17/12/2024
تكات وحركات شقق الاسكان الاجتماعى
علشان تضمن مفتاح شقتك فى جيبك
سوال اتسالى كتير
اية اللى بيتم بعد غلق الاعلان (مرحلة الفرز ) ؟؟؟
ركز بقا فى الكلمتين دول علشان انت تخصنا وتهمنا مصلحتك
وصدقنى مش هتلاقى الكلمتين دول فى اى بيدج
👇💥👇💥👇💥👇
ورقك هيعدى على كذة مرحلة
وكل مرحلة هيتغسل وهيتنشر وهيتكوى
يعنى بيتم التدقيق فى ادق التفاصيل 🤔🤔🤔
💥اول مرحلة
التواريخ التواريخ التواريخ
تاريخ اثبات الدخل ومفردات المرتب وفترة التعين والعمل
تاريخ ايصال المرافق
تاريخ القيد العائلى وشهادة الاولاد الكمبيوتر الخ الخ الخ
🔥مرحلة بيتم
فرز كل حاجزين مدينة لوحدهم طبقا لعنوان البطاقة الشخصية واثبات الدخل (مفرداتالمرتب)
يعنى مثلا
حاجزى اكتوبر لوحدهم
وحاجزى القاهرة لوحدهم الخ
💥بعد كدة
مرحلة كوامل المستندات حسب الحالة الاجتماعية لكل متقدم
وفى المرحلة دى بيفرزو مستنداتك ويشفوها كاملة ولا ناقصة
🔥وبعد كدة
بيتم قرائة كل مستنداتك وفرزها والتاكد من صحتها
وقرائة استمارة الحجز والاقرار
💥وبعد كدة
الاطلاع على اثبات الدخل للمتقدم
(اعزب) او (متزوج)
وتحديد انة من ضمن الاولوية للدخل
بمعنى ان دخلك من ال٣٥٠٠ج طبقا للحد الادنى للدخل
ومناسب للاعزب ل١٢ الف
والمتزوج ١٥ الف طبقا للحد الاقصى للدخل
وللاسف لو ازيد (بجنية) واحد هيتم استبعادك
🔥وبعد كدة
تحديد اولويتك بالنسبة للمدينة المتقدم اليها
بالنسبة لسكنك او عملك
💥وبعد كدة
الكشف بالرقم القومى لجميع المتقدمين لمعرفة وجود تامينات من عدمة
مع العلم يوجد سيستم متصل بين الصندوق والهيئة العامة للتامينات والمعاشات
🔥وبعد كدة واخيرا
تحديد الأولويات طبقا للحالة الاجتماعية التى تم التقدم بها
بمعنى لو تم تغير حالة الاجتماعية بعد التقديم مش هتتغير اولويتك
يعنى اللى مقدم اعزب وتزوج بعد الاعلان سيتم احتساب اولويتة كاعزب لاخر الاعلان ......الخ
وترتيب الأولويات كالتالى :
المتزوج / المتزوجة وتعول
الارمل / والارملة وتعول
المطلق / المطلقة وتعول
المتزوج / المتزوجة وتعول
واخيرا الاعزب
ويشمل
المطلق / المطلق ولا تعول
الارمل / والارملة ولا تعول
💥وبعد كدة هيتم ارسال رسالة بالقبول
🥳لو مقدم استلام فورى هيتم تحويل الملف الخاص بك لشركات الاستعلام للاستعلام عنك وسيتم التواصل معك خلال شهرين
🥳ولو مقدم استلام ٣٦ شهر
هيجيلك رسالة بانك منطبق
وتبتدى رحلتك الجميلة فى دفع الاقساط الربع سنوية
😭ولو خارج الاولوية
سيتم ارسالة لسحب مبلغ جدية الحجز وانتظار الاعلان الجديد
🤌مع العلم فى حالة انك خارج الاولوية وهتسحب مبلغ جدية الحجز
احتفظ بايصال السحب علشان يكون ليك الاولوية فى الاعلان الجديد
كتير منكم هيتقبل. 🥳🥳
وكتير منكم هيترفض للاسف 😭😭
وهينطلب منه يعمل تظلم بسبب الرفض
💣انا بقى قولت اسبق الصندوق بخطوه واعرفكم اسباب الرفض وسبب عمل التظلمات عشان تاخدوا بالكم 👇👇👇
👈لو محددتش المدينه اللى انت عاوزها والمحافظه بخط واضح هتترفض .
