What are the opening hours?

Monday 03:00 - 10:30 Tuesday 03:00 - 10:30 Wednesday 03:00 - 10:30 Thursday 03:00 - 10:30 Friday 03:00 - 10:30 Saturday 03:00 - 10:30

https://www.facebook.com/139343369949364/

LuLu Holistic Development, Ayat, Addis Ababa (2026)

31/03/2022

መንፈሳዊ የማንነቴ ክፍል
ይህ ክፍል በሌሎቹ አስተዋጽኦ የሚገነባ የማንነታችን ክፍል ሲሆን በጣም ጥልቅና ከፍተኛ አቅም የሚደራጅበት ነው። ለምሳሌ እሴቶቻችን የሚሰሩትም ሆነ የሚካተቱት በዚህ ክፍል ነው። እሴቶች ስንል በህይወታችን ከፍ ያለ ግምት የምንሰጣቸው እና የምር ስለራሳችን ያለንን ምስል ያሳያል። ይኸውም ሲባል በራሳችንም ሆነ በሌሎች ላይ ያለን እምነት ፣ ስለዓለምም ሆነ ስለነገሮች ያለን እይታና አመለካከት ፣ በህይወታችን ማሳካት የምንፈልገው ዓላማ ፣ ህይወታችንን የምንመራበት ፍልስፍና ፣ ወዘተርፈ አውቀነውም ይሁን ሳናውቀው የሚቀዳው ከእሴቶቻችን ነው።

በተጨማሪም ይህ የማንነታችን ክፍል ዘላለማዊና በቀላሉ የማይደረስበት ከመሆኑ የተነሳ ያለኛ በጎ ፈቃድ ሌሎች ሰዎች ሊያጠቁትም ሆነ ሊያሸንፉት የሚችሉት አይደለም። ይህ የማንነታችን ክፍል በአካላችን ውስጥ የሚካሄደውን ልዩ ልዩ ስርዓቶች ማለትም የምግብ መፈጨት ስርዓት ፣ የአተነፋፈስ ስርዓት ፣ ወዘተርፈ የሚያንቀሳቅሰው የፈጣሪ ሃይል ጋር የተቆራኘ ነው። ሆኖም ግን ይዘቶቹ የሚሰሩትና የሚዳብሩት ከአደግንበት ማህበረሰብ ባህልና ወግ እንዲሁም በተስማማ ሁኔታ ስለሆነ የሁላችንም የተለያየ እና ለራሳችን ከፍ ያለ ዋጋ ያለው ነው። ስለሆነም ከሌሎች ሰዎች ጋር ሊነጻጸርም ሆነ በሌሎች መመዘኛ ሊመዘን የሚገባው አይደለም። ለምሳሌ አንድ ሰው በህይወቴ ማሳካት የምፈልገው ይህንን ነው ወይንም ያንን ነው ካለ ትክክል ነው ፤ ምንም እንኳን ያ ነገር በሌሎች ሰዎች መመዘኛ ተቀባይነት ቢኖረውም ባይኖረውም።

ሁላችንም ሁልጊዜ የተነቃቃን ነን ምንም እንኳን አነቃቂ ንግግር ነው የሚያነቃቃን የሚል የተሳሳተ ግንዛቤ እየጎላ ቢመጣም። የተነቃቃን ለመሆናችን ማሳያው ይህንን ወይንም ያንን ማከናዎናችን ሲሆን ጉዳዩ ግን በምንፈልገውና በሚያስፈልገን መካከል በምናደርገው ውሳኔ ላይ የሚመሰረት ነው። በሌላ በኩል ማንም ማንንም ሊያነሳሳ አይችልም የሚባለው መነቃቃታችን የሚመነጨው ከመንፈሳዊ የማንነታችን ክፍል ስለሆነ ነው። በእርግጥ ከተናጋሪዎቹ በምናገኘው እውቀትና መረጃ አማካኝነት ማሳካት የምንፈልገውን ነገር እውን ለማድረግ የሚያስችሉ ስልቶችን ልናፈልቅና ትጋታችንን ልንጨምር እንችላለን። ከዚህ ውጭ ግን ምንም የሚኖርለት ዓላማ ለሌለው ሰው ንግግሮቹ ከመረጃነት አልፈው ምንም የሚለውጡት ነገር የለም።

ስኬታማ ሰኞ ይሁንልን!!!

