06/01/2023
الموضوع مش بالساهل 🤗
معلش بوست طويل شوية
مفيش حد ناجح الا بيكون تعب واشتغل على نفسة بقدر نجاحة بس احنا مش بنشوف غير الصورة من بره؛ بنشوف الشهرة بنشوف الانجازات بنشوف الفلوس بنشوف التكريمات لكن اللي عمل كل ده هو التعب والمجهود في تطوير الذات والعزيمة في تحقيق الحلم والنجاح بعد توفيق ربنا سبحانه وتعالى
أي لحظة فرحة بانتصار او تحقيق حلم وراها مليون لحظة عرق وتعب 🤗
أي محاولة ناجحة وراها عشرات أو مئآت المحاولات الفاشلة 🤗
أي تكريم أو وسام وراه عشرات الإحباطات من الفشل 🫢
أي كلمة برافو كان قبلها عشرات ومئات الكلمات زي يعيني! مش قادر! فاشل! معلش! 😏
كان بيقول انه جايب مدرب احمال خاص بيه علشان يحافظ علي اللياقة بعد سن الاربعين وقال انه بيقعد في الثلج مدة كبيرة جدا علشان تقوية عضلات القدمين ... الموضوع مش بالساهل 🤗
و غير التعب اللي تعبه في بداية مشواره هوه لحد دلوقتي بيتعب في التدريب وتمارين اللياقة ...الموضوع مش بالساهل 🤗
عنده جيم خاص وكل يوم بيمارس الرياضة علشان يحافظ على جسمه ده غير التعب في اختيار الاغاني وتسجيلها ....الموضوع مش بالساهل 🤗
اسطورة البوكس كان بيتدرب تحت الميه علشان يحاكي اصعب الظروف اللي ممكن تقابله يعني مفيش اكسجين ولا تحكم في الحركات والغلطة في التدريب ده نتيجتها الموت .. زي الصورة اللي تحت دي.. الموضوع مش بالساهل 🤗
دي كلها امثلة كلنا شاهدين عليها دا حتي و وراء كل النجاح ده ألف محاولة فاشلة وعرق وتعب كبيير جدا.. الموضوع مش بالساهل 🤗
عشرات ومئآت المحاولات الفاشلة بتحصل قبل ما ينجح في عزل الميكروب المسبب لمرض نباتي او حيواني او آدمي والمحاولة الاخيرة بس هي اللي بيسجل بيها ملكية فكرية ويتقال عليه عالم... الموضوع مش بالساهل 🤗
عشرات ومئآت المحاولات الفاشلة بتحصل قبل ما ينجح في رسم الخريطة الوراثية لنوع معين أو جينات مرض معين والمحاولة الاخيرة فقط هي ما يكرم عليها إن حدث وتم تكريمه ... الموضوع مش بالساهل 🤗
عشرات ومئآت الدورات والكورسات اللي بياخدها قبل ما ينجح في انه يعطي تدريب او ورشة عمل ناجحة والاخيرة بس اللي بيتقال له فيها أحسنت ؛ إذا قيل يعني... الموضوع مش بالساهل 🤗
عشرات ومئآت المحاولات الفاشلة بتحصل قبل ما ينجح في في اكتشاف الفيمتو ثانية والمحاولة الاخيرة هي اللي بياخد نوبل بسببها د. .... الموضوع مش بالساهل 🤗
عشرات ومئآت المحاولات الفاشلة بتحصل قبل ما ينجح في التوصل لإمكانية علاج السرطان بجزيئات الذهب.. د. . ... الموضوع مش بالساهل 🤗
مابقاش اصغر قائد للجيش إلا بالتعب والعرق والتمرين واكيد مكانش بينام علشان يتدرب ...الموضوع مش بالساهل 🤗
الفاروق معرفش يؤسس للدولة إلا بالتعب والعرق والمجهود ...الموضوع مش بالساهل 🤗
الإمام #مالك كان بيصحى من النوم عشرات المرات علشان يسجل فكرة أو يدون خاطرة.. الموضوع مش بالساهل 🤗
والختام
#نوح عليه السلام لما كان بيبني السفينة في الصحراء شبع تريقة من الناس ومحدش قاله برافو الا عدد صغير ولما الطوفان جه 🤗
#إبراهيم عليه السلام علشان رسالته اترمى في النار حي .. الموضوع مش بالساهل 🤗
#موسى عليه السلام معرفش ينشر رسالته غير بالتعب والعرق داحتي مهر زوجته كان 10 سنين من عمره .. الموضوع مش بالساهل 🤗
المسيح معرفش ينشر رسالته إلا بالتعب اللي اضطره اني يمشي مسافات كبيرة في الرحلة المقدسة .. الموضوع مش بالساهل 🤗
خاتم الانبياء عليه الصلاة والسلام معرفش ينشر رسالته إلا بالتعب والعرق واتحمل أذى كبير من اهله وجيرانه في سبيل تحقيق حلمه ونشر الدعوة وساب بلده وخرج لبلد تاني علشان يؤسس لدولته الجديدة ... ومره يتقال له ساحر ومره مجنون ويتعرض لمؤامرات ومحاولات اغتيال وهزيمة في الحروب وخزلان من الاقارب اللي كان عاوزهم جنبه ووو .الموضوع مش بالساهل... 🤗
طبعا يسبق الجهد والعرق اليقين والتوكل على الله
عَلى قَدْرِ أهْلِ العَزْم تأتي العَزائِمُ
وَتأتي علَى قَدْرِ الكِرامِ المَكارم
