Pulse

Pulse produce a student of medical consiciously ,mentally developed

و رجعنالكم برحلة لأجمل الأماكن الأثرية في القاهرة😌♥️بروجرام الرحلة🥳1️⃣بدايتنا "قصر الأمير محمد علي" المكان جميل جدا وكله...
20/03/2022

و رجعنالكم برحلة لأجمل الأماكن الأثرية في القاهرة😌♥️

بروجرام الرحلة🥳
1️⃣بدايتنا "قصر الأمير محمد علي" المكان جميل جدا وكله متاحف وآثار ومكان حلو جداا للتصوير
2️⃣ مسجد أحمد بن طولون و مسجد الرفاعي والسلطان حسن
3️⃣مسجد عمرو بن العاص والكنيسة المعلقة
4️⃣وبعدين مفاجأة رحلتنا🔥القرية الفرعونية🔥
◾️وتشمل الجولة النهرية التي يتمثل فيها تجسيد حياة المصري القديم ع ضفاف النيل
◾️متحف التحنيط
◾️ومقبرة توت عنخ امون
◾️متحف الأهرامات
◾️متحف كيلوبترا
◾️متحف نابليون
5️⃣مول سيتي ستارز
6️⃣جولة حرة ف شارع المعز وقعدة عربي نعيش فيها الأجواء الرمضانية على قهوة الفيشاوي

◼️ موجود فوتوجرافر في الرحلة مجااااني ل توثيق اللحظات ♥️😘
⚠️سعر الرحلة : 165ج *متاح الاشتراك من برا الكلية*

(الإشتراك شامل:التنقل بأتوبيس مكيف،دخول قصر الامير محمد علي،والمساجد،والكنيسة المعلقة،والجولة النهرية والقرية الفرعونية)

⚠️ميعاد الرحلة:31/3او1/4
حسب رؤية هلال رمضان
من 7صباحا والعودة 12ليلا

🛑الحجز ف مكتبة Pulse ♥️
🛑الحجز متاح عن طريق فودافون كاش على الرقم
01061072668 تواصل مع الرقم قبل وبعد الحجز

👈👈
🔥♥️

فك الفرامل علاج للسرطان !"منذ زمن ليس ببعيد، عانى أحد الشباب من دوارٍ، وعدم وضوح الرؤية، وتكرار سقوطه مغشيًّا عليه كان ك...
12/11/2018

فك الفرامل علاج للسرطان !
"منذ زمن ليس ببعيد، عانى أحد الشباب من دوارٍ، وعدم وضوح الرؤية، وتكرار سقوطه مغشيًّا عليه كان كفيلًا بدفع أهله للبحث عن مساعدة الطبيب، وانتهى به الأمر في إحدى المستشفيات الحكومية مشخَّصًا بالسرطان .. إلى أن توفي قريبًا لعدم فعالية العلاج .. رحمه الله 💔"
بعد وفاته بفترة وجيزة، وتحديدًا في 1 أكتوبر 2018، أُعلن عن فوز كلٍّ من جميس ب. أليسون James p. Alison وتاسوكو هونجو Tasuku Honjo بجائزة نوبل في الطب والفسيولوجي؛ لاكتشافهم علاجًا -هو الأول من نوعه- للسرطان..
زي ما كلنا عارفين .. الانسان عنده جهاز مناعة، وهو المسئول عن حماية صاحبِه من أي ميكروب أو جسم غريب .. ومن أهم مميزاته إنه بيقدر يفرّق بين خلايا الجسم (وبالتالي ميهاجمهاش) وبين أي خلايا غريبة عن الجسم (هي دي التارجت بتاعه) .. بيفرّق بينهم ازاي ؟ 🤔
عن طريق بروتينات على سطح الخلايا والميكروبات وليلة كبيرة أوي سعادتك 😅 🙌
المهم .. يتعرف على الخلية الغريبة، ويبدأ يهاجمها، بس مش بشكل عشوائي كده ! لأ ! .. فيه بروتينات معينة بتتحكم في رد فعله ده .. إما تزوده أو تقلله! وده بيعمل balance محترم في شغله بحيث ما يضرش جسمنا نفسه، وفي نفس الوقت يقضي على التارجت بتاعه 😌..
فيه بروتين اسمه (CTLA-4) موجود على سطح الخلايا التائية T-cell، وده بيقلل من شغل الـT-cell عشان ما تزودهاش تيجي تشتغل .. فرامل يعني 🖐
فكّر د.أليسون في إنه لو عطّلنا الفرامل دي، مش كده الـT-cell هتنطلق وتشتغل بشكل أوسع؟! طب ما نشوف antibody يمسك البروتين ده ويوقفه، وكده الخلية تنطلق، وتهاجم أكتر ! تهاجم خلايا الأورام مثلًا..! 🤔 وبالفعل تمت التجربة على فئران، وكرروها أكتر من مرة، ونجحت بامتياز! 😅 وجربوها على البشر، ونجحت في علاج نوع من سرطان الجلد اسمه melanoma .....
في جانب آخر، سنة 1992 د.تاسوكو اكتشف بروتين آخر على سطح الـT-cell .. اسمه PD-1 ..وبعد شوية تجارب، قدر يعرف وظيفته، وهي مماثلة لوظيفة الـCTLA-4 "فرامل" ولكن بطريقة مختلفة في الشغل .. وفكّر نفس التفكير بإنه يستخدمه في علاج السرطان👌
اتجربت الطريقة على الحيوانات، ثم على البشر، وأثبتت نجاح كبير في علاج أنواع مختلفة من الأورام .. حتى إن النتائج تبشر بإمكانية استخدامه في علاج عدد كبير من مرضى الـmetastatic cancer ! "ودي مصنفة كـuntreatable condition" .. 💔..
برغم عدم اهتمام شركات الأدوية في الأول باللي قدمه د.اليسون ليهم! إلا إنه ما استسلمش، وفضل يجرب، ويحاول، ويطوّر لحد ما وصل إنه فاز بجائزة نوبل للطب هو و د.تاسوكو .. متيأسش ! 🌸



by :Fatma Elkttan

Address

Shebin Al-Kom

Telephone

01012296995

Website

Alerts

Be the first to know and let us send you an email when Pulse posts news and promotions. Your email address will not be used for any other purpose, and you can unsubscribe at any time.

Shortcuts

Share

Category