24/08/2026
በዲላ ከተማ በኢንተርናሽናል አስፓልት መንገድ ላይ በደረሰ አሰቃቂ የትራፊክ አደጋ ፍቅረኛሞች የነበሩ ሁለት ወጣቶች ሕይወታቸውን ማጣታቸው ተገለጸ።
እንደተገኘው መረጃ፣ በቀን ነሀሴ 17/2018 ወንዱ ወጣት ፍቅረኛዋን በዲላ ከተማ ኢንተርናሽናል አስፓልት ላይ ባለሁለት ጎማ ሞተር ሳይክል እያለማመዳት በነበረበት ወቅት 22 ጎማ ያለው ከባድ ጭነት ተሳቢ መኪና በላያቸው በመውጣቱ ከባድ አደጋው መድረሱ ተገልጿል።
በአደጋው ወንዱ ወጣት በአደጋው ቦታ ላይ ወዲያውኑ ሕይወቱን ሲያጣ፣ ሴቷ ወጣት ከባድ ጉዳት ደርሶባት ለሕክምና እርዳታ ብትወሰድም ሕይወቷን ማዳን እንዳልተቻለ ተገልጿል።
ሴቷ ወጣት በዲላ ከተማ ቆፌ 2ኛ ደረጃ ትምህርት ቤት የ12ኛ ክፍል ተማሪ እንደነበረችና በትምህርቷ ብርቱና ጎበዝ ተማሪ እንደነበረች ተገልጿል። የወጣቷ ሕይወት ማለፍም በቤተሰቦቿ፣ በጓደኞቿና በመላው የትምህርት ማኅበረሰብ ዘንድ ከፍተኛ ሐዘን ፈጥሯል።
የአደጋው ትክክለኛ መንስኤና ሁኔታ በሚመለከታቸው አካላት በሚደረግ ምርመራ የሚጣራ ሲሆን፣ አሳዛኙ ክስተት ዋና የመንገድ አውራ ጎዳናን ለሞተር ሳይክል ልምምድ መጠቀም እንዲሁም የትራፊክ ሕጎችንና የደህንነት ጥንቃቄዎችን አለመከተል ሊያስከትል የሚችለውን ከባድ መዘዝ ያሳስባል።
በአሰቃቂው አደጋ ሕይወታቸውን ላጡት ወጣቶች ፈጣሪ ነፍሳቸውን ይማር። ለወላጆቻቸው፣ ለዘመዶቻቸውና ለጓደኞቻቸው መጽናናትን እንመኛለን።
abe business Osa Osa
