28/02/2022
كان لزاما على صاحب العمل عند تعيينه لعاملين في المنشاه انشاء ملف حتى لو كان عامل واحد طبقا للمادة 77 من قانون 12لــ2003 ويعاقب صاحب العمل أو من يمثله عن المنشأة طبقا للمادة 249 بغرامة لا تقل عن مائة جنيه ولا تجاوز مائتى جنيه.
مشورة بتقولك محتويات الملف طبقا للمادة 2 من قرار 185 لـــ2003 بشان تنظيم العمل ولو في اي غرامات نتيجة عدم وجود الاوراق المطلوبة :
• اصل المؤهل
• اصل شهادة الميلاد
• اصل شهادة الجيش ( طبقا لقانون الخدمة العسكرية مادة 39من قانون رقم 127 لــ1980 لايجوز التعيين الا للاشخاص حاملين الشهادة وخلي بلك انك لو عينت موظف بدونها وجالك تفتيش من الخدمة العسكرية ممكن ينزل غرامة طبقا للمادة 54 من الخدمة العسكرية بالحبس مدة لاتقل عن سنتين و غرامة من 200 الى 500 او باحدى العقوبتين ) .
• فيش وتشبيه باسم الشركة وخلي بالك ان في شركات ممكن تاخد الفيش لو لسه حديث ولا تجاوز 3 شهور بس ده مش صح لازم يكون باسم الشركة عشان لو في موظف عندك مامنتش عليه من ساعة اما اشتغل وعاوز تامن عليه هيطلبه منك في التامينات مستند رسمي انه على قوتك والفيش هو المستند الوحيد اللي لا يجوز تزويره او لو في نزاع قضائي ) .
• كعب عمل وده بالذات مهم جدا ان يكون في الملف .
فائدته : ( ان وزارة القوى العامله بتشوف عدد البطالة اللي موجودين في منطقة السكن وتوفرهم عمل مناسب فكعب عمل بيثبت انه في اشخاص بيعملوا ) .
ارساله : ( لازم يُرسل خلال 30 يوم من تاريخ التعيين الى مكتب العمل اما تستمله من الموظف وتمليه وتختمه وتصوره وتبعته مع الموظف يوديه مكتب العمل وياخد ختم وارد على الصورة او يتم ارساله عن طريق البريد ارسال عادي قيمتة 14ج بس بعد متملي كعب العمل وتختمه هتصوره وتحفظه في ملف العامل وبعدين تبعته في ظرف مكتوب عليه اسم الراسل (اسم الشركة والعنوان ) ظهر الظرف ناحية القفل واختم ختم الشركة ناحية قفل الظرف والناحية الاخري ( اسم مكتب العمل وعنوانه )
غرامته : لو كعب العمل موجود في الملف ولم يتم ملاه ولم يتم ارساله ( طبفا للمادة مادة 239من قانون 12لـ2003
بغرامة لا تقل عن مائتي جنيه ولا تجاوز خمسة آلاف جنيه ولو مش موجود بيتم تحرير محضر اداري من المفتش وبيتحدد غرامة من 50 ج الى 500 ج .
• كشف طبي ابتدائي 111
قانون العمل : الزامي طبقا للمادة 216 من قانون 12لـــ2003 وغرامته طبقا للمادة 256 حبس وغرامة من 1000 الى 10000 ج او باحدى العقوبتين .
التامينات : طبقا للتعلميات الدورية رقم 24 لــ2017 ( كشف دخول الخدمة اجراء اساسي ولا يعتد باستلام العمل من دونه وفي مكاتب ماشية بالقرار ده ومش بتستلم س1 الا لو الكشف من مرفقاتها ولم يتم صرف اي تعويض نتيجة الاجازات المرضيه الا بعد توقيع الكشف )
• 6 صور شخصية ( 4*6 خلفية بيضاء ) .
• اقرار استلام العمل .
• الصحف القانونية ( صحيفة الجزاءات , تدرج الاجر , الاجازات المرضيه – الرسمية – السنوية , الحالة الاجتماعية ) .
• نسخة عقد عمل ( لازم يكون مكتوب على كل صفحة توقيع العامل باستلام نسخه من العقد ) .
• شهادة قياس مستوى مهاره للحرفين ( طبقا للمواد 139 , 140 وغرامتها طبقا للمادة 249 بغرامة لا تقل عن مائة جنيه ولا تجاوز مائتى جنيه. )
كيفية الاستخراج : ( الفني يتوجه الى مكتب العمل لاستخراج الشهادة والكارنيه والمكتب بيوجهه الى ورشه لعقد الاختبار وبيتم اصدار الشهادة ( سواء ماهر ودي بيتم تجديدها كل 5 سنوات - محدود المهارة ودي بتجدد كل سنه ) ودي تكلفتها 73.10ج + 5ج صندوق الشهداء وبيتم دفعها بفيزا .
• شهادة صحية ( للعاملين بالبوفيه – الاغذية ) طبقا لقرار رئيس مجلس الوزراء رقم 4248 لــ1998
كيفية الاستخراج : من مكتب الصحة / المركز الطبي التابع له محل اقامة الموظف او مقر عمله .
• صورة كارنية نقابة ساري للمحامين والاطباء والمهندسين .
• صورة رخصة سارية للسائقين .
• اخلاء طرف من الشركة السابقة.
• ما يطرأ على الموظف طوال فترة خدمته من ( مكافات , شهادات تقدير , جزاءات,شهادات مرضيه و .....)
• طلب التوظيف .
