Radwa Nagiub - رضوى نجيب

10/08/2026

قالتلى زوجى فيه عادة من وقت جوازنا من ٤ سنين وهى انه دايما يتفق مع أهله او اى حد يجي يزورنا من غير ما يشورنى او يرتب معايا و فالاخر يبلغنى ، اعملى حسابك فلان جاى بكرة يتغدى معانا / يزورنا .
لما سألته تحب انى افاجئك بزيارة اهلى لينا قبلها بيوم كده؟! قالى يشرفوا
فهمتوا ان ست البيت بتحتاج تعرف من قبلها عشان ف كل الأحوال لو عزومة او استقبال محتاجه تعمل حسابها ف ترتيب البيت و توفير اكل للعزومة ،متتفاجئش كده
ربما انا تعبانه او اخر الشهر ومفيش اكل يكفي عزومة.
يقولى البيت مفتوح و اللى يحب يجي مش هقول استنى ارجع لمراتى يناسبها ولا لأ..

اية رايك ، لو انتى مكان الزوجه دى تتعاملى ازاى؟

؟

10/08/2026

متقولش لأى شخص مهما كان قريب منك لما يقدملك هدية( بكام؟ دى شكلها غالية اوى) . لان من الذوق و اللباقة الترحيب بأى هدية بأبتسامة و تقديم الشكر
هدف الشخص اللى بيقدملك هديه هو انه يسعدك.

09/08/2026

✨ نفسك تكوني صاحبة حضور راقٍ يسيب انطباعً ميتنسيش؟
الأناقة مش بس في المظهر ... بل في أسلوب الحديث، وطريقة الجلوس، والتصرف بثقة في كل المواقف.
يسرني دعوتك للانضمام إلى كورس
🌸 اتيكيت سيدة المجتمع الراقي 🌸
هتتعلمي:
✨ فن الانطباع الأول.
✨ اتيكيت المائدة والطعام.
✨ اتيكيت الزيارات والضيافة.
✨ كيفية التعامل مع المواقف والأسئلة المحرجة.
✨ اتيكيت استخدام السوشيال ميديا.
✨ اتيكيت الحركة والجلوس بأسلوب راقٍ مستوحى من "طريقة الأميرات".
🎓 تقديم: أ/ رضوى نجيب استشاري الإتيكيت الدولي
📩 للحجز والاستفسار، أبعتى رسالة على الصفحة أو تواصلي عن طريق فيسبوك، انستجرام RadwaNagub1@
ابدئي رحلتك نحو الثقة، والرقي، والأناقة... لأن السيدة الراقية تُعرف بشخصيتها قبل مظهرها. ✨
#اتيكيت #أنوثة

06/08/2026

٧ شخصيات تجنبها فالارتباط ❌️

05/08/2026

كلمتين
انت مؤمن بالله؟ بتصلى لله" ايا كان دينك" ؟
اذا فأنت على علم و مؤمن بأن توزيع الارزاق بتاع ربنا
ف متقولوش لأولادكم:
- انت اتأخرت فالجواز وصلت ٣٧
-انتى اتأخرتى فالخلفة
طالما ان الشخص مش عازف عن الزواج . يبقي هى مسألة رزق
طالما ان الست مش مانعه الحمل بأى وسيلة و بتاخد بالاسباب ، يبقي هى مسألة رزق.
محدش بيخلق رزقة
و محتاجين نسلم لفكرة ، ان ف ناس ربنا هيرزقها بالزواج و ناس لا ، و ناس هيرزقها بالذرية و ناس لأ.
هى تقسيمته كده!
و ده مش معناه ان اللى متجوزش لازم عنده عيب ف شخصيته .
ولا اللى مخلفش/مخلفتش عندها نقص .
الزن و الإلحاح في النقطتين ، بيخللى الناس تدخل ف علاقات فاشلة مرهقه لمجرد انها تطفي زرار الزن و تخلف ف زواج غير متكافئ بالمرة و يدفع التمن الأطفال.

و لذلك
أرزاق ربنا بتتقسم حسب ماهو شايف كل " عبد" محتاج اية و يقدر على اية.
بدل ما نبص عالرزق اللى مجاش . نركز عالى موجود و نحمد ربنا علية و نزوده
و ادعوا لاولادكم ربنا يرزقك بالخير.
المهم تشوفوا ولادكم سعدا في خطواتهم و راضيين هو ده الرزق اللى بجد ❤️

02/08/2026

كام تصرف لو بتعمليهم مع جوزك ، تأكدي انك بتحبية ❤️

27/07/2026

اتيكيت الاتصال من خلال السوشيال ميديا

22/07/2026

22/07/2026

والتواصل على السوشيال ميديا

#اتيكيت