Repsology

10/05/2026

10/05/2026

الدكتور: إمشي من هنا خالص

09/05/2026

العهده علي كاتب البوست الاصلي..

سلاسل الصيدليات الكبيره ، بتاخد طلبية أدوية كبيرة مثلًا بقيمة عشرة مليون جنيه ، من شركة أدوية او شركة توزيع بخصم وليكن مثلا 20%, والدفع بعد 3 شهور .
يبقي كده المطلوب سداده 8 مليون جنيه بعد الخصم .
تقوم السلسله بحرق سعر الطلبية في السوق بخصم 30%، يعني بيخسروا فيها 10% ..
لان حرق السعر ده بيكون فقط للدفع الكاش، يعني السلسله اخذت الطلبيه بخصم 20% دفع أجل بعد تلات شهور ، وباعتها كاش في نفس اليوم بخصم 30%.
كده السلسله اشترت ب8 مليون ، وباعتهم ب 7 مليون .
فين الاستفاده هنا ، الاستفاده هنا ، انه اصبح معاه كاش 7 مليون جنيه ، يدفعهم 8 مليون جنيه بعد تلات شهور ، ودي نسبة فايدة تقريبية حوالي 14% ودي ارخص من فايدة البنك بمراحل ، خصوصا لو حسبنا فيهم دورة رأس المال السريعةفي القطاع ده بالنسبة للسلاسل.

وناخذ السبعه مليون الكاش، نشتري بيهم صيدليه جديده ، ونتوسع، ف يحصل ايه ؟
يجي بنك معين ، عنده فلوس متلتله مش عارف يعمل بيها ايه ، يعرض علي صاحب السلسله دي قروض ، لانه شايفه بيتوسع، وبييبع بسبعه مليون جنيه في يوم واحد يا راجل ( بتوع الطلبيه المحروقه).
ف صاحب السلسله ياخد القرض ، يدفعه لشركة الادوية او الموزع وياخذ منهم طلبية جديده ، ويحرقها ويتوسع، وياخد قرض من البنك يدفعه للموزع وياخد طلبية ويحرقها….. وهكذا دواليك ولبس طاقية ده ل ده ..
توسعنا كتير ، علينا ديون مليار وشويه ، وشركات الادويه عايزه فلوسها ، والبنوك عايزه فلوسها ، ومش معانا فلوس نسدد ولا ندفع مرتبات ، نعمل ايه بقي ؟
نعرض السلسلة للبيع ، احنا عندنا ٥٠ فرع ، وبنبيع يومي بعشره مليون جنيه ( تلات اربعهم محروق بس مفيش حد واخد باله ).
ف يجي بقي حد تاني يشتري السلسله، مشتريها مديونه ، فياخد قرض اكبر ، ويشتري ويحرق وياخد قرض ، ويشتري طلبيات ويحرق ، وياخد قرض ، هوووب الديون زادت ، والشركات عايزه فلوسها .
ف يعرض السلسله للبيع لحد تالت ، ف ايه بقي ؟
يلبسها بكل ما سبق .

مثال واقعي حصل فعلا..
رشدي فتح وتوسع واخد قروض وطلبيات ، رشدي مديون ، رشدي باع السلسله.
19011 اشترت رشدي وتوسعت، واخدت قروض وطلبيات ، 19011 مديونة ، 19011 باعت السلسلة.
سلسلة كير اشترت 19011بديونها وتوسعت ، كير لبست.

وتبص تلاقي اسم الصيدليه الكبيره اللي فتحت جديد، وبتشوفها وانت رايح وانت جاي ، بيتغير قصاد عنيك تلات اربع مرات، خلال سنتين تلاته ، لو لاحظت ده ، اعرف ان السيناريو اللي بحكيلك عليه بيحصل .
…
مين خسر بقي، يعني المليارات دي جات من فين وطارت فين ؟
جت من قروض البنوك والشركات ، وطارت في الهواء، هناك أهي شايفها 🦉.
والمحصلة سوق سلاسل الصيدليات في مصر بينهار كل يوم ،وكلهم مديونين ، ومفيش حد معاه فلوس لا يسدد قروض ولايشتري طلبيات ، واغلبهم عليه أحكام بالسجن.

وده مثال واحد عن دهاليز السوق والتجارة في احد اهم الصناعات الوطنيه ، واللي باظت نتيجة الجشع وضعف الرقابه ، وكان الله في عون البنوك وشركات الادويه والصيدلي المتخرج جديد اللي مبقاش يلاقي مكان يفتح فيه صيدليه او يقدر ينافس السلاسل ، والشعب اللي مبقاش يلاقي ادوية كتير ...

09/05/2026

❗️

09/05/2026

صورة لـ د. السيد المر إستشاري الباطنة في Happe - مؤتمر شركات الأدوية والرعاية الصحية النسخة الثانية في بانل ديسكشن عن الممارسات المهنية والغير مهنية بالدعاية الطبية....

صورة اعتز بها جدا

09/05/2026

🚨"إحنا بنشتغل طول الشهر…
بس ليه النتائج مش بنفس المجهود؟"

مشكلة بتواجه فرق مبيعات كتير جدًا.
زيارات كتير، تقارير كتير، Meetings أكتر…
لكن في النهاية تكتشف إن الـ Territory لسه فيها فرص ضايعة،
والـ Target بيتحقق بصعوبة،
والقرارات أحيانًا بتتبني على إحساس أكتر من Data حقيقية.

الأصعب؟
إن بعض الشركات عندها Dashboards وKPIs ممتازة…
لكن مفيش ربط حقيقي بين الأرقام وبين حركة الـ Field.
يعني تعرف إن فيه مشكلة…
بس مش عارف:
❌ سببها فين
❌ ولا إيه الأولوية
❌ ولا إزاي تتحرك بسرعة وتحسن الـ Performance

وده الفرق بين مجرد متابعة أرقام…
وبين عقلية الـ Commercial Excellence الحقيقية.
لأن الـ SFE مش Reports تتبعت آخر الشهر.
الـ SFE هو إنك تحول الـ Data لـ Decisions
والـ Decisions لـ Actions تحقق نتائج فعلية في السوق.

وعشان كده بنرشحلك
𝑺𝑭𝑬 & 𝑪𝒐𝒎𝒎𝒆𝒓𝒄𝒊𝒂𝒍 𝑬𝒙𝒄𝒆𝒍𝒍𝒆𝒏𝒄𝒆 𝑷𝒓𝒐𝒈𝒓𝒂𝒎
بالتعاون مع أكاديمية Growtwopro 💼
هتتعلم:𝐂𝐮𝐬𝐭𝐨𝐦𝐞𝐫 𝐄𝐧𝐠𝐚𝐠𝐞𝐦𝐞𝐧𝐭 & 𝐒𝐅𝐄 𝐅𝐮𝐧𝐝𝐚𝐦𝐞𝐧𝐭𝐚𝐥𝐬

🔹 إزاي تقرأ وتحلل الـ KPIs صح
🔹 تحسين كفاءة الـ Field Force
🔹 ربط الـ Analysis بالـ Ex*****on
🔹 اتخاذ قرارات مبنية على Data مش تخمين

📩 اكتب "SFE" في الكومنت
أو ابعتها على واتساب
https://wa.me/201060029200
وزمايلنا هيبعتوا كل التفاصيل ☑️
#ريبسولوجي

09/05/2026

Hamoksha Pharma By: Dr.Mohamed Abdelaziz