Ahmed Hamdy

Call Website Contact the business

Ahmed Hamdy Leadership • Strategy • Marketing • Growth

Dr. Ahmed Hamdy

Business Strategist | Entrepreneur | Corporate Trainer

Passionate about turning ideas into businesses and businesses into scalable, sustainable organizations.

IKEA بعتت للناس رسالة الساعة 2 باللي"U up?"لو جالك DM من IKEA بيقولك:U up?هتفتكر إن حساب IKEA اتهكر 😂لكن في 2025 IKEA Ca...
02/10/2026

IKEA بعتت للناس رسالة الساعة 2 باللي"U up?"
لو جالك DM من IKEA بيقولك:
U up?
هتفتكر إن حساب IKEA اتهكر 😂
لكن في 2025 IKEA Canada عملت حملة للـMattresses واستهدفت الناس اللي لسه صاحيين بالليل.
الرسالة كانت:
U up?
ولو رديت كان ممكن تاخد خصم على المرتبة، وبعض المشاركين حصلوا على مرتبة مجانا.
بص على الفكرة.
هم ماحاولوش يعلنوا عن Mattress الساعة 2 الظهر.
استنوا اللحظة اللي المشكلة نفسها تظهر.
أنت مش نايم؟
إذن أنت محتاج Mattress.
دي اسمها Contextual Marketing.
إنك ماتظهرش للعميل وقت ما أنت عايز تبيع
تظهر له وقت ما هو محتاجك فعلا.
ودي قاعدة تستحق إن أي Marketing Manager يحطها قدامه:
Timing is part of the message.

Dr. Ahmed Hamdy
ABTS™ | Diagnose Before You Decide™

شركة Burger قررت تصور الـBurger بتاعها وهو بيعفن!مش هزار.عادة لما تعمل إعلان Burger:الإضاءة مظبوطةالعيش لامعالجبنة سايحة...
01/10/2026

شركة Burger قررت تصور الـBurger بتاعها وهو بيعفن!
مش هزار.
عادة لما تعمل إعلان Burger:
الإضاءة مظبوطة
العيش لامع
الجبنة سايحة
الخس أخضر
والـBurger شكله يخليك تقوم تجيب واحد حالا.
Burger King عملت العكس.
صورت الـWhopper وهو بيتحلل وبيعفن على مدار 35 يوم.
والرسالة كانت إن المنتج اتعمل بدون مواد حافظة صناعية.
يعني بدلا من إنها تقول:
شوفوا الأكل بتاعنا حلو إزاي
قالت:
شوفوا بيحصل له إيه لما نسيبه.
والحملة حققت أرقام كبيرة في التغطية والمبيعات بحسب دراسة الحالة المنشورة عن الحملة.
الفكرة هنا مش إنك تعمل إعلان مقرف.
الفكرة:
لو كل المنافسين بيتكلموا عن نفس الـFeature بنفس الطريقة.
ممكن ميزتك الحقيقية تكون إنك تقول نفس الحقيقة
بطريقة محدش يقدر ينساها.
وده فرق كبير بين إعلان بيتشاف.
وBrand بيتفتكر.
Dr. Ahmed Hamdy
ABTS™ | Diagnose Before You Decide™

إيه علاقة شركة كاوتش بالمطاعم؟السؤال ده لو سألته من أكتر من 120 سنة ممكن الناس تفتكرك اتجننت.لكن أخوين اسمهم Michelin كا...
30/09/2026

إيه علاقة شركة كاوتش بالمطاعم؟
السؤال ده لو سألته من أكتر من 120 سنة ممكن الناس تفتكرك اتجننت.
لكن أخوين اسمهم Michelin كانوا أصحاب شركة إطارات.
وفي سنة 1900 عملوا حاجة غريبة جدا:
طلعوا Michelin Guide
دليل للسائقين فيه معلومات عن السفر والطرق والفنادق والمطاعم.
ليه؟
لأن الفكرة ببساطة:
خلي الناس تسافر أكتر عربيات أكتر هتمشي كاوتش أكتر هيتستهلك.
والدليل اللي بدأ لخدمة السائقين تطور بعد كده لواحد من أشهر أنظمة تقييم المطاعم في العالم.
بص بقى على الذكاء هنا.
Michelin ماحاولتش تقول:
"اشتروا كاوتش Michelin."
عملت حاجة أذكى:
خلقت سبب يخلي الناس تستخدم العربية أكتر.
وده درس مهم جدا في الـBusiness:
مش لازم تسأل:
إزاي أبيع منتجي؟
ممكن تسأل
إزاي أخلي العميل يستخدم المنتج أو السوق اللي أنا فيه أكتر؟
السؤالين شكلهم قريب.
لكن الفرق بينهم ممكن يعمل Business Model كامل.
Dr. Ahmed Hamdy
ABTS™ | Diagnose Before You Decide™

