ثمار للاستشارات الزراعية - Thimar For Agricultural Consulting

  • Home
  • Egypt
  • Ismailia
  • ثمار للاستشارات الزراعية - Thimar For Agricultural Consulting

ثمار للاستشارات الزراعية - Thimar For Agricultural Consulting إستشارات و إشراف زراعي متكامل برامج تسميد و مكافحة آفات ( معاك من البذره حتي الحصاد )
مهندس / محمود عبد العزيز

20/09/2025

التخطيط الصحيح و الإدارة الفعالة يعافيك من الخطأ و في حالات حدوثه ارجع اقرأ من الاول هتلاقي التخطيط الجيد هيكون عندك باند إدارة المشاكل.
م محمود عبد العزيز

18/09/2025

مع دخول موسم زراعة البطاطس
البطاطس من أهم المحاصيل اللي ليها قيمة تسويقية وغذائية كبيرة، والتوصيات دي موجهة لكل العاملين في استصلاح الأراضي بمناطقهم المختلفة 👨‍🌾

📌 أول حاجة عند استلام الموقع أو الجهاز:

لازم تتبع نظام تحليل بيانات وفحص شامل لكل محتويات القطاع.

استلام جهاز الري أو البيفوت والتشييك عليه كويس:

تصرف البير. = عدد ساعات التشغيل* تصرف البئر للساعة الواحده

حساب عدد ساعات التشغيل.
يتم حسابها علي أرض الواقع تشغيل الجهاز علي سرعة 100% و حساب عدد الساعات التي أخذها الجهاز استكمل دوره واحده حول مركزه 360°

عدد النوزلات لكل برج.
يتم حسابها و عددها في ارض الموقع لأنها بتختلف من نوعية جهاز للاخر

حساب مساحة الجهاز (دائري وطولي).
منزلها بوست لوحدها

التشييك على الفواني والمنظمات والمصافي.

التأكد من الوصلات المرنة، السمادة، موتور السحب، التنك وسعته، والفانشوري.

معايرة السمادة منزلها بوست لوحدها

📝 اسأل الناس اللي اشتغلوا قبلك في نفس الموقع عن الموسم اللي فات وخد منهم خبرة.
ولو قدرت، خد تحليل للتربة والمياه واشتغل بيه. وكمان خد توصيات من مديرك أو الاستشاري.

💡 لازم تعرف إن الأساس القوي هو عماد الزراعة:

اهتم بالتجهيز من أول التخمير لعمق 45 سم (كمتوسط).

كمية المية بتكون من 600 لـ 800 م³ للفدان لغسيل الأملاح وتخمير كويس.

🔍 قبل ما تنزل بالمحراث:

افحص البيفوت كويس (نظري + عينات).

شوف لو في صخور أو أرض صلبة مش قابلة للزراعة، واحصر مساحتها.

🚜 أثناء النزول بالمحراث:

ابدأ "وش أول" بالطول من العالي للواطي لتجنب نقل التربة ومساعدة على استواء الأرض.

نزل المعدات على مستوى رطوبة مناسب عشان تطلع بأعلى كفاءة وجودة.

⚙️ ركز في المعدات والمحراث:
لازم تركز علي جودة و كفاءة العملية

اتأكد من سلامة الأسلحة وطولها يكون متساوي.

السائق لازم يركب على الجورة صح عشان مايحصلش تسميك أو تعويم.

اتأكد من ميزان طبلية المحراث عشان العمق يبقى متساوي في الأسلحة الأمامية والخلفية.

✅ خلصنا "وش المحراث الأول"، والبوست الجاي هنتكلم عن "وش المحراث التاني" وباقي العمليات الزراعية بالتفصيل، لحد ما نبدأ ننزل فيديوهات من الأرض مع الموسم الجديد إن شاء الله 🌱

تحياتي،
م/ محمود عبد العزيز

07/09/2025

السر في الإنتاج العالي مش في كتر الأسمدة…

السر في برنامج تسميد علمي معمول مخصوص لأرضك ومياهك ومحصولك.

إزاي نعمل ده؟
الموضوع بيبدأ بالتحاليل:

١- تحليل التربة

فيزيائي: نسب الرمل والطين والسلت، الكثافة الظاهرية، النفاذية، وسعة التربة على الاحتفاظ بالمياه.

كيميائي: الملوحة الكلية، الـ pH، المادة العضوية، العناصر الغذائية المتاحة، السعة التبادلية (CEC)، ونسبة الصوديوم المتبادل (SAR).

مرضي: الأمراض الفطرية والنيماتودا.

٢- تحليل مياه الري

الملوحة الكلية (EC).

الرقم الهيدروجيني (pH).

نسبة الأيونات والكاتيونات (SAR).

نسبة الكلوريد.

تركيز البورون.

