29/01/2025
ካብ ሕሳብ ባንኮም ካብ ፍቓድ ብዓል ዋና ሒሳብ ባንኪ ወፃኢ ካብን ናብን ገንዘብ ከመሓላልፍ ዝኽእል ብዓይነቱ ዝተፈለየን ሓደገኛን መተግበሪ
'Pharma+/CBE Vacancy' ተኣታትዩ ስለዘሎ ጉቡእ ጥንቃቐ ንኽግበር ፃውዒት ቀሪቡ ።
ብዓይነቱ ዝተፈለየን ሓደገኛን መተግበሪ ካብ ሕሳብ ባንኮም ብዘይ ፍቓድ ብዓል ዋና ካብን ናብን ገንዘብ ከመሓላልፍ መተግበሪ (App) ኣብ ማሕበራዊ ሚድያ ምስ ዝረኽቡ ከየውርድዎን ከይፅዕንዎን ክብል ባንኪ ንግዲ ኢትዮጵያ ኣፍሊጡ።
ሓደገኛን መተግበሪ (App)
'Pharma+/CBE Vacancy' ዘስመየ መተግበሪ (App) ንጉሕለትን ምድንጋርን ዝተምሃዘ ሓደገኛ መተግበሪ ከምዝኾነ ዝሓበረ እቲ ባንኪ ብማሕበራዊ ሚድያታት ቴሌግራምን ዋትስአፕን ናብ ዓማዊሉ ይባፃሕ ብምህላው ተጠቀምቲ ተቐዳዲሞም ከየውርድዎን ከይፅዕንዎን ባንኪ ንግዲ ኢትዮጵያ ምዒዱ።
ንዚ ንምድንጋርን ንጉሕለትን ዝተሃንፀ መተግበሪ ሓንሳብ ኣብ ተንቀሳቓሳይ ስማርት ቴለፎን እንተተፃዒኑ ካብ ሕሳብ ባንኮም ብዘይ ፍቓድ ብዓል ዋና ካብን ናብን ገንዘብ ከመሓላልፍ ስለዝኽእል ብኣግኡ ምጥንቃቕ ከምዝግባእ ሓቢሩ'ሎ።
እዚ ሓድሽ ዝተኣታተወ ሓድሽን ብዓይነቱን ዝተፈለየ መደናገርን ንጉሕለት ዝተምሃዘ መተግበሪ ብዘካየድክዎ መፅናዕቲ ሓደገኛ ምዃኑ ኣረጋጊፀ'ለኹ ዝበለ እቲ ባንኪ
Pharma+/CBE Vacancy' ዘስመየ መተግበሪ (App) ብቴለግራም ይኹን ወትስኣፕ እንተኣትዩ ንምውራዱ ይኹን ንምፅዓኑ ከይትሓስብዎን ከይትውዕልዎን ክብል ባንኪ ንግዲ ኢትዮጵያ ኣጠንቂቑ።
Goyteom Gebreegziabher
