمال بطريقة سهله وحاول تركز على النتائج وليس التفاصيل مالم تكن ضرورية
منقول بتصرف






تكلمنا في منشور سابق عن ان الشغل مش بيقف على حد وان الشركات دايما بتأكد على المعلومة دي ( لينك البوست في التعليقات) لل...
25/12/2024

تكلمنا في منشور سابق عن ان الشغل مش بيقف على حد وان الشركات دايما بتأكد على المعلومة دي ( لينك البوست في التعليقات) للموظفين ولكن الحقيقه ان الشغل ممكن يقف على حد وممكن الشركة تخسر فلوس كتير كمان وهنا في نموذج على ارض الواقع ببتكلم على كده وهو شركة نيسان وهذا بوست منقول للافادة
‏‎
يبدوا ان شركة نيسان ستخرج من السوق
فقد بدأت بتسريح 9 الف موظف
وبلغت ديونها نحو 4 مليار دولار.

فقدت شركة نيسان توازنها، بعد الدخول في صراعات ومشاكل بدلا من التركيز على التطوير والابداع، بعد رحيل الرئيس التنفيذي - رئيس مجلس الادارة السابق كارلوس غصن،

صنع هذا الرجل المعجزات واعاد نيسان من حافة الانهيار
ولكنها عاقبته، بدلا من تكريمه.
واليوم يبدوا انها تنهار من جديد،
لكن ليس معها كارلوس غصن.

ليس من العيب ان تعيده ليعيدها
وتعتذر له وتقول له انقذنا مرة اخرى.

فليس للشركات كرامه ولكن لديها سمعة
وعليها ان تحاول ان تنقذ سمعتها مهما كلفها الثمن.

وليعلم الكل ان رجل واحد ذو قدرات اداريه عاليه
يستطيع ان يصنع المعجزات في اكبر شركات العالم
وان الشركات العملاقه قد تخبو وتنهار احيانا بسبب رجل واحد ايضا.
رجل واحد فقط يستطيع اخراج القوى الكامنه من الموظفين ويجعلهم يبذلون قصارى جهودهم حتى يبلغوا السماء بكل رضا وحب.

ورجل اخر في نفس الفريق يستطيع ان يخرج الشركة من السوق ولا يستطيع انقاذها حتى لو كان لديه اعظم فريق وهذا من لا يتعدل ولا يقبل ان يسمع الفريق ظانا انه دائما على صواب.

القياده فن يتحكم بها القادرون على النظر الى بعيد.
ومهاره لقائد يستطيع صناعة المستحيل.
منقول



#نيسان

أظهرت العديد من الدراسات ان الضغوط يمكن أن يكون لها تأثير ضار على الصحه العامه ، إذ عندما يكون الفرد تحت ضغط فى العمل يص...
15/09/2024

أظهرت العديد من الدراسات ان الضغوط يمكن أن يكون لها تأثير ضار على الصحه العامه ، إذ عندما يكون الفرد تحت ضغط فى العمل يصبح أقل إنتاجية وأكثر عرضة لارتكاب الأخطاء ولكن لوحظ في الفترة الاخيرة وجود مصطلح work under stress او العمل تحت ضغط
واصبح الشباب يتفاخرون بكونهم يعملون تحت ضغط وهنا نطرح سؤال بالبلدي كده

هو مين اللي فهمك إن إمكانية العمل تحت ضغط مهارة أساسية حضرتك ماشي تتفاخر بيها و كاتبها في ال cv بالبنط العريض ‏" working under stress”؟

حاول كده لما تتسأل في إنترفيو عن إمكانية الشغل تحت ضغط؟!
قول للشخص اللي بيسألك إنك مش المفروض إنك طول الوقت تبقى شغال تحت ضغط ، المؤسسات المحترمة بتعرف تعمل الشغل حسب الموارد المتاحة و لو عندهم شغل أكتر فهم المفروض يوفروا موارد أكتر و يجيبوا موظفين أكتر ، لكن الضغط الناتج عن قلة الموارد أو سوء الإدارة دي مشكلة تخطيط و إدارة و ده حاجة هتستنزفك مع الوقت؛
بلغ الشخص ده إن الشطارة مش إنك تشتغل تحت ضغط على قد ما الشطارة إنك تحاول بكل الطرق متحطش نفسك تحت الضغط ده من الأساس.
لانك مع الوقت بسبب الضغط ده هتنهار او بالبلدي كده هتتحرق و هيبقى الشغل تقضية واجب. لانك مش مكنه انت انسان وليك طاقة
Working under Pressure or stress
التعبير ده لايعنى القدرة على العمل وتحمل الضغوط النفسية الناتجة عن فساد بيئة العمل أو بسبب نقص الموارد أو التكليف بمهام خارج ال Job Description الخاص بالوظيفة أو تحت قيادة وإدارة ليس لديها القدرة على تقدير مجهود العاملين بالشكل الصحيح ومن خلال تطبيق المعايير الدولية لتقييم الأداء وإعطاء كل ذى حق حقه لأن القدرة على تحمل هذه الظروف تكون قدرة مؤقته وتؤثر تأثير سلبى على صحة وحياة الإنسان إن آجلاً أو عاجلاً