31/03/2022

በተፈጥሮ ጠዋት ላይ ስንነሳ የኮርቲሶል መጠን ከፍ ያለ ሲሆን ቀናችንን ለመጀመር የመደበር ፣ የፍርሃትና የመጠራጠር ስሜት እንዲሰማን ያደርጋል። ታዲያ የአካል ብቃት እንቅስቃሴ በምንሰራበት ጊዜ መጠኑን እንዲቀንስ ከማድረጉም በላይ የቀሪዎቹ ኬሚካሎች መጠን እንዲጨምር ያደርጋል። የዶፓሚን እና ሴሮቶኒን መጠን መጨመር የደስታ ስሜትና የመነሳሳት ስሜታችን እንዲጎለብት ያደርጋል።

በተጨማሪም የአእምሯዊ የማንነታችንን በተሻለ ሁኔታ ለመጠቀም እንድንችል አቅሙን በየጊዜው በንባብ ፣ በማሰላሰልና በቁጥጥር ስር በማዋል አዎንታዊና ገንቢ በሆነ አቅጣጫ መጠቀምን መለማመድ ይገባል። እያንዳንዱ ቀን የቀሪ ህይወታችን የመጀመሪያ ቀን መሆኑን በመረዳት ቀጣይነት ባለው ሁኔታ እራሳችንን እያሻሻልን መሄድ መጀመር ይኖርብናል።

መልካም ቅዳሜ ተመኝሁላችሁ!!!

31/03/2022

Degu Yeshiwas:
አእምሯዊ የማንነታችን ክፍል

እኔ ብለን ከምንጠራው ማንነታችን ውስጥ ከምናገኛቸው ክፍሎች አእምሮ አንዱና በዋናነት ልንቆጣጠረው የምንችለውና በሌሎቹ ክፍሎች ላይ ተፈላጊውን ተጽዕኖ ለመፍጠር የሚያስችለን ክፍል ነው።

ታዲያ ይህንን ክፍል በሚገባ ለመጠቀም ልናሰለጥነው ፣ ልናስተምረው ፣ በቁጥጥር ስር ልናውለው ይገባናል። ይኸውም ሲባል የሚያቀብለንን ሃሳቦችና እይታዎች ከእኛነታችን ጋር እንዳይምታታብን መጠንቀቅና አውጥተን አውርደን እየተገበርነው ካለ ግብ እንዳያስተጓጉለን በንቃት መጠበቅ ይኖርብናል። ለምሳሌ ጫናን እና ፈታኝ ሁኔታዎችን ለማስወገድ ሲል ጠንከር ያሉና ፈታኝ የህይወት ሁነቶችን መጋፈጥ አስፈላጊ አድርጎ በማቅረብ ቀላሉን አማራጭ እንድንከተል ሊጎተጉተን ይችላል። ነገር ግን የላቀ ውጤት የሚያስገኝልንና የምንፈልገውን ለውጥ የሚያመጣው ብዙውን ጊዜ ቀላሉ አማራጭ አለመሆኑን ከተፈጥሮ ህጎች አንዱ ያስተምረናል። "የመዝራትና የማጨድ ህግ" አስር ካሬ መሬት አልምተን ሃያ ካሬ ካለማው ሰው እኩል ውጤት አንጠብቅም። እደዚሁ ሁሉ የላቀ ውጤት ለማምጣት ቀላሉና የአብዛኛው ሰው ምርጫ የሆነው መንገድ አያዋጣም።

ከባዱንና የላቀ ውጤት የሚያስገኘውን መንገድ እንድንሸሽ አእምሯዊ የማንነታችን ክፍል የሚያቀብለን እኛን ካልተጠበቀ አደጋ ለመጠበቅ በማሰብ ነው። በሀገራችንም ይህንን መረዳት የሚያመለክት የቆየ ብሂል አለ "ከማያውቁት መልዐክ የለመዱት ሴይጣን ይሻላል" የሚል። ይህ የሚያሳየን ይህ የማንነታችን ክፍል ከሚያውቀውና ከለመደው መንገድ ውጭ መጓዝ ለአልተጠበቀ አደጋ ይዳርጋል ብሎ ስለሚያስብ በምናውቀውና በለመድነው የምቾት ቀጠና እንድንመላለስ ቢመክረን ስራው ስለሆነ ነው። እኔ ግን አእምሮዬን ብቻ አይደለሁም።

ይህንን ዓይነቱን የአእምሮዬን ጬኸት ዝም ለማስባልና እንደባሪያ እንዲያገለግለኝ ለማድረግ በቁጥጥሬ ስር ማዋል ይኖርብኛል። ይህንን በማድረግ ሂደት በመጀመሪያ አሰራሩን መረዳት ይኖርብኛል። ይህን በሚመለከት ነገ አካፍላችኃለሁ።

መልካም ዐርብ ይሁንላችሁ!!!

