الصفتي للتشطيبات المعماريه والديكور (2026)

12/08/2025

لما حد يتصل بيك بيطلب استشاره قول الي يمليه عليك ضميرك
اوعا تقول ربنا مايجعلنا من قطاعين الارزاق
قول علي الصح انه صح والغلط انه غلط
انت مستأمن ولازم تأدي الامانه حتي لو بدون مقابل .

02/04/2024

M.elsfty 01000900481

23/05/2023

لما زبون يقول لقينا أرخص منك اسعارك غالية أوي
الغالي للغالي ؛؛؛
بس اللي يفهم الحته دي 💪👍

30/04/2023

اي الفرق بين الجبس امبورد والجبس البلدي
الجبس امبورد أفضل ولا البلدي
اسئله كتير يوميا بنتسالها
تعالي انا اقولك 👇👇👇
1- الجبسيوم بورد و السقف الساقط طالع موضة ؟!
لا ملوش علاقة بالموضة خالص
هو وسيلة لتشطيب السقف زيها زي المصيص و الجبس البلدي .
2- طيب ايه الجديد فيه ؟
بص يا سيدي الجبسيوم بورد كان موجود من زمان و لكن تكلفته مقارنة بالجبس_البلدي كانت كبيرة لكن دلوقتي اصبحت قريبة جدا .
3- إزاي ؟
الجبس البلدي عشان تعمله بياخد وقت كتير يعني " يوميات كثيرة " و يوميات العمال زادت جدا و في نفس الوقت الجبسيوم بورد مبايخدش الوقت ده خالص
يعني لو هاتعمل الشقة بتاعتك جبس بلدي في شهر تقدر تخلصها بالجبسيوم بورد في اسبوعين
4- طيب بالنسبة للجودة الجبسيوم بورد أحسن و لا الجبس البلدي ؟
طبعا الجبسيوم بورد الجودة بتاعته اعلي بكتير لانه مش معتمد علي حرفة الصنايعي الألواح بتيجي مكبوسة جاهزة من المصنع فلا هاتلاقي لوح " مموج و لا معرج و لا فيه رايش ده غير ان فيه انواع مقاومه للرطوبه " الجبس الاخضر " و انواع مقاومه للحراره " الجبس الاحمر " .
5- الجبسيوم بورد بيتركب ازاي ؟
يتعمله نظام تعليق تسليح صاج في السقف الأساسي و بعد كده بنركب في الجبس بمسامير و بعد كده يتشطب بمعجون الفواصل .
6- أنا سمعت إن الجبسيوم بورد بيتشرخ و يشقق مع الوقت ؟
ده بيحصل لسبب واحد " قلة الضمير او عدم المعرفة "
1-إن الصنايعي يقلل في الصاج بتاع التسليح في السقف يشرخ و يريح .
2-إن الصنايعي مايستخدمش فايبر الفواصل .
7- في مميزات تاني تخليني أشتغل جبسيوم بورد غير الوقت و التكلفة ؟
أه طبعا
انت بتخلق فراغ بين السقف العادي و السقف الجبسيوم بورد و ده بيديك الفرصة انك تركب " اسبوتات دفن ، سماعه ، تكيفات_كونسل"
و الفراغ ده بيخلي عندك ميزة انك ممكن في اي وقت بعد التشطيب تمشي سلك في السقف " تليفون ، نت ، فايبر كهرباء " .
8- بالنسبة لو عايز أفصل غرفة أو أقسم ريسبشن ؟
بتعمل قاطوع جبسيوم بورد بيفصل بين الغرف بيبقى زي الحيطة بالظبط و يتشطب دهانات او ورق_حائط او اي تشطيب من الناحيتين .
9- طب إستخدمات الجبسيوم بورد في الديكور ؟
الميزة دايما في أني اقدر اعمل كذا نظام اضاءة سبوتات او -ليد لايت و طب.... بتشتغل في الديكور زي الفل .
وفى اى رسومات زى الورود والفرشات .
10- طيب يتحسب إزاي ؟
1-يتحسب بالمتر المسطح المساحات الفلات .
2-أما الديكور أو أي زوايا نازلة أو طالعة يتحسب بالمتر الطولي .
11- إيه الأنواع الكويسة في الجبس ؟
(-كناوف-تركي-بلاكو-سعودي)
12- الأسعار إيه ؟!
دلوقتي السعر بيبدأ من 140 إلي 180 جنيه و ممكن توصل لحد 300ج بس بانظمة تعليق مختلفه
خلي بالك حاول قبل ما تبدأ يبقى معاك الرسومات النهائية عشان ممكن تبقى مختار شكل و لما يتنفذ تلاقي النسب بتاعته متنفعش عندك
و تبقي عارف الكمية كام و التكلفة النهائية كام قبل ما تبدأ عشان تكون محدد كل شي..
او كلمنا واتس . وايمو..وفيس ...علي٠١٠٠٠٩٠٠٤٨١

