https://www.facebook.com/192028487673908/

لتنمية مهارات Friends, شارع عبد الجليل البحيرى أسفل مسجد التوبة متفرع من ش سكة الوايلى أمام نادى مصر البترول/حدائق القبة, Hadaik El Koba (2026)

26/08/2022

الاقتصاد العالمى بينهار و العالم رايح في داهيه
مصر :

18/08/2016

عرض خاااص جداا ولفتره محدودة تطبيق اختبار الذكاء ب 50ج بدلا من 150
اعرف مستوى ذكاء طفلك
اعرف نقاط قوته ونقاط ضعفه
لاستلام ريبورت مفصل لنسب قدرات الذكاء مختوم وموثق من جمعية التوبة برسوم اضافيه 20ج
لاستلام ريبورت بدون ختم 10ج
الحجز يبدا من صباح السبت وحتى الاثنين واول 3 حالات ريبورت مختوم مجانى
والحالتين التاليتين ريبورت مجانى غير مختوم
الحجز بداية من صباح السبت 8/20 وحتى الاثنين 8/22 او حتى انتهاء العدد المطلوب
واول تعليق هيستلم ريبورت مختوم مجانى وثانى تعليق ريبورت مجانى غير مختوم

13/04/2016

السودة.....😢😢😢هذه هي الكلمة التي كانوا يطلقونها علي في المدرسة الابتدائية كنت في الاول لا انتبه ثم اصبحت اتضايق...اسمي منار سني الان 25 سنة هذه هي صورتي وانا طفلة 👇..ابي كان دوما مسافر وامي هي كانت من ترعاني انا واخواتي البنات المشكلة كانت تكمن في ان نسمة ونور كانتا بيضاوين ....مثل امي انا فقط سمرا مثل ابي.....اممم امي نفسها كنت اشعر انها غير سعيدة بشكلي....طالما سمعت تعليقات جارحة مثل انت ليه مش حلوة زي اخواتك ؟؟😑😑كنت ابكي....سرا ...شعري منكوش...😢اسأل نفسي ليه انا بالذات الوحشة ! # #الغريب انني كلما سألت نفسي كلما ازددت وحاشة....😕ليس لي اصحاب من كثرة ما انجرحت.....اصبحت دوما احب مضايقة البنات واخذ اشيائهن...وقرصهن...امي كل فترة يتم استدعاؤها من الإدارة منار غير مؤدبة....
امي لم تعرف الا الضرب
مرة وهي تضربني قالت (هو انتي مفيش حاجة فيكي عدلة طالعة له ؟)😡هي تقصد اني مثل ابي !!!!!!
ارضاني ان اصبح المشاغبة رقم 1 في المدرسة
احسست بأن لي بعض الاهمية وان كانت بالخطأ...
لا احد يحبني....الاخصائية الجديدة ميس مني تحاول ان تتحدث معي ....كل اخصائية تحاول علاجي يستفزني هذا اكثر انا مش مريضة ولا مجنونة #لا احب الكلام معها.....
لماذا انا موجودة انا وحشة ومش هتجوز كما يقولون 😑😕اكره اخوتي لانهم حلوين.....
(منار) # #هكذا ناداني كابتن جمعة كابتن الباسكت العجوز....
اعرفه شكلا.....
(نعم با كابتن)😕رديت برخامة كالعادة....
قال لي كان سني 10 سنوات؛ :مالك؟؟؟؟
😨مالي!!!!!عمر ما حد سالني مالي انا كم مهمل دوما.....
رديت (مفيش)
قال (طيب ليه عاملة كده😕)
قلت برخامة (انا شكلي كده)
قال مبتسما بلا غضب (انت زعلانة اوي ليه ؟؟؟)
نظرت اليه أخيرا حد عرف اني زعلانة؟!
قلت له (وليه ما ازعلش محدش بيحبني )
قال في طيبة وهو يقدم لي بسكوتا (شعور صعب اوي يا منار انك تحسيه...)
بكيت......
قال في تعاطف (اد كده متضايقة يا بنتي ؟؟؟)
اسرعت بالابتعاد....وسقط مني البسكويت....
في اليوم التالي للتمرين.....لم اذهب امي لم تهتم.....
لكن بعد ذلك
ذهبت
سألت كابتن جمعة (ليه الناس بيكرهوا سماري😢انا ايه ذنبي)
لم ار في صفاء وجهه وهو يقول (وجعلنا بعضكم لبعض فتنة اتصبرون وكان ربك بصيرا)
قال لي (الناس يا منار امتحان لبعض.....كل واحد بيضايق التاني في حاجة....انتي عارفة ان انا عندي اصابة في ذراعي من سنين بسببها تركت لعب السلة...الناس برضه بيعلقوا عليها)
😑قلت (ليه انا سودة واخواتي بيض؟؟؟)
قال (ده اختلاف بين الناس ربنا قسمه. ..انت لو رضيتي هتكوني رائعة)
قلت (ارضي ازاي والناس بتتريق عليا)
قال (الناس بتتريق علي حجات كتير....بس مادام انا عارف اني مش غلطان اجمد ولا يهمني )
قلت له (انا بالعكس بقيت بأكره كل حاجة يا كابتن)
قال (وليه متحبيش الحجات؟؟انت كده كده عايشة عيشي صح.....حتي مع التريقة....التريقة غلطتهم مش غلطتك...خليهم يقولوا ياريتنا زي منار)
بكيت وابتعدت.....
ياريتنا زي منار؟؟؟؟؟
ممكن حد يقول كده؟؟؟؟
انا فاشلة دراسيا
مكروهة في البيت والمدرسة
لكن وانا ماشية لاحظت مكان كان مقلب قمامة.....وجدت عمال بينظفوه....بعد كم يوم اصبح جنينة مشهورة!!!!!!
ممكن نتغير؟؟؟؟
بس بشرتي مش هتتغير
البشرة مش كل شئ
البشرة شئ بس من الاشياء...
بدأت
اذاكر....والله بدأت....
بدأت اصلي...
بطلت رخامات لكن البنات مبطلوش تريقة # #يا عيني ع الاجتهاد !!
لم اهتم في ذهني كلمة عم جمعة (بكرة تقولوا يا ريتني زي منار)
# #ماما ملاحظة ولا تعلق
طلعت التالتة
😃
المدرسة كرمتني....
ماما سمعتها بعد شهر بتقول لنور #شايفة منار ملتزمة ازاي في الصلاة؟؟؟
😃
ذهبت لعم جمعة....
كان شكلي فرحان
قال لي # # # # # #كملي
بدأت دايما اكون من الاوائل
ومن المصلين الحمد لله
مرة قبلت يد ماما....اتحجبت.....في الاعدادي.....تعليقات الناس زي ما هي ع سماري بس خلاص جمدت....عم جمعة يشاور لي مشجعا....

