Amen home health care Services, Addis Abeba, Addis Ababa (2026)

27/09/2026

የአንጎል ቦይ መለጠጥ (ሃይድሮሴፋለስ)... Hydrocephalus
—

አንጎል በውሃ የሚመስል ፈሳሽ የተከበበና የተከፋፈለ አካል ነው። ይህ ፈሳሽ በአንጎል ውስጥ ባሉ ቦዮች እየተንቀሳቀሰ ለአንጎል ንጥረ ነገር ያደርሳል፣ ተረፈ ምርቶችን ያስወግዳል፣ ከውስጥም ከውጭም ከሚመጡ ጉዳቶች ይከላከላል። በዚህም አንጎል በተፈጥሮ የውሃ አልጋ ውስጥ እንዳለ ተጠብቆ ይቆያል።

ይህ ፈሳሽ የሚዘዋወርበት መንገድ በተለያዩ ምክንያቶች ከተዘጋ ወይም ከተጣበቀ፣ ፈሳሹ ተከማችቶ ቦዮቹ ይለጠጣሉ። ይህ ሁኔታ የአንጎል ቦይ መለጠጥ ወይም ሃይድሮሴፋለስ ይባላል። ችግሩ በማንኛውም የዕድሜ ክልልና ጾታ ሊከሰት ይችላል፤ ሆኖም መንስኤዎቹ በዕድሜ ክልል ይለያያሉ።

በሕፃናት ላይ ሲከሰት የራስ ቅሉ ከመጠን በላይ ያድጋል፤ ምክንያቱም የአንጎል ውስጣዊ ቦዮች በፈሳሽ ተሞልተው ይለጠጣሉ። ሕፃናትን ከዚህ ችግር ከሚያጋልጡ ምክንያቶች መካከል የሚከተሉት ይጠቀሳሉ፦

- በጨቅላ ሕፃናት የሚከሰት እስትሮክ፡ እስትሮክ የአዛውንት ብቻ በሽታ አይደለም፤ በማንኛውም ዕድሜ ሊመጣ የሚችል ድንገተኛ የአንጎል ጉዳት ነው። በተለይ ከጊዜው በፊት የተወለዱ ወይም በውልደት ክብደታቸው ዝቅተኛ የሆኑ ሕፃናት የአንጎል ቦይ የደም መፍሰስ ያጋጥማቸዋል። ደሙ የፈሳሹን ዝውውር ስለሚያውክ ፈሳሹ ተከማችቶ ቦዮቹን ያለጥጣል። ተገቢ የእርግዝና ክትትል ይህን አደጋ ለመቀነስ ይረዳል።

- በእርግዝና ወቅት ወይም ከወሊድ በኋላ የሚከሰት የአንጎል ኢንፌክሽን፡ ከእናት ወደ ፅንስ የሚተላለፉ ኢንፌክሽኖች ለችግሩ ሊያጋልጡ ይችላሉ። በሕፃንነት የሚከሰት የማጅራት ገትርም የአንጎልን ሽፋን በመጉዳት ሌላው መንስኤ ይሆናል። ክትባትና ቅድመ መከላከል ወሳኝ ናቸው።

- የአንጎል እጢ፡ በአንጎል ውስጥ ወይም ውጭ የሚበቅሉ እጢዎች የፈሳሽ መንገዱን በመዝጋት ሃይድሮሴፋለስ ሊያስከትሉ ይችላሉ።

- የቫይታሚን እጥረት፡ በእርግዝና ወቅት የፎሊክ አሲድ እጥረት በፅንሱ አንጎልና የአንጎል ገመድ አፈጣጠር ላይ ችግር ያስከትላል። ስለዚህ ፎሊክ አሲድ ከእርግዝና በፊት ወይም እርግዝና መጀመሪያ ላይ መውሰድ ይመከራል።