دي صفحة شغلي
للاستعلام والاستفسار: فون /٠١١٤٤٨٥٥٩٧٣
كل اللي عايزينه في عالم الديكور جبس امبورد هنا هتلاقوه

26/04/2023

كل عام وانتم جميعا بخير عيد فطر سعيد
لو عملتوا بالنصايح دى هتنبسطوا جدا فى شقتكم ..
1. دهان حوائط الشقة بألوان فاتحة، فالألوان الفاتحة ستضيء المكان
2. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط
3. . لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.ممكن سافيتو 100sbانا بصراحه بفضله وبشتغل بيه
4. الاضاءة البيضاء حلوة بس ال warm بتحسسك ان صرفت فعلا وعملت تشطيب.
5. لو فى غرفة معرضه لى اضاءه طبيعيه تعامل على كدا(توفير)
6. لو هتستخدموا ورق حائط اختار النقشات الصغيرة (لو شقة ضيقة )
7. بلاااااش تعلق الصور العائلية على الحوائط
8. استخدموا مرايات كبيرة (لو شقة ضيقة )
9. استخدام خامة واحدة من الستائر لكل النوافذ (لو شقة ضيقة )
10. اختيار لون موحد سادة بنقوشات صغيرة للسجاد (لو شقة ضيقة )
11. ابعدوا كل البعد عن الاثاث الكبير والضخم فى الديكور (لو شقة ضيقة )
12. السقف لونة ابيض احلى
13. .. المطبخ من أهم الفراغات في الشقة بلاش تضيق مساحته عشان توسع الريسبشن.
14. حاول توسع المطبخ على قد ماتقدر..
15. . اهتم بالليفينج أكتر من الريسيبشن.
16. . لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
17. البورسلين قطع الليزر في مصر أثبت فشله.. هات سيراميك نوع كويس أفضل.
18. . سيراميك الجوهرة أفضل من كليوباترا بمراحل.
19. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
20. . لو حابب تدلع شقتك ركب hdf - في الغرف.. هتنبسط.
21. . لو شقتك مجروحة من الجيران ماتنساش الستاير البلاك أوت.

22 . ورق الحائط الـ 3d هايل بس ماتكترش منه.
23 . أكتر 3 حاجات عاوزك تهتم بيها هي تأسيس السباكة و تأسيس الكهرباء واختيار السيراميك و العزل.
24. . الشبابيك الألومينيوم عملية أكتر من الشبابيك الخشب.

25 . الألومينيوم بيتدهن ألوان كتير غير البيج و الأوف وايت على فكرة..
26. . لو شقتك واسعة اعمل شبابيك مفصلي و لو ضيقة اعمل الشبابيك جرار
تحت أمركم فى اى استشارة استشاره ه مش شغل

Address

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Saturday	09:00 - 17:00
Sunday	09:00 - 17:00

Telephone

+201000900481

Website

facebook.com

Alerts

Be the first to know and let us send you an email when الصفتي للتشطيبات المعماريه والديكور posts news and promotions. Your email address will not be used for any other purpose, and you can unsubscribe at any time.

Contact The Business

Send a message to الصفتي للتشطيبات المعماريه والديكور:

الصفتي للتشطيبات المعماريه والديكور