አእምሯዊ የሆነው የማንነቴ ክፍል ከትላንቱ የቀጠለ

አእምሯችን ከሚበርካታ ኒውሮሴልስ የተገነባ ሲሆን መረጃ ለመለዋወጥ የሚጠቀመው የግንኙነት መንገድ ሆርሞንስ በሚባሉ ፈሳሽ ቅመሞች/ኬሚካሎች አማካኝነት ነው።

በሌላ በኩል የተሰራበት ነገር በጣም ተዝለግላጊ ከሆነ ነገር ሲሆን ወጥ የሆነ ቅርጽ የለውም ፤ ይልቁንም ከእውቀታችን ፣ ክህሎታችን ፣ ልምድና ተሞክሯችን ጋር ተያይዞ ቅርጹንና መጠኑን ይቀያይራል። በሌላ አገላለጽ በተጠቀምንበት ቁጥር እንደጡንቻ የሚጠነክርና የሚዳብር ነገር ነው። ምናልባት እዚህ ላይ ቆም ብላችሁ እንድታስተውሉ የምፈልገው ነገር በተለያዬ ጊዜ ተደጋግመው የሰማናቸው ሳይንሳዊ ያልሆኑ መረጃዎች አሉ። ማንኛችንም የአእምሯችንን 100% ነው እየተጠቀምን ያለነው ፤ ይህ አቅም ግን በምናደርገው ጥረት ልክ እያደገ እና እየተሻሻለ የሚሄድ ነገር ነው። በሌላ በኩል በተደጋጋሚ ሲነገር የምናደምጠው ድብቅ የሆነው የአእምሯችን ክፍል በጣም የላቀ አቅም እንዳለውና እርሱን መቆጣጠርና መጠቀም ሩቅ የሆነ ነገር ተደርጎ ነው። እንደ እውነቱ ግን ይህ እይታ በስነ ልቦና ሳይንስ መስክ እኩል ተቀባይነት ያለው ነገር አይደለም። ይኸውም ማለት በርካታ ቁጥር ያላቸው የመስኩ ባለሙያዎች እንደሚሉት ከሆነ ወደ ድብቁ የአእምሮአችን ክፍል የምንከታቸው መረጃዎች ማስታወስ የማንፈልጋቸውን ነው ይሉናል።

