BrandSkool

19/08/2026

حسابنا على انستجرام مغلق حالياً لغاية
ما المشكلة تتحل وبنعتذر لكم لو حد
بييدور على الكونتنت بتاعنا هناك ومش لاقيه.

اللي حصل ان أكونت صلاح الموثق اتقفل وللأسف
كان مربوط بأكتر من حساب خاص بالشغل منهم
أكونتات ميتا بيزنس و الحسابات الاعلانية و أكونت
برندسكوول على انستجرام.

من أكتر من ٢٤ ساعة صلاح عمل شكوى وأكد
حسب الاجراءات المتبعة بياناته الرسمية (اللي أساساً كانت موثقة معاهم)
من جديد ولغاية كتابة البوست ده مفيش أي طريقة
قادرين بيها نرجع حسابنا على انستجرام
ولا حساباتنا الاعلانية و البيزنس بورتفوليو.

مستمرين في المحتوى هنا وعلي لينكيد ان وتيكتوك
💙💪🏼

01/08/2026

جالك مشروع براندنج جديد 🎉

فتحت Behance تدور على ريفرينس.
وPinterest تجمعMoodboard.
وYouTube تشوف حد بيشرح البروسيس.
وChatGPT يساعدك في الريسيرش.
وفتحت الكورس اللي اشتريته من فترة.

بعد ساعتين بقى في٢٠ تاب مفتوحين قدامك.

واحد بيقولك تبدأ من الجمهور.
والتاني بيبدأ من شخصية البراند.
واحد دخل على اللوجو على طول.
وواحد عندهFramework مختلف تمامًا.

تبدأ تعمل شوية ريسيرش.
تسيبه وتروح للـPersona.
تعمل داونلوود لـTemplate للاستراتيجية.
ترجع تذاكر الـPositioning.
و تجمع ريفرينس تاني من جديد.

وفي النهاية عندك معلومات كتير
بس البروجكت نفسه لسه مبدأش.

المصادر كتير يا صديقي.
بس محدش بيديلك طريقة واحدة تقولك:

تبدأ منين؟
تعمل إيه بعد كده؟
كل مرحلة المفروض تطلع بإيه؟
وإزاي مخرجاتها تتحول لمدخلات للمرحلة اللي بعدها؟

مشروع البراندنج مش تمارين وتيمبلتس منفصلة بتملاها.❌
انما بروسيس فيها كل مرحلة بيتنبي عليها اللي بعدها✅

⬅️ الـDiscovery بيوجه الريسيرش.
⬅️ الريسيرش بيكشف الفرصة بتاعة البزنس.
⬅️ الفرصة بتساعدك تحدد الجمهور والتمركز.
⬅️ الاستراتيجية بتحدد شخصية البراند واتجاهه.
⬅️ والقرارات دي كلها بتتحول بعد كده للغة بصرية وهوية كاملة.

لما الترتيب ده ميبقاش واضح
الـAI هيديك إجابات ملهاش علاقة ببعض.
وبيهانس وبينتريست هيحيرك بديركشنز مختلفة.
والكورسات تزود معلوماتك من غير ما تعرف تستخدمها إمتى.

لكن لما يكون معاك فريموورك واضح
كل أداة بيبقى ليها دور محدد.

✅ تعرف تسأل الـAI عن إيه.
✅ تدور فيBehance على إيه.
✅ تختار إزاي الريفرنس.
✅ وتبدع في المشروع من أوله لآخره من غير ما تتوه بين المصادر.

مش ناقصك أدوات ولا معلومات.❌
ناقصك طريقة تجمع الأدوات دي كلها داخل بروسيس واحدة.✅

كومنت بكلمة دبلومة وهبعتلك
كورس مجاني ٢٥ دقيقة عن السيستم
اللي بنشتغل بيه لبناء مشروع براند كامل
من الماركت ريسيرش لحد الهوية البصرية والتسليم.

28/07/2026

المكالمة مع العميل خلصت 🎉
كان متحمس.
سألك عن التفاصيل.
وقالك ابعتلي عرض السعر و هراجعه.

حضّرت الـQuotation.
كتبت الخدمات والتسليمات.
مدة التنفيذ.
عدد التعديلات.
وحطيت السعر في الآخر.

بعت العرض.

العميل شاف الرسالة.
فتح الملف.
ومن بعدها اختفى.

تستنى يوم.
تبعت Follow-up.
تستنى يومين.
وتبدأ تسأل نفسك:

هو السعر كان عالي؟
كان لازم أعمل خصم؟
طيب يمكن لقى حد أرخص؟
ولا هو مكانش جد من الأول؟

في أغلب الحالات مشكلتك بدأت قبل عرض السعر.

بدأت يوم ما العميل دخل المكالمة طالب لوجو وهوية
وخرج منها شايف انه هياخد نفس اللي كان شايفه قبل المكالمة:

لوجو.
ألوان.
خطوط.
وتصميمات.

