فرشك باجمل اللمسات مع روشا

22/01/2026

12/11/2025

الحمد لله الذي جعل الرزق بيده
الحمد لله الذي مليء قلبي بالرضا والقناعه الحمد لله الذي اذا حمدته زادني واذا دعوته اجابني واذا استغفرته غفر لي واذا ضاق بي الحال وجدت عنده المُتسعُ
اللهم ابعد عني شر قساه القلوب وابعد عنا شر خبثاء النوايا اللهم انك وحدك تعلم اني لا احمل لاحد مثقال ذره من شر ولا حقد ولاغل وتعلم اني لا اريد لاحد سوء فا ابعد عني شر خلقك واشغلهم بانفُسهم يارب العالمين
واصلح قلوبنا لما تحبه وترضاه يا الله وسدد ديننا واعينا علي ما نحن فيه يارب العالمين

11/11/2025

هنتكلم عن اقل عدد من #الملابس تقدر #العروسه تتجوز بيه و العدد فى المتوسط
وطبعا ده مش فرض ده رأيى الشخصى وكل عروسه بتجيب اللى بتشوفه مناسب ليها يعنى ممكن اقل وممكن اكتر كل عروسه على حسب ظروفها
اولا #الملابس #الصيفى
اقل عدد
10 طقم بيتى كاشات على برمودا على هوت شورت وعبايه استقبال واسدال صلاه

العدد فى المتوسط
10 كاشات 10 برمودا 5 هوت شورت 2 اسدال 3 عبايات استقبال

ملحوظه لو العروسه هتقعد فى بيت عيله يبقى لازم تزود من عبايات الاستقبال

وطبعا لو العروسه مبتحبش مثلا البرمودات يبقى هتزود شويه فى الكاشات والهوت شورت والعكس طبعا لو مش بتحب الهوت شورت هنزود فى الكاشات والبرمودا

ثانيا #الملابس #الشتوى
اقل عدد
6 اطقم ومتنسيش روب شتوى من ضمنهم
و 3 دفايات

العدد فى المتوسط
انا شايفه ان الشتوى بيكون معمر شويه وبيعيش اكتر بكتير من الصيفى عشان كده انا بقول فى حدود 12 قطعه شتوى و2 روب شتوى و3 دفايات
وبرضوا لو العروسه هتقعد فى بيت عيله يبقى تزود شويه من العبايات الشتوى

ثالثا #اللانجرى

العدد فى المتوسط
فى حدود 20 ويفضل نجيبهم كلهم قصيرين حتى لو عجبك لانجرى طويل بلاش لانه هيتركن ومش هيتلبس والتجديد فى اللانجرى مهم جدا يعنى مثلا كل عيد زواج او كل عيد حب تجيبى لانجرى جديد بيبقى حلو

رابعا ملابس الخروج
انا مقدرش اقول اى كميه لان بيختلف هل العروسه بتشتغل ولا مش بتشتغل هل العروسه بتحب الخروج كتير ولا قليل عشان كده كميه ملابس الخروج العروسه هى اللى بتحددها على حسب ظروفها
لو عجبكم متنسوش تحطولى ❤ عشان عرايس غيركم تستفيد ❤❤🥰

ملحوظه / العروسه اللى مش قادره تجيب ملابس كتير فى جهازها تجيب على قدها حتى لو هتحطهم فى رف واحد فى الدولاب ولو خايفه من تعليقات قرايب العريس قوليلهم زيى زيه هو حاطط ملابسه فى رف وانا زيه 😉

07/11/2025

ازيكم يابنات عاملين ايه
نبدأ مع بعض سلسله اسألى يا عروسه 👰♥️
لان فى ناس بتجهز لاول مره ومش بيكون عندها فكره ولا واعى بالازم 🥰🫵
بحكم شغلى وانى شوفت كتير ومستنيه رايكم برضه
بالنسبه للمفروشات ياست العرايس بلاش افوره فى الاعداد وبعد كده تزعلى ومتلقيش مكان تحطى فيا احنا هنا فى المنزله🙆 بنحب الاعداد تمام هقوليك بقا ايه التمام 🫵
١٠طقم سراير كبير
٥مشجر
٥طقم سراير بالكفرته وده بيكون من اشيك واقيم الحاجات اللى بتتفرش حرفيا هم غالين شويه بس لو تحسبى كده هيكون احسن من انك تجبي ٣٠ولا ٢٥والنص مش هيتفتح تمام كده هيكون الدولاب شيك ومرتاح وكل حاجه ظاهره تمام
نيجى بقا للفوط ٤٠يوم ما تعملى الصح ٥٠وبشكير زى الفل اسمعى منى 🙈
الهدوم بقا انتى وذوقك وكل واحده ومقدرتها برضه
بس انتى بتكونى عارفه لو بيت عيله مش كترى بيجامات ولا لوحدك هتزودى كاشات وبرمودات
فى الاول والاخر يابنات الاعتدال حلو والله اللى بتكون جايبه اعداد مضبوطه الدولاب بتاعها بيكون اشيك وباين اكتر سواء انا اللى برص ولا أهل بيتك مش فارقه بتحسي أن الدنيا بتكون رايقه والدولاب مرتاح 🥰🥰
لو عجبكم المعلومات نكمل فى بوست تانى عن باقى الشقه
وانا مش بتكلم على حد معين والله 🙈
انا بقول نصيحه من اخت لاخواتها وطبعا زى ما انتو شايفين الاسعار بقيت عاليه فى ناس حابه الزياده تمام بس خليكى فى الاقيم والاشيك 🤩
ولو حابين نتكلم عن حاجه تانيه فى البوست الجاى تكون ايه مستنيه رأيكم فى الكومنتات 🥰👍