05/11/2024
Ina xinnif maxaa dalka iyo dadka looga qaban waayey?
Waxa igu maqaale ah in ninkan aan magaciisa kor ku xusay uu kibir iyo akhlaaq xumo kula kacay ciidamadii iyo gurmadkii walaalnimo ee dhul dheer uga yimi inay naftooda u huraan dalka iyo dadkooda duulimaadka lagu hayo, oo weliba cida ay usoo gurmaden uu isaga reerkoodii iyo maalkoodii yahay.
Waxaan halkan si kore u tilmaamayaa inaan kibirka la eegan ee jawaabtiisa la siiyo isaga iyo cida kale ee rabta inay siday doonaan u socdaan,waxaan ka xumahay in wasiiradii la socday aanay jawaab ku filan siin, sulaadiintii, boqoradii iyo waxgaradkii kale ee uu ka soo jeedey goobjoogana ahaana aanay geed ku xidhan.
Waxaan mar walba arkaa isagoo madaxdiisa iyo waxgaradkiisa gudi iyo sulaadiinba caayaya oo afka ku haya, lana daawanayo oo aan waxba laga qabanayn.
Waxan kusoo ururinayaa ka soo dirsadayna waxba u tari maayo wuxuu yeelo mooyaane kuwa uu hadalka liita ula tegayaana waxba yeelimaayo,gefkiisana looma dulqaadan karo, wax buuran oo uu yahay oo lagaga hamranayona ma garanayo, soomalidu waxay ku maahmaahdaa nin markhaati been ah furay:
Ilaahay ku og
Kii uu ku furayna ku og
Kii uu u furayna ku og.
Waa la dhaafay xiligii la guulwadayn jiray ama sida dhallinyaradu tilmaanto istusnimada wax la moodi jiray, ilmaha yar ayaa garanaya in cay iyo indho isku qabad aanay waxba ka goyn dunidan iyo xilligan aynu noolahay.
Allaa mahadi i sugnatay
Ahmed dhere
