HR TODaY

26/03/2017

25/03/2017

تلاتين حاجة ماتعملهاش اول ماتتخرج :
1. ماتقدمش في فودافون مصر كول سنتر. انت احسن من كده.
2. كذلك فودافون uk. انت ماتستهلش كده.
3. مافيش حاجة اسمها ادخل الشركة في الكول سنتر و بعد كده ابقى اروح الماركيتينج اللي بيدخل في بوزيشن بيكمل فيه للابد. كان زمان الكلام ده.
4. مافيش حاجة اسمها انا خريج تجارة انجليزي عين شمس و عايز اشتغل في الماركيتينج.
5. خريجي الماركتنج من الجامعات الخاصة بس هما اللي بيشتغلوا في الماركتينج.
6. مش معنى انك حبيت اعلان شاي العروسة انك تقول عاوز اشتغل في الماركيتينج.
7. الماركيتينج مالوش علاقة بصناعة الاعلانات.
8. قدم في شركة اعلانات لو بتحب الاعلانات.
9. ماتخدش كورس Mini MBA . نصبة.
10. ماتخدش كورس سوشيال ميديا في شيراتون نصبة.
11. ماتشتغلش في السوشيال ميديا انت اهم من انك تبقى ادمون شقي او ادمونة شقية.
12. ماتشتغلش sales في yellowpages. هايطلع ميتين اهلك.
13. ماتقبلش تشتغل outsource في اي شركة حتى لو orange او P&G
14. ماتفتحش محل بلاي ستيشن مع صحابك. هايتنصب عليك و هاتخسر صحابك.
15. ماتفتحش قهوة او كافيه مع صحابك. هايتنصب عليك و هاتخسر صحابك.
16. ماتخطبش قبل ماتشتغل. هاتفسخ
17. ماتخطبش اصلا.
18. صاحب
19 .ماتشتركش في Qnet.
20. مافيش شغلانة اسمها networker. يا فاشل يا لوزر !
21. ماتشتغلش .freelance graphic designer
22. لو عجبك الديزاين اشتغل بعقد في شركة. اكرر بعقد.
23. ممكن تشتغل في اي بنك back office او في الفرع.. غير كده لأ.
24. ماتشتغلش في بنك كريدي اجريكول. مزبلة و مش هاتتعلم حاجة و مرتباتهم اقل من كاشير كنتاكي.
25. ده مش معناه انك تشتغل في كنتاكي.
26. ماتشتغلش في اتصالات حتى لو هايعينوك رئيس قسم مسابقات ملكة جمال اتصالات.
27. ماتشتغلش سيلز اوت دور في اي بنك .هاتتفشخ.
28. لو هاتطلع السعودية اعرف انك هاتعيش باقي حياتك هناك.
29. باقي حياتك ده هايكون تعيس و زهقان اكتر من ورك الفرخة اللي مرمي في الكبسة السعودي.
30. لو هاتطلع الامارات اطلع و كمل هناك و ماتجيش هنا تاني
*مش انا اللي كاتبها ومعرفش مين صاحب الكلام الواقعى دا

14/03/2017

الترند اليومين دول عن موضوع وائل الفخراني
طبعا كله بيغني على ليله ومحدش يعرف إي حاجة لسه
اللي مع البقاء فالوظيقة مستغل الفرصة
واللي مع التحديات وبتاع بيدافع
ولا ده يعرف ولا ده يعرف
نتكلم فالمفيد بقى
1_ آخر 6 شهور لكريم نسبة نمو 300% طيب النمو ده يقبله cash in قد ايه محدش يعرف ، في booming فالتسويق ل كريم وتسويق من نوع زرع loyalty للخدمة زي أيام حدثة الكنيسة ومعرض الكتاب وغيره وغيره
زود عليه التسويق للاحتياجات زي احتياج استخدم الخدمة بس بخصم او بسعر أقل من المعتاد " وده يفسر كمية اكواد الخصومات اللي تنهال علينا
غير حاجه مهمة مستوى رضا العملاء عن الخدمة " معالجة مشاكل اوبر وخدمة العملاء ومستوى السواقين "
كمان حاجة مهمة التسويق للشغل في كريم " زي 4 ساعات تغطي مصاريف يومك ، مش لاقى شغل وظروف البلد وعايز تكون نفسك وهكذا "
2_ ودي تخص كل عقليه فاذه " great minds بحد تعبير شركة كريم عن وائل الفخراني "
الكلام مش على وائل تحديد الكلام على كل عقل بيعمل طفرة في مكان شغله أو مجاله
مش لازم اللي يعمل طفرة فشركة x لما يتاخد شركة y يعمل طفرة فيها بردو او شغل عالي بردو لأن ممكن تكون الطفرة دي ارتبطت بظروف أو مكان وحسب نسب التأثير
وممكن فعلا يكون الموظف ده هيعمل طفرة في إي مكان تحت اي ظروف
لو انت بتستقطب موهبة علشان تعمل طفرة عندك فلازم تحسب نسب التأثير دي كويس علشان تبقى عارفه الطفرة هتحصل ولا لا
وانت لو شخص موهوب فشغلك قبل متتنقل من مكان لمكان لازم تبقى عارف كم الانجاز اللي هتحققه فالمكان الجديد لأن سمعتك واسم فالسوق مينفعش يتهزوا والا بيكون ال career راح
نتمنى بقى أن Wael Fakharany يعمل بيزنس لنفسه يحقق فيه إنجاز جديد نتعلم منه ويبقىbusiness model يحتذى بيه

26/02/2017

urgently needed

21/02/2017

اسباب ان فهيم افندى كان الموظف المثالى بالنسبة للحاج عبد الغفور :
- احتفظ بكامل اناقته و formal suit طول الحلقات اللى كان عايش فيها .
- حتى يوم الخميس و لا راح ب semi formal و لا كجوال .
- عمره ما طلب annual increment من الحاج في اى حلقة .
- الحاج اصلاً جايبه head hunting من القهوة اللى في الوكالة بس برضو متناقش معاه و لا عمل negotiation فى المرتب .
- دايماً well prepared بالاقلام بتاعته اللى في جيبه طول الوقت عشان يديها امضاء .
- مالوش job description محدد يعنى مفروض انه سكرتير لكن كان بيخلص شرا و بيع اثاث سنية و شراء الشقة .
-مسألس عن ال career pathway و لا طلب ترقية و لا حتى delegation.
- مكانشى بيتأخر فى اى task و دايماً بيسلم الفواتير قبل ال deadline .
- كان بيختار يقرأ ايه للحاج من اخبار الجرايد مش بيقرأ اى حاجة intelligent.
- ما اخدش sick leave غير لما مات في اخر كم حلقة .
- مطلبش يشغل ابنه في الوكالة زي سيد كشرى ما شغل خضير .
- و اهم من كل دا كان عنده loyalty للحاج و للوكالة لم يشهدها تاريخ الدراما
هو ده مثال الموظف المثالي
صباحم حلو وبيضحك😂😂