- በዘር የሚተላለፉ እና በአካላዊ የአንጎል አወቃቀር ልዩነቶችም ለችግሩ ሊያጋልጡ ይችላሉ።

የአንጎል ቦይ መለጠጥ ወዲያውኑ ካልታከመ በእያደገ አንጎል ላይ ከባድ ጉዳት ያደርሳል። ቀስ በቀስ የእንቅስቃሴ፣ የመስማት፣ የማየትና የአንጎል እድገት ችግሮች እንዲፈጠሩ ያደርጋል። ስለዚህ ችግሩን በቅንጅት መከላከልና ተገቢውን ህክምና ማግኘት ያስፈልጋል።

መከላከል ከሁሉ ቀዳሚና ውጤታማ የህክምና መንገድ ነው። ህክምና ማለት መርፌ ወይም ቀዶ ህክምና ብቻ አይደለም፤ እነዚህ የመጨረሻ አማራጮች ናቸው። የመጀመሪያው ዘመናዊ ህክምና አቀራረብ ቅድመ መከላከል ነው። ከእርግዝና በፊት ምርመራ ማድረግ፣ የሚታከሙ ኢንፌክሽኖችን ማከም፣ በእርግዝና ወቅት ተገቢውን ክትትል ማድረግ እና ክትባቶችን ማስከተብ ይገባል።

መከላከል በማይቻልበት ጊዜ ወይም ችግሩ ከተከሰተ በመድሃኒትና በቀዶ ህክምና ማከም ይቻላል። የልጅዎ ራስ ከሰውነቱ አንፃር ካልተመጣጠነ ወይም ከመጠን በላይ ካደገ ወዲያውኑ ወደ ህክምና ተቋም ይውሰዱ። የራስ ዙሪያ መለካት ቀላልና ጠቃሚ የመለያ መንገድ ነው። በተለይ ለክትባት ሲሄዱ የልጁን የራስ ዙሪያ መለኪያ ማወቅና መከታተል ያስፈልጋል።

ማጣቀሻ፦
Jankovic J, Mazziotta JC, Pomeroy SL, Newman NJ, Bradley WG. Bradley and Daroff’s Neurology in Clinical Practice, 8th edition.

11/09/2026

🌻🌻🌻 እንኳን አደረሳችሁ 🌻🌻🌻

እንኳን ለ2019 አዲሱ ዓመት የዘመን መለዎጫ ቀን በሠላም በጤና አደረሳችሁ::

አዲሱ ዓመት የሰላም የፍቅር የመተሳሰብ የአንድነት እና የስኬት ዓመት እንዲሆንል መልካም ምኞታችንን እንገልጻለን🌻🌻🌻🌻

04/09/2026

With Real Homes Ethiopia – I just made it onto their weekly engagement list by being one of their top engagers! 🎉

31/08/2026

የተፈጥሮአዊ ውርጃ 10 ዋና ዋና ምክንያቶች

ውርጃ ማለት ፅንስ 28 ሳምንት ከመሆኑ በፊት በተለያየ ምክንያት መቋረጥ ማለት ነው። በሚገርም ሁኔታ ከ50-70% የሚሆነው እርግዝና እርግዝና መሆናቸው ሳይታወቅ ይቋረጣሉ። ውርጃ በሁለት አይነት መንገድ ይከሰታል። የመጀመሪያው ምንም አይነት የህክምና ጣልቃ ገብነት ሳይኖር በራሱ የሚከሰት(spontaneous Abortion) ሲሆን ሁለተኛው ደግሞ በሴቲቱ ፍላጎት በመድሀኒት/በመሳሪያ የሚደረግ(Induced abortion) ነው።

ብዙ የተጠበቀው እርግዝና በራሱ ሲቋረጥ በተለይም ተደጋጋሚ ሲሆን ጥንዶችን ጭንቀት ውስጥ ይከታል።
80% የሚሆነው በተፈጥሮአዊ መንገድ የሚከሰት (spontaneuos abortion) ከ12 ሳምንት በፊት ወይም ከ3 ወር በፊት የሚከሰት ነው። ውርጃ እጅግ በርካታ ምክንያቶች ቢኖሩትም ዋና ዋናዎቹ የሚከተሉት ናቸው።

