Paarti filanno biyyaaleessa

14/12/2023

Abiy fi Taye dubbisa

Abiy

Jedhani na waamu
Maqaakoo abbaa malaa
Akkasan si godha
Yaa rigaa kasalaa

Taye

Kan fira fakkaate
Aalbeen nama muru
Garaa jabinakee
Anoo beeka duruu

Abiy

Sichi xiyyaarri hin jiru
Imallikee lukaanii
Akkam sitti jirtaree
Ilkeen tafkiif tukaanii ?

Taye

Sodaa hidhaa hin qabnu
Mana hidhaatti guddannee
Hidhamuu nuuf Wayya
Dhugaa jiru dubbannee

Abiy

Aangoo irraa buunaan
Qulqulluu of gootaa
Diroo numa waliin
Buddeen cubbuu hootaa
Kaleessa walumaan
Oromoon gandaan hirree
Akkamiin dagatteree
Shira wajjiniin shirree ?

Taye

Bubbulee naaf gale
Kaayyoon ida'amuu
Keessikee qiliileedha
Tasa biran ga'amuu
Dhala namaa caalaa
Kan jaallattu aangoo
Hoolota xobbee fixxee
Itti taatee waangoo

Abiy

Shanee shanee jedhee
Kan guyyaatti sagal waamu
Tokko si mitii gurbaa
Kan kichuu oromoo qaamu ?
Cuukkoo nyaatu jettee
Ganamaaf galgalaa
Hadheessaa hin turre
Ati Jawaariif Baqqalaa ?

Taye

Yeroos faayidaan jira
Jireenyis akka Urgoo
Atis naaf kaffalta
Bareechitee durgoo
Mootummaan ta'an se'e
Shimee dura darbee
Yooman yaadee beeka ?
Akka na galchitu shabbee

Abiy

Kan qoosaakoo dhufu
Ilma abbaan abaaree
Kottoonfatee taa'a
Qaallittii Keessa daaree
Du'een nada malee
An aangoo hin gadhiisuun
Taayitaa koo irratti
Jaartiikooyyuu hin dhiisuu

Taye

Safuu yaa qumaaraa
Ajab yaa siyyaasaa
Anaan hidhaa galchee
Lammaa biyyaa baasaa

Abiy

Amala godhadhu
Achii sin tursu bayyee
Galmi diraamaakoo
Siifis siif gala Taayyee !

25/01/2023

“Ilmi namaa saree waliin hin nyaatu”

Bara 2014 sababa “Master Plan” mormineef yuunivarsiitii Finfinneerraa qabamnee hidhamne. Kanneen waliin hidhamne keessaa tokko hiriyyaa koo kan jedhamu kana.

Gaaftokko qorataan poolisii utuu Jiloo kutaa qorannaatti galchee qorachaafi reebaa jiruu sa’atiin laaqanaa ga’e. Mucayyoon poolisichaa laaqana fiddeef. Hamma laaqana nyaatutti Jiloo gadi baasee mana jalatti akka eeganiif poolisoota itti ramadee ol seene. Poolisichi gidduutti deebi’ee gadi ba’ee, “Kottu laaqana nyaannaa” jedhe Jiloodhaan!

Jiloon deebisee, “Ilmi namaa saree waliin hin nyaatu. Harka sareerraas hin nyaatu!” jedhe.

Poolisichi kolfeetuma ol deebi’e. Booda laaqanasaa nyaatee ka’ee poolisoota biroo waliin Jiloo ol galchanii quba harkasaa simintoorra kaa’anii burrusaan waqaran!

Kana malees, “Ati silaa Gujiirraa dhuftee, waa’ee Master Plan maaltu si galche?” jedhanii gaafannaan, “Gujoomni quba, Oromummaan harka. Qubni harka irratti uumame. Qubni tokko yoo murame, tokko ni dhukkuba. Fayyaa hin ta’u, guutuu hin ta’u” jedhe Jiloon!

Eega sanaas waan baay’ee keessa darbee, har’a ga’ee fuudhee mana dhaabbachuuf carroome. Gujii ka’ee Wallaggaa Lixaa deemee magaallee kana qacam godhe😎

Hiriyyaa koo, Jiloo Kemee, korma Gujii baga gammadde! Horaa bulaa, deebanaa!

Mee eebba keessan itti naaf roobsaa!

