Business leaders team

Business leaders team Helping normal people to be business leaders

23/12/2023

لو ركزت أن البيزنس بتاعك يبقي فيه:
جودة مقابل سعر عادل
تسويق احترافي
خدمة مميزة للعميل
ان شا الله هتلاقي في تحسن مستمر.

**جيل زد: الجيل الجديد الذي سيغير العالم**جيل زد هو الجيل الذي ولد بين عامي 1997 و 2012. إنهم أكثر تنوعًا وارتباطًا بالت...
19/07/2023

**جيل زد: الجيل الجديد الذي سيغير العالم**

جيل زد هو الجيل الذي ولد بين عامي 1997 و 2012. إنهم أكثر تنوعًا وارتباطًا بالتكنولوجيا من الأجيال السابقة. هم أيضًا الجيل الأول الذي يكبر في عالم يعاني من تغير المناخ والاضطرابات السياسية.

يتميز جيل زد بوعي قوي بالقضايا الاجتماعية. إنهم أكثر عرضة للتحدث عن هذه القضايا والمشاركة في المجتمع. كما أنهم أكثر التزامًا بالتغيير.

من المرجح أن يكون جيل زد أكثر تأثيرًا في العالم من الأجيال السابقة. لديهم قوة شرائية كبيرة وصوت قوي عبر وسائل التواصل الاجتماعي. إنهم أيضًا أكثر رغبة في السعي لتحقيق التغيير.

هل أنت مستعد لتغيير العالم؟ إذا كان الأمر كذلك، فأنت بحاجة إلى فهم جيل زد. تابعونا لمعرفة المزيد عن هذا الجيل الرائع.

**إليك بعض الحقائق المثيرة للاهتمام عن جيل زد:**

* يُقدر عددهم بنحو 2.4 مليار شخص في جميع أنحاء العالم ويُشكلون 25٪ من سكان العالم.
* يُقَدَّر أن 95٪ من جيل زد يستخدمون الإنترنت، و 81٪ منهم يستخدمون وسائل التواصل الاجتماعي.
* هم أكثر عرضة للتحدث عن القضايا الاجتماعية من الأجيال السابقة، حيث يُقدر أن 72٪ من جيل زد يعتقدون أن من المهم التحدث عن القضايا الاجتماعية.
* من المرجح أن يكونوا أكثر مشاركة في المجتمع وأكثر التزامًا بالتغيير.

**ما الذي يمكنك فعله للتواصل مع جيل زد؟**

* استخدم لغة بسيطة ومباشرة.
* كن صادقًا وشفافًا.
* كن مبدعًا ومبتكرًا.
* كن محترمًا وتقبل تنوعهم.

*هل أنت مستعد للتواصل مع جيل زد؟*
*هل تدرك الآن لم تتصارع وسائل التواصل الاجتماعي على استهداف هذا الجيل تحديدا؟*

15/07/2023

ليه شركة ميتا ما ربطتش تطبيق ثريدز الجديد بفيسبوك بدل ما تربطه بإنستاجرام برغم إن الفيسبوك هو التطبيق الأوسع انتشارا؟

* أهم سبب هو الشريحة العمرية المستهدفة الأصغر سنا

*يعني هتلاقي الشريحة العمرية الأكبر في تطبيق فيسبوك من (٢٥-٣٤ سنة) بينما في انستجرام هتلاقيها من (١٨-٢٤سنة)

*وبما أن ثريدز منافس لتطبيق تويتر في الأساس فهنلاقي إن الشريحة العمرية الأكثر استخداما لتويتر من (١٨-٢٩سنة)، إذن هيكون أفضل ربط ثريدز بالتطبيق اللي بيتارجت نفس الشريحة أو الأقرب ليها وهو انستجرام مش فيسبوك...

** لاحظ الشريحة الأكثر استخداما لتطبيقات زي تيكتوك وسنابشات (١٨-٢٤)

*كل الأبحاث التسويقية بتتكلم عن الجيل الأصغر ده (بيسموه Z Generation) ومحاولة استهدافه، وده له أهداف كتير هنتكلم عنها بإذن الله في بوست لاحق...


*️⃣ رحلة من الإبداع والابتكار على مدار ربع قرن جعلت من أبل الشركة الأعلى قيمة سوقية على الإطلاق، والأولى التي تجاوزت قيم...
10/07/2023

*️⃣ رحلة من الإبداع والابتكار على مدار ربع قرن جعلت من أبل الشركة الأعلى قيمة سوقية على الإطلاق، والأولى التي تجاوزت قيمتها السوقية ٣ تريليون دولار متفوقة على عمالقة التكنولوجيا والنفط وغيرهم.

*️⃣ دوما كانت منتجات ابل نقلة نوعية في سوق التكنولوجيا بدءا من أول هاتف ذكي (الايفون) ثم الأيباد، مرورا بالساعات الذكية والايربودز ثم معالجات الماك الحديثة فائقة السرعة، لدرجة أنه حين وُضِعَ مصطلح disruptive innovation في علوم الإدارة كانت شركة أبل و رئيسها السابق ستيف جوبز هما الإلهام لمايكل كلايتون واضع هذا المصطلح.