شركة Retail قفلت أبوابها في أهم يوم بيع في السنةBlack Fridayاليوم اللي كل Retailer مستنيه.خصومات و زحمة مبيعات ناس بتجري...
28/09/2026

شركة Retail قفلت أبوابها في أهم يوم بيع في السنة
Black Friday
اليوم اللي كل Retailer مستنيه.
خصومات و زحمة مبيعات ناس بتجري على المحلات
REI عملت العكس تماما
في 2015 قفلت متاجرها كلها يوم Black Friday ودفعت للموظفين أجازة مدفوعة وقالتلهم:
Opt Outside
اطلعوا بره اقضوا اليوم مع أهلكم اتمشوا
اعملوا Hiking استمتعوا بالطبيعة.
والفكرة بقت تقليد مستمر عندهم، وفي 2022 أعلنت الشركة إن إغلاق Black Friday هيكون دائم.
طب هي الشركة دي مش عايزة تبيع؟
أكيد عايزة.
لكن REI فهمت حاجة مهمة:
المنتج مش هو الـBrand.
REI بتبيع أدوات Outdoor.
لكن اللي بتبيعه فعليا هو
الحياة اللي بتحصل بعد ما تشتري الأدوات دي.
وده فرق كبير.
لأن الشركات اللي بتفهم الـCustomer Life
بتبيع أكتر من الشركات اللي فاهمة الـProduct بس.

Dr. Ahmed Hamdy
ABTS™ | Diagnose Before You Decide™

شركة قالت لعملائها: ماتشتروش المنتج بتاعنا!تخيل إنك صاحب Brand وداخل على Black Fridayكل الشركات بتقول:اشترىخصمعرضآخر فرص...
27/09/2026

شركة قالت لعملائها: ماتشتروش المنتج بتاعنا!
تخيل إنك صاحب Brand وداخل على Black Friday
كل الشركات بتقول:
اشترى
خصم
عرض
آخر فرصة
Buy Now

وأنت تعمل إعلان في أكبر جريدة وتقول:
Don't Buy This Jacket
ده اللي عملته Patagonia سنة 2011.
اختارت جاكيت من منتجاتها وحطته في إعلان يوم Black Friday نفسه وقالت للناس فكروا قبل ما تشتروا لأن تصنيع كل منتج له تكلفة على البيئة.
الموضوع شكله للوهلة الأولى انتحار تسويقي.
بس Patagonia ماكنتش بتحاول تبيع جاكيت في اللحظة دي.
كانت بتحاول تقول للعميل:
إحنا Brand عنده موقف.
ودي نقطة مهمة جدا في البيزنس
مش كل مرة لازم تحاول تبيع.
أحيانا أقوى حاجة ممكن تبيعها هي
سبب يخلي العميل يصدقك.
السؤال هنا:
لو أنت صاحب Brand
إيه الحاجة اللي ممكن تقول لعميلك "ماتعملهاش" رغم إنها ممكن تزود مبيعاتك على المدى القصير؟
Dr. Ahmed Hamdy
ABTS™ | Diagnose Before You Decide™

مرة كنت في شركة بعمل محاضرة وتدريب للموظفين.الشركة كان حوالي 70% من موظفينها Gen Z والباقي أكبر سنا.وأثناء التدريب بشرح ...
23/09/2026