1. የዘረ መል ችግር (chromosomal abnormality)
የትኛውም ፅንስ ሲፈጠር ከሴት 23 ከወንድ 23 በመውረስ 46 chromosome ይዞ ይፈጠራል። ነገር ግን አንዳንድ ጊዜ ይህ ሂደት ሊበላሽ ወይም ሊዛባ ይችላል። አንዳንዱ 45, አንዳንዱ 47 አልፎ አልፎ ደግሞ 69 ክሮሞዞም ይዞ ይፈጠራል። ይህም ፅንሱ እድገት እንዳይኖረው እና በውርጃ መልክ እንዲወጣ አስተዋፅኦ ያደርጋል። Down syndrome, edward syndrome, patau syndrome የተባሉ የክሮሞዞም ችግሮች ለዚህ ተጠቃሽ ምሳሌ ናቸው።

2.የስኳርና የታይሮይድ ችግር
የስኳር ህመም በፅንስ እድገት ላይ ከፍተኛ ተፅእኖ ያደርጋል።
በተለይም የስኳር መጠናቸውን ባልተቆጣጠሩ ሴቶች ላይ ተደጋጋሚ ውርጃ እንዲሁም የአፈጣጠር ችግር ሊኖር ይችላል።

3. የማህፀን ግድግዳ እርስ በርስ መጣበቅ (Asherman syndrome)
የማህፀን ግድግዳ በኢንፌክሽን ፣ በተደጋጋሚ ውርጃ (induced aborttion)፣ በሰርጀሪ እንዲሁም በተፈጥሮአዊ መንገድ ሲጣበቅ የተፈጠረው ፅንስ ማህፀን ውስጥ እንዳይጣበቅና እንዳያድግ ይሆናል።

4.የማህፀን ግድግዳ አፈጣጠር ችግር (Uterine Anomalies)
ብዙ አይነት የማህፀን አፈጣጠር ችግር ያሉ ሲሆን አንዳንዶቹ ሁለት ክፍል ያለው (Septated) ፤ አንዳንዱ ሁለት ራስ (bicornuate) ፤ አንዳንዱ ሁለት የተለያየ ማህፀን (didelphes) ሆነው ሊፈጠሩ ይችላሉ።
አብዛኛውን ጊዜ ከተደጋጋሚ ውርጃ ጋር የሚገናኘው ሁለት የተለያየ ክፍል ያለው የማህፀን ግድግዳ (septated uterus) ነው።

5. ሞኝ የማህፀን ግድግዳ እጢ (leiomyoma)
ይህ እጢ ምንም ምልክት ሳያሳይ ብዙ ሴቶች ላይ የሚገኝ ሲሆን ጥቂት ሴቶች ላይ የመካንነት ወይም ተደጋጋሚ ውርጃ ሊያስከትል ይችላል።

6. ኢንፌክሽን
የባክቴሪያና የቫይረስ ኢንፌክሽኖች እንደ
CMV, TOXOPLASMA, CHLAMYDIA, MYCOPLASMA ለውርጃ ሊዳርጉ ይችላሉ።

7. የደም መርጋት በሽታ (Thrombophilia)
በሰውነት ደም ስር ውስጥ ደም በተለያዪ ምክንያቶች ሊረጋና ደም ስር ሊዘጋ ይችላል። SLE ,APAS እንዲሁም የተለያዩ የዘረ መል አፈጣጠር ችግሮች ደም እንዲረጋና ወደ ፅንሱ የሚወስደውን የደም ስር በመዝጋት እድገት እንዳይኖረውና በውርጃ መልክ እንዲወጣ ሊያደርጉ ይችላሉ።