*️⃣ التحدي الأكبر لشركة آبل في رأيي كان بعد وفاة ستيف جوبز في ٢٠١١م، وما إذا كانت الشركة ستظل بنفس القوة بعد وفاته أم لا، وقد كانت الأيام كفيلة بالإجابة على هذا السؤال.

08/07/2023

ليه هوهوز وفريسكا وشيبسي لما بيزودوا السعر بيعملوا أحجام أصغر بالسعر القديم؟

*لأن الشركات دي صارفين إعلانات ومكلفين اسم البراند بتاعهم، فمش عاوزين يتركوا شريحة سعرية فيها مساحة للمنافسين يتمددوا فيها على حسابهم

*النوع من السلع اسمه convenience goods ودي سلعة رخيصة الثمن غالبا والعميل مش بيفكر كتير قبل ما يشتريها، وبالتالي ممكن ينقل من نوع للتاني بسهولة جدا، خاصة لو قوته الشرائية ثابتة زي مصروف الطفل اللي ممكن يفضل ٥ج مثلا بعض النظر عن عامل التضخم (محدش يقولهم عشان ما يطالبوش بزيادة المصروف😀)

*فالشركات الكبيرة هنا بتقول: انا هرفع السعر ل٣ج و٤ج و٥ج بس لازال عندي حجم ٢ج ولو كان قضمة واحدة حتى!


(((استغلال الفرص)))بما أن: *️⃣تويتر بقاله فترة بيعاني من أزمات داخلية (من بعد ما اشتراه إيلون ماسك)*️⃣ مستخدمي تويتر مش ...
07/07/2023

(((استغلال الفرص)))

بما أن:
*️⃣تويتر بقاله فترة بيعاني من أزمات داخلية (من بعد ما اشتراه إيلون ماسك)
*️⃣ مستخدمي تويتر مش عاجبهم بعض تحديثات ماسك الجديدة في التطبيق

وبما أن:
*️⃣ شركة ميتا(فيسبوك، إنستاجرام...) كان نفسها الاستحواذ على تويتر من زمان أو إطلاق منصة منافسة
*️⃣ ميتا عندها قاعدة عملاء ضخمة يمكن استغلالها في الإطلاق الأول للتطبيق الجديد

إذن:
*️⃣ ده الوقت المناسب لإطلاق منصة ثريدز threads المنافسة لتويتر وإضافة ميزات تنافسية فيها وربطها بإنستاجرام، وده خلى عدد العملاء يوصل ل ١٥ مليون مستخدم في أول كام ساعة بس↖️↖️

ياترى إيه رد فعل إيلون ماسك ومنصة تويتر؟ وازاي منصة ثريدز هيكون ليها تأثير على تويتر؟

05/07/2023

ازاي تسعر منتجك في السوق بشكل مناسب؟

١- لو نازل بمنتج جديد موجود زيه في السوق:

خلي سعرك قريب من سعر المنافسين، وممكن في الأول تنزل عن أسعارهم بنسبة قليلة عشان هما معروفين في السوق وأنت لسه جديد

٢- لو عندك بعض الإضافات في المنتج بتاعك عن الموجود في السوق:

ممكن ساعتها تزود سعرك بنسبة معينة حسب القيمة المضافة في المنتج

٣- أما لو نازل بمنتج جديد ثوري مانزلش قبل كده وفيه أفكار جديدة وبيحل مشكلات حقيقية موجودة:

ساعتها ممكن تسعر براحتك وتكسب كتير، بس خد بالك:

* لو منتجك ده قابل للتقليد يبقى ما تزودش هامش الربح اوي وتسيب مساحة سعرية كبيرة يقدر المنافس يقلدك ويدخل من خلالها السوق ده وينافسك بقوة

*أما لو غير قابل للتقليد (تكنولوجيا حديثة مثلا) فممكن تسعر براحتك، ونوع التسعير هنا اسمه skim pricing

٤- قوة الشركة ووضعها في السوق وقيمة البراند بيساعدوك تسعر تسعير مناسب للفئة اللي بتستهدفها واللي بيثقوا في منتجك والخدمات المصاحبة له (زي خدمة ما بعد البيع مثلا)
يعني البراند وال image بتاعته في السوق ليه ثمن


04/07/2023

من أصدق ما قيل في علوم القيادة:
"أنت محصلة أكثر ٥ أشخاص تقضي وقتك برفقتهم"


03/07/2023

من كام سنة كده فيسبوك عملت خدمة جديدة تم إلغاؤها بعد فترة قصيرة اسمها friends nearby، ودي خدمة كانت بتظهر لك الأصدقاء القريبين منك لما تروح في أي مكان. مشكلة الخدمة دي إنها قامت ب"تعرية" المستخدم قدام الناس وبقى مفضوح، كل ما يروح مكان يلاقي اللي باعت له رسائل من نوعية "طب ابقى عدي" أو "ينفع تيجي كفر الشيخ يوم الأربعاء الضهر وما تعديش عليا؟!" أو "كنت بتعمل ايه في السخنة يوم الجمعة يا خلبوص؟!"😅

فبدأ الناس يفكروا في كم المعلومات اللي ممكن فيسبوك تاخدها من المستخدم واد ايه احنا مخترقين😀، وفيه دعاوى قضائية تم رفعها عليهم عالميا الأمر اللي أدى إلى إلغاء الخدمة دي بعد كده...