نسبة الشوائب ومدى تأثيرها على نظام الري.

٣- المحصول

لكل محصول برنامج تسميد مختلف حسب نوعه ومراحل نموه.

الغرض من الزراعة (تصدير – محلي – تصنيع – أعلاف) بيغير من طريقة الإدارة.

تحليل الأوراق في مراحل معينة بيدي دقة أكبر في تحديد الاحتياجات.

٤- نظام الزراعة والري

حقول مفتوحة، صوب، أشجار، أو زراعة مائية.

تنقيط، غمر، أو رش محوري.

لما نجمع المعلومات دي ونربطها مع بعض، نقدر نبني برنامج تسميد يديك:

أعلى إنتاجية

أقل تكلفة

جودة أفضل

في "ثمار للاستشارات الزراعية" بنشتغل معاك خطوة بخطوة ونبني برنامج التسميد الخاص بمزرعتك بالأسلوب العلمي والعملي اللي يضمن لك أفضل النتائج.
012 12846757
مهندس زراعي / محمود عبد العزيز

06/09/2025

نبدأ بمواعيد الزراعة مصرنا الحبيبة
🧄 يحتل الثوم المرتبة رقم 14 من ضمن 15 نوع نباتي إقتصادي حولي العالم
🧄 تحتل الصين رقم واحد في إنتاج الثوم حيث تبلغ إنتاجها من الثوم نسبة 77% من انتاج العالم الثوم
🧄 يمكن زراعة الثوم في جميع الأراضي الزراعية ولكن تختلف العمليات الفنية من تربة إلي أخري
🧄 يمكن تخزين الثوم في الظروف البيئية المناسبة الي مده تصل من 7-9 أشهر
🧄 يمكن زراعة الثوم في جميع المناطق المعتدلة مناخياً

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

🧄 نوعيه التربة :-

يجود زراعة في جميع أنواع التربة الزراعية ولكن تختلف معاملات الخدمة الأرضية من تربه إلي أخري .

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

خدم الأرض :-
يم حرث الأرض جيدا وشين فك و ثني متعامدين علي بعضهم البعض ثم يتم عمل تسويه للأرض جيداً في حاله وجود املاح يتم غسيل الأملاح بريه غزيره ثم نزول الخدمة الأرضية
يتم إضافة
8-10 طن سماد بلدي تام التحلل علي الفدان
بالنسبة للأرض المحلية الطفليه يتم نزول جبس زراعي بمعدل 4-6 طن / ف
كبريت زراعي بمعدل 100 كجم / ف
سوبر فوسفات 250-300 كجم/ ف
سلفات نشادر بمعدل 100 كجم / ف
سلفات بوتاسيوم بمعدل 50 كجم /ف
سلفات ماغنسيوم بمعدل 25 كجم / ف

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

تخطيط الأرض و تقسيمها :-

يتم عمل مصاطب بعرض 80*100 سم في الأراضي الطفلية
يتم عمل مصاطب بعرض 60 سم في الأراضي الطينية و الرملية

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

الري :-

يتم إختيار نظام الري بالتنقيط و يراعي أن تكون المسافات 20 بين النقاط و الآخر ليتم توزيع المياه جيداً

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

مسافات الزراعة :-

يتم الزراعة علي ظهر المصاطب علي مسافات بينيه 10 سم بين الفص و الآخر علي الخط الأفقي و 15 سم علي الخط الرأسي

يفضل عمل خرامه للزراعة يدويا عند اي حداد بالمسافات المذكوره سابقا

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

العمليات الفنيه قبل الزراعة:-

يتم نقع الثوم بعد التفصيص و انتجاب الفصوص الخالية من الأمراض أو التوقعات أو التفحمات أو الأضرار الميكانيكية و ذات الحجم المتوسط و الكبير في الجوله من الخيش أو شكاير في حوض مائي لمده تتراوح بين 12-14 ساعة مع مراعاة تغيير الماء كل 6 ساعات ، ثم نقعها قبل الزراعة بمحلول معالجه فطري يتكون من 5 جرام كبريت ميكروني /1 لتر ماء او لكل لتر ماء قبل الزراعة بنصف ساعة ثم الزراعة علي مستوي رطوبة 50%
ثم يتم إعطاء ريه بعد الزراعة مباشراً ثم التعطيش حتي خروج الاوراق الاوليه

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

أعماق الزراعة :-

يتم زراعة الثوم علي أعماق تترواح بين 3-5 سم علي حسب حجم الفص
و يجب أن يتم زراعته من قاعده الفص و يكون راس الفص متجها الي أعلي ثم الترديم

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

التسميد :-

بعد في الأراضي الرملية أو الطفليةاو الطينية يتم التسميد ب حامض فوسفوريك بمعدل 2 لتر علي الفدان حتي الانبات كجرعة تنشيطية للتحذير و رفع كفاءة المجموع الجذري