8. አልኮልና ሲጋራ
አልኮልና ሲጋራ በየትኛውም የእርግዝና ጊዜ መወሰድ የሌለባቸው ሲሆን ከተወሰዱ ግን ውርጃ የመከሰት እድሉን ከፍ ያደርጉታል። ከዚህ ጋር በተያያዘ ከፍተኛ የካፌይን መጠን ያላቸው (እንደ ቡና እና ሻይ) አብዝቶ መጠቀም ውርጃን ሊያስከትሉ ይችላሉ።

9. ጨረርና የኬሞቴራፒ መድሀኒቶች
ጨረርና ኬሞቴራፒ በከፍተኛ ሁኔታ ውርጃ ሊያስከትሉ ይችላሉ። የትኛዋም ነፍሰ ጡር እናት ቀጨረር የመጋለጥ እድሏን መቀነስ አለባት።

10. የማህፀን ጫፍ መድከም (cervical insufficiency)
በተለይም ደግሞ በሁለተኛው የእርግዝና ወቅት (2nd Trimester) የሚኖር የእርግዝና መቋረጥ ምክንያቱ የማህፀን ጫፍ መስነፍ/መድከም ሊሆን ይችላል።

ይህም በሰርጀሪ ፣በወሊድ ጊዜ በሚያጋጥም መተርተር እንዲሁም በተፈጥሮ የማህፀን ጫፍ መድከም ሊያጋጥም ይችላል።

25/08/2026

በእርግዝና ወቅት የሚደረግ የስኳር ቅድመ ምርመራ ለሁሉም እናት (universal screening for Gestational diabetes)

በእርግዝና ወቅት የሚከሰት የስኳር ህመም (Gestational diabetes, GDM) ሲባል በእርግዝና ጊዜ በደም ውስጥ ያለው የስኳር መጠን ከሚገባው በላይ ከፍ ብሎ ሲገኝ የሚከሰት የጤና ችግር ሲሆን ነፍሰ ጡር እናቶችን ከሚያጠቁ የጤና ችግሮች በቀዳሚነት የሚጠቀስ ነው።

ይህ የስኳር አይነት ብዙውን ጊዜ ከወሊድ በኋላ የሚጠፋ ቢሆንም በትክክል ካልታከመ በጽንስና እናት ላይ ጊዜያዊና የረጅም ጊዜ የጤና ችግሮች ሊያስከትል ይችላል።

ይህንን የእርግዝና ጊዜ የጤና ችግር በአስተማማኝ ሁኔታ ለማከምና ለመከላከል የስኳር ቅድመ ምርመራ ለሁሉም እናት (universal screening for GDM) አስፈላጊ ነው። ሁሉም ነፍሰ ጡር እናቶች የስኳር ምርመራ ማድረግ አለባቸው።

የስኳር ቅድመ ምርመራ ለሁሉም እናት ለምን አስፈለገ?

እያንዳንዷ ነፍሰ ጡር እናት የስኳር ምርመራ ማድረግ ይገባታል። የስኳር ህመም ተጋላጭነት ምክንያቶች ቢኖሩም ባይኖሩም የስኳር ምርመራ ማድረግ ለሁሉም እርጉዝ ሴት የሚመከር ነው። ይህ አካሄድ በብዙ አስረጅዎች የሚደገፍ ነው።

የእርግዝና ጊዜ የስኳር ቅድመ ምርመራ መቼ ይሰራል?

የስኳር ቅድመ ምርመራ ለሁሉም ነፍሰ ጡር እናት የሚሰራው በ24 እና 28 ሳምንታት መካከል ባለው አማካኝ የእርግዝና ወራት ነው።
ነገር ግን ከፍተኛ የስኳር ተጋላጭነት ያላቸው ሴቶች (ለምሳሌ ከዚህ በፊት በነበረው እርግዝና ስኳር የታየባቸው፣ ከፍተኛ ውፍረት፣ ወይም ሌላ የሆርሞች መዛባት ችግር) ከ24 ሳምንትም ቀደም ብለው እርግዝና እንደታወቀ ወዲያውኑ ሊመረመሩ ይችላሉ።

የስኳር ቅድመ ምርመራ ለሁሉም እናት እንዴት ይሰራል?