كررت تقبيل يد ماما...
اشعر انها راضية رغم سابق سوء علاقتي بها...
حاسة اني احلويت.. !!!!
اعطف علي الاطفال...عم جمعة مريض جدا....ذهبت مع ماما لزيارته...دعا لي....ودعيت له....عم جمعة اتحسن وخرج بس بطل يروح النادي انا وامي حريصين علي زيارة زوجته والسؤال عليه...
وفي الثانوية كانت كلية الطب...😃اخبرت عم جمعة
قال لي # # #انت ادها يا منار....
ماما فخورة جدا بي.....
اولي طب مات عم جمعة.....😢
صليت عليه الجنازة ودعوت له من قلبي اللهم اعف عنه ووسع عليه وثبته بالقول الثابت ....ودعيت له..كتير..اقسم بالله اني ادعو له يوميا واخرج كل يوم صدقة له.....وازور زوجته ....عم جمعة مخلفش.....لكن وقف جنبي عشان اعيش .....
كان ممكن اكون كتلة سووواد....
اتعرفت علي مدحت في رابعة طب....
هو اتخرج....
الغريبة ان مدحت اشقر!!!!!!!امه بريطانية مسلمة.......وابوه مصري....
مدحت مصر علي....
يقول #بتصلي ومحترمة.....
انت اهبل ؟؟؟؟تتجوزني انا ؟؟؟؟؟
ماما طايرة من الفرحة
اخواتي مش مصدقين.....
كنت بأضحك..من قلبي......😃😃
اتخطبت عادي واتجوزت...واقسم بالله مش ناسبة عم جمعة لما ناداني وانا عمري 10 سنوات.....بأدعي له...وبأتصدق عنه.....
وحكيت لمدحت عليه......انا ومدحت بنقول علي اي شخص بيبني ولا يهدم # #عم جمعة....
بأقول لكل الزعلانين من سمارهم......كل شئ ابتلاء ...البياض والسمار.....الحلاوة والوحاشة....المهم اكون راضي
ساعتها ربنا هيراضيني.....
الله يرحمك يا عم جمعة.برحمته زي ما رحمتني وانا طفلة ضايعة وقلب اسود.. .الله يرحمك ويرحم كل عم جمعة بيبني ولا يهدم النفوس💕💕💕نفسي كل اللي يقرأها يفكر ازاي يكون هو عم جمعة مش بس ازاي يلاقي عم جمعة☺....قصة عشان نتعلم الفتها من وحي الاستشارات / د ايناس فوزي مركز ايناس و الأطفال للاستشارات التربوية والتعليمية مركز متخصص في مجال الاطفال المعراج العلوي بجوار كرفور المعادي 01140220099