11/07/2024
طلعت مصطفى كده كده تنين بيطلع نار بجد و اكبر من اي حد و منافسته شبه مستحيله ، هاتو كباية شاي و تعالوا نفهم مع بعض القصة
ده مشروع يا ترى ROI او ROE او IRR ولا ايه حكايته .. ده رأيي في طرح ساوث ميد :
١- أسعاره اعلى من المتوقع بس الدفع على ٧ و ٨ سنين بيخلي السعر احسن و دي نقطة كتير مش واخدين بالهم منها و طلعت عنده قاعده عملاء عارفه قيمته و تقدر تخليه يبيع اي مشروع عنده ده غير اننا اكتشفنا انه فضل مهنج سوق الساحل نسبيا لحد ما الناس تشوف الطرح بتاعه
٢- الفيلات هتتباع كويس جدا جدا
٣- المشروع بيستهدف ناس برا مصر لانه كبير و زيادات السعر اللي مش هتكون ابدا كبيرة اوي مش تارجتها المصريين بس
٤- التارجت الاساسي لل GCC و ده باين من اختيار سلفستر ك brand ambassador... لان أمريكا و اوروبا محتاجة وشوش تانية زي جورج كلوني مثلا و اعتقد انه هيروح في السكة دي برضه
٥- منتج طلعت مصطفى في الساحل معتقدش هيكون بتاع الريسيل السريع ، محتاج صبر و كده كده طلعت بيسلم قبل معاده ، الإيجارات الحقيقية بعد كده هي اللي هتقول الاستثمار ده نتيجته فعلا ايه ، هو هيحقق الحد الأدنى و ده اكيد و هيحقق عائد لشهور اطول في السنة مش بس شهرين و هيفتح سوق ايجارات لباقي السنة لمشاريع تانية كمان ، بس لحد كام هيكون ال ROI بتاعه اللي هنكتشفه مع بعض وقت التشغيل الحقيقي و هو قالها بشكل واضح للي يفهم هيشتغل على الإيجارات من شركات من برا مصر و اكد عليها ... يعني اشتري و استنى عائد الايجاراااااات و ده واضح جدااااا في كلامه و ده بيجذب جدااااا المستثمرين اللي برا لانهم متعودين على ٥ او ٧% عائد ايجاري ... بالنسبالهم ١٥% ك ROI او ٢٠% ك ROE ده رقم مش موجود عندهم ... لكني مش متوقع يكون IRR عالي
٧- طبعا الاسعار دي ادت فرصة للمطورين في مشاريع الساحل انهم يقدروا يشتغلوا دلواتي شوية بس هيشتغلوا اكتر بعد ما البوب يخلص لانه سحب من السوق كمية ارقام و مستثمرين كبيرة جدا ، انا اعرف كده حد اخد bulks هناك و ده جزء منه كان بيروح لشركات تانية
٨- المطور الحقيقي هو اللي بيبني و يسلم و يعمل حياة حقيقية مش مدن أشباح ... فيه مطورين ماشيين بخطوات صح و فيه مطورين محتاجين يعيدوا تفكير في طريقة الشغل و في التنفيذ و التشغيل
٩- التنين محدش بيعرف يقف قصاده ، بس ممكن تقف جمبه و تستفيد و ده الأذكياء بس اللي هيعرفوا يعملوا كده
١٠- دور على قيمة مختلفة عشان تعرف تنافس الوحوش ، القيمة المختلفة هي اللي هتخليك كمطور تقدر تكمل بنفس القوة، و ركز في انك تقدم منتج ينفع يتباع overseas سواء للمصريين او لغير المصريين
العائد على الاستثمار (ROI)
(Return on Investment اللي هي )
وهو نسبة الربح الناتج من الاستثمار إلى تكلفة الاستثمار نفسها...
مثال بسيط
يعني لو استثمرت 100,000 جنيه في عقار وحققت أرباحًا قدرها 120,000 جنيه بعد سنة يبقا كدا العائد 20٪
2. العائد على حقوق الملكية (ROE):
(Return on Equity)اللي هو
دا نسبة العائد الذي تحققه الشركة على حقوق المساهمين
مثال بسيط
لو كانت صافي الأرباح للشركة 50,000 جنيه وحقوق المساهمين تبلغ 200,000 جنيه فإن ROE هتساوي اقسمهمع بعض واضرب * 100 هتلاقي النسبة كدا 25٪
3. العائد على الأصول نفسها (ROA):
(Return on Assets)اللي هو
هو نسبة الربح اللي ب تحققه الشركة من إجمالي أصولها وهكذا
مثال بسيط
لو كان صافي الأرباح للشركة 50,000 جنيه و إجمالي ب الأصول تبلغ 500,000 جنيه يبقا النسبة هنا 10٪
معدل العائد الداخلي (IRR)
(Internal Rate of Return)اللي هو
و هو معدل الخصم الذي يجعل القيمة الحالية الصافية (NPV) للتدفقات النقدية تساوي صفرًا
ودا بيُستخدم لتقييم جاذبية مشروع استثماري أو استثمار معين.....
مثال بسيط
إذا كان لديك استثمار يكلف 100,000 جنيه ويحقق تدفقات نقدية سنوية قدرها 30,000 جنيه لمدة 4 سنوات، فإن IRR هو المعدل الذي يجعل القيمة الحالية لهذه التدفقات تساوي 100,000 جنيه وهكذا
