03/10/2025
Miilaan deemee gaara bahee bu'ee, Laga bu'ee bahee fageenyaaf dhiheenya deemuun hambaalee seenaa tan dagatamte hedduu miidiyatti baasee mullisuu irratti cichoominaan hojjachaa kan ture, obboleeysi keenya qaxaleen MUE MAX Guyyaa arraa sagantaa wal dorgommii Turizimii Oromiyaa gubbatti dhihaatee injifachuun badhaafameeti jira!
Doorsisaa diinaatiin abdii kutatee osoo duubatti hin hafin, Faaruu firaatiiniis dagamee osoo hin rafin halkaniif guyyaa hojjatee, doorsisa hedduu keeysa bahee tarkaanfatee as geyuu isaatti ani obboleeysi isaa hedduun gammade, baga gammaddees jachuuniin barbaada!
Mucaan kuni nama jabaa nuti jabeeyfachuu qabnuudha!
Kaayoof akeekni isaa hangamii hangam fagoo akka tahe wajjiin haasaween beekha.
Nama kutataaf murataa akkanaa dhabuu miidhaa isiin namarraan geeysu gaafa nama akkanaa kana dhaban malee laayyootti hubachuun ni jabaata.
Mue jachuun: Mucaa magaalatti dhalatee guddatee baadiyyaa mullisuuf jacha aadaaf duudhaa, uffannaaf tolfannaa magaalaan ittiin beekkamtu lagateedha!
Dargaggeeysa oromiyaan ala ykn Ethiopian alatti dhalatee guddatee roorroo fii hacuuccaan alagaa qoraaftee qartee if barsiiftee seenaaf duudhaa hawaasa isaa barbaadee qoratee mullisuu irratti bobbaafteedha!
Dargaggeeysi oromiyyaa keeysatti dhalatee kamuu oromoof oromiyaan maal akka tahan isa caalaa ni beekan ja'ee hin yaadu.
Mucaa umrii isaatii fii hujiin isaa wal hin fakkaanne mucaa kanaan arke.
Dargaggeeysa bara kana keeysa jiraachaa dardaroota bara durii wajji bifaaf uffataan wal fakkaatee jiraachaa jiruudha .
Yaroo hedduu isaa marxoo akka dardara gammoojjiitti hidhatee, rifeensa isaa filatee filaa handaaraa itti suuqqatee, billawa isaa deeyla galfatee, Raadoona fannifatee warra baadiyyaa kan dur san fakkaatee magaalaa keeysa deemu agarta!
Namoonni hedduun bifaaf uffata isaa ilaalanii badawa yoo sehaniis inni badawa osoo hin taane qoricha badawaa tahee argameeti badhaafame!
Bifaaf uffata isaa ilaalanii namoonni hedduun maaf if dhooysee akkatti deema? Ja'anii osoo i