በአእምሯችን ውስጥ ከሚፈልቁ ኬሚካሎች ውስጥ ኮርቲሶል ፣ ዶፓሚን እና ሴሮቶኒን የሚባሉት ከዋና ዋናዎቹ ውስጥ የሚጠቀሱ ናቸው።

31/03/2022

የስሜት ማንነታችንን ክፍል በሚመለከት በማህበረሰቡ ውስጥ ከሚሰጠው አሉታዊ አንድምታ በተቃራኒው በጣም ጠቃሚና ቅርብ የማንነታችን ክፍል ነው። ይሄውም ሲባል ጠቃሚም ጎጅም የሚባል ስሜት የለም ፤ ቀደም ሲል ለመግለፅ እንደሞከርኩት በአብዛኛው ስሜቶቻችንን አስበን የምንፈጥራቸው ነገሮች አይደሉምና። ይልቁንም ሲፈጠሩብን የምናስተውላቸው ናቸው።
ምንም እንኳን ሁሉንም ስሜት ጠቃሚ ነው ቢባልም በአግባቡ ካልተስተናገደና ካልተያዘ አሉታዊ ውጤት ሊያስከትል ይችላል። ለምሳሌ የተስፋ ስሜት ፣ የፍቅር ስሜት ፣ የድፍረት ስሜት ፣ የፍርሃት ስሜት ፣ የማመን ስሜት ፣ ወዘተ አዎንታዊ የመሆናቸውን ያህል የተስፋ መቁረጥ ስሜት ፣ የጥላቻ ስሜት ፣ የጭንቀት ስሜት ፣ የመጠራጠር ስሜት ፣ ወዘተ አሉታዊ ውጤት ሊያስከትሉ ይችላሉ - በአግባቡ ካልተስተናገዱ። በእርግጥ ስሜታዊ ማንነታችን በጣም ለእኛ የቀረበና የአብዛኞቻችንን ህይወት የሚመራ ስለሆነ ተፈጥሮው አሉታዊ በሚሆንበት ጊዜ መደበኛ ስራችንን ለማከናወን አቅም ልናጣ ወይንም የማጣት ስሜት ሊፈጠርብን ይችላል። ነገር ግን ቆም ብለን ራሳችንን መጠየቅ የሚኖርብን - ይህንን እያለኝ ያለው ስሜታዊ የማንነቴ ክፍል ነው እኔ ደግሞ እሱን ብቻ አይደለሁምና ሌሎቹ ምን ይላሉ? ማለት ይኖርብናል እንጂ እያንዳንዱ የማንነታችን ክፍል በተናጠል የሚያሰማውን አዎንታዊም ሆነ አሉታዊ ሃይል ተመርኩዘን የምንመርጥና የምንወስን ከሆነ ስህተት ላይ ልንወድቅና ልንወላውል እንችላለን።
በተረፈ ስሜታዊ የማንነታችን ክፍል የሚያቀብለንን ማንኛውንም መረጃ በአግባቡ ለማስተናገድ ቀሪዎቹን ሶስቱን በጋራ መጠቀም አስፈላጊ ይሆናል። የሌሎቹ አስተዋጽኦ በጣም አስፈላጊ የሚሆንበት ምክንያት ስሜቶቻችን ጉልበታም የመሆናቸው ነገር ከአፈጣጠራችንም ጋር የሚያያዝ በመሆኑ ነው። ለምሳሌ የርሃብ ወይንም የመጠማት ስሜታችንን ለማርካት ተገቢም ፣ ተገቢነት የሌላቸው ፣ ሌላ ችግርና ህመም የሚፈጥሩ ፣ ወዘተርፈ አማራጮችን ልንጠቀም እንችላለን ነገር ግን የተሻለውን አማራጭ የምናገኘው ቀሪዎቹን ማስተባበር ስንችል ነው።
በነገው ጽሁፌ ቀጣዩን የማንነታችንን ክፍል አቀርብላችኃለሁ።
መልካም ሃሙስ ይሁንላችሁ!

31/03/2022

Degu Yeshiwas:
እኔ ብለን ከምንጠቅሳቸው ክፍሎች ውስጥ አካላችንን በሚመለከት መጠነኛ ማብራሪያ ይዤላችሁ መጥቻለሁ።
አካልን አስመልክቶ አሪፍ ወይም ቀሽም የሚባል የአካል አይነት የለም። በአግባቡ እስከተያዘና አዎንታዊ በሆነ ሁኔታ እስከተቀበልነው ድረስ አካላችን በዚህ ዓለም ቆይታችን ማከናወንም ሆነ መሆን የምንፈልገውን ለመሆን በቂ ነው።
የሚያስደንቀው ደግሞ ጊዜ የሚያልፍበት ነገር አለመሆኑና በየጊዜው እየታደሰ የሚሄድ መሆኑ ነው። ይኸውም ሲባል እስከ ሰላሳዎቹ እድሜው ምንም የአካል ብቃት እንቅስቃሴ ያላደረገ አካል እንደ አዲስ ጀምሮ ተፈላጊውን መተጣጠፍ ፣ ጥንካሬ ፣ ቅርጽ ፣ ወዘተ በአንፃራዊነት ማሳካት መቻሉ ነው።
በአካላችን ውስጥ በጣም የተራቀቁና እስከ አስራ አንድ የሚደርሱ ሥርዓቶች አሉ። እነኝህ ስርዓቶች ከየትኛዉም የሰው ልጅ ከገነባቸው ፋብሪካዎች በላይ ውስብስብና ረቂቅ ናቸው። እነኝህን ስርዓቶች አካላችን በራሱ የሚያስኬዳቸው እንጂ በእኛ በጎ ፈቃድ የሚከናወኑ አይደሉም። ታዲያ ለአካላችን ተገቢውን እንክብካቤ ለማድረግና ለረዥም ዘመን የተሟላ አገልግሎት እንዲሰጠን በየቀኑ አካላዊ ስሜቶቻችንን ማዳመጥና ተፈላጊውን እርምጃ መውሰድ ተገቢ ነው። ለምሳሌ አካላችን ላይ ህመሞች የሚከሰቱት በአመጋገባችን ፣ በቂ እንቅልፍ ባለማግኘታችን ፣ በሌሎች ስነ ልቦናዊ ችግሮች (ጭንቀት ፣ ድባቴ ፣ የግንኙነት ችግሮች ፣ ሃዘን ፣ ወዘተ) እና በመሳሰሉት ሲሆን በአብዛኛው እነኝህ ነገሮች በእኛው ቁጥጥር ውስጥ ናቸው። ስለሆነም ችግሮቹን በመቅረፍ እስከረዳነው ድረስ ራሱን መከላከል እንዲችል ሆኖ የተሰራ "ማሽን"

