28/09/2025
الشركة اللي قررت تدفع مرتبات أقل من السوق، متخيلة إنها بتعمل "توفير ذكي".
لكن في الحقيقة هي بتحول نفسها من "شركة" لـ Training School مجاني للمنافسين.
خلينا نبص على الموضوع من 3 زوايا:
من ناحية الموظف:
الموظف اللي بياخد أقل من حقه، ممكن يصبر شوية يتعلم ويكتسب خبرة، وبعدها يمشي أسرع مما تتخيل.
النتيجة الشركة صرفت وقتها وفلوسها على تدريب وتطوير… لصالح مين؟ المنافسين.
من ناحية المنافسين:
- المنافس الذكي قاعد مستني وبيصفق.
- عارف إن فيه "موجة مواهب مدرَّبة" جاية له ببلاش، من غير ما يدفع قرش على التدريب.
- يكسب موظف جاهز، متحمس، وعطشان للتقدير اللي شركتك ماقدمتوش.
من ناحية الشركة اللي بتعمل كده:
-بدل ما تبني Workforce مستقر، بتبني Waiting List للمنافسين.
-بدل ما تحافظ على سمعة سوقية محترمة، بتتحول لمحطة ترانزيت.
-وبدل ما تفتخر إنها بتطور كوادرها، بتبقى مجرد مزرعة بشرية بتصدّر للمنافسين.
-الشركات اللي بتدفع أقل من السوق لازم تفهم إن المرتبات مش مجرد تكلفة، المرتبات استثمار في ولاء واستقرار.
ولو لسه مقتنع إن "اللي بيروح يتعوض بسهولة" → يبقى هتفضل عايش في دوامة مالهاش نهاية: توظيف – تدريب – تسريب.
الخلاصة ادفع أقل = Training مجاني للمنافس.
ادفع صح = تبني كيان مستقر وقوي.
Copied