الشهر الثاني و الثالث :-
يتم التسميد 35 وحده ازوت
و 25 وحده بوتاسيوم
15 وحده ماغنسيوم

يتم رش مخلوط عناصر صغري مع NPK مع أحماض أمنية
مره كل شهر

للحصول علي إنتاجية عالية مع جودة ممتازه
و مكاسب مالية كبيرة

🧄🧄🧄🧄🧄🧄🧄🧄🧄🧄🧄🧄🧄🧄🧄🧄

تحجيم الثوم و البصل :-

يتم رش نترات البوتاسيوم بمعدل 2 ك + 25 سم سيتوكينين/ 300 لتر ماء
و تكرار ثلاث مرات في اخر شهرين قبل الحصاد

سترات بوتاسيوم بمعدل 1.5 كجم مع سيتوكينين بمعدل 25 سم / 300 لتر

الرش بمركب برون قبل الحصاد بشهرين بتركيز 14% بمعدل 1.5 /300 لتر

الرش بمركب ميبكوات الكلورايد 25% بمعدل 100 ملل /400 لتر و يرراعي الرش قبل الغروب لانه يتكسر بالحرارة

شركة ثمار للاستشارات الزراعية ترسل تحرياتها لكل المتابعين
مهندس/ محمود عبد العزيز

05/09/2025

القاعدة العامة
ربنا سبحانه و تعالي قال في كتابة الكريم

قال الله تعالى:
﴿إِنَّا كُلَّ شَيْءٍ خَلَقْنَاهُ بِقَدَرٍ﴾ [القمر: 49]
صدق الله العظيم .

تأثير درجة الحرارة علي التربة :-

1/ تؤثر علي حركة العناصر التي تتمثل في الأيونات و الكاتيونات
2/ تؤثر علي معدل التنفس الخلوي للمجموع الجذري
3/ تؤثر علي ضغط الامتصاص
4/ تؤثر علي توازن الماء في النبات
5/ تؤثر علي المعمل الطبيعي و الكائنات الحية الدقيقة بالتربة

لها تأثيرات متعدده علي اكثر من شق أو جانب و سنأتي بذكر بعض منها :-

1/ تأثير درجة حرارة التربة علي الأيونات و الكاتيونات بالتربة .

تتحرك العناصر الغذائية في التربة عن طريق ثلاث طرق :-

• الانتشار :- هو انتقال العناصر الغذائية من مكان الي آخر عن طريق الفروق في التركيز
امثال / حركة الفوسفور و الزنك و النحاس

• التدفق المائي :- هي حركة العناصر الغذائية مع حركة الماء في التربة
امثال / النيتروجين و البوتاسيوم و الكالسيوم و الماغنسيوم
لذلك نجد أن النيتروجين يفقد بسهوله في التربة و يغسل

• الاعتراض الجذري :- وهو ناتج عن زياده النمو الجذري و تشعوبة أفقيا و رأسيا حيث يقترب من مواقع تواجد بعض العناصر الغذائية عديمة الحركة أو بطيئة الحركة في التربة
أمثال/ الكالسيوم و الماغنسيوم و الفوسفور .

في حالة إنخفاض درجة الحرارة عن 10 C°

حيث نجد أن حركة الأيونات و الكاتيونات بالتربة حركتها تقل مع انخفاض درجة الحرارة و ارتفاع لزوجة المياه و دليل علي ذلك نفس الفوسفور في الشتاء حتي لو موجود بالتربة يقل إمتصاص

في حالة ارتفاع درجة الحرارة عن 35 C°
نجد أن زياده في معدل البخر من التربة و يقل محتوي التربة من الماء نتيجة علي ذلك نفقد خاصية مهمة لنقل العناصر أو حركتها داخل التربة و هي التدفق الكتلي أو حركة العناصر عن طريق الماء في التربة فنجد اعراض نقس لعناصر مثال النيتروجين و الحديد و البوتاسيوم و سياده بعض العناصر الأخري مثال الصوديوم نتيجه لارتفاع البخر

أما في حالة الحرارة المعتدلة للتربة نجد تيسر العناصر الغذائية للنبات و مستوي رطوبي جيد يحافظ علي صحة النبات و وقاية من بعض امراض التربة مثل الجرب المسحوقي و العادي .

