04/09/2025
مفهوم يا ريت نحس بيه زياده... ومحتاج تفكير من أساتذتنا الأفاضل أعضاء الإدارات العليا... القصة دي مش مجرد إنجاز اقتصادي… دي درس في ما يسمى "القيادة الإنسانية"... ودا لأن فيه فرق كبير بين: 🔻 مدير بس شايف الناس مجرد أرقام... 🔺 وقائد فاهم شايف الإنسان اللي ورا الرقم وعاوز يحافظ عليه ويستفيد منه...
🔶🔴بوب تشابمان المدير الذي غيّر مصير 7000 موظف… وأثبت أن “الإنسان قبل الأرقام”
تفتكروا حضراتكم أنقذ كام كفائة من التقاعد القسري الممنهج؟؟؟ تفتكروا حضراتكم أنقذ كام أسرة من بعبع المصير المجهول؟؟؟ ويا ترى في الآخر وصل لإيه؟؟؟
يالا بينا نعرف الحكاية 👇👇👇👇👇👇
في سنة 2008، ومع بداية الأزمة المالية العالمية، شركة باري ويلمر عندها أكتر من 7000 موظف دخلت في أزمة خانقة: 30% من تعاقداتها اتلغت في يوم واحد، والإفلاس كان بيقرّب بسرعة. المطلوب كان توفير 10 مليون دولار فورًا علشان الشركة تقدر تكمل.
مجلس الإدارة اقترح الحل التقليدي: تسريح عدد كبير من الموظفين. لكن المدير التنفيذي، بوب شابمان، رفض بشدة وقال: “مش ممكن نضحي بعائلات الناس علشان ننقذ أرقام على ورق.”
بعد نقاش طويل، قرروا خطة غير مسبوقة: 🔹 كل موظف، من أصغر عامل لحد رئيس مجلس الإدارة، هياخد 4 أسابيع إجازة بدون راتب. 🔹 يحدد بنفسه الميعاد اللي يناسبه طول السنة. 🔹 ومش شرط تكون الإجازة متواصلة.
لكن السر مش في الفكرة نفسها… السر في الطريقة اللي أعلن بيها بوب القرار: 💬 “الأفضل إننا كلنا نعاني شوية، أحسن من إن بعضنا يعاني كتير.”
الجملة دي غيّرت كل حاجة… الموظفين حسّوا إنهم مش مجرد “تكلفة” للشركة أو "أرقام" محتاجين أنهم يتخلصوا منهم، لكن شركاء وعيلة واحدة.
النتيجة؟ 🌟
🔹 اللي كان مستريح مادياً خد 5 أو 6 أسابيع إجازة.
🔹 واللي ظروفه أصعب خد أسبوعين بس.
🔹 الكل ساعد بعض بروح تعاون غير عادية.
✅ والمفاجأة إن الشركة وفرت 20 مليون دولار بدل 10!
وما اترفدش موظف واحد!!!!!
ولما التجربة نجحت غير تشابمان ثقافة الشركة (ونأخد بالنا أوي من اللي جاي ده) إلى: "التركيز على إخراج أفضل ما لدى الأفراد من خلال: ١-حسن التواصل و٢-الثقة والإحترام و٣-التحسين المستمر و٤-الحرية و٥-خلق روح المسئولية".
خمس مبادئ للشركة Core Values أصل أساسها وصياغتها لخدمة أهم سطر في الشركة كلها والعنصر الأساسي في معادلة النجاح: "التركيز على إخراج أفضل ما لدى الأفراد".
خلصت القصة👌👌👌👌
الموضوع أعمق من ظروف صعبة عدت على شركة...
أو حتى فكرة طلعت فجأة كدا في دماغ حد كبير في المنظمة ولازم كل الناس تقول "يااااه ... الله عليك ... كانت غايبة فين من زمان ... ما أروعك" حتى لو كلام الشخص دا غلط...
أو العبارة الرنانة اللي مريحة ناااااس كتيييير "مصلحة البيزنيس فوق كل إعتبار".
لأ...
في إعتبارات أقوي وأصح بس محتاجة شوية مجهود للي عاوز يبذل مش اللي عاوز يخلص من رقم...
بكل أسف مجرد رقم...
أتمنى مفهوم إن الموظف إنسان مش رقم يزيد عندنا شويتين تلاته كدا.
🌐www.addingvalue-eg.com
📳+20 1515646987