ለእርግዝና ጊዜ የስኳር ቅድመ ምርመራ ለመስራት በጣም የተለመደው የምርመራ ዘዴ የሚበጠበጥ 75 ግራም ግሉኮስ ያለው ጣፋጭ ሽሮፕ በመጠጣት (Oral Glucose Tolerance Test, OGTT) የሚሰራው ነው።

እዚህ ላይ ማስተዋል ያለብን ጉዳይ ቢኖር ለዚህ የስኳር ምርመራ (OGTT) የደም ናሙናው መወሰድ ያለበት ከደም ሥር በሚቀዳ ደም እንጂ ከጣት ላይ ከሚወሰድ ናሙና አይደለም። ክንድ ላይ ካለው የደም ስር የሚወሰደው የደም ናሙና በትክክለኛነቱና አስተማማኝነቱ ተመራጭ ነው። በሁሉም የጂዲኤም ህክምና መመሪያዎች እንደተገለፀው የእርግዝና ጊዜ ስኳር ህመም ለማወቅ (diagnostic purpose) የምንጠቀምበት መስፈርት በደም ፕላዝማ ውስጥ ባለው የግሉኮስ መጠን ላይ የተመሰረተ ነው።

የጂዲኤም ምርመራን ለሁሉም እናቶች ለማዳረስ የሚረዱ ምክሮች

የጂዲኤም ምርመራን ለሁሉም እናቶች ማሰራት የተረጋገጡ የጤና ጥቅሞች ቢኖረውም በኢትዮጵያ በስፋት እየተተገበረ አይደለም። ስለሆነም ሁሉም ኢትዮጵያዊ ነፍሰ ጡር ሴት ለጂዲኤም ምርመራ ማድረግ እንድትችል ከቤተሰብ፣ ከጤና ባለሙያዎች እና ከጤና መሪዎች የተቀናጀ ጥረት አስፈላጊ ነው።

