27/09/2025
ليه رواد الأعمال من الحرف اليدوية بياخدوا وقت لبرمجة دماغهم لعقلية رواد الأعمال:
📌 هما عاطفيين جدا لأن قدرتهم على الإبداع والابتكار محتاجة لتدفق مهول من المشاعر عشان تساعدهم على التخيل ... والبيزنس مينفعش يتحسب بالعاطفة
📌 مبيحبوش الحدود .. لما بيحس ان فيه حدود محتاج يمشي عليها عقله بيقف عن التفكير والابتكار .. عشان كده لاقيهم يقولوا على نفسهم { انا كائن بوهيمي يفعل ما يحلوا له } وطبعا عقلية البيزنس عايزة قواعد وحدود ورولز تمشي عليها
📌 عقله مش بيحسب الفلوس لأن الفكرة عنده أهم من أي فلوس تتصرف .. فبيصرف على الفكرة لحد ما يخرج بالناتج النهائي بدون حدود للصرف
📌 مفيش حد مبدع في حرفته غيره ودي عقيدة ومعتقد جواه ومحدش يفكر يقرب من الفكرة دي ... فبيعاني من فكرة ان يجيب حد يشتغل مكانه .. محدش هيعمل الخطوات زيي .. فصعب جدا عليهم التفويض
📌 بيكره الإنتاج الكمي ... بيحس كده ان جوهر وقيمة حرفته ضاع ... حرفته محراب صلاواته إللي مينفعش حد يفكر يغير من اركانها
قولي بقى تعاملت قبل كده مع صناع حرف يدوية ولا لاء ولاء وجدي