مرة كنت في شركة بعمل محاضرة وتدريب للموظفين.
الشركة كان حوالي 70% من موظفينها Gen Z والباقي أكبر سنا.
وأثناء التدريب بشرح نقطة معينة وبنطبق عليها عمليا، واحد من الشباب قال لي بكل ثقة:
طب ما أنا لو سألت الـAI مش هترد عليا بالمشكلة والحل؟ إيه لازمة الخبرة والناس الكبيرة والمديرين والكلام ده؟
طبعا ماسكتش 😂
بصيت له وقلت له:
طيب تعالى نجرب.
وحطيت له حالة عملية في تحليل المبيعات واتخاذ قرار لتحريك السوق ناحية نقطة معينة.
قلت له:
عندك شركة عندها 800 Lead.
القاهرة الجديدة جابت 400 Lead ومدينة نصر 250 ومصر الجديدة 150.
لو بصيت للأرقام بسرعة هتقول إن القاهرة الجديدة هي أهم سوق، صح؟
قال لي: أيوه.
قلت له:
طيب عندك Conversion في القاهرة الجديدة 2% فقط.
مدينة نصر 12%.
مصر الجديدة 20%.
دلوقتي تحرك الشركة ناحية مين؟
سكت.
قلت له:
اسأل الـAI.
وسأل
الـAI قدرت تحلل الأرقام طبعا.
لكن هنا بدأ الجزء المهم.
قلت له:
طيب لو قلت لك إن سبب ضعف القاهرة الجديدة مش ضعف السوق، لكن إن الشركة مفيش عندها Stock مناسب هناك؟
ولو قلت لك إن مصر الجديدة عندها طلب حقيقي، لكن حجم السوق محدود؟
ولو قلت لك إن مدينة نصر عندها فرصة للنمو لو غيرنا العرض وطريقة متابعة العملاء؟
دلوقتي القرار هيبقى إيه؟
سكت تاني.
وقتها قلت له:
المشكلة مش إن الـAI مش عارفة تجاوب.
المشكلة إنك لسه مش عارف تسأل السؤال الصح وال Ai اداه قويه جده للتحليل بس لازال التجارب العمليه و خبره المدير الصح اللي عنده خبره وعلم قادره تسال وتجاوب وتاخد بالها وتاخد قرار صح
وده هو الفرق بين المعلومة والخبرة.
الـAI ممكن تحلل لك 100 ألف رقم في ثواني.
لكن مين قال لك أصلا إن الـ100 ألف رقم دول هم البيانات المهمة؟
ومين يقدر يفهم إن رقم معين ممكن يكون سببه السعر، أو المخزون، أو طريقة البيع، أو سلوك العميل، أو حتى قرار إداري قديم؟
ومين يتحمل مسؤولية القرار لما الشركة تنفذه؟
هنا قيمة الخبرة.
مش معنى الكلام إن الشباب غلط وإن الكبار صح.
ولا إننا نرفض الـAI.
بالعكس تماما.
أنا شايف إن أخطر شخص في المستقبل مش اللي مش بيعرف يستخدم AI.
ولا اللي بيعتمد عليها في كل حاجة.
الأخطر هو اللي عنده AI قوية جدا
وخبرته ضعيفة جدا.
ومع ذلك واثق في كل إجابة بتطلع له.
استخدم الـAI.
حلل بيها
اسألها
خليها تختصر عليك سنين من البحث.
لكن اتعلم الأول إزاي تفكر
لأنك في النهاية مش محتاج آلة تجاوبك.
أنت محتاج تكون الشخص اللي يعرف
يسأل إيه
ويشك في إيه
ويختار إيه
وينفذ إيه.
وده بالضبط الفرق بين استخدام الـAI
وبين إن الـAI هي اللي تستخدمك.

Dr. Ahmed Hamdy
ABTS

مش بدور على مكان أقدم فيه كورسأنا بدور على شريك نبني معاه منصة تدريب حقيقية.الحمد لله تم الانتهاء من إعداد ABTS Consulti...
22/09/2026

مش بدور على مكان أقدم فيه كورس
أنا بدور على شريك نبني معاه منصة تدريب حقيقية.

الحمد لله تم الانتهاء من إعداد ABTS Consulting System

منظومة استشارية متكاملة صممتها لربط التشخيص والتحليل الإداري والمالي والتشغيلي والحوكمة والاستراتيجية والتنفيذ في إطار واحد.

والفكرة بالنسبة لي مش مجرد Consulting Tool.

رسالة الدكتوراه الخاصة بي كانت قائمة على فكرة التكامل بين وظائف ومكونات الشركة وطرق الربط والمشاكل واستخدام التكنولوجي وال Ai في التحليل و تحديد المسارات ، وده انعكس بشكل مباشر في بناء ABTS وطريقة التفكير اللي بتشتغل بيها المنظومة.

والنهارده أحد الأضلاع النهائية في ABTS أصبح جاهزًا:

كورس عملي متكامل للمديرين والشركات
مش مجرد معلومات نظرية
لكن أدوات وتطبيقات تساعد المدير يفهم دوره ويقيم الوضع ويحدد المشاكل ويضع Action Plan ويتابع التنفيذ.

والمرحلة القادمة بالنسبة لي مختلفة.