2/ تأثير علي معدل التنفس الخلوي للمجموع الجذري

المجموع الجذري المسؤول الأول علي امتصاص العناصر الغذائية للنبات من التربة فعند انخفاض درجة الحرارة يقل معدل التنفس للمجموع الجذري و بالتالي يقل معدل إنتاج الطاقة للنبات بالتالي يقل الامتصاص
أما عند ارتفاع درجة الحرارة يزداد معدل التنفس الخلوي للمجموع الجذري و زياده في استهلاك السكريات مما يسبب إجهاد و تلف للشعريات الجذرية و ضعف للنبات و إجهاد فسيولوجي و بالتالي تؤثر علي ضغط الامتصاص و كدا أبقي شرحتلك 2+3 مع بعض

3/ تؤثر علي ضغط الامتصاص
فوق لأن الامتصاص قولنا عن طريق الجذر 🙂
كدا انت فهمت 🤔

4/التاثير علي التوازن المائي
قولنا أن حركة العناصر الغذائية في التربة أو الكاتيونات و الأيونات في التربة بتتحرك عن طريق ثلاث طرق راجعهم فوق عندك أهم 🤔
عند نقص الماء نفقد عامل أو وسيلة لنقل العناصر الغذائية للنبات مهمة جدا و هي التدفق الكتلي دا غير الإجهاد المائي الي هيظهر علي اجزاء النبات الحضرية و بالتالي ضعف للنبات و اجهاده و نقص عناصر

5/ النشاط الميكروبي:
تعتمد الميكروبات التي تحلل الماده العضوية في التربة علي نسبة الكربون الي النيتروجينC/N
فعند ارتفاع درجه الحراره تقل حركة و نشاط الميكروبات التي تحلل الماده العضوية في التربة و كذالك الأمر في حالة انخفاضها إلا في بعض الحالات استخدام ميكروبات تتحمل درجات حرارة عالية .

📌 الخلاصة

ضبط درجة الحرارة مهم جدا و تقدر تتحكم فيه عن طريق الري المحكم
نصيحتي حافظ علي الري تاخد نبات و تربة و انتاج و جودة
تحياتي
مهندس زراعي / محمود عبد العزيز
012 12846757
شركة ثمار للاستشارات الزراعية

05/09/2025

هل درجة الحرارة قد تؤثر على امتصاص العناصر الغذائية للنبات نعم أم لا مع ذكر السبب ؟

03/09/2025

لتحديد جودة مياه الري أو مصدر مياه الري في الاستصلاح الزراعي
يجب عمل تحليل لمصدر المياه
و بنركز علي النسب الآتي ذكرها :-

1 / التوصيل الكهربائي أو EC للمياه
و تعريفها هي نسبة الأملاح الكلية المتواجدة في المياه
و تقاس بوحده المليموز / سم او الجزء في المليون ( ppm )
نركز علي القيمة للتوصيل الكهربائي بحيث إذا كانت أقل أو تساوي 2.25 ميليموز / سم او 1440 جزي في المليون ppm
فإن مصدر المياه جيد لجميع محاصيل الخضر
أما إذا كان اعلي من 2.25 فإن مصدر المياه غير صالح أو غير جيد لانه يسبب خسائر في كمية المحصول و جوده في حالة الخضر أما في حالة الأشجار فتكون جيده كفاية مع مراعاة ضبط و اختيار نوعية الأشجار التي تتناسب مع نسبة التوصيل الكهربائي و المنطقة و نظام الري المتبع .

2/ نسبة الصوديوم في المياه
يجب الاستدلال علي نسبة أيون الصوديوم في المياه لمعرفة نوعية الكاتيونات الأخري التي يمكن أن يحل محلها أيون الصوديوم امثال الكالسيوم و الماغنسيوم

3/ نسبة أو تركيز عنصر البورن في المياه
يمكن الاستدلال علي أن نسبة عنصر البورن لا يجب أن تزيد عن 0.5 جزء في المليون حتي لا ينتج عنه سمية للنباتات.

#ثمار #للاستشارات
#زراعيون

01/09/2025

الحمد لله و بفضل الله تعالي
تمكنا من توريد وزراعة فسائل نخيل المجدول بنسبة نجاح وصلت إلى 90% .
وذلك بفضل اتباع أفضل الممارسات الزراعية والحرص على تطبيق كافة التوصيات الفنية لضمان نجاح واستمرارية المشروع .
النجاح في الزراعة يبدأ بالاهتمام بالتفاصيل، ومع التخطيط السليم والإدارة الجيدة تتحقق أفضل النتائج .

للتواصل و الإستفسارات برجاء الاتصال بنا
01212846757

31/08/2025

امتي استخدم العناصر الغذائية للنبات في صورة مخلبية و امتي استخدمها في صورة تعقيد ؟

31/08/2025

أيهما أفضل التخليب أم التعقيد و لماذا ؟

Address

Ismailia

Website

Alerts

Be the first to know and let us send you an email when ثمار للاستشارات الزراعية - Thimar For Agricultural Consulting posts news and promotions. Your email address will not be used for any other purpose, and you can unsubscribe at any time.

Shortcuts

Share

Category