بس معرفش المشكلة اللي انت هتحلها.
معرفش البراند محتاج يعمل ايه؟.
معرفش كل مرحلة في البروسيس هتأثر على البزنس بتاعه إزاي.
ومعرفش إيه اللي ممكن يخسره لو اختار الحل الأرخص.

فلما فتح عرض السعر
أوضح حاجة شافها كانت الرقم.

وبالتالي القرار بقى مقارنة بينك وبين أي مصمم تاني
بيقدم نفس البنود بس بسعر أقل.

عرض السعر اللي يبيع صح مبيبدأش من الـPDF.

بيبدأ من الـDiscovery.
من الأسئلة اللي بتكشف المشكلة وقدرتك على الحل.
من فهم أهداف البزنس.
من توضيح النتيجة اللي العميل هيخرج بيها.
ومن ربط كل خطوة في المشروع بسبب واضح.

لما المكسب والقيمة اللي هتحصل تكون واضحة قبل السعر
العميل بيشوف المشروع كاستثمار.

لكن لما القيمة تكون غايبة والتسليمات اللي واضحة فقط
حتى السعر القليل ممكن يحسه كتير.

راجع قصتك مع آخر عميل اختفى بعد عرض السعر.

هل كان فاهم فعلًا هو بيدفع في إيه؟
ولا كل اللي وصله منك كان ليستة خدمات ورقم في الآخر؟

كومنت بكلمة دبلومة وهبعتلك
كورس مجاني ٢٥ دقيقة عن السيستم
اللي بنشتغل بيه في مشاريع البراندنج
وازاي تبني قيمة المشروع قبل ما تبعت عرض السعر.

24/07/2026

أول اجتماع مع العميل خلص 🎉
فتحت بينتريست و جمعت ريفرينس
وعملت Moodboard
وبدأت تصمم اللوجو.

بعد أيام عرضت أول اتجاه.

العميل بص عليه وقال:
"حلو.. بس مش حاسس إنه إحنا."

تبدأ تعدّل.
تغيّر الرمز.
تجرب ألوان تانية.
تعمل اتجاه جديد.

وكل مرة السؤال نفسه بيتكرر:
أنهي شكل هيعجبه؟

مشكلتك بدأت قبل أول Sketch.
بدأت يوم ما دخلت على التصميم قبل ما تعرف:

البراند داخل سوق إيه؟
بيكلم مين؟
الجمهور يختاره ليه؟
عايز يحتل مكان إيه في دماغ الناس؟
وإيه الفكرة اللي هتربط كل قراراته ببعض؟

الاستراتيجية هي الأساس اللي بيتبني عليه المشروع كله.

منها بتحدد نوع اللوجو واللغة البصرية والألوان
التايبوجرافي والصور والتطبيقات وحتى طريقة كلام البراند.

لما الأساس يكون واضح قراراتك البصرية بيبقى لها سبب
والعميل بيقدر يفهمها ويقيّمها بناءً على أهداف مشروعه.

لكن لما ميبقاش في استراتيجية المشروع يتحول لمبنى جميل معلّق في الهوا
شكله حلو بس مينفعش حد يستفيد بيه.

كومنت بكلمة دبلومة وهبعتلك
كورس مجاني ٢٥ دقيقة عن السيستم
اللي بنشتغل بيه وبيحقق نتايج مع العملاء وازاي
تبني براند من الصفر.

19/07/2026

خصص شهرين من عمرك تذاكر فيهم الكورسات و الفيديوهات
اللي هسيبهالك هنا وامشى على الخطة اللي هقولهالك وابقى ادعيلي 😍

لكل اللي عاوزين يبدأوا في مجال الشعارات و الهوية البصرية
و الهوية التجارية من الصفر.

لكل اللي اعتذرناله في برندسكوول
عن التدريب المدفوع لانه مش مناسب ليه.

