12/09/2026
شركتك أو مشروعك حجم أعماله أقل من 20 مليون جنيه في السنة؟
البوست ده معمول علشانك!
لو حجم أعمالك السنوي 250 ألف جنيه، تعرف إن ضريبة الدخل بتاعتك تكون 1,000 جنيه بس؟
أيوا، زي ما قريت كده!
وفقاً للتسهيلات الجديدة في القانون رقم 6 لسنة 2025، مصلحة الضرائب المصرية أتاحت نظام ضريبي مبسط جداً للمشروعات والأنشطة المهنية والشركات اللي حجم أعمالها مبيعديش الـ 20 مليون جنيه.الحسبة بقت أسهل بكتير وبنسبة ثابتة مقطوعة من حجم أعمالك، من غير الدخول في حسابات ومصاريف معقدة:
أقل من 500 ألف جنيه ⬅️ النسبة 0.4% (يعني لو 250 ألف هتدفع 1,000 جنيه بس).
من 500 ألف لأقل من 2 مليون ⬅️ النسبة 0.5%
من 2 مليون لأقل من 3 ملايين ⬅️ النسبة 0.75%
من 3 ملايين لأقل من 10 ملايين ⬅️ النسبة 1%
من 10 ملايين لـ 20 مليون ⬅️ النسبة 1.5%
الميزة مش بس في الفلوس.. المميزات التانية هتريحك من الصداع اليومي:
فحص ضريبي بعد 5 سنين: مش هتشيل هم الفحص كل شوية.
إقرار القيمة المضافة: هتقدمه كل 3 شهور بدل كل شهر.
تسوية المرتبات: هتعملها سنوياً بدل الالتزام الشهري.
إعفاءات بالجملة:
معفى من ضريبة توزيعات الأرباح
وضريبة الدمغة
ورسم تنمية الموارد
وبعض رسوم الشهر العقاري للنشاط
ورق أقل:
مش ملزم بسجلات محاسبية معقدة أو إقرارات طويلة.
النظام ده مناسب لمين؟
سواء صاحب شركة، مكتب مهني، محل تجاري، مشروع صغير، Freelancer، أو حتى شغال أونلاين
النظام ده معمول علشانك.
بس خلي بالك: الاستفادة من النظام ده ليها شروط والتزامات بالمنظومات والإقرارات لازم تتراجع بدقة عشان متضيعش الميزة دي منك.
في ETA – Tax N Audit Consultations، بنراجع معاك حجم أعمالك وطبيعة نشاطك، وبنساعدك تدخل النظام المبسط ده وتستفيد من كل التسهيلات القانونية.
اعرف حقك..
ومتدفعش ضريبة أكتر من المستحق عليك.📩
ابعتلنا رسالة دلوقتي،
وخلي فريقنا يراجع موقفك الضريبي ويظبطلك ورقك!ETA |
Your Tax. Our Expertise.
