17/09/2024
Xummaanchi polotiqqi see'l kobi'l ihakko'i Pro. Bayyana Peexiroos Usheexxakko'ookko.
Profooseer Ama'nakkam baxo baximmiinse las ihakkam bee'i murte'aalla polotiqqii losishshi bax qoccamaa la'ooyyo
Losa'n mine ihakkamaa Kobi'l losisaancho polotiqqi beyyonnem mishaam ihimminne lobakat hiinchchuwwina taakke'akko'ookko.
Polotikii losa'n baxii hamaaramoo'n 30 hiinchiinse hoffe'oobee'i hiinchchuwwina Hoffi qedduwwina bagado kiishshi losan ihaakko tophphe'enne sawwixxi kaachchanne amma'nimminne illagfir polotiqqi mixxeechchi hee'akko'o.
Lobakat losaan la'ookkok qoxxaalli losisaanchoo saarayyi baxina bakkiiso "Introductory to basic biology" yoo kitaabinnetti ihaa lobakat losaanom mishaam issakko'ookko.
Profoseer Bayyan 1942 H.D Eelliinchi fir baadawwaachchi woradanne Ambuurse'enne qaramakko'an ihaa luxxi gaba'l losano Shone'i luxxi gaba'l losa'n minennee Kuyya'l la'm gaba'l losa'n minennee eehidem Adaammanne Atse Galadiwoos la'm gaba'l losa'n minenne losakko'ookko.
Luxxi digire'e Addis Abaphphi yuniversiite'iinse Ba'iloje'inne maasse'amakko'ookko.Adaamanne Atse galadiwoos losa'n minenne Dr Akiliilu Lamma'i baxo kobi'l issimmi kaba afakko'i beyyinam araq hara'mato issaakko.
Yuniverste'oomannem shiqqeen misha doonsiisimminne Addis Abaphphi Yuniversite'enne Losisaanchi ihimminne baxakko'ookko.
Yuniverste'oomim biirii waarookki losisaa'n qedda tirimmina bii'l uulla asse'imminne la'm digire'ee saxxi digire'ee Ameerikaa'n Uullanne siidamo Tulaan Yuniversiite'enne guullakko'ookko
Losano guullakko'isam 1970 Uulla daba'limminne Addis Abaphphi yuniversiite'enne losisimma asheerakko'ookko.
1978-1982 H.D afeebe'ina ba'iloje'i losa'n baxxanchi awwonsaanchi ihimminne awwonsakko'ookko.
Weeraro jabbuwwanne lobakat saarayyuwwa mullamii beshshuwwinne ihimminne baxakko'i profooseer Bayyan annannannem Kachchisanne, Eediisannee Qadafa'l jabbuwwanne ...mk haraar saarayya baxakko'ookko.
Wo'm ihubee'i saarayyi beyyuwwanne Eediis mulli jabbuwwinne yookki edanchaa uulli woxabac hegeegonne hee'ookk