👈لو محددتش المدينه وحددت المحافظه هتترفض
👈لو محددتش المحافظه وحددت المدينه هتترفض
لازم تحدد الاتنين المدينه والمحافظه وتحدد المقدم وتحدد فئه متوسط الدخل ولا محدود دخل
عشان استماره الحجز دى اللى بتحدد فيها جزء لا يتجزأ عن عقد الشقه
👈لو محددتش التاريخ فى اخر الاستماره والاقرار هتترفض
👈لو موقعتش على الاستماره فى المكان المخصص لها هتترفض
👈لو نسيت تكتب الدخل الاساسى والاضافى ان وجد هتترفض
👈استماره الحجز لازم تكتب كل بياناتها متسبش حاجه فاضيه الا لو كانت متخصكش
زى الاعزب لازم يسيب بيانات الزوجه فاضيه لانه اعزب
لكن لو متجوز وساب بيانات الزوجه مكتبهاش هيترفض
اسباب الرفض بالنص من الصندوق اللى هتيجى 👇👇👇
🚫العميل غير منطبق لعدم التوقيع على الاستماره او الاقرار وعليه يتم عمل تظلم بعد التوقيع على استماره كراسه الشروط فى يوم .........................
🚫العميل غير منطبق لعدم تحديد المدينه التى تخص وحدته السكنيه
🚫العميل غير منطبق لتخطى الحد الاقصى وقت التقديم وعليه بسحب مقدم الحجز
🚫العميل غير منطبق بسبب عدم التوقيع على الاقرار وكتابه التاريخ
🚫الأوراق غير كاملة، رغبة الحجز المحررة بإستمارة الحجز غير مدونة بكراسة الشروط, صورة بطاقة الرقم القومي للمتقدم والزوج / الزوجة,
🚫استمارة الحجز الإقرار غير موقع من صاحب الطلب رغبة الحجز المحررة بإستمارة الحجز غير مدونة بكراسة الشروط,
🚫رغبة الحجز المحررة بإستمارة الحجز غير مدونة بكراسة الشروط
🚫الأوراق غير كاملة, اقرار حجز الوحدة السكنية
🚫الأوراق غير كاملة, صورة بطاقة الرقم القومي للمتقدم وزوجته,
🚫😡المستندات المرفقة بالنظام لا تخص صاحب الطلب
ودة سببة لما يكون اللى بيرفعلك اوراقك غشيم فيرفع ملف pdf ببيانات غيرك ويرفع بياناتك لغيرك,
🚫😡لم يتم إرفاق أي مستندات,
وللاسف الشديد الغلطة دى ممكن يقع فيها ناس كتير بسبب قلة الوعى بالموقع الإلكتروني الخاص بالصندوق
لما سيادتك ترفع اوراقك او حد يرفعهولك ويظهرلك الرسالة الصفراء
وانت طبعا قلقان وعيزها تبقا خضراء
فكل شوية تفتح الموقع علشان تطمن
فملفاتك بتسقط من على السيستم
وبعد كدة بدوس ارسال بملفات فارغة او تالفة
ياباشا الحاجات دى كلها هتخليك تعمل تظلم وهضيع وقتك
هتلاقى ناس جايلها رسايل من الصندوق تم انطباق طلبكم بالاعلان (سكن لكل المصريين 5) 😛😛😛😛
وانت يا عينى جايلك رساله تم رفض طلبكم يرجى التواصل مع خدمه العملاء لمعرفه سبب الرفض 😭😭😭😭
دعوة حلوة ومتابعة ليصلك كل جديد
وشير علشان الكل يستفيد