أنا أبحث عن:

Academic Institution
Training Institute
أو Training Company

تكون عندها:

• مقر تدريب وتجهيزات مناسبة
• إدارة تدريب قوية
• قاعدة عملاء وشبكة شركات
• قدرة على إصدار واعتماد الشهادة من خلال شراكة رسمية
• رغبة حقيقية في تقديم محتوى تدريبي مختلف ومرتبط باحتياجات الشركات

أنا أقدم المحتوى والمنهج والخبرة والتطبيق العملي.

والشريك يقدم المنصة التدريبية والاعتماد والإدارة والتسويق والوصول للسوق.

والهدف مش إننا نبيع كورس وخلاص.

الهدف إننا نبني Professional Training Product قابل للتوسع ويكون أحد الأضلاع الأساسية في منظومة ABTS.

لو أنت صاحب أكاديمية أو معهد تدريب أو شركة Training & Development، أو تعرف جهة ممكن تكون مناسبة للشراكة:

تواصل معي مباشرة.

📩 ابعتلي كلمة ABTS PARTNERSHIP

ونبدأ مناقشة نموذج الشراكة والتفاصيل.

Dr. Ahmed Hamdy
DBA | Business Consultant | Trainer
ABTS Consulting System

في دراسه من كليه هارفارد للاعمال ملهمه جدالما الجيل الجديد يستلم الشركة مش لازم يبدأ بتغيير كل حاجة أحيانا يبدأ بالتنازل...
21/09/2026

في دراسه من كليه هارفارد للاعمال ملهمه جدا
لما الجيل الجديد يستلم الشركة مش لازم يبدأ بتغيير كل حاجة أحيانا يبدأ بالتنازل عن بعض الأدوار افضله واحسن للكيان نفسه زي ماهنشوف كده
احد القصص الملهمة في عالم الشركات العائلية قصة شركة Dabur الهندية، التي بدأت عام 1884 على يد الدكتور إس كيه. بورمان كشركة متخصصة في الأدوية الأيورفيدية، ثم تحولت عبر الأجيال إلى شركة عالمية للمنتجات الاستهلاكية الطبيعية.

لكن التحول الحقيقي لم يكن في المنتجات فقط، بل في طريقة الإدارة
في منتصف التسعينيات، أدركت عائلة بورمان أن استمرار نجاح الشركة لن يعتمد على وجود أفراد العائلة في كل تفاصيل التشغيل، فبدأت في:
- فصل الملكية عن الإدارة اليومية.
- تعيين قيادات تنفيذية محترفة من خارج العائلة.
- تطبيق مبادئ الحوكمة والشفافية.
- تقسيم قطاعات العمل لتسهيل الإدارة والتوسع.
- بناء نظام واضح لاتخاذ القرار وخلافة القيادة.
- الاستفادة من خبرات الأجيال الجديدة في التفكير العالمي والشراكات الدولية.
وفي عام 1998، تولى أول رئيس تنفيذي من خارج العائلة قيادة الشركة، ثم اكتملت عملية الانتقال إلى الإدارة الاحترافية عام 2002، مع احتفاظ العائلة بدورها كمالك استراتيجي ومجلس رقابي، وليس كإدارة تشغيلية لكل التفاصيل.
النتيجة؟
تحولت Dabur من شركة عائلية محلية إلى شركة متعددة الجنسيات، توسعت في أسواق عالمية، ونفذت استحواذات خارج الهند، وتجاوزت إيراداتها مليار دولار خلال عام 2011–2012.
الدرس ايه بقي هنا
الجيل الجديد لا يثبت نجاحه عندما يتمسك بكل الصلاحيات، بل عندما يبني نظاما يستطيع النجاح حتى في غيابه.
الشركة العائلية لا تتحول إلى شركة عالمية بمجرد دخول الأبناء أو الأحفاد إلى الإدارة، وإنما عندما يتم:
1. تحديد دور العائلة بوضوح.
2. اختيار القيادات بناءً على الكفاءة وليس صلة القرابة.
3. وضع نظام حوكمة حقيقي.
4. تدريب الجيل الجديد على القيادة لا على وراثة المنصب.
5. الحفاظ على قيم المؤسس مع تحديث أسلوب الإدارة.
الانتقال بين الأجيال ليس مجرد تسليم مفاتيح الشركة بل إعادة تصميم طريقة عملها
والسؤال الذي يجب أن تطرحه كل شركة عائلية اليوم هو:
هل نريد أن يرث الجيل الجديد نفس الشركة؟
أم نريد أن تبني معه شركة قادرة على المنافسة عالميا وتقدر تستمر ككيان كبير قادر علي المنافسه

