24/07/2026
لو انت داخل بمسمى social media manager
وانت في الحقيقة بتعمل مهام marketing strategist و content creator و writer & designer لا وكمان Moderator بترد على الرسائل وبتتواصل تواصل انساني ما نسخ ولصق.
وبتعمل الكلام دا لي كلاينت واحد فإنت كدا تنين مجنح خارق!
ولو بتعمل الشغل دا صح صاحب البراند مفروض يعرس ليك بتو مش يديك مرتب اخر الشهر. 🙂
بس للأسف أغلب الناس البتشتغل كل الحاجات دي مع بعض
تحت المسمى السبهللي الاسمو Social media manager
بيبقو عندهم حتة صغنونة من كل مجال
وغالباً بيسدوا خانة بس وما بعملو تأثير كبير يفرق مع البزنس.
ولحد هنا دا طبيعي ومنطقي وعادي
لأن الـ small business ما عندو ميزانية اصلا يعين تيم.
ف بعين شخص واحد يشيل الليلة كلها.
بس الغريب والعجيب والغير مقبول.
انك تكون بتعمل الحاجات دي كلها
ولي أكتر من عميل وأكتر من براند!
هنا يعجز الحديث عن اللسان
انت كدا ما حتلحق تكون سدادة خانة حتى
ح تمشي تعمل 5 content plans
و 5 content calenders
و 5 strategies ما ليهم أي لازمة
وما حيفرقو مع البزنس في أي حاجة
قبل تلاتة شهور بالضبط كان عندنا SSM
ماسك صفحتين وبيعمل الكلام دا كلو.
والصفحتين ماشات ياهو بوست كل يوم
ومرة ديزاين ومرة كاروسيل ومرة ريلز
وحرفياً ماف أي تقدم ياهو صفحة بتعمل بوستات.
بالرغم من انو عامل strategy و plan
وتجي تقرا الخطة تحلف تقول البراند حيصل المريخ
حتقول لي يمكن الزول دا ما شاطر بس
ح اقوليك انو دا تالت واحد نشغلو بالطريقة دي!
لحد ما أدركنا الكارثة الواقعين فيها
وبس عملنا تغيير بسيط جداً
مسكناهو صفحة واحدة منهم
وجبنا ليه Moderator مسؤول من التواصل
وحتى الـ Business owner اللي هو الخبير
بقا مشارك في جزء معين من التواصل والردود
علي بالطلاق البراند في شهرين بقا في السما
الـ audience زادو اكتر من 40k
والـ Revenue فات الـ 5k$ في الشهر
بعد كان ما معدي 1k$
ليه التغيير المفاجئ دا؟
لان البني آدم الكان ساحل نفسو بعمل 30 بوست في الأسبوع
وبيكلفتهم بأي طريقة عشان يلحق ينفذ من الـ plan
ويمش يرد للعملاء بي رسائل جاهزة copy paste
عشان يحلل مرتبو آخر الشهر
فجأة لقا نفسو رااايق وما عليه تواصل
وماسك اكاونت واحد وبيعمل كمية محتوى معقولة
هنا قطعة المحتوى الواحدة بقت مهندسة
وبتعمل تأثير ما كان بيحصل في شهر كامل
ومن جهة تانية الـ Moderator الما عنده شغلة غير التواصل.
بقا ممكن يتكلم مع عميل واحد بالساعات
لحد ما يفهم مشكلتو واحتياجاتو شنو
لا وممكن يسأل الـ owner ويعقدو اجتماع
عشان يفهمو مشكلة العميل دا اكتر
تخيل تدي انسان القدر دا من الإهتمام بدون مقابل
أكيد لما يعوز يشتري ما حيفكر في غيرك 🥹
شايف كيف تيم من شخصين بس ممكن يودي البزنس حقك في حتة تالتة خالص؟
لسة انت متكدر وجايب social media manager
وبتديهو 400 ولا 500 ألف اللي هي لا تعادل 100$ في الشهر؟
ومنتظرو يحقق ليك نتيجة ولا بتتذمر كمان
انو جربت مسوقين كتار وما حققو ليك نتائج؟
الماركيتينغ لعبة جماعية صعب شخص واحد
يقدر يجيب فيها اقوان بي نفسو ❌
طيب انا كـ Business owner اقتنعت
اعمل شنو حالياً عشان اعرف اعين تيم صح؟
تعمل الـ Homework بتاعك بس
تصرف 50 ساعة من عمرك عشان تعرف
"كيف تعين تيم تسويق صح"
او تصرفها من جيبك وتخش استشارة مع شخص خبير
يعمل ليك Brand Audit و Business analysis
ويفهم حجم شغلك واحتياجاتو وإمكانياتك
ويوريك القروش العندك مفروض تتصرف كيف وعلى منو.
الموضوع بالبساطة دي.
لو انت صاحب بزنس او براند
اكتب كلمة "Audit" في الكومنتات
و ح اختار 3 اعمل معاهم تحليل مجاني
للبزنس او البراند بتاعهم
الكلام دا الليلة بس عشان فايق 🤣