21/08/2026

የአስም ታማሚ ነዎት ወይስ ቤተሰብዎ ውስጥ አስም ያለበት ሰው አለ? እንግዲያውስ በአለም አቀፍ ደረጃ (GINA 2025) እና በአለም ጤና ድርጅት (WHO) መመሪያ መሠረት የአስም ህክምና ላይ ትልቅ ለውጥ ተደርጓል።
❌ ሳልቡታሞል (ሰማያዊው ኢንሄለር) ብቻውን መውሰድ ለምን ይብቃ ተባለ?
እስካሁን ድረስ አስም ሲነሳብን የምንወስደው ሰማያዊው ሳልቡታሞል (Salbutamol/Ventolin) ሳምባን በቅፅበት ቢያሰፋም፣ ዋነኛውን የአስም መንስኤ—ማለትም የሳምባ መቆጣትና ማበጥን—አያክምም። እንዲያውም ሳልቡታሞልን ብቻውን በተደጋጋሚ መጠቀም አስም በብዛት እንዲቀሰቀስና ለከፋ አደጋ እንደሚያጋልጥ በጥናት ተረጋግጧል።
💥 አዲሱ ፍቱን መፍትሔ፡ ቡደሶናይድ/ፎርሞቴሮል (Budesonide/Formoterol)
አሁን በአዲሱ መመሪያ መሠረት፣ አስሙ ቀላልም ይሁን የጠና፣ ዋነኛው ህክምና Budesonide/Formoterol የተባለው ጥምር መድኃኒት ነው። ይህ መድኃኒት ሁለት ስራዎችን በአንድ ላይ ይሰራል፡
ፎርሞቴሮል (Formoterol): ልክ እንደ ሳልቡታሞል በ1 ደቂቃ ውስጥ ሳምባን በፍጥነት ይከፍታል።
ቡደሶናይድ (Budesonide): የሳምባን መቆጣትና ማበጥ ያክማል።
💡 መድኃኒቱ እንዴት ጥቅም ላይ ይውላል?
1. ለቀላል አስም (ደረጃ 1-2)፦ አስም ሲነሳብዎት ብቻ ይህንን መድኃኒት 1 ፑፍ (Puff) ይወስዳሉ። ሌላ ማስታገሻ መያዝ አያስፈልግዎትም።
2. ለጠና አስም (ደረጃ 3-5)፦ በየቀኑ ጠዋትና ማታ ለመከላከያነት ይወስዱታል፤ በተጨማሪም አስም ሲነሳብዎት በዚያው መድኃኒት ያስታግሳሉ። (አንድ ኢንሄለር ለሁለቱም ስራ!)
🔓 / 🔑 ይህ ህክምና ለምን ተመረጠ?
1. ከፍተኛ ደህንነት፡ ድንገተኛ የፅኑ ህክምና ፍላጎትን እና ለህልፈት መዳረግን እስከ 64% ይቀንሳል።
2. ተስማሚ ነው፡ ታካሚው ከአንድ በላይ ኢንሄለር መግዛትና መያዝ ስለማይጠበቅበት ወጪንና መደባለቅን ይከላከላል።
3. ለእርጉዝ ሴቶችና ህፃናት፡ ከፍተኛ የደህንነት መረጃ ያለውና በእርግዝና ወቅትም አስምን ለመቆጣጠር በዋናነት የሚመረጥ መድኃኒት ነው።
⚠️ ማሳሰቢያ፦ የአስም ህክምናዎን ከመቀየርዎ ወይም ማንኛውንም መድኃኒት ከመውሰድዎ በፊት ሁልጊዜ ወደ ህክምና ተቋም በመሄድ ሐኪምዎን ያማክሩ!