#الحوكمة

قصة برينجلز مش قصة بطاطس مقليه وبسفي الستينات كان فيه مشكلة بسيطة شكلها بسيط جداالشيبسي بيتكسر بسهولة ويتبهدل جوه الاكيا...
20/09/2026

قصة برينجلز مش قصة بطاطس مقليه وبس
في الستينات كان فيه مشكلة بسيطة شكلها بسيط جدا
الشيبسي بيتكسر بسهولة ويتبهدل جوه الاكياس
وكان فيه كيميائي اسمه Fredric Baur شغال في Procter & Gamble
بدل ما يتعامل مع المشكلة بالشكل التقليدي بدأ يفكر بطريقة مختلفة
لو شكل الشيبسي نفسه مختلف
ولو قدرنا نرص القطع فوق بعض بشكل ثابت
ولو عملنا لها عبوة تحميها
ممكن نحول مشكلة النقل والتخزين نفسها لميزة
ومن هنا ظهر الشكل المميز لبرينجلز والعبوة الاسطوانية اللي نعرفها النهارده
Baur قدم براءة اختراع لنظام العبوة وطريقة رص القطع سنة 1966 وحصل على البراءة سنة 1970
لكن الجزء اللي بحبه في القصة مش الاختراع نفسه
الراجل كان فخور جدا بالحاجة اللي عملها
لدرجة إنه قال لأولاده من سنين قبل وفاته إنه عايز جزء من رماده يتحط في علبة برينجلز
وأولاده في البداية افتكروا إنه بيهزر
لكن لما توفى سنة 2008 نفذوا وصيته
واشتروا علبة Original وحطوا جزء من رماده فيها ودفنوها مع باقي رفاته
تخيل إن منتج الناس بتاكله في دقايق
والعبوة اللي ناس كتير بتخلصها وترميها
بالنسبة لصاحب الفكرة كانت جزء من حياته وشغله وإرثه
والدرس اللي أنا شايفه هنا أكبر من برينجلز
المشكلة مش دايما محتاجة حل مباشر
أحيانا محتاجة إنك تغير طريقة تفكيرك في المشكلة نفسها
وده في البيزنس فرق كبير جدا
المدير التقليدي يسأل
ازاي نحل المشكلة؟
لكن المدير اللي بيفكر بشكل مختلف يسأل
ازاي نحول المشكلة نفسها لميزة؟
وده الفرق بين إنك تدير المشكلة
وإنك تستخدمها علشان تطور البيزنس
يمكن علبة برينجلز مجرد علبة شيبسي بالنسبة لك
لكن وراها قصة عن Innovation وProblem Solving وProduct Design وBusiness Thinking
وأحيانا أكبر فرصة عندك في الشركة
بتكون مستخبية جوه أكبر مشكلة عندك.
Dr. Ahmed Hamdy
ABTS™ | Ahmed Business Transformation System
Diagnose Before You Decide™

Deepwater Horizon لم تكن مجرد كارثة تشغيلية.كانت درس قاسي في فشل الإدارة.الانفجار حدث في دقائقلكن الكارثة بدأت قبل ذلك ب...
18/09/2026

Deepwater Horizon لم تكن مجرد كارثة تشغيلية.
كانت درس قاسي في فشل الإدارة.
الانفجار حدث في دقائق
لكن الكارثة بدأت قبل ذلك بوقت طويل:
ضغط لتحقيق النتائج.
قرارات تحت ضغط الوقت والتكلفة.
إشارات تحذير لم تحصل على القدر الكافي.
وحدود غير واضحة بين المسؤولية والقرار.
وهنا الدرس الذي يجب أن يهم كل CEO وGeneral Manager:
أخطر مشكلة في الشركة ليست المشكلة التي لا تراها الإدارة.
بل المشكلة التي تراه وتسمح لها بالاستمرار.
الـ KPI الذي يقيس النتائج فقط قد يدفع المدير إلى تجاهل المخاطر.
والـ Procedure الذي لا يملك أحد سلطة إيقاف العمل عند مخالفته ليس Governance.
والشركة التي لا يستطيع موظف فيها أن يقول:
STOP
لما يشوف خطر
قد تكون لديها أنظمة كثيرة، لكنها لا تملك نظام حقيقي لإدارة المخاطر.
الإدارة ليست أن تمنع كل الأخطاء.
الإدارة أنك تبني نظام يكتشف الخطأ قبل أن يتحول إلى كارثة.

Ahmed Hamdy
ABTS | Business Restructuring & Governance Consultant

Address

Cairo

Alerts

Be the first to know and let us send you an email when Ahmed Hamdy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ahmed Hamdy:

Shortcuts

Share