ነው ብሎ መውሰድ ይቻላል። በተረፈ በአደጋ ምክንያት ካልሆነ በቀር ከመሬት ተነስቶ የሚታመም አካል አይደለም የተቸረን። ታዲያ ይህንን ድነቅ ነገር በጥሩ አለባበስ ልናስጌጠው ፣ በቻልነው መጠን ልንመግበው ፣ ልናሳርፈውና ከሁሉም በላይ ልናደምጠው ይገባል። ለምሳሌ የካንሰር ሴሎችን አፈጣጠር ብንመለከት በአብዛኛው ባለቤቶቹ የአካላቸውን ጉትጎታ ለረዥም ጊዜ ባለማዳመጣቸው የሚከሰት ነው።
ስለሆነም ከአካል ብቃት እንቅስቃሴ መጨረሻ ላይ ፣ በባኞ ወቅት ፣ ወዘተ ከእግር ጥፍራችን እስከ ራስ ፀጉራችን ያለውን አካላዊ ስሜት ማድመጥ አስፈላጊ ነው። በሌላ በኩል በየቀኑ ከ7-8 ሰዓታት እንቅልፍ ማግኘት የምርጫ ጉዳይ ሳይሆን ግዴታ ነው። ምናልባት በተለያዬ ምክንያት ከዚህ በታች ለረዥም ጊዜ እየተኛን ከሆነ አንድ ቀን የማንሸከመውን አደጋ ይዞብን ሊመጣ እንደሚችል ማወቅና ማሻሻያ ማድረግ በጣም አስፈላጊ ነው። ከቅርብ ጊዜ ወዲህ እየወጡ ያሉ ጥናቶች የበቂ እንቅልፍን አስፈላጊነት አጽንዖት የሚሰጡ ናቸው። ጥሩ እንቅልፍ ስለማግኘትና ተያያዥ ጥቅሞች ወደፊት ለብቻው አቀርብላችኃለሁ።
ዛሬ በቀረበው ጽሁፍ ላይ ጥያቄ ፣ ሃሳብና አስተያየት ካላችሁ ግሩፑ ላይ ልትጽፉልኝ ትችላላችሁ።
መልካም ሐሙስ ይሁንላችሁ!