25/01/2023

03/11/2022

! 🙏
🔨 Ani dubbii hin barbaadu osoo jettuu, dubbiin manatti si barbaaduu waan danda'uuf na caqasi!
✔ Yakkuu fi yakkamuu irraa si haa oolchu malee, dogoggortees ta'e dhiigni si danfee yoo yakkite; adeemsa falmii yakkaa armaan gadii keessa darbuu waan dandeessuuf obsaan na caqasi.
ta'e osoo itti hin yaadin yookiin dagannoon yakka yoo raawwatte adeemsa armaan gadii sirriitti hubadhu(hordofi).
✔1.Yakka ati ittiin shakkamte sanaaf eeruun yookiin iyyannoon sirratti dhihaata;
✔2.Iyyannoo dhuunfaan dhihaatu murtiin dura yeroo kamiyyuu araaraan xumuramuu waan danda'uuf,miidhamaa dhuunfaa waliin araaramuuf tattaaffii godhii araarfadhu;
✔3.Yakka ittiin shakkamte poolisii fi Abbaan Alangaa waliin ta'uun ragaa sirratti sassaabu;
✔4.Poolisiin too'annaa jala ooluu qabda jedhee sababa gahaa yoo qabaate akkaataa seeraatiin/ajaja qabiinsaa Mana Murtii irraa fudhatee too'annaa jala si oolchuu danda'a;
✔5.Sadarkaa qorannootti,ragaan barreeffamaa(ragaan sanadaa) ni sassaabama,yookiin jecha ragaa namaa fuudhuu itti fufama;
✔6.Qaamni si too'ate sa'aatii 48 keessatti Mana Murtii dhihoo jirutti akka si dhiheessu yookiin wabiin akka gadi si lakkisu gaafadhu;
✔7.Yoo yeroo heerrii fi seerri kaa'e keessatti Mana Murtii si hin dhiheessine,bu'uura seera deemsa falmii yakkaa keewwata 64 tiin wabiin akka gadi si lakkisu Mana Murtiitti mirga wabii iyyadhu(gaafadhu);
✔8.Qorannoon erga xumurameen booda dhimmichi kan si himachiisu yoo ta'e,Abbaan Alangaa himannaa yakkaa Mana Murtii dhimmicha ofitti fuudhee ilaaluuf aangoo qabutti sirratti hundeessa(bana);
✔9.Tarii ati too'annoo jala yoo hin jirree fi guyyaa jalqaba himanni saaqamu sana dhaddachaaf yoo hin dhihaanne,Manni Murtii akka dhihaattuuf waamicha siif taasisa waan ta'eef,gaafa waamichi si qaqqabe gaafa beellamaa Manni Murtii dhihaadhu siin jedhe sana hin hafin,yoo hafte dirqamtee dhihaatta waan ta'eef;
✔10.Himanni Abbaa Alangaa tarreeffama gahaa ta'een,fi ragaan abbaa alangaa(ib

02/11/2022

05/03/2022

Ibsa Humna Waloo nageenyaarraa laatame

Humni Waloo Nageenyaa FDRI haala yeroo ilaalchisee ibsa laateera.

Humni Waloo Nageenyaa FDRI ummata magaalaa Finfinnee ayyaanoota idil addunyaa, Ardii fi Biyyaaleessaa rakkoo nageenyaa tokko malee akka kabajamuu fi maqaa gaarii biyyaa haala ijaaruun hojjechatamaa turuu ibseera.

Yaa ta'uutii tibbana Paartileen Siyaasaa tokko tokko, garee fi namoonni dhuunfaan injifannoo Adwaa haala hoo'an kabajamee fi guyyaa har'aa ammoo guyyaa yaadannoo Kaarramaaraa kabajameerratti sabaa fi sablammoota gidduutti walitti bu'iinsi akka uumamu sochii taasiisaa turuu ibseera.

Qaamolee nageenyaa tasgabbii ummataa kabachiisuuf halkanii fi guyyaa dhama'an irratti jechoota jibbiinsaa fi qaanessaa ta'een arrabsaa oolaniiru.

Qaamoleen nageenyaa gara walitti bu'iinsa hin barbaachiifneetti akka hin galamne tattaaffii olaanaa taasiisuu Humni Waloo kun ibseera.

⚡️⚡️

09/02/2022

Yeroo namni hidhamee
Gariin wareegamuu
Yeroo roorroon hammaatee
Biyyarraa ariyamuu

Callisnee ilaaluun keenya
Akka waan nin ilaallaneettii
Ar’as gatii nukaffalchise
Biyya namaa keessattii

Anis hidhamtoota
Hidhamtoota Saudi Arabiaatii
Yaarabbi nuuf birmadhu
Ati abbaa raamataatii