21/08/2026

።። ?? የቀጣሪው ግዴታዎች ምንድናቸው??? ጠቃሚ መረጃን ይዟል። ይህን ፔጅ ለብዙሀኑ እንዲደርስ share በማድረግ ያጋሩ መልካምነት ለራስ ነው አንድ ቀን መልሶ ይከፍሎታል🙏🙏🙏🙏🙏🙏🙏🙏🙏🙏🙏🙏🙏🙏
የግል ድርጅት ሠራተኞች የጡረታ መብትና አፈጻጸም መመሪያ
መግቢያ
በኢትዮጵያ የግል ድርጅት ሠራተኞች የጡረታ አዋጅ ቁጥር 1268/2014 መሠረት፣ ማንኛውም የግል ድርጅት ሠራተኛ የወደፊት ሕይወቱን ዋስትና እንዲያገኝ ተደንግጓል። በእርጅና፣ በጤና ጉድለት ወይም በሞት ምክንያት የሚገጥማቸውን የገቢ መቋረጥ ስጋት ለመከላከል አስተዋጽኦ አለው። ይህ መመሪያ የጡረታ መብትዎን እንዴት ማስከበር እንደሚችሉ እና ግዴታዎችዎን በቀላል ቋንቋ ያስረዳል።
ምዕራፍ ፪፦ የጡረታ መዋጮ እና ምዝገባ
፪.፩ የምዝገባ ግዴታ ማንኛውም የግል ድርጅት ሠራተኛ ስራ በጀመረ በ60 ቀናት ውስጥ በጡረታ ፈንድ መመዝገብ እንዲሁም ለውጥ ካለም ማሳወቅ አለበት።
፪.፪ የመዋጮ መጠን
ከሠራተኛው ደመወዝ፦ 7% (ሰባት በመቶ)
ከአሠሪው (ድርጅቱ)፦ 11% (አስራ አንድ በመቶ)
ድምር፦ 18% በየወሩ ለጡረታ ፈንድ ገቢ መደረግ አለበት።
ምዕራፍ ፫፦ የጡረታ አበል መብት መስፈርቶች
አንድ ሠራተኛ የዕድሜ ጡረታ አበል ለማግኘት የሚከተሉትን ማሟላት አለበት፦
ዕድሜ፦ 60 ዓመት የሞላው።
የአገልግሎት ዘመን፦ ቢያንስ 10 ዓመት ያገለገለ እና መዋጮ የከፈለ። ማሳሰቢያ፦ ከአስር ዓመት በታች ያገለገለ ሠራተኛ አበል ሳይሆን የአንድ ጊዜ ስንብት ክፍያ (Gratuity) ብቻ ነው የሚያገኘው።
ምዕራፍ ፬፦ የጡረታ አበል አሰላሰል (Formula)
የጡረታ አበል የሚሰላው ሠራተኛው ጡረታ ከመውጣቱ በፊት በነበሩት የመጨረሻዎቹ ሦስት ዓመታት አማካይ ደመወዝ ላይ ተመስርቶ ነው።
ለመጀመሪያዎቹ 10 ዓመታት፦ የአማካይ ደመወዙ 30%።
ከ10 ዓመት በላይ ላለው ለእያንዳንዱ ዓመት፦ ተጨማሪ 1.25% ይታሰባል።
ለማንኛውም 10 ዓመታት ላገለገለ የግል ድርጅት ሠራተኛ የሚከፈለው የአገልግሎት ጡረታ አበል መጨረሻ ባገለገለባቸው ሦስት ዓመታት ውስጥ ይከፈለው የነበረው አማካይ ደመወዝ 30 በመቶ ኾኖ ከ10 ዓመታት በላይ ለፈጸመው ለእያንዳንዱ ተጨማሪ ዓመት አገልግሎት በ1 ነጥብ 25 በመቶ ተጨምሮ ይታሰባል፡፡
ምሳሌ፦ አንድ ሠራተኛ ለ20 ዓመታት አገልግሎ አማካይ ደመወዙ 10,000 ብር ቢሆን፦
ለ10 ዓመቱ = 3,000 ብር (30%)
ለተጨማሪው 10 ዓመት (10 x 1.25%) = 12.5% (1,250 ብር)
ጠቅላላ ወርሃዊ ጡረታ፦ 4,250 ብር ይሆናል።
ምዕራፍ ፭፦ የጉዳት እና የተተኪዎች የጡረታ መብት
የጉዳት ጡረታ፦ በሥራ ላይ በሚደርስ አደጋ ምክንያት መሥራት ለማይችል ሠራተኛ የሚሰጥ።
የተተኪዎች መብት፦ ሠራተኛው ቢሞት ለትዳር ጓደኛ (50%)፣ ለልጆች (20% ለእያንዳንዱ) የጡረታ ክፍያ ይተላለፋል።
ማንኛውም የግል ድርጅት ሠራተኛ የተወሰነለትን የጡረታ አበል በወቅቱ መውሰድ አለበት። የውዝፍ ጡረታ አበል ክፍያ ጥያቄ ከአምስት ዓመታት በኋላ በይርጋ ይታገዳል፡፡
በማንኛውም ፌደራል ፍርድ ቤቶች
ጠበቃ እና የህግ አማካሪ
0943192020

ተጨማሪ መረጃ ለማግኘት
ቴሌግራም የቀላቀሉ
👇👇
https://t.me/courtsss/556

21/08/2026

Want to lower your blood pressure
• DASH Diet {(Dietary Approaches to Stop Hypertension) .. low Na high K)} 🥗
• Cut sodium 🧂
• More potassium 🍌
• Lose weight 🏃‍♀️
• Exercise daily 💪
• Less alcohol 🍷

Amen home health care Services

27/09/2026

11/09/2026

04/09/2026

31/08/2026

25/08/2026

21/08/2026

21/08/2026

21/08/2026

Address

Telephone

Website

Alerts

Contact The Business

Shortcuts

Share

Category

Listing takedown request