31/03/2022

እኔ በሚል የምንጠራው የማንነታችን ክፍል በዋናነት አራት ነገሮችን ያመለክታል፦ አካላችንን ፣ ስሜታችንን ፣ አእምሯችንን እና መንፈሳዊ ማንነታችንን።
በእያንዳንዳቸው ላይ ሰፋ ያሉ ማብራሪያዎችን በቀጣዮቹ ሳምንታት የማቀርብላችሁ ሲሆን ለዛሬ ግን ጠቅለል ያለ አጭር ማብራሪያ በሁሉም ላይ እሰጣለሁ።
አካላችን እና ስሜታችን ላይ የሚፈጠሩብን የእኔነት ስሜቶች በአብዛኛው አስበን እንዲከሰቱ የምናደርጋቸው ሳይሆኑ ስሜቶቹ ሲፈጠሩ የምናስተውላቸው ናቸው። ከዚህ አኳያ ይህ ስሜት መንስኤው ምን ሊሆን ይችላል ፤ ዝም ካልኩትስ ወደየት ሊያመራ ይችላል ፤ ወደምፈልገው አቅጣጫ እንዲለወጥ ምን ላድርግ ፤ ወዘተ አይነት ጥያቄዎችን ለአእምሯችን ጠይቀን በአግባቡ ማስተናገድ ይጠበቅብናል። ከዚህ በተረፈ ለምን እንዲህ አይነት አካላዊ ስሜት ተፈጠረብኝ ፣ ለምን ይሄ ስሜት ተሰማኝ በሚል የጥፋተኝነት ስሜት ሊሰማንም ሆነ ማብቂያ የሌለው ፍለጋ ውስጥ መግባት አይጠበቅብንም። በማህበረሰባችን ውስጥ አንዳንድ ስሜቶች ፈጽሞ ተቀባይነት የሌላቸው ከመሆኑ ጋር ተያይዞ በግልጽ በምንናገርበት ወቅት "እንዴያው ምን ስትል አሰብከው?" አይነት ውግዘት ሊገጥመን ይችላል። እንደ እውነቱ ከሆነ ለስሜታዊ ማንነት የሚሰጠው ቦታና ግምት በጣም ዝቅተኛ ከመሆኑ የተነሳ ስሜታችንን ገልጦ መናገር ይቅርና እኛው እራሳችንም እውቅና ላንሰጠው እንችላለን - ምክንያቱም ማህበረሰቡ ውጉዝ የሚያደርገው ስለሆነ። ነገር ግን የሚሰሙንን ስሜቶች መቆጣጠር የማንችል መሆናችንና ምንም አይነት ቢሆኑ ጥቅም እንጅ ጉዳት የሌላቸው መሆኑን መረዳቱ ላይ ነው። ምክንያቱም ስሜቱ ተሰማን ማለት ድርጊት ይሆናል ማለት አይደለም!
አእምሮ የምንለው የእኔነት ክፍል ዋነኛው ስራው ማሰብና የምናባዊ እይታ ሲሆን ከአካላዊና ስሜታዊ ማንነታችን በተለዬ በቁጥጥራችን ውስጥ ያለ ነው። ስለዚህ በምንፈልገውና ገንቢ በሆኑ ጉዳዮች ላይ እንዲያተኩር በማድረግ በአካላዊና ስሜታዊ የማንነታችን ክፍሎች የሚመጡ አሉታዊና አፍራሽ ግፊቶችን መቋቋም እንችላለን።
በመጨረሻም መንፈሳዊ የምንለው የማንነታችን ክፍል በተለምዶ ሃይማኖት 😂ከምንለው የህይወታችን ክፍል ጋር የሚገናኝ ሳይሆን ከሶስቱ የማንነታችን ክፍሎች መስተጋብር በሚመነጭ ሁኔታ በራሳችን ላይ ያለንን እምነት ፣ እሴት (በህይወታችን የላቀ ዋጋ የምንሰጠው እሳቤ) እና የመነቃቃታችን ምክንያት ተደርጎ የሚወሰድ የማንነታችን ክፍል ነው።

15/03/2022

ለስኬት አስፈላጊ ከሆኑ ግላዊ ክህሎቶች መካከል አንዱ በራስ መተማመን ነው:: በራስ መተማመንን ከፍ ለማድረግ ሊከናወኑ ከሚገባቸው ተግባራት መካከል:-
1. በሙያቺን ዙሪያ ያለንን እዉቀት ማስፋት
2. ከህሎታቺንን ማዳበር
3. አዳዲስ እዉቀት ለማስፋት እና ክህሎትን ለማዳበር የአስተሳሰብና ስነልቦናዊ ዝግጁነትን መገንባት ከዚህ በፊት ባደረግነው ጉዳይ ብቻ ሳይሆን አደረገኘው በማናዉቀው ነገር ሁሉ በራስ መተማመን አንዲኖረን ያስቺላል::

LuLu Holistic Development

31/03/2022

31/03/2022

31/03/2022

31/03/2022

31/03/2022

31/03/2022

15/03/2022

Address

Opening Hours

Website

Alerts

Shortcuts

Share

Category

Listing takedown request

Monday	03:00 - 10:30
Tuesday	03:00 - 10:30
Wednesday	03:00 - 10:30
Thursday	03:00 - 10:30
Friday	03:00 - 10:30
Saturday	03:00 - 10:30