العمل تحت الضغط صفة يتم ذكرها فى السيرة الذاتية لكل البشر على الرغم من أنها لا تتوفر إلا فى الأشخاص المميزون المرنون فقط.

المعنى المهنى لهذه الصفة هو القدرة على القيام بأداء المهام الوظيفية بتركيز كامل وبدون أخطاء فى أوقات ذروة العمل وهو ما يسمى الثبات الإنفعالى Emotional of stability.
وكذلك القدرة على التعامل مع المواقف الصعبة بتركيز شديد وسيطرة كاملة على جميع الحواس .

والثبات الإنفعالى صفة نفسية هامة تعطى لصاحبها ميزة شخصية وأفضلية فى الإختيار لشغل وظيفة حتى على حساب من أعلى منه فى الكفاءة الفنية ويفتقد هذه الصفة الهامة
العمل فى بيئة عمل سيئة وتحت ضغط نفسى أو بدون وجود تقدير للعاملين من جانب الإدارة لاينطبق عليه العمل تحت الضغط ولكن العمل تحت التهديد

يتسبب زيادة و تراكم " ضغوط العمل " فى ظهور مخاطر عديده داخل بيئة العمل مثل: انهيار رابطة الولاء بين العاملين و الشركه - ارتفاع معدل دوران العماله و زيادة تكاليف الموارد البشريه - انطفاء الحماس و التفاؤل و الإيجابيه فى نفوس العاملين - انخفاض الروح المعنويه لدي الأفراد - شيوع روح السلبيه و اللامبالاه فى بيئة العمل




في حالة بتحصل لما الجسم والعقل بيكونوا تحت ضغط مستمر بدون فترات راحة كافية والموظف حاسس إنه مش قادر يكمل شغل وبيحس دايمً...
09/09/2024

في حالة بتحصل لما الجسم والعقل بيكونوا تحت ضغط مستمر بدون فترات راحة كافية والموظف حاسس إنه مش قادر يكمل شغل وبيحس دايمًا انه مرهق و مش مركز والشغل بقى عبء كبير عليه هنا احنا بنتكلم في مرحلة اسمها مرحلة الـ career burnout أو الاحتراق الوظيفي أو Occupational burnout

يا ترى إيه أعراض burn out ده؟

هو إحساس مستمر بالإرهاق الجسدي والنفسي
فقدان الحماس لأي حاجة حتى الحاجات اللي كنت بتحبها مش قادر تعملها ممكن تلاحظ انك بدأت يحصل خلاف بينك وبين زملاء العمل على مواقف بسيطة على خلاف السابق

بقى عندك صعوبة في التركيز أو اتخاذ قرارات بسيطة و دايما حاسس بالإحباط أو إن كل حاجة ملهاش لازمة

عندك احساس بقلة الإنتاجية حتى لو قاعد وقت طويل تشتغل

طيب إيه الحلول عشان تعدي الفترة ديه :

1. حاول تاخد استراحة: جسمك وعقلك محتاجين راحة حتى لو بريك بسيط خلال اليوم ممكن يفرق كتير
2. حدد أولوياتك: مش لازم تعمل كل حاجة في وقت واحد ركز على الأهم وخلي الباقي على مهلك
3. اتكلم مع حد: لو حاسس إنك مش قادر تتعامل ممكن تتكلم مع صديق أو حد متخصص يساعدك تفهم مشاعرك
4. الرياضة والنوم: ممارسة الرياضة والنوم الكافي بيقللوا من الضغط والتوتر
5. اعرف إمتى تقول لأ : ماينفعش توافق على كل حاجة أو تتكفل بكل المسؤوليات و لازم تعرف تقول لأ لما تحس إنك مضغوط

افتكر إنك مش لوحدك الـ burn out مشكلة بتحصل لكتير من الناس و انها مرحلة طبيعية جدا في حياتنا المهنية لكن المهم إنك تتعامل معاها قبل ما تأثر عليك