ابدأ بالبلاي ليست دي
https://youtube.com/playlist?list=PLEbEW45GOdpYk3PMDR-mghyeeBQxB15eZ&si=YndYpMNdVvpZKITk
فيه نقاط محورية لكل حد بيبدأ انهاردة عموماً في المجال
(تقدر تأجله لنهاية الشهرين بس اتأكد انك متعتبرش نفسك خلصت
قبل ما تكون اتفرجت عليها وذاكرتها كويس وبدأت تطبق اللي فيها)
-------------
ادرس كورس الشعارات المونوجرام (مجاناً) على يوديمي
https://www.udemy.com/course/monogram/
متعتبرش انك درست الكورس غير لما تكون طبقته وانتجت منه شعار واتنين وتلاته.
الخطوات والبنية بتاعة الكورس ده هي نفسها بتاعة باقي الأنواع للشعارات
مع فوارق بسيطة لكنها في النهاية الخطوات الأساسية المطلوبة لتصميم
الشعار.
------------
ادرس الكورس المكثف ده
https://youtu.be/bLKrN9ElvcA?si=hdsKsHmZB49HGWvi
كورس مكثف في فيديو واحد تعرف منه ازاي تصمم شعارات النيجاتيف
سبيس أو المساحة السالبة.
طبق اللي فيه وانتج شعار واتنين وتلاته بنفس الطريقة مع اختلاف الموضوع.
-----------
ادرس الكورس المكثف ده
https://youtu.be/rMJPBthp-ms?si=OJEEPCver_pGi2kB
كورس مكثف في فيديو واحد تعرف منه ازاي تصمم شعارات المينيمال
وتلخيص العناصر لأبسط شكل ليها.
طبق اللي فيه وانتج شعار واتنين وتلاته بنفس الطريقة مع اختلاف الموضوع.
----------
اتفرج وخد ملاحظات على كل فيديو من السلسلة دي
https://youtube.com/playlist?list=PLEbEW45GOdpZxeKuYLi0bcohla2hhbKFk&si=7MbxHIT3Tmh-LxL6
واللي هتتعلم فيها أغلب وأشهر المشاكل اللي ممكن توقع فيها كمصمم
شعارات وهويات بصرية وبعد كده اعمل نقد للشعارات بتاعتك اللي عملتها
وشوف ازاي تقدر تحسنها وتطورها.
---------
اتفرج على سلسلة الفيديوهات بتاعة كأس العرب للبراندنج
https://youtube.com/playlist?list=PLEbEW45GOdpZbDIgHq4yClEBmfDkPyPeN&si=miuTi1kd7VZRCwso
واللي هتلاقي فيها أساتذة وخبراء بيحكموا الهويات البصرية و التجارية
بخبرات عملاقة هم انهاردة علامات مهمة في البراندنج في السوق العربي والعالمي.
---------
خصص من يومك ساعتين تتعلم وتاخد نوتس وتطبق وتشارك اللي اتعلمته
خلال الشهرين ابعد تماماً عن الإيه أي عاوزك تتعلم الطريقة التقليدية
البشرية الأول علشان تبقى متمكن الأول.
بعد الشهرين قارن بين مستواك قبل وبعد ولو حسيت انك جاهز تاخد
الخطوة اللي بعدها هتلاقينا موجودين علشان نساعدك 💙⭐️

09/07/2026

خمس علامات إنك لسه بتشتغل كمنفذ 🤡

1. بتبدأ باللوجو قبل البحث ومن غير استراتيجية
2. بتختار الألوان بذوقك مش بهدف البزنس
3. البورتفوليو بتاعك فيجوالز حلوة ملهاش قصة
4. العميل بيسألك عن السعر أكتر من النتيجة
5. مفيش عندك Delivery System

لوعاوز تطلــع من دور المنفّـــــــــذ ؟
اكتب: دبلومــة وهبعتلك اللينك ✅

07/07/2026

بقالنا فترة ساكتين 🤐
و كان واضح ان مفيش محتوى.

في الفترة اللي فاتت كنا بنعيد ترتيب BrandSkool من جوه.
المحتوى - البروسيس - التمارين - طريقة المتابعة - والتجربة التدريبية كلها.

السؤال اللي كان شاغلنا طول الوقت هو:
إيه اللي المصمم العربي محتاجه دلوقتي علشان
يطلع من دايرة التنفيذ ويبدأ ينتج مشروع براند بجد؟

السوق اتغير.
العميل بقى أذكى.
الـAI دخل في كل جزء من الشغل.
والبورتفوليو الجميل لوحده مبقاش كفاية.

علشان كده رجوعنا هيكون أوضح وأقرب للواقع.
هنتكلم عن البروسيس - عن العميل - عن التسعير - عن البورتفوليو - وعن الشغل اللي يتقدر.

لو إنت مصمم أو كريتف وبدأت تحس إنك محتاج تبقى أعمق من الأدوات تابع اللي جاي. ✅

27/05/2026

كل عام وأنتم بخير يا مبدعين 🐑🧡

13/05/2026

06/12/2025

كل ما يجيلك مشروع براندنج بتحس إنك تايه 🌀.
الصورة مش واضحة 👀
ومش عارف تبدأ منين وكل قرار ممكن يبقى غلط.

المشكلة مش في مهارتك انت تمام 👍

لكن المشكلة إن مفيش معاك سيستم يمشيّك خطوة بخطوة
ويوضحلك الطريق.........والنتيجة؟

وقت ومجهود ضايع ⏳ والعميل مش فاهم إنت بتعمل إيه ولا ليه 🤷‍♂️.
ولو فضلت تبدأ كل مشروع من الصفر.. هتفضل في نفس الدوامة.

أنا كنت زيك لغاية ما عملت سيستم نقلني
من مصمم شعارات وهوية بصرية ب٢٠٠دولار بالكتير
لخبير براندنج وإستراتيجيات هوية تجارية وبصرية بـ ٤أرقام بالدولار
وبشارك معاك الأسرار دي في كورس مكثف ٢٥دقيقة مجاناً

ابدأ أول خطوة صح ✅.
🎁احضر التدريب المجاني من برندسكوول وشوف بنفسك إزاي الطريق بيبقى أوضح .
سجّل دلوقتي ✍️.