*️⃣هل شركة زي فيسبوك ما تقدرش تعمل خدمة اسمها Find my husband بحيث تقدر الزوجة تعرف مكان زوجها لحظة بلحظة؟!😀

قولا واحدا تقدر طبعا

*️⃣هل جوجل تقدر تعمل للمستخدم العادي نضارة mission impossible اللي لما تلبسها تكشف لك هوية اللي قدامك وتعرفك اسمه ومعلومات عنه بحيث ما تضطرش ترد ردود من نوعية "ازيك يا باشا" و "نورتنا يا معلم" وترد باسمه على طول من غير ما تسأل؟!😀

قولا واحدا تقدر، خاصة مع انتشار خدمات 5G عالميا

*️⃣طب ليه مش بيعملوا ده برغم إن ناس كتير هتحب الحاجات دي وهتبقى عاوزه تستخدمها؟

لأن الشركات دي (برغم استحواذها على معلومات كتير جدا عنك) بتأكد دايما على مبدأ الخصوصية، ومش عاوزين المستخدم يفكر في إنه ياخد إجراءات احترازية تمنع تدفق الداتا إلى سيرفراتهم الضخمة اللي بتحلل البيانات عشان تخرج منها بنتائج تجلب للشركات دي الجزء الأكبر من أرباحها السنوية المعلنة عن طريق الإعلانات المدفوعة وغيرها من الخدمات،

فعشان كده عاوز يقولك أنت في أمان وبياناتك في أمان محدش بيطلع عليها غيرنا احنا وبس 🥹 عشان احنا:
appreciate your privacy 😘

اطمن، انت_حرفيا_مش لوحدك 😅

زمان لما كان حد يبحث على جوجل ويقوله "أنا محتاج أعرف طريقة عمل الكنافة بالمانجا" نقوم نقول له: "أنت مش بتكلم بني آدم😀، ق...
18/03/2023

زمان لما كان حد يبحث على جوجل ويقوله "أنا محتاج أعرف طريقة عمل الكنافة بالمانجا" نقوم نقول له: "أنت مش بتكلم بني آدم😀، قلل كلمات البحث عشان تحصل على نتيجة كويسه"
دلوقتي محركات البحث بالذكاء الاصطناعي زي ChatGPT بيخليك تتكلم معاه كأنك بتكلم بني آدم فعلا، ويرد عليك ردود ذكية وجيدة ومفيدة، ويتطور باستمرار...

والسؤال هنا: ازاي أقدر أستغل ChatGPT في الشغل أو التعلم وتنمية المهارات؟ هقولك على كام نقطة من خلال التجربة الأولية:

١- تلخيص المقالات:

لو عندك مقال طويل معندكش وقت تقرؤه وعاوز تلخصه، خد اللينك بتاعه كوبي بيست وحطه على ChatGPT واكتب له
-Summarize this article

ولو عاوز إجابة منمقة أكثر وملخصة في نقاط قل له:
-Summarize this in bullet points

أما لو عاوز تترجمه للغة العربية قل له
-Write this in Arabic

٢- كتابة محتوى:

قل له اكتب لي مقال عن موضوع معين وهيكتب لك موضوع بشكل جيد ممكن يساعدك ترتب أفكارك وأنت بتكتب

٣- كتابة ايميلات الشغل أو التوظيف:
-Write an email to.....about....

-وكمان يقدر يرد على إيميلات مبعوتة لك
خد الايميل كوبي بيست واكتب له
-Reply to an email

٤- يقدر يشرح بعض المصطلحات:

-اشرح لي معنى "ميكانيكا الكم"

-Explain this in simple terms

-Explain "quantum physics" for a 10 years old child in Arabic

٥- كتابة معادلات في برنامج excel

ودي محتاجة يكون عندك معرفة بأساسيات البرنامج

٦- كتابة أكواد برمجية بلغات برمجة مختلفة

وده هيناسب حد يكون عنده أساسيات البرمجة عشان يقدر يستفيد منها

٧- عمل جداول زمنية للمشروعات

٨- كتابة العقود (يشمل العقد بنود، إمضاءات، تواريخ...)

قل لنا عن تجربتك الشخصية وازاي نقدر نستفيد من أدوات الذكاء الاصطناعي في العمل بشكل جيد؟

Address

Mansoura

Telephone

+201033302796

Website

Alerts

Be the first to know and let us send you an email when Business leaders team posts news and promotions. Your email address will not be used for any other purpose, and you can unsubscribe at any time.

Shortcuts

Share