01/09/2024

من المهازل اللي موجودة وبيتم ممارستها في الشركات ان التعيين مش للأكفاء التعيين بيبقي للاقل في الراتب او اللي من شخصيته واضح انه شخص مش بيقول غير نعم وحاضر
و علي فكرة دا السبب الاساسي لعدم وجود فيدباك للانترفيوهات للمميزين لان حرفيا بيبقي مفيش سبب رفض
رغم ان الطبيعي ان هتسترخص او حتجيب حد يقولك حاضر و نعم عشان يبقي مرتبه قليل النتيجة الحتمية هي الفشل بل و ممكن الموضوع يوصل للافلاس

يعني تخيل مثلا عينت اتش ار من النوع بتاع حاضر ونعم النتيجة هتبقي ايه ؟
هتلاقي موظفين غير راضيين و بيتم تفضيل الشركة عليهم
هتلاقي تعيينات غلط و بالتالي خساير
Turnover مدمر مش هيخلي حد يكمل

كنت قاعد قبل كدا مع شخص وبقوله انت ليه عينت المحاسب الاقل خبرة بيقولي اصل مش عاوز حد يكون فاهم حسابات اوي فيعرف اسرار شركتي !! ايوا يبقي تقوم مدي الحسابات لحد يجرب فيك وفي شركتك !

مع ان والله الحل معروف للكل اختار الافضل و الانسب ليك و بلاش تسترخص هتلاقي افضل النتائج و بالاخص ل Managerial Level و كمان وفرلهم كل ال Tools اللي محتاجينها وخصوصا البشرية عشان عالاقل يبقي ليك عين تحاسب الناس علي النتائج
ادي كل شئ للمختصين وشوف النتائج اديلهم منصب يليق بيهم اديلهم صلاحيات وفرلهم اللي يطلبوه عشان تحافظ علي فلوسك

انا حرفيا فيه متخذين قرار بسمع عنهم من كتر مابياخدوا قرارات مياخدهاش حد لسه طالب في جامعة اصلا بشك ان رأس المال دا يبقي ملكهم عندهم عشوائية فظيعة احيانا ببقي متفهم ان من طبيعة الشركات بالاخص ال Startup عشوائية القرارات بس مش للدرجادي اكيد !!!

لما الشركة تقرر تعين حد مبيفهمش فى مجال معين
اعرف انها كدة عايزة تفرض سيطرتها على القسم ده
وعايزة بس واحد ينفذ التعليمات من غير تفكير
فهنا متلومش ع الموظف اللى مش بيفهم وبينفذ
لوم على اللى مشغله وعايزه كدا

كفاية ترقيع ياجماعة لأن حرفيا السوق بقا واضح جدا انه جعان ناس مواهب من كتر ما الناس المؤهلة و الاحق بالشغل قاعدة في البيت لحساب ناس تانية رضيت انها تقول حاضر و نعم و النتيجة الشركات اغلبها بيخسر و كل شوية يقللوا موظفين وخلافه لان تم الاعتماد اصلا علي غير مؤهلين بسبب الاسترخاص و حب الترقيع اللي بقوا مرض الشركات المصرية
منقول للافادة من صفحة الاخ محمد نادر


ليه ممكن تشتغل مع واحد ضعيف technical لكن ما تشتغلش مع واحد عنده bad attitude ؟الاجابة بسيطة: انا ممكن اعلمك تكنيكال وتب...
24/08/2024

ليه ممكن تشتغل مع واحد ضعيف technical لكن ما تشتغلش مع واحد عنده bad attitude ؟

الاجابة بسيطة: انا ممكن اعلمك تكنيكال وتبقى قوي. لكن صعب جدًا أخليك شخص محترم




ما لا يُمكن قياسه لا يُمكن ادارته وما لا يُمكن ادارته لا يُمكن تطويره هكذا لخص عالم الادارة بيتر دراكر"مُنطلق عمليات الت...
19/08/2024

ما لا يُمكن قياسه لا يُمكن ادارته وما لا يُمكن ادارته لا يُمكن تطويره

هكذا لخص عالم الادارة بيتر دراكر
"مُنطلق عمليات التميز لكل منظمة تحترم كيانها وتبحث عن الريادة في مجالها من خلال ضرورة وجود مجموعة من المقاييس والمؤشرات التي توضح للمؤسسة مدى تقدمها في تحقيق اهدافها ، والاقتراب من رؤيتها
وتلك المؤشرات التي يطلق عليها مصطلح KPIs
(Key performance indicators)
وسوف نقوم بكتابة منشور آخر أكثر تعمقا باذن الله






Address

Cairo

Telephone

+201225144471

Website

Alerts

Be the first to know and let us send you an email when Tamer Fawzy - تامر فــوزي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tamer Fawzy - تامر فــوزي:

